رشيد ولد المومن
25-07-2009, 08:12 AM
قلبي أنا، رْفيقْ رْضِيتو مْقَوَّدْني
عُمْرو لا جَاني بْغَالَطْ لخْبـــــــار
عْليك و صِّيتو قْسمْ وَوْ عَدْني
لا يغْفل عنّك يوم حارس لسْحـار
يوم ما حبَّك ،مجنونة ردْنــِـــي
لا ينْطْبَق شْفَر وَ لا تْغيس لشْفَار
طوّعني ليك و بحْبال شدْنـــي
بْحُكْمَك راضية ما طالت لعْمـــار
و جا اليوم لِيَّا ناصَح يْودْنــي
قال المومن مُصاب يْسلَّم بَلَّقدار
على كتفي يربَّت و يمدّنــــي
جرعة ما.. قال طفِّي حْريق النّار
قلتلو أذهب يا قلب و لا تْعدْني
من الشكَّاكين ،بعض الضن عار
أصمُت لا تزيد تسمَّع و ذْنـــي
وْساوَس وفتْنة لاتضرب عَلَّوْتار
هذا حبيبي لا شي عليه يْصُدني
من وقتاش ولِّيت تكذب يا ستار
و جا اليوم لي شفت آه يا جني
غْشاتني الدوخة دوّامة و اعصار
زلزال مدوّي ريَّبْني و هدْني
حْبيبي ليه خليل و غيري اختار
في فراش من حسرة قعَّدْني
لا قْدَرت ننْسى يا شافي لضْرار
تمنيت لو من صغري وئدني
وئد لبنات أَيَا بابــا وهُمَا كْبَـــار
عُمْرو لا جَاني بْغَالَطْ لخْبـــــــار
عْليك و صِّيتو قْسمْ وَوْ عَدْني
لا يغْفل عنّك يوم حارس لسْحـار
يوم ما حبَّك ،مجنونة ردْنــِـــي
لا ينْطْبَق شْفَر وَ لا تْغيس لشْفَار
طوّعني ليك و بحْبال شدْنـــي
بْحُكْمَك راضية ما طالت لعْمـــار
و جا اليوم لِيَّا ناصَح يْودْنــي
قال المومن مُصاب يْسلَّم بَلَّقدار
على كتفي يربَّت و يمدّنــــي
جرعة ما.. قال طفِّي حْريق النّار
قلتلو أذهب يا قلب و لا تْعدْني
من الشكَّاكين ،بعض الضن عار
أصمُت لا تزيد تسمَّع و ذْنـــي
وْساوَس وفتْنة لاتضرب عَلَّوْتار
هذا حبيبي لا شي عليه يْصُدني
من وقتاش ولِّيت تكذب يا ستار
و جا اليوم لي شفت آه يا جني
غْشاتني الدوخة دوّامة و اعصار
زلزال مدوّي ريَّبْني و هدْني
حْبيبي ليه خليل و غيري اختار
في فراش من حسرة قعَّدْني
لا قْدَرت ننْسى يا شافي لضْرار
تمنيت لو من صغري وئدني
وئد لبنات أَيَا بابــا وهُمَا كْبَـــار