ريانة العود
18-11-2009, 10:09 PM
هذي بلاد العز.. الخضرة
بلاد النيف والنخوة والرجال
حلفت باش تكون حرة
ضحات بروح ودم البطال
واليوم راهي فرحانة و طايرة
رايحة لجنوب إفريقيا للمونديال
داروها السبوعا.. محاربو الصحرا
ولاد بلادي... الفحولة الرجال
وعدونا بالفوز هذ المرة
وباش يخلفو الوعد موحال
هداونا فرحة الفوز فالكرة
فرحة كبيرة ماتتشرى بالمال
بعدما انجرحنا بخاوتنا فالقاهرة
ضرونا وسيلو دم الرجال
بكلام رخيس.. بالسب.. بالحجرة
وحنا صامدين كي الجبال
كواو قلوبنا قداوها جمرة
مسو عرضنا وخلاوه حلال
وقلنا الرد ماشي بالهدرة
الرد يجيكم بفنيات الأشبال
زياني وصايفي ومطمور وبوقرة
وصحابهم الشجعان والشيخ سعدان
هذو ولاد بلادي الحرة..
البيضة والخضرة نجمة وهلال
حلفنا بالله نخلوهالكم عبرة
تتفكروها منا ذا شحال
ياللي ماتعرفناش لكلامي اقرا
اسمعو بوذانك وغربلو فالغربال
يخرج قاع... ماتبقى ذرة
تكتب بيدي ودمعي سيال
دموع الفرح.. وعلى وجهي ظاهرة
ضحكة عريضة تعزف موال
أنا راضية بنت الارض الطاهرة
الشاوية العربية مهما مايقال
نبقى جزايرية وبيها مفتاخرة
مع خاوتي نسا ورجال...
تـــــــــــــــــــــحيا الجـــــــــــــزائر
بلاد النيف والنخوة والرجال
حلفت باش تكون حرة
ضحات بروح ودم البطال
واليوم راهي فرحانة و طايرة
رايحة لجنوب إفريقيا للمونديال
داروها السبوعا.. محاربو الصحرا
ولاد بلادي... الفحولة الرجال
وعدونا بالفوز هذ المرة
وباش يخلفو الوعد موحال
هداونا فرحة الفوز فالكرة
فرحة كبيرة ماتتشرى بالمال
بعدما انجرحنا بخاوتنا فالقاهرة
ضرونا وسيلو دم الرجال
بكلام رخيس.. بالسب.. بالحجرة
وحنا صامدين كي الجبال
كواو قلوبنا قداوها جمرة
مسو عرضنا وخلاوه حلال
وقلنا الرد ماشي بالهدرة
الرد يجيكم بفنيات الأشبال
زياني وصايفي ومطمور وبوقرة
وصحابهم الشجعان والشيخ سعدان
هذو ولاد بلادي الحرة..
البيضة والخضرة نجمة وهلال
حلفنا بالله نخلوهالكم عبرة
تتفكروها منا ذا شحال
ياللي ماتعرفناش لكلامي اقرا
اسمعو بوذانك وغربلو فالغربال
يخرج قاع... ماتبقى ذرة
تكتب بيدي ودمعي سيال
دموع الفرح.. وعلى وجهي ظاهرة
ضحكة عريضة تعزف موال
أنا راضية بنت الارض الطاهرة
الشاوية العربية مهما مايقال
نبقى جزايرية وبيها مفتاخرة
مع خاوتي نسا ورجال...
تـــــــــــــــــــــحيا الجـــــــــــــزائر