الفريق الوطني ما يروحش بعيد بهاذو اللاعبين يا سي سعدان

[printemp]

قبل قليل انتهت مقابلة وفاق سطيف مع الترجي التونسي في إطار
نهائي كأس اتحاد شمال إفريقيا بنتيجة متعادلة 1-1 بأرض
سطيف وأمام جمهوره وتعثر كبير وخيبة كبيرة وأكيد الكأس
راحت باللعب الزين اللي شفناه.
اللعب المحلي تاعنا و الخسارة رانا والفناها لكن الملفت للإنتباه هو أن
فريق سطيف كان يضم 4 لاعبين يلعبو في الفريق الوطني والأنظار
كلها كانت عليهم لأنهم رايحين لكأس إفريقيا و رايحين لكأس العالم
يلعبو ضد إنجلترا وهم الحارس شاوشي، لموشية، رحو و العيفاوي
شاوشي و لموشية مكانهم في فريق أوروبي كبير خسارة كبيرة أنهما
يلعبان في الجزائر في بطولة تكسرلهم رجليهم، لازم يروحو
لموشية يحب يلعب لعب جماعي و عندو حرقة الفوز و الإحترافية
و شاوشي أيضا اتعلم الإحترافية ويحب يفوز.
لكن الباقي راني حاير كيفاش سعدان يستدعي رحو و العيفاوي؟؟؟؟؟
Vraiment Catastrophe
ماكان والو في زوج، العيفاوي ارتكب أخطاء الله لا يشوفنا و رحو
مازالو لازم يتعلم كيفاش يمرر الكرة قبل ما يلعب.
لو يبقاو هذان اللاعبان الفريق الوطني راح يدير التبهديل
يا الله يا سعدان واش راك تستنى في استدعاء اسماعيل بوزيد
من اسكتلندا
ملاحظة أخرى بخصوص فريق سطيف اللي شاف مقابلة اليوم
و يشوف كيفاش يلعب جديات و حاج عيسى و الجماعة اللي مانعرفوهومش
و الله ما يزيد يتفرج البالو.
ما كنتش علابالي باللي سطيف ماكان ماكان لهذه الدرجة.
اللعب سينيما.

[miroulove66]

ههههههههههههههههههههههههههههههه

تقدر تقول ماعندناش بطولة

بكل تواضع

و نزيد نقلك حاجة

و الله و جيت بلاصة سعدان

و الله واحد وايروح المونديال من غير هاذوا الثلاثة

لموشية ، قاواوي ، شاوشي

و ف ق ط

[ربيع الجزائر]

اضن ان اضعف بطولة وطنية هي البطولة الجزائرية وعندما نسمع لاعب بيع بي2 مليار نضن نفسنا اننا في اوروبا الله يلطف

[printemp]

عندو الحق الشيخ كي راه يجري على مهدي لحسن، عندو بعد النظر
كاين فرق كبير بين المنتوج المحلي اللي يحمل علامة
MADE IN ALGERIE و المنتوج الآخر اللي
يحمل علامة CE، المحليين و الله حاجة ما تسعى.
خلاص رحو، العيفاوي، بابوش، زاوي...و ما علاباليش شكون
خذاو حقهم بالدينار و بالأورو و تأهلنا Malgrés ما لعبوش
الآن سعدان لازم يعرف باللي رايحين نلعبو مع منتخب إسمه انجلترا
و العالم يتفرج فينا الحمد الله اللي ما شافوش رحو و العيفاوي اليوم
Sinon
يديورنا سينيما
ههههههههههه

[belkacem24]

في نقد بناء فيه تحسن في لعب الوفاق بالمقارنة بالمقابلات السابقة
بالرغم انو فيه اخطأ صريحة واضحة وخاصة الدفاع ثقيل و يرتكب
عدة أخطأ مع ان الهدف التعادل يتحمله الدفاع مائة بالمائة لا جدال فيه
و لدا أرى ان المدرب عليه العمل لتحسين اداء وعدم الاعتماد على
بعض اللاعبين دون الروح الجماعية للفريق ولاحظت بعض الأخطاء
لا يتم ذكرها الان لكي لا يقال لي انني ضد لاعب في وفاق سطيف

[victor720]

انا حاب نفهم حاجة وحدة برك :

علاه نحن الجزائريين نحبو نتفسلفو بزااااااااااااااااااااااااف
انت درك تقولي رحووو والعفاوي ومنعرف ........يا خويا خلاص ارواح نحيو رحو ونجيبوك انت ولالالا نحيو سعدان ونعيطولك الـنـوم

[printemp]

انا حاب نفهم حاجة وحدة برك :

علاه نحن الجزائريين نحبو نتفسلفو بزااااااااااااااااااااااااف
انت درك تقولي رحووو والعفاوي ومنعرف ........يا خويا خلاص ارواح نحيو رحو ونجيبوك انت ولالالا نحيو سعدان ونعيطولك الـنـوم
اسمحلنا لا ما خليناكش ترقد يا Jeune

[souileh94]

هذي هي بطولة الطاطون

[victor720]

انا علابالي لاكوب دافريك تع الجزائر + ولاكوب دي موند نروحو للبعيد ممكن نصف نهائي اقل شي

[ismaildona]

ههههههههههه

[zineb o]

اظن ان كل ماتقوله سعدان على العلم به لكن لا تنسى ان هناك عامل اخر لنجاح الفريق وهو التاقلم يعني ماشي في كل مبارات انجيبو لاعب جديد خاصة وانا بطولة افريقيا على الابواب اما عن حاج عيس فهو لاعب جيد عندما يدخل في 20 او25 دقيقة الاخيرة لا يستطيع ان يكون اساسي ودليل ذلك مبارات مالي عندما دخل في دقائق الاخيرة الشوط الثاني احدث فرص كثيرة للفريق لكن للاسف لم تجسد في اهداف
انا اقترح على سعدان خاصة بعدما استدعي لحسن ان يستدعي بن يمية او زياية فما ينقص الفريق هو هداااااف ليس لدينا هداف حقيقي يسجل من كل الجهات وفي كل الحالات

[badri64fr]

ان شاااء الله يكون فريق الجزائر من احسن المحترفين يا رب و يشرف الكرة العربية في كاس العالم2010

[badri64fr]

ان شاااء الله يكون فريق الجزائر من احسن المحترفين يا رب و يشرف الكرة العربية في كاس العالم2010

[chakir16]

يا خو عندك الحق واش راك تقول ما عندناش شومبيونا أنا واحد من الناس اللي كنت نطلع نزهى معles suporteurs مابقاتش بنةc bon

[***دموع الورد***]

قدر الله وما شاء فعل

لازم نكونو مساندين لللاعبين حتى ولو خسرو

وهذا قول بعض الجزائريين

عند الفوز( واااو يعرفو يلعبو الله يباركـ عليهم هاذو لي جوار ولا خلي) هههههههه

عند الخسارة ( اوووف ياهاذو يعرفو غير يخسرو ما يعرفوش gــــع يلعبو شتاو برك جابوهم)

يعني رانا معاكم رانا معاكم في الفوز و في الخسارة او التعادل صيي نزليوهم نونونونونو
هذا تصرف خطا ومن يساند فاليساند في الفوز والخسارة
تقبل

[anes-m.meghni18]

سعدان يلغالهوم غي باش يحميو بلاصتهوم

[ضد اسرائيل]

هل كنت تحلم بالتاهل للمونديال

هذه التشكيلة الاتي تتحدث عنها هي التي احرزت التاهل و لا نسيت

نروحو بعيد و لا ما نروحوش بزاف خويا تاهلنا للمونديال بعد 24 سنة غياب

للسفينة قبطان واحد اذا زاد العدد غرقت و ما نروحوش بعيد

[miroulove66]

هل كنت تحلم بالتاهل للمونديال

هذه التشكيلة الاتي تتحدث عنها هي التي احرزت التاهل و لا نسيت

نروحو بعيد و لا ما نروحوش بزاف خويا تاهلنا للمونديال بعد 24 سنة غياب

للسفينة قبطان واحد اذا زاد العدد غرقت و ما نروحوش بعيد

اعتقد صادقا ان الناخب الوطني رابح سعدان ادرى منا جميعا بما يحتاجه الفريق

و اللي فيه الخير يجيب ربي

و نحن ما علينا الا المناصرة و المؤازرة

هذا دورنا و فقط

[ضياء الدين ك]

حنا في الجزائر عدنا 35 مليون مدرب الناس كل تعرف للتدريب