حملة ضد سعدان يجب أن نتصدى لها

[kingtou]

حملة ضد سعدان يجب أن نتصدى لها
لقد أعدت لنا البسمة وحتى الضحكة. كنا إذا جاء حديث عن كرة القدم ترانا نصمت فلا يحق لنا أن نتكلم وبطولتنا بهذا المستوى وفريقنا يخسر ذهابا وإيابا. أما الآن فكل المحطات تتحدث عن بطولاتك ويكفينا فخرا أننا الممثل الحيد للعرب. رفعت رأسنا فالله يرفع راسك دنيا وآخرة وأنا معك. استدع من شئت فأنا أساندك وعندي فيك ثقة عمياء حتى لو أخذتنا إلى الجحيم (لا قدر الله). ولو ما نديرو والو ما نحاسبكش وراني معاك زكارة في أصحاب المصالح.
أرجو التفاعل لخدمة بلدنا الحبيبة

[kingtou]

هل من مساند للشيخ؟

[syphax]

هذا الاستطلاع راه زيادة برك ... اختر نعم او نعم !!!icon30icon30icon30

نحن مع سعدان الذي لا أظنه سوف يظلم أحدا ... و تحيا الفريق الوطني

[kingtou]

لقد قصدت أن أضعه هكذا وماشي زيادة راني عارف واش ندير

[nour0726]

رااااااااااااااانااااااااااااااا معااااااااااااااااك يا سعداااااااااااااااان،ظالم و لا مظلوم.


ارجو التفاعل مع الحملة.

[شيشاني]

وين راها الحملة ورانا معاك يا خويا

[kingtou]

في كل مكان ياخويا.

[hichem micho]

الشيخ سعدان انت ادرى بمن يلعب ولا نريد اي شخص ان يفرض رايه عليك

[شيشاني]

والله ما كاين حاجة ا خوي شوي هدرة نتاع صحف وما راناش نسمعو ليهم وهو راه يدير واش حاب والحمد لله وبركونا ما تكبرو في الحاله

[salutmed]

السلام عليكم :
و الله تحتار كي تسمع خبر كيما هكذا ، لياه نهار ألي كان فيه منتخب ما يحمي ما يبرد و كانو عاجزين باه يديرو نتيجة ، و كانو هذو صحاب الفم الكبير ألي ما يسكتو غير واد الحراش كي صب في فمو ، و الله الشيخ سعدان راجل و نص ، لو كان يخرج من الدور الأول < بعيد الشر > غير راني رايح نصفقلو قاوي قاوي ، لأنه هو ألي رجع اللحمة بين الشعب كله ، و دارلنا الشان ، و رجعنا فالمرتبة 26 عالميا ، كاش واحد دارلكم هكذا يا كبار الفام ، الله يهديكم ، و كأنكم غرتو من راجل دار ثورة في 18/11/2009 .

[mouhssin1]

رااااااااااااااانااااااااااااااا معااااااااااااااااك يا سعداااااااااااااااان،ظالم و لا مظلوم.

[karima.t]

نحن مع سعدان الذي لا أظنه سوف يظلم أحدا ... و تحيا الفريق الوطني