مهزلة بكالوريا 2010 في الجزائر

[islamsamir]

السلام عليكم

سلسلة من الإضرابات و المطالب من طرف الأساتذة تخدم مصلحتهم الشخصية قبل كل شئ و يستعملون التلميذ كرهينة لتهديد الوزارة التي هي الأخرى إستغلت التلاميذ كحقل تجارب منذ سنوات لتجرب فيه البرامج الأجنبية عليه لتنال رضى هيئة اليونيسكو التي لن تسكت لحصول سنة بيضاء و سوف يتراجع مستوى التدريس في الجزائر إلى الحضيض ،، المهم هذه الحرب الخاسر الأكبر و الوحيد فيها هو ذلك التلميذ المسكين الذي لم يعد يعرف شيئا في ما يدور حوله فقد أصبح كقطعة الشطرنج يتحرك كيما يريد سيده ،،، كثر الكلام حول بكالوريا 2010 كثيرا حتى أصبحنا لا نعلم الخطأ من الصواب :

1. منهم من يقول انها سوف تكون ساهلة جدا حتى تظهر الوزارة أن برنامجها الذي إتبعته ناجح 100 % أقصد برنامج bem ( الأربعة سنوات في المتوسط ) فنحن اول نسخة منه سوف تجتاز البكالوريا بالإضافة إلى ذلك إسكات الرأي العام و العالم ،فرغم الإضراب و المشاكل إلى ان الوزارة حقق النتائج المطلوبة و تجاوزت كل العقبات

2. يقول ان البكالوريا 2010 صعبة جدا حتى يتم إختبار القدرات الحقيقة لتلاميذ البرنامج الجديد ... و لوم الأساتذة على الإضراب و انهم سبب رسوبهم

3. هناك من يقول هناك دورتين بكالوريا واحدة في جوان و الأخرى في سبتمبر

و الكثير و الكثير ،، حقا انا مللت من هذه الوضعية خاصة انه بقي تقريبا 100 يوم على تاريخ 6 جوان 2010 ،، أصبحت لا أستطيع المراجعة و الدراسة خاصة مع هذا الحال الممل و المشاكل ،، فنحن في مادة التاريخ مازلنا في الدروس الأولى ( عوامل إنهيار الإتحاد السوفياتي ، النظام الدولي الجديد ) ،، اما في مواد أخرى انهينا البرنامج بدون ان نفهم ادنى شيئ ، مثلا أستاذة الرياضيات دائما تتحدث عن المفتش و العقوبات إن لم تكمل البرنامج فسألتها ان تختار بين ان يفهم التلاميذ و لا تكمل البرنامج او ان تكمل البرنامج بدون ان يفهم التلميذ فردت قائلة انه يمكن ان ينظم التلميذ إلى الساعات الإضافية بالمال طبعا ليفهم اكثر !!! و كأنها لا تعلم ان الساعات الإضافية غير قانونية و يعاقب عليها القانون فهل الأستاذ راهو إخلص الضرائب ؟؟ طبعا لا إذن هي غير قانونية ... المهم ممكن تعطونا أفكاركم و أرائكم بكل صراحة حول هذه المأسات التي إشتحتنا و أدخلتنا في دوامة سوداء لا نعرف طريق الخروج منها

أخوكم إســـــــــــــــــــــلام ،

[أم البنين]

دعك من القيل والقال وانتبه لدروسك فكل الوسائل متاحة لو أنك تريد أن تدرس فهذا الوقت الذي ضيعته في تحليل حالة وأزمة مفتعلة مضخمة كان بوسعك أن تستغلّه في إنجاز مواضيع وتمارين في أي مجال يروق لك فالمنتديات كثيرة والحمد لله والمساعدة ليست ما ينقص.

[hakimbac]

دعك من القيل والقال وانتبه لدروسك فكل الوسائل متاحة لو أنك تريد أن تدرس فهذا الوقت الذي ضيعته في تحليل حالة وأزمة مفتعلة مضخمة كان بوسعك أن تستغلّه في إنجاز مواضيع وتمارين في أي مجال يروق لك فالمنتديات كثيرة والحمد لله والمساعدة ليست ما ينقص.

لست على صواب الاخ اسلام معه كل الحق

الله لا يوفقهم ولا يربحهم هؤلاء الاساتذة الماديين همهم الوحيد والاوحد الدينار

شكرا على الموضوع اخي

[islamsamir]

كيما تقول الشروق : رأيكم صواب يحتمل الخطأ و رأينا خطأ يحتمل الصواب

[SALSABILLE]

عليكم بالمقاطعة و دخول الاقسام و تحدي الاساتذة و المطالبة بحقوقكم
عليكم بمراجعة حقوقكم
كنت مثلكم فئران تجارب لكننا الحمد لله تجاوزناها و الحمد لله وحده

[أسامة 355]

لديهم ألف حق الدولة هي التي على خطأ يجب توفير أحسن الظروف لأساتدتنا الكرام
و يجب علينا التحلي بالصبر و ان شاء الله سنؤجر

[asmamaam]

إخواني متكونوش أنانيين تشوفو غير لرواحكم متنسوش حقوق الأساتذة
وحتى الأساتذة متضررين من هاذ الإضراب مش غير حنا
ربي يهدي لكان السبب وخلاص

[naceur99]

بكالوريا الجزائر لم يعرف لها مستوى تماما منذ الاستقلال لو قارنا ببعض الدول العربية فقط لوجدنا انفسنا في المرتبة الاخيرة من حيث المستوى والجزائر فيها مهازل في كل شيء ليس البكالوريا فقط مع خالص التحية لكل المترشحين

[dalila yahya]

سوف اقدم لكم نصيحة الى كل مقبل للباكالوريا 2010 لا الوزارة ولا الاساتدة يهمهم امرنا فمن يريد النجاح عليه من اليوم ان يبدا بالمراجعة والحفظ فيوم الباكالوريا حتى واحد ما يستعرف بنا يعطونا الاسئلة لي عرف عرف والي ما عرفش كلاه كلب و في النهاية يردو المشكل في التلاميد انهم لم يدرسو ولم يراجعو
فعليكم ايها الطلاب وما تستعرفوش حتى بواحد راجعو حفظو رانا فالمنتدى كل واحد فينا الي خصه حاجة نتعاونو حتى انشاء الله ربي يفرج علينا ونخرجو من فم الغول الي راه باغي ياكلنا

[hanaa]

و الله غير هده مهزلة تاع الصح
يا ودي شكون اللي يقدر على الدولة . لا حنا و لا الاساتدة نوكلوا ربي سبحانو عليهم .

[انس ورقلة]

ياااااااااا جماعة الخير خليكم من هذه الهدرة
ديرو الي عليكم ولي جاء من عند ربي مرحبا بيه
ونصيحة لصاحب الموضوع
لا تفكر في هذه الاشياء اعتني بداراستك فقط ولا يهم ماحولك

[islamsamir]

راكم تشوفوا ،، بلاد ميكي ،،،

[ryna]

سوف اقدم لكم نصيحة الى كل مقبل للباكالوريا 2010 لا الوزارة ولا الاساتدة يهمهم امرنا فمن يريد النجاح عليه من اليوم ان يبدا بالمراجعة والحفظ فيوم الباكالوريا حتى واحد ما يستعرف بنا يعطونا الاسئلة لي عرف عرف والي ما عرفش كلاه كلب و في النهاية يردو المشكل في التلاميد انهم لم يدرسو ولم يراجعو
فعليكم ايها الطلاب وما تستعرفوش حتى بواحد راجعو حفظو رانا فالمنتدى كل واحد فينا الي خصه حاجة نتعاونو حتى انشاء الله ربي يفرج علينا ونخرجو من فم الغول الي راه باغي ياكلنا

راني معاكي عندك الحق

[islamsamir]

إخواني متكونوش أنانيين تشوفو غير لرواحكم متنسوش حقوق الأساتذة
وحتى الأساتذة متضررين من هاذ الإضراب مش غير حنا
ربي يهدي لكان السبب وخلاص

الأخت الكريمة ما تخميش بهذا المنظور ،،،
الكناباست و النقابات دائما نقول التلميذ قبل كل شئ و هذا الإضراب في مصلحة التلميذ ؟؟ هل التلميذ تتحقق مصلحته بالإضراب ؟؟ و أصلا ما هي مصالحه ماعدا تلقي الدروس ،، و هل سوف توجد مهنة معلم بدون تلميذ ؟؟ طبعا لا ، كاين ناس جوزوا الباك condédalibre و جابوه نورمال ،، خاصة مع أساتذة أخر الزمان لي ما يستعرفوا بحتى واحد و لي فهم فهم و لي مافهمش الله إسهل حاشة برك لي ما يستهلهاش ،، الأخت الكريمة ديري bien في بالك
إذا زادوا الدراهم للأساتذة ، l'Algerie كامل لازم إزيدولها الدراهم ( الأطباء ، الشرطة ، الجيش ، لي إبيعوا الحليب ، السكر ، الملح ، العساس ، البطال ، الصغير ، الكبير إلخ... ) و هذه باش الشيخ إولي يخلص 8 ملايين في الشهر من المستحيلات السبع ،، لأنه أستاذ الجامعة أولى بها ...
و ديري bien fi balek كاين ناس تخلص مليون و نص في الشهر و تقول الحمد الله و نورمال ، الرزق على ربي ،،
حنا في بلادنا الأستاذ هو ( أرخس ) شخص و مهنة في البلاد ،، حاطينها هي التالية ،، تماك باه تشوفي لازم نعاودوا nsagmou تخمامنا من جديد
انا pour moi كي الأستاذ كي الوزارة ga3 كيف كيف و ما يهمنيش و الله إسهل عليهم ، و ماكله قلبك إسطر عليهم لخطرش هوما في التصحيح تع الباك ما علابالهمش بيك ga3 ، ما يفهمش إدير 0 و بلا ما يقرى كلش ،، إخمم برك وينتا إكمل الـ 300 ورقة و يدي دراهم و لي جابوا جابوا و لي ما جابوش كاين السونطر إدير stage

l'histoire d'algerie صعيبة بزاف و قع واش نعرفوا كلي قرينا zouj سطور من هذه الدنيا برك

إســـــــــلام

[Iva]

هههههههههههههه نتا حبيت تسميها مهزلة ادن هي كدلك لكن عندك فقط

[islamsamir]

علاش نتيا واش تسميها ؟؟؟
هذه في الأفلام و ما شفناهاش ،، تصرى غير في الجزائر
بلاد bizzard

[katrin]

المهم انتم ديرو الي عليكم احفظو وراجعو وماتراعوش الي بجانبكم وبالتوفييق لكل المترشجين

[islamsamir]

إن شاء الله نكونوا من الناجحين

[asmamaam]

راني معاك خويا إسلام بصح كمل قلت نورمالمو التعليم هو أكثر حاجة تهم في البلاد والتعليم أصعب مهنة صافي لازم الأستاذ يلقى الظروف المناسبة باش يعطي أكثر للتلميذ
والأساتذة يطلبوا في حقوقهم لا أكثر ولا أقل
علبالك في هاذ الزمان لميجريش على روحو مكانش ليحوس عليه
أن شاء الله تكون فهمتني
بالتوفيق

[Amina ab]

حسبنا الله و نعم الوكيل وما عسانا نفعل نحن ؟

[islamsamir]

راني معاك خويا إسلام بصح كمل قلت نورمالمو التعليم هو أكثر حاجة تهم في البلاد والتعليم أصعب مهنة صافي لازم الأستاذ يلقى الظروف المناسبة باش يعطي أكثر للتلميذ
والأساتذة يطلبوا في حقوقهم لا أكثر ولا أقل
علبالك في هاذ الزمان لميجريش على روحو مكانش ليحوس عليه
أن شاء الله تكون فهمتني
بالتوفيق

khsara 3lik تع الصح فهمتك وين راكي حابة توصلي لميجريش على روحو مكانش ليحوس عليه ... صح c vrais ، الله غالب hiya jaya comça

[ezzarani]

والله يا اخي اسلام هذي هي الاحوال في الجزائر نحن بدو استاذ علوم مع اني من شعبة علوم وبدون استاذ رياضيات وحتى استاذة الفلسفة في عطلة بسبب الحمل فما هو رايك انا راني بلا عقل si bon خليها لربي مزال الامل ان شاء الله مشكور على الموضوع

[تأمل عقل]

استغلوا الفرصة,فراغك اجعله مرحلة لمراجعة كل ماسبق دراسته,وكن على يقي تام بكالوريا هذا العام مثل بكالوريا العام السابق,النتائج قد ترتفع قليلا ’لكنك وأنت تلميذ ضع القطن في أذنيك,واهتم كيف تنجح بمعدل جيد جدا,وذلك بجعل كل دروس الفصل الأول في متناولك بكل سهولة.
واترك الدولة ومشاكلها,والساتذة وهمومهم,فكل يهتم بمصلحته أولا ,ومصلحة غيره ثانيا,كذلك أنت اهتم بمصلحتك أولا وثانيا و...
وأستاذك مهما كان الأمر لن يتعمد التضحية بك,والكرامة لاتقدر بثمن مادي.
شتان بين من يقول لك من فضلك قم ب...
ومن يقول لك إفعل كذا وإلا...
من تطيع تلقائيا؟ومن إن أطعته في الحين...

[islamsamir]

صح بارك الله فيك الأخ الكريم

[بن صالح]

علمنا سيدنا محمد رسول الله (ص)عندما تنزل بنا المصائب قول حسبنا الله ونعم الوكيل فقط

[الشيخ علي]

السلام عليكم ورحمة الله وبركاته.ابنائي الطلبة المقبلون على البكالوريا اوصيكم بمراجعة دروسكم وحفظها وفهم محتوياتها والاكثار من حل المسائل والتمرينات ونماذج بكالوريات ولايهمكم بعد ذلك اي شيء اخر.فإن كانت البكالوريا سهلة كنتم من الناجحين الاوائل وإن كانت صعبة كنتم ايضا من الناجحين .أرجو الله أن يسدد خطاكم ويكون النجاح والتفوق من نصيبكم.

[hamza-rck]

يا خاوتي حنا نقراو وما نسمعو لحتى واحد