اخر يوم لي في الثانوية هو 18افريل 2010

[mohamed05]

السلام عليكم ورحمة الله تعالى وبركاته
كتبت هذا الموضوع لابين واوضح الاوضاع التي يعيشها طلابنا في ثانويات الجزائر
فمثلا انا لدي صديق (ماشي معاود ويقرا الله يبارك) (حبس من شهرين قالي بلي ماكانش القراية وصح هاذا وين فقت انا كي لقيت روحي وحدي في الكلاصة(تسيير واقتصاد)

من 24 تلميذ ولاو غير1؟؟؟؟
انا راح نهبل
قلت لبابا قالي هيه بطل واقرا في الدار خير واش هاذ التمسخير

[انس ورقلة]

ااااا وي خويا عندك الحق
انا ثاني راني هكا العشيات كل حبستهم مانيش الروح نروح غير الصباح
تجي لعشية والله الاساتذة يتكسلو او تمسخير برك والله كون جاو يحلونا في السوجيات احسن

او هاذي هيا العقلية منا او جاي

[سهام1992]

والله ربي يكون في عونكم
انتم الضحية الاولى
ربي ينجحك الباك وكل الطلاب

[mohamed05]

انا نقعد نورد في الوقت اووووووووو
اليوم الله يبارك قعدت في الدار ياخوتي فهمت المتتاليات الحمد لله (خير مانروح لهيه يقعدوا يسركوا )
الصباح رياضيات
العشية محاسبة
ديما هكذا بربي نشالاه ندي الباك
والحفاظة نوض على ال5 (اقتصاد+علوم ش+قانون+جغرافيا+تاريخ+.....)
ربي يعاوني ويعاونكم خوتي
جماعة التسيير ايا خوتي نديو الباك كيف كيف

[lolwa]

meme ana rani 3la had lhala lwekt li nhab nrouh ani nroh w lwekt li nhab nreyah manrouhch w makayen la hassib wala rakib darbin denya b koutbi jma3et el idara wellah massam3in bwahed bessah nwekel 3lihoum rebi hna nchalah nedou BAC w houma khelihoum yedarbou 3la lkourssi wahed mayerbah fihoum

[dalila yahya]

عندك الصح يا خويا انا في رايي المراجعة في الدار هي الاحسن من الثانوية خصوصا الا كانو الاساتدة ما يراجعوش لتلاميد انا معاود الباك العام المضي وقتنا راح غي في الفراغ ما استافدت والو بصح هدا العام الحمد الله هدا وين راني نحس راه عندي الباك وراني نقرا مين راني قاعدا فالدار ونراجع ونحفظ


الله انجاحنا

[zina_zina32]

السلام عليك يا اخوتي ممكن تقولولي وين راكم واصلين في البرنامج بالمناسبة انا علمية ش ع ت شكرا خاصة ولايات الشماال وهل حددولكم ولا مزال؟
مشكورييييييييييييييييين وجزاكم الله الف خير وادخلكم فسيح جنانه

[mohamed05]

فيما يخص العتبة ستكون يوم 25 من الشهر على حد علمي بالنسبة لجميع الشعب

[hamza-rck]

بارك الله فيك و أقول لك بانه 60 /100 من التلاميذ توقفوا عن الدراسة.....
و ان شاء الله النجاح للجميع

[امينة البسكرية]

ماتراعوش للناس الحابسين لآخر يوم وانتم تقراو
ماتقولوش الاساتذة يتمسخرو عادي ماتعرفوش تهدروا معاهم
ياسيدي اليوم مش حابين نقراو درس خلينا نراجعوا مادة احرى
تقعدوا في الدار خير تضيق روحكم صح تقراو 1و2ولا3 سوايع بصح جامي تكملو
انا من أي على الاقل كملو حتى لشهر ماي وخلاص
مازال افريل ماخلاصش
باتوفيق للجميع يارب

[امينة البسكرية]

بالنسبة للادبيين الادب رانا في المسرح
التاريخ الحركات التحررية الجغرافيا الجزائر
الفلسفة الدرس الاخيروكملنا الرنامج في الفلسفة
الشريعة الميراث
الفرنسية text argumentatif
الانجليزية الوحدة3 كماناها
الرياضيات الدوال التناضرية
وانتم؟؟؟؟؟؟؟؟؟؟؟؟؟؟؟؟؟

[mohamed05]

يااختي الكريمة لاداعي للتهجم على شخصي لانك وبكل بساطة لاتفقهين شيئا في هته الامور لربما سمعت هذا الكلام عند اختك الكبيرة قلت نعم
لكن يجب ان تضعي رجليك في ارض الواقع لانه الواقع شيئ والشيئ الذي تتكلمين عنه انت شيئ اخر
يجب ان نرى هذا الامر من منظور المنطق لان المنطق يقول ان معظم تمارين البكالوريا سوف تاتي من الثلاثي 1 و2
اما الثلاثي الثالث ستاتي حوالي 15/100 من التمارين منه وفقط
اما في مايخص الثلاثي الثالث نحن كطلاب تسيير واقتصاد بقي لنا 2دروس في الشريعة و4في الاجتماعيات ومحسوب منهيه كملنا كلش
لكن بقي شيئ وجب ان اشير اليه الا وهو ضيق الوقت ومدة 46 التي بقيت يجب على الطلبة الاحرار والذين يفهون كلامي دون التسبب في تلطيخ سمعتهم من خلال كلمات بذيئة تخرج من افواههن ان يعو ماذا يفعلون في القسم ((السيرك وفقط)) بصفتي طالبا كنت سركت في بداية العام لكن الان وفي تاريخ 18افريل ايقنت انني لن انجح اذ واصلت على هذا المنوال من جهة ومن جهة اخرى (الحمد لله قمت باعداد برنامج في ذهني يتضمن مايلي
الفترة الصباحية 8---11 رياضيات
الفترة المسائية 2---5 محاسبة
الليل على حساب القوسطو
لكن يااخوتي الكرام هذا البرنامج خاص بي وفقط لاستطيع ان ياتي شخص اخر غيري ويريد تطبيقه لانه على حسب الوقت ....واشياء اخرى لايمكن ايجازها في رد على هته المغبونة التي وصفتني بالحابس الذي لايعي مايقول
الاحظ ومن خلال الردود ان معظم الطلبة الذين قاموا بوضع رد في موضوعي انهم قد قاموا بايقاف الدراسة عند هذا التاريخ
انا مثلا اقسم بالله العلي العظيم انه لايوجد اي طالب في قسمي (مانيش معاود ويقراو معايا غير اللي ماشي معاودين) شعبة التسيير والاقتصاد لانهم وحسبهم الان هم يراجعون ويحفظون


اتمنى من المغفلات اللاتي يزعمن انهن يردن النجاح ولايتوقفن من اهدار الوقت في الثانويات وماصاحبه من.........
ربي يهدينا

[امينة البسكرية]

اذا تقصدني انا اسمح لي على الازعاج حبيت نعطي رايي وزيد
انا المرة الثالثة اللي نعاود فيها الباك مش اول مرة وعندي الخبرة
وهذا الراي تاعي وكل واحد حر في تصرفاتو
واسفة قلقتك
بالتوفيق ليك وللجميع

[mohamed05]

شكرا جزيلا

[هدى16]

الحمد لله حنا رانا نقراو
لقد انهينا برنامج الدروس في الرياضيات،الانجليزية،التاريخ والجغرافيا،علوم اسلامية