يا خاوتي قلبي حبس واش هذا الزهر؟؟؟؟؟؟؟

[سماح كمال]

السلام عليكم
اخواني واش الي صار في الشوط الاول ؟والله غير قلبي قريب حبس ما عرفتش علاش كلما يسددوا ما يماركوش ضيعنا اكثر من 4 اهداف هذا سحور والا واش؟؟
كثروا الدعاء وربي يثبت ولادنا ويرزق شيخنا الحنكه والخطه السديده يا ربي ابعث الفشل في اقدام الامريكان.

[3afaf]

ان شاء الله خير في الشوط الثاني صح تقولشي دربوهم بعين الله يستر

[سماح كمال]

والله يا عفاف غير قريب نولي متاكده بلي ما نماركيوش يا ربي فرج علينا بهدف نكسر به شوكه الامريكان ومعليش ما نتاهلوش

[3afaf]

من فمك لربي ياحنونه نعطيوهم على الاقل واحد بزااااااااااااااااف علينا

[سماح كمال]

امين يا رب راهو بدا الشوط الثاني مارنيش قادرة نتفرج

[salam08]

سلام
وزاد عجبني سعدان راه مكستم تقول العيد clapclapclap يا رب و يكون هذ اليوم عيدا للجزائر و العرب و المسلمين

ما تخافيش سماااح ماشي غير انتي لي حبس قلبك كثري من قول لا اله الا الله ، تنظم ضربات القلب و تعيننا علىالدعاااء
يا رب
لااله الا الله وحده لاشريك له له الملك و له الحمد يحي و يميت و هو حي لا يموت بيده الخيرو هو على كل شيئ قدير
و هو على كل شيئ قدير
و هو على كل شيئ قدير
اااااامين

[3afaf]

يارب انصرنا في الشوط الثاني يارب

[سماح كمال]

لا اله الا الله لااله الا الله لا اله الا الله
وما رميت اذ رميت لكن الله رمى
يا رب اذا كان بهم سحرا فككه يا قادر على كل شيء

[hasnaà22]

يااااااااااااااااااااااااااااااااااااااااااااااااا رب ادا كان سحرا فككه يارب انصرنا اليوم يوم الاربعاء دائما فرحتنا فيه بالتاهل يارب وفقنا للتاهل ولو بهدف ياربي يالربي الكل يدعوك استجب دعاؤنا يارب حققنا لنا ما نطمح اليه اللهم صلي على الحبيب المصطفى والله اكبر ولا اله الا الله

[lilyarose]

يااااااااااااااااا رب فك عقدتهم ياااااااااااا رب

[سماح كمال]

دخل غزال خلاص الماتش لصالح امريكا

[سماح كمال]

واش بيهم اليوم راهم خلطوا كلش تقول ماشي هما الي لعبوا مع انجليز يا ربي لازمه حمامه باش يربحوا يا رب انت القادر وحدم انصرنا ولا تخيبنا فرحنا اليوم يا قادر على كل شيء

[lilyarose]

شكلو الماتش راح يخلص بلا اهداف بديت نفقد الامل

[عفوفة]

اواه ما نماركيوش انا خليت الماتش عياوني

[lilyarose]

ما نعرف واش المشكل نتاع ضياع فرص التسجيل تجي لحد عندنا و تروح بلا سبب مقنع

[سماح كمال]

انا تاني مارانيش نتفرج مت بالخوف والقلقه واقيلا طلعلي سكر يا رب نخرجوا دون اهداف خير من يسجلونا

[سماح كمال]

يا رب ومنخليوهمش يطلعوا للدور الثاني معانا ومعليش من الاول كنا كنتر عليهم نغلبوهم او نخسروهم ومعليش ما نطلعوش حنا

[سماح كمال]

والله يا اختي ليليا راني دهشانا ما نعرف سحور والا تفرفشوا والله انا اؤمن بقدرة الله وعطائه ونصره اللهم نصرا في دقائق الاخير معليش المهم النصر او تبقى شباكنا نظيفه

[سماح كمال]

يا ربي سترك في هذه الدقائق الاخيرة سترك يا رب وتبقى شباكنا نظيفه

[سماح كمال]

قضي علينا بهدفهم
الله غالب خسرنا

[سعيدة81]

ربي يهدي سعدان ضيعنا التاهل دخانا غزال و صايفي ثنائي النحس الوقت الي نحتاجو فيه بدبوز و عبدون الله يسامحوا

[سماح كمال]

والله ما المشكل في سعدان قد ماهو التفرفيش الي اصاب اللاعبين وايضا الزهر الي خاننا
الحمد لله على كل حال

[النار الملتهبة]

روح سقسي لمصاروا درك يقولولك علي السحر الي داروهولنا في بنغيلا

[سماح كمال]

لن يصيبنا الا ما كتب الله لنا هو مولانا نعمه المولى ونعمه النصير

[محمد ايوب]

واش من سحر
ملعبوش الله غالب هذا ما حلبت قالك سحر
القط لي تبعدوا الشحمة يقول متنة
ربي يهديكم
اليوم صفر
لا خطة لا لعب
وزادها سعدان ختمها مليح
غزال وصايفي وجه النحس
الامريكان يستاهلوا الطلعة لعبوا مليح
الذي يستحق الشكر
مبولحي
شكرا مبلوحي انت واحد ضد امريكا
سعدان برا

[saif.m]

https://www.sahla-dz.com/, https://lmd.sahla-dz.com/, https://jobs.sahla-dz.com/, https://www.activemindly.com/, https://jobs.sahla-dz.com/getting-repeat-clients-how-to-build-loyaltyrepeat-freelance-clients/, https://www.activemindly.com/12-phrases-smart-people-never-say/