استفسار من طالب جديد ...........؟؟؟؟؟؟؟؟؟؟

[hamza-rck]

السلام عليكم

اخوتي أنا من الناجحين الجدد ببكالوريا جوان 2010 و قد سجلت أمس في جامعة دالي ابراهيم بعد أن لم تلبى رغباتي الأولى و وجهوني الى الرغبة 4
-علوم اقتصادية التسيير و علوم تجارية- و ما راهوش عاجبني الحال فالذي عنده خبرة يفهمني كيف هي الدراسة وما هي التخصصات الموجودة و ما هو مستقبلها المهني علما أن النظام المستعمل هو ل م د و بارك الله فيكم

[ابراهيموفيتش]

راك منك بصح؟
انا نقرا في هذا التخصص .هايل و ساهل .و ما تتقلقش من l .m .d عادي زير روحك وتكل على ربي

[لونجة بنت السلطان]

هاد الشعبة ساهلة بزاف تقرا غي شوية تنجح مع العلم اني نقرا كلاسيك بصح تباني كيفكيف
زير روحك و خلاص
تخصصات lmdمعلباليش بصح الكلاسيك
بنوك
تسير
محاسبة تحليلية
هاذو اللي كاينين في الجامعة الي نقرا فيها
الله يحفظك اخي
تسلم

[عزيز]

تخصص رائع حيث : تدرس تنجح 100% و الدراسة ليست مكثفة كالبكالوريا للعلم أنا سأدرس هذا العام سنة الثانية lmd "علوم مالية ومحاسبة"
و هي سهلة خاصة إذا كنت من شعبة علوم تجريبية و لكن عليك المتابعة و أحذ الأمور بجدية
عكس التخصصات العلمية الأخرى التي لا تضمن فيها النجاح حتى بالاجتهاد الكثير وأقول هذا الكلام لأن زملائي الذين درسوا شعب علمية محضة كلهم دخلوا في الإمتحانات الإستدراكية ووجدوا صعوبات كبيرة
أما المواد المدروسة خلال السداسي الأول هي :
منهجية ، إفتصاد جزئي ، رياضيات ، محاسبة ، إحصاء ، إنجليزية ، قانون ، علم الإجتماع ، مدخل للإقتصاد ، تاريخ الوقائع الإقتصادية
في الأخير إحرص على أن يكون معدلك مرتفع لأنه سيساعدك في إختيار رغبتك في السنة الثانية و أيضا في دراسة الماستر (يتم الترتيب في ماستر حسب معدل المتوسط للسنوات الأولى و الثانية و الثالثة )

[hamza-rck]

بارك الله فيكم راكم عاونتونا بزاف ونحيتو علينا الخوف و انشاء الله ربي يوفقنا جميعا

[lyllia]

أنا كنت ديت الباك بشعبة رياضيات ممبعد عجبتني هاد la branche درتها و راني خايفة ايلا نلقا صعوبات كي مرانيش قارية التسيير واقتصاد

واااااااااااااااش رايكم

[hamza-rck]

أنا راني كيما أنت بصح كي شفت الردود راحلي الخوف

[عبد المنتقم]

ربي يوفقك ان شاء الله
كاين فيها عدة تخصصات
تستطيع الاختيار و التوجه الى التخصص في عامك الثالث
و هذا استنادا على النقاط المحصل عليها في بعض المواد
لذا عليك بالتركيز على ما تطمح اليه و الحصول على نقاط
جيدة في المواد الاساسية
و فيها بعض التخصصات منها:
تجارة دولية
تسويق
مالية و بنوك
محاسبة و ضراغئب
ادارة اعمال

و ربي يوفقك ان شاء الله
و يوفق الجميع