المساعد الشخصي الرقمي

مشاهدة النسخة كاملة : نفكرك إذا نسيتي


محمد مخفي
10-12-2010, 08:28 PM
تحطم ماضيك لبنيتي
لا تبكيش على لي كان
بالرخيص تبعتي و تشريتي
ما نفعوا لعندك جيهان
شحال لعبتي و زهيتي
و شحال سقيتيني من كيسان
قتلتيني و جيتي عزيتي
شحال من رجال دفنتي
رميتيهم في غور النسيان
سري و سرك فضحتي
و ضحكتي علينا العديان
بعدويا و عدووك رفقتي
و أفتحتي لهم كل البيبان
لي في وجهي أنا قفلتي
و عطيتي قفالوا للخيان
في شرفي شحال طعنتي
تقولي لي مالك غضبان
بقلة حيلتي راكي حشمتي
ياك أنا من بذرة سلطان
من سم اللفعة شربتي
و لبستي من جلدة ثعبان
كالقطة ولادك كليتي
و رمتيهم في بحور وديان
يوم الحروب كي نذليتي
جبرتيني في حربة سلطان
نفكرك بالماضي إذا نسيتي
يوم خليتي قلبي غيضان
قولي لي من بعدي آش سويتي

ابوفارس
13-12-2010, 05:21 PM
معرفتش وعلاش تبدلتي
وخدعتي قلبي بلامان
وعلية شحال تدللتي
واليوم خبرك مبان

صح لسانك يا اخي محمد
تحياتي ابوفارس

ونكربي أحمدون
13-12-2010, 05:26 PM
قولي لي من بعدي آش سويتي؟؟؟؟؟

أبو اسامة
14-12-2010, 08:21 PM
واش يفيدك تفكارها وإلا نساها *** بعد اللي حكيتو يا مسكين
من مخك امحي ذكراهــــــــــــا *** ولا تعدها من الحيّيـــــــن

ألف تحية

جلول بن يعيش
18-12-2010, 07:39 AM
يعطيك الصحة خويا محمد

سيف الحق
18-12-2010, 07:48 AM
من سم اللفعة شربتي
و لبستي من جلدة ثعبان
كالقطة ولادك كليتي
و رمتيهم في بحور وديان

يا لطييييييييييف مشكوووووووور محمد
.
.
.
سيفووووووووووووووووووووو*

محمد مخفي
23-08-2014, 06:33 AM
مروركم سكر

شاعرة المستقبل
23-08-2014, 08:27 AM
كلمات جد رائعة يعطيك الصحة

محمد مخفي
28-07-2016, 08:35 AM
كلمات جد رائعة يعطيك الصحة

سعيد بمرورك استاذة أجيال المستقبل .....يومك ورد غاليتي