هاد الدنيا واعرة

[جلول بن يعيش]

هاد الدنيا واعرة كي تتعكس ........تتحزم وتدير لعود المحنة فاس
تضحك ليك اليوم وغدا تتعبس......لا تامن ضحكاتها واكرد الساس
كم من فيها كان زاهي متونس ........متمتع بيامها مهني لا باس
لهاتو وانهار جاتو تتلمس ..........ودحاتو في واد م الزلط او لفلاس
خوذ اوصية سيح فالأرض أو حوس ........وارقد رقدة ذيب إذا جاك أنعاس
اترك عيوب الناس وتلهى بالنفس ........ومن حك الفضة تولي ليه أنحاس
إذا عاشرت أرخاس بيهم تترخس .......واذا عاشرت اكرام أيكرموك الناس
حاذر من لصحاب من هو متجسس........وبعيوبك تلقاه فالقعدة وناس
وخير من لصحاب من هو متفرس ........واقف فالشدة كي عود القنطاس
أزمانك شيخ اشيوخ بامحانو تدرس .......ما بغى فيك اقلم ولا يحتج قرطاس
كونك ليه افطين نابه متفرس ...........وم بين ألف حواق ميز الفرطاس
ياسر من يبغيك إذا عندك فلس.........سنو تضحك ليك أو قلبو دساس
لما يطمع فيك إيجيك مطوبس ........بمديحو ودعاه ينسج لباس
يدي وايلا راح في دارو يغمس ......بمبعد اينسيك حتى تقطع لياس
مول الحكمة قال تحصد ما تغرس......ويا فاهم معناه وجد للتكداسthumbdown

[سيف الحق]

وخير من لصحاب من هو متفرس ........واقف فالشدة كي عود القنطاس
أزمانك شيخ اشيوخ بامحانو تدرس .......ما بغى فيك اقلم ولا يحتج قرطاس
كونك ليه افطين نابه متفرس ...........وم بين ألف حواق ميز الفرطاس

مشكوووووووووووور جلول قصيدة مفيييدة وهامة
.
.
.
سيفوووووووووووووووووووووو*

[tchouaka]

Monde, que t’arrive-t-il.....مشكور أخي و بالتوفيق

[ابوفارس]

مشكور يا اخي جلول على القصيدة والموضوع رائع
هل يا اخي تتقبل نقد ام لا

[وهاب غبريني]

شعر حكمة جميلو نصائح من ذهب يذكرنا باشعار عبد الرحمان المجذوب
مشكور