جمال حسن
27-04-2012, 07:50 PM
فلسطين بعتت سلام للجميع...!!!
وحكتلي.. قولي لأولادي.. اشتقت كتير للقعدات الحلوة.. ضو القمر .. وقلوب الحبايب..... والقصص الندية.. والحكاوي.. تعالوا لنرجع أيام زمان.. كل يوم قصة وصورة وكلمة .. كل يوم حكاية.. مش لحتى نام.. عشان يصحى فينا إشي ما بنام.. ليالي كانت في فلسطين .. وقصص نحكيها لنبقى احنا في الوطن عايشين .. فلسطين بتسلم عليكم: وعم بتقولكم..
كان يا مكان يا سادة يا كرام.. كان يا مكان يا مستمعين يا كرام.. وما يحلى الكلام الا بالصلاة على الحبيب محمد خير الأنام.. زيدوا الصلاة صلاة.. هاظ يا سادة يا كرام .. يا أهل الجود والإكرام.. كان في.. ولم كان في .. كان هناك كل شي.. كان في بلد ما تعرف الشمس غيرها وطن.. والقمر فيها وجه صبية مليحه.. وكان فيها ناس .. الحب والخير فيهم أساس..
كان يا مكان.. وطن .. حب .. سلام .. أمن .. شجر .. عمر .. قمر.. كان يا مكان.. كان وما زال في وطن .. اسمه فلسطين.. ويا حبايبي يا سامعين .. ما في منها اثنين.. ما بدي أكتر عليكم حكي.. طلع في يوم عليها الصبح.. هجمت الدبابة .. وما كانت خيابة.. هجموا على البيوت .. على الكروم.. ع الخوابي .. حرقوا الروابي.. وقلعوا عين الصبية.. وطفوا الشمس.. وصار الشعب الحر ساكن بخيام.. وما بكى عليهم حد .. لأنه البكي بده زلام.. وفي هالعالم ما كان زلام غيرهم.. سكنوا بالخيام.. ايش ضل بالقصه.. طلعوا عليهم بقصة توطين .. وأكياس طحين .. يا ويلي على المساكين : طلع فيهم منادي قال .. يا عالم ياهوووووو .. يا سمعين الصوت .. ورب السما والدنيا .. ترابك يا فلسطين ما يهون ..
أنا لاجئ ساكن بخيمتي لحتى أرجع أو القيامة تقوم .. ما برضى بالذل .. راح أبقى عربي فلسطيني .. عاشق ع طول العمر .. عشقي فلسطيني .. يا سامعين الصوت .. أنا فلسطيني .. أنا فلسطيني .. أنا فلسطيني .. وهيك يا سادة يا كرام .. صلوا على النبي قبل ما نكمل الكلام .. وبقى الفلسطيني جرح بصدر الزمان .. حامل جروحه وين ما كان .. لسه ما بدت القصه حتى تنتهي .. لسه الحكي قدام .. بس الفلسطيني وصاني أبلغكم السلام ..
وبوصيكم.. ادعولهم .. لحتى ربي يفرج الكرب .. ويرجعوا زي زمان
كان في وطن عالخريطة اسمو فلسطين ..ابوي وابوك واجدادنا كانو فيه عايشين..بين كرمو وبيارتو وبين البساتين..يا محلا ريحة ترابو ويا محلا ريحة الطين..هذي اللد وهذي يافا وهاي الرملة وهذي حيفا..ومهما يقولو الأعادي بتظل بلادي فؤادي..
وفجأة تغيرت الاحوال لا عالخاطر ولا عالبال ..اجونا شوية انذال وما بنعرف شو هالاشكال..اجو من شتى البلدان وفيهم اشكال والوان..هذا روسي وهذا بولندي وهذا يمني وهذا هولندي ..والمستعمر كان يدعمهم وكان بيسكت على جرايمهم ..وكان بيعطيهم سلاح وكل شي الهم كان مباح ..وذبحونا بالسكاكين هيها بتشهد دير ياسين.. وقالو هاي ارض الميعاد ارض ابونا والاجداد..وهذا وطنا من سنين وانتو عرب محتلين واحنا شعب الله المختار ولازم نحرقكم بالنار..وبعد الذبح والتقتيل سمو الوطن اسرائيل...ميزان العداله اختل صاحب الارض صار محتل..ما في رحمه في القلوب كلشي صار بالشقلوب..وسنين بتمضي وتمر واحنا صابرين عالمر ..وينكم وينكم يا حكام ياللي بتدعو بالاسلام ..وصارلكم سنين بتتاجرو بهالمساكين ..شو فايدة كل هالسلاح؟ اذا ما كنش للكفاح ..ولمين بتجيشو هالجيوش؟ليكون بدكم تحاربو بوش؟ الله لا يبارك بهالكروش ويقلب على روسكم العروش مثل الشجرة بدون شروش زي البغال وزي الهروش ..ولو حطوكو بسوق الجحوش ما بتسووا خمس قروش..صرتو تنادو بالسلام وما اشطركم بالكلام ..سلامكم اسمو استسلام ..ما بتقبلو حتى الاغنام ..ومهما بتعملوا من افلام بتظلو دايما اقزام..اعطو شعوبكم حريتها واتركوها تقول كلمتها من غير بطش ولا تهديد ولا تكبيل بالحديد ..وبصراحه راح نعلنها ..انكم انتو سبب نكبتنا..وما راح ترجع النا حقوقنا طول مانتواشوكه في حلوقنا.. وبكره هالشوكه بنخلعها وكل حقوقنا بنرجعها ..وبكلمه حي على الجهاد راح ترجع كل البلاد ......
و إم ولادي كيف رح تقضي نهارها .. ويلها علييي أو ويلها عصغارها ..
يا ريت خليت في إيدها إسوارها .. يومن دعاني الحرب تا إشتري سلاحو ..
لكتب على جبين الفجر موال .. تراب الوطن ما تقدره بأموال ..
لا تحسبوا بجرة قلم تتملكوا .. هالأرض مش شروه ولا أكوال ..
الأرض للي بيعزق ويفلح .. للي بإيدو ثمارها تطرح ..
الأرض للمحراث وإيدي تعرفوا .. وجبين بحبات العرق يرجح ..
وقلبنا الأرض قلبي بعد قلبي .. وسري دفنتوا يا ربعي بقلبي ..
كتمنا سرنا ودقات قلبي .. مع الثوار بارود ولهب ..
يا ربعنا هلو يا ربعنا جودوا .. واللي رضي بالذل إيش قيمة وجودو ..
واللي ما يرضى القهر .. بيفرض وجودو ويرد الذل عن أرض العرب ...
كانو ثلاث رجال .. تسابقوا عالموت .. أقدامهم عليت فوق ركبة الجلاد .. وصارو مثل يا خال .. بطول وعرض البلاد ..
نهوى ظلام السجن يا أرض كرمالك .. يا أرض يومن تندهي بتبين رجالك ..
يوم الثلاث وثلاث .. يا أرض ناطرين .. مين اللي يسبق يقدم روحو من شانك ..
ومن سجن عكا وطلعت جنازه .. محمد جمجوم وفؤاد حجازي ..
حجازي عليهم يا شعبي جازي .. مندوب السامي وربعه وعموما ..
ويقول محمد أنا أولكم .. خوفي يا عطا أشرب حسرتكم ..
ويقول حجازي أنا أولكم .. ما نهاب الردى ولا المنونا ..
أكتفي بهذا القدر .. فالقصه طويله كتير .. ولم تنتهي إلى الآن
وحكتلي.. قولي لأولادي.. اشتقت كتير للقعدات الحلوة.. ضو القمر .. وقلوب الحبايب..... والقصص الندية.. والحكاوي.. تعالوا لنرجع أيام زمان.. كل يوم قصة وصورة وكلمة .. كل يوم حكاية.. مش لحتى نام.. عشان يصحى فينا إشي ما بنام.. ليالي كانت في فلسطين .. وقصص نحكيها لنبقى احنا في الوطن عايشين .. فلسطين بتسلم عليكم: وعم بتقولكم..
كان يا مكان يا سادة يا كرام.. كان يا مكان يا مستمعين يا كرام.. وما يحلى الكلام الا بالصلاة على الحبيب محمد خير الأنام.. زيدوا الصلاة صلاة.. هاظ يا سادة يا كرام .. يا أهل الجود والإكرام.. كان في.. ولم كان في .. كان هناك كل شي.. كان في بلد ما تعرف الشمس غيرها وطن.. والقمر فيها وجه صبية مليحه.. وكان فيها ناس .. الحب والخير فيهم أساس..
كان يا مكان.. وطن .. حب .. سلام .. أمن .. شجر .. عمر .. قمر.. كان يا مكان.. كان وما زال في وطن .. اسمه فلسطين.. ويا حبايبي يا سامعين .. ما في منها اثنين.. ما بدي أكتر عليكم حكي.. طلع في يوم عليها الصبح.. هجمت الدبابة .. وما كانت خيابة.. هجموا على البيوت .. على الكروم.. ع الخوابي .. حرقوا الروابي.. وقلعوا عين الصبية.. وطفوا الشمس.. وصار الشعب الحر ساكن بخيام.. وما بكى عليهم حد .. لأنه البكي بده زلام.. وفي هالعالم ما كان زلام غيرهم.. سكنوا بالخيام.. ايش ضل بالقصه.. طلعوا عليهم بقصة توطين .. وأكياس طحين .. يا ويلي على المساكين : طلع فيهم منادي قال .. يا عالم ياهوووووو .. يا سمعين الصوت .. ورب السما والدنيا .. ترابك يا فلسطين ما يهون ..
أنا لاجئ ساكن بخيمتي لحتى أرجع أو القيامة تقوم .. ما برضى بالذل .. راح أبقى عربي فلسطيني .. عاشق ع طول العمر .. عشقي فلسطيني .. يا سامعين الصوت .. أنا فلسطيني .. أنا فلسطيني .. أنا فلسطيني .. وهيك يا سادة يا كرام .. صلوا على النبي قبل ما نكمل الكلام .. وبقى الفلسطيني جرح بصدر الزمان .. حامل جروحه وين ما كان .. لسه ما بدت القصه حتى تنتهي .. لسه الحكي قدام .. بس الفلسطيني وصاني أبلغكم السلام ..
وبوصيكم.. ادعولهم .. لحتى ربي يفرج الكرب .. ويرجعوا زي زمان
كان في وطن عالخريطة اسمو فلسطين ..ابوي وابوك واجدادنا كانو فيه عايشين..بين كرمو وبيارتو وبين البساتين..يا محلا ريحة ترابو ويا محلا ريحة الطين..هذي اللد وهذي يافا وهاي الرملة وهذي حيفا..ومهما يقولو الأعادي بتظل بلادي فؤادي..
وفجأة تغيرت الاحوال لا عالخاطر ولا عالبال ..اجونا شوية انذال وما بنعرف شو هالاشكال..اجو من شتى البلدان وفيهم اشكال والوان..هذا روسي وهذا بولندي وهذا يمني وهذا هولندي ..والمستعمر كان يدعمهم وكان بيسكت على جرايمهم ..وكان بيعطيهم سلاح وكل شي الهم كان مباح ..وذبحونا بالسكاكين هيها بتشهد دير ياسين.. وقالو هاي ارض الميعاد ارض ابونا والاجداد..وهذا وطنا من سنين وانتو عرب محتلين واحنا شعب الله المختار ولازم نحرقكم بالنار..وبعد الذبح والتقتيل سمو الوطن اسرائيل...ميزان العداله اختل صاحب الارض صار محتل..ما في رحمه في القلوب كلشي صار بالشقلوب..وسنين بتمضي وتمر واحنا صابرين عالمر ..وينكم وينكم يا حكام ياللي بتدعو بالاسلام ..وصارلكم سنين بتتاجرو بهالمساكين ..شو فايدة كل هالسلاح؟ اذا ما كنش للكفاح ..ولمين بتجيشو هالجيوش؟ليكون بدكم تحاربو بوش؟ الله لا يبارك بهالكروش ويقلب على روسكم العروش مثل الشجرة بدون شروش زي البغال وزي الهروش ..ولو حطوكو بسوق الجحوش ما بتسووا خمس قروش..صرتو تنادو بالسلام وما اشطركم بالكلام ..سلامكم اسمو استسلام ..ما بتقبلو حتى الاغنام ..ومهما بتعملوا من افلام بتظلو دايما اقزام..اعطو شعوبكم حريتها واتركوها تقول كلمتها من غير بطش ولا تهديد ولا تكبيل بالحديد ..وبصراحه راح نعلنها ..انكم انتو سبب نكبتنا..وما راح ترجع النا حقوقنا طول مانتواشوكه في حلوقنا.. وبكره هالشوكه بنخلعها وكل حقوقنا بنرجعها ..وبكلمه حي على الجهاد راح ترجع كل البلاد ......
و إم ولادي كيف رح تقضي نهارها .. ويلها علييي أو ويلها عصغارها ..
يا ريت خليت في إيدها إسوارها .. يومن دعاني الحرب تا إشتري سلاحو ..
لكتب على جبين الفجر موال .. تراب الوطن ما تقدره بأموال ..
لا تحسبوا بجرة قلم تتملكوا .. هالأرض مش شروه ولا أكوال ..
الأرض للي بيعزق ويفلح .. للي بإيدو ثمارها تطرح ..
الأرض للمحراث وإيدي تعرفوا .. وجبين بحبات العرق يرجح ..
وقلبنا الأرض قلبي بعد قلبي .. وسري دفنتوا يا ربعي بقلبي ..
كتمنا سرنا ودقات قلبي .. مع الثوار بارود ولهب ..
يا ربعنا هلو يا ربعنا جودوا .. واللي رضي بالذل إيش قيمة وجودو ..
واللي ما يرضى القهر .. بيفرض وجودو ويرد الذل عن أرض العرب ...
كانو ثلاث رجال .. تسابقوا عالموت .. أقدامهم عليت فوق ركبة الجلاد .. وصارو مثل يا خال .. بطول وعرض البلاد ..
نهوى ظلام السجن يا أرض كرمالك .. يا أرض يومن تندهي بتبين رجالك ..
يوم الثلاث وثلاث .. يا أرض ناطرين .. مين اللي يسبق يقدم روحو من شانك ..
ومن سجن عكا وطلعت جنازه .. محمد جمجوم وفؤاد حجازي ..
حجازي عليهم يا شعبي جازي .. مندوب السامي وربعه وعموما ..
ويقول محمد أنا أولكم .. خوفي يا عطا أشرب حسرتكم ..
ويقول حجازي أنا أولكم .. ما نهاب الردى ولا المنونا ..
أكتفي بهذا القدر .. فالقصه طويله كتير .. ولم تنتهي إلى الآن