قاطو الفرشيطة...من اعدادي...ساهل ماهل ههه

[سهام أميرة بجلبابي]

السلام عليكم ورحمة الله تعالى وبركاته
مساء الخير عليكم واش راكم؟
هاذ العشية كاملة وانا قاعدة مالقيت ماندير ولات جات في راسي نحط نجرب هذا القاطو اللي اسمو قاطو الفرشطية ونشوف كيفاه يجي:1:
هو ساهل ماهل ومافيه والو بصح في اللخر ظهر بلي بنين بزاف ومكليح مع الحليب ومايديش الوقت في خدمتو خلاص
انا في ساعة كملتو :12:

نعطيكم المقادير:
250 غ مارغرين، كاس سكر ارطب ،2 بيضات ،فاني، 70 غ نشاء ، و 500 غ فرينة(كي تكوني ديري فيه ماتصبش الفرينة كامل قادر ينشف قبل ماتكلي 500 غ تاعك )، كيس خميرة تاع القاطو .


للتزيين:
معجون ،شوكولاطة ،وشوي لوز مرحي (تقدري تزينيه باي حاجة تحبي )

بعد ما تحطي كامل المقادير تاعك تتحصلي على عجينة وماتكونش ناشفة بزاف
شكليها بهاذ الطريقة

http://img819.imageshack.us/img819/9105/2qnwrhz.jpg (http://imageshack.us/photo/my-images/819/2qnwrhz.jpg/)


ومبعد اضغطي عليها بالفرشيطة وتتحصلي على هاذ الشكل


http://img138.imageshack.us/img138/8558/14ahgdv.jpg (http://imageshack.us/photo/my-images/138/14ahgdv.jpg/)


;وحطيه يطيب ربع ساعة ولا اقل على حساب الفور تاعك
وبعد مايطيب لصقيه حبة فوق حبة بالمعجون

http://img825.imageshack.us/img825/2112/2ijhs81.jpg (http://imageshack.us/photo/my-images/825/2ijhs81.jpg/)



غمسي نصو في الشوكولاطة
تحبي تخليه هكذا ولا تزيدي ديريلو اللوز تاعك ولا اي حاجة اخرى تحبي انت

http://img233.imageshack.us/img233/130/148lrwp.jpg (http://imageshack.us/photo/my-images/233/148lrwp.jpg/)



http://img594.imageshack.us/img594/5435/i3dkw7.jpg (http://imageshack.us/photo/my-images/594/i3dkw7.jpg/)

هذا هو قاطو الفرشيطة اللي درتو غير في لعشية هذي ان شاء الله يعجبكم وتجربوه راهو بنين بزاف هههههه :20:

والسلام عليكم ورحمة الله تعالى وبركاته

[أم زيد]

بارك الله فيك
يبدو شهي جدا
سأجربه إن شاء الله
تسلم الأيادي.

[سهام أميرة بجلبابي]

وفيكي بركة اختي ام زيد

الله يسلمك حبيبتي

[aminabil]

بارك الله فيك عجبني صح ساهل ماهل:11:

[أختُ عبد الرحمان]

و عليكم السلام و رحمة الله و بركاته

بعد اذنك أختي سهام قمت بتعديل حجم الصور

ماشاء الله ، يعطيك الصحة

جميل جدا شكله :11:

بورك فيـــك :13:

[fati@]

:16:يم يم يم باين بنيييييين مشكورة تقبلو مروري

[سهام أميرة بجلبابي]

بارك الله فيك عجبني صح ساهل ماهل:11:


وفيك بركة اختي
مشكورة على مرورك:13:

[سهام أميرة بجلبابي]

و عليكم السلام و رحمة الله و بركاته

بعد اذنك أختي سهام قمت بتعديل حجم الصور

ماشاء الله ، يعطيك الصحة

جميل جدا شكله :11:

بورك فيـــك :13:

اهلا اختي
لابأس غلى التعديل بل مشكورة وبارك الله فيك

[سهام أميرة بجلبابي]

:16:يم يم يم باين بنيييييين مشكورة تقبلو مروري

لا شكر على واجب
اسعدني مرورك عزيزتي:10:

[أم خير الدين 46]

السلام عليكم ورحمة الله تعالى وبركاته
يعطيك الصحة اختي سهام رايحة نجربه ان شاء الله :11:

[aminabil]

ياطيك الصحة أختي سهام جربتو اليوم :20:درت المقادير بالنص كل شي نصف الكمية حتى الوقت كملت في نص ساعة ههههه :8:بصح النتيجة روعة حتى زوجي عجبو :1:تسلمييييي والصورة سأجرب رفعها ممبعد:10:

[سهام أميرة بجلبابي]

ياطيك الصحة أختي سهام جربتو اليوم :20:درت المقادير بالنص كل شي نصف الكمية حتى الوقت كملت في نص ساعة ههههه :8:بصح النتيجة روعة حتى زوجي عجبو :1:تسلمييييي والصورة سأجرب رفعها ممبعد:10:


الله يسلمك حنونتي وبصحتكم
حتى انا كي درتو درت غير نص الكيلة
والبارح برك زدت عاودتو وهاذ المرة بدلتلو شكلو ودرتو وردات وحدة فوق وحدة جا هايل

[رحيل]

السلام عليكم و رحمة الله وبركاته

بارك الله فيك اختي على الوصفة و انا انصح كل من لم تجربها بتجريبها
اذكر انه من صغري و نحن نحضرها في كل المناسبات تقريبا مع تعديل طفيف في المقادير
اضيفوا كاس زيت لكل 500غ من الزبدة و التزيين يتمريره في السكر الرطب بدل الشكولاطة..
انه لذيذ حقا حتى ان كثيرا من قريبات اهل زوجي طلبن مني الوصفة لطراوته و لذته...
فقط استسمح اختي سهام بتقديم ملاحظة و هي الضغط جيدا على الفرشيطة كي تبقى اثارها واضحة بعد النضج...بورك فيك مرة ثانية اختي سهام...

[aminabil]

السلام عليكم أختي سهام لو وضعتي لنا صورة الحلوة بشكل وردات:10: وأقوووووول لكل من لم يجربها ولا يعرفها لن تندمو أبدا إن جرتموها....:16: كيما ليصابلي برك طعم آخر:20:

[ام رائد]

ام يعطيك الصحة اختي سهام
انا نحب ندلل روحي بصح كل ما نجي نجرب حاجة نلقى ناقصة 100 حاجة بصح القاطو تاعك ساهل وعندي كلشي نجربو ونردلك الخبر اوكي
سلمت يداك اختي

[salam08]

السلام عليكم

ماشاء الله ...سلمت يداااك اميرة تبدو لذيذة ...في العادة اصنع هذه الحلوى و عاد نزينها بنواد كوكو ...
لكن مالفتني الديكوووور ...المرة الجاية اهتمي اكثر ...

تشجيعااتي اختي
:13:

[أختُ عبد الرحمان]

السلام عليكم و رحمة الله و بركاته

لقد جرّبته اليوم .. مستعملة نصف المقادير

لكن

و لأن أمي لم تكن بالبيت لترى ان كان ما فعلته صحيح

حصلت بعض حالات الطوارئ لكن سلكتها و الحمد لله

بصح خرجولي الحبات كباار .. :10:

سأضع الصور حين تسمح لي الفرصة .. بدون ضحك :3:


شكرا لك مرّة أخرى :13:

[ذكرى خالدة]

هاد النوع نعرفو مليح
شحال نحبو
شكرا ليك والله تشهيتو

[ام سامي]

ان شاء الله نجربها

يعطيك الصحة

[أم ياسين]

بارك الله فيك على هاته الوصفة سوف أجربها بإذن الله في أقرب وقت.شكرا لك.

[فراشة قسنطينة]

اشكرك اختي على هذه الكيفية السهلة

[fatma1]

شكرا على هذا ااااااااااااااااواه لازمني نجربو كاش نهار

[سهام أميرة بجلبابي]

بارك الله فيكن على مروركن المتميز

[نور الاشراق]

ساهل ماهل عندك الحق نجربوه تسلمي

[HADIL ROSA]

خليلي حبة هههههههههه يعطيك الصحة:7::7:

[دائمة الذكر]

رررررررررررررررررررررررفع

[narriman]

اعطيك الصحة
ساهل تع الصح و باين بنين
بارك الله فيك