جديدي على احوال هذا الزمان

[دمعة حزين]

زمن العجائب
علاش هاذ الزمان تقلّب و دار
علاش هاكذا تبدلت حوالو
مابقات رجلة مابقى نيف ما قعدو سرار
كل واحد يدير واش هوالو
الناس مخبيين في ديورهم كيف الفار
تحير في قلبهم واش صرالو
يجروا مور الفاني ويطلعوا فالديار
نساو بلي الواحد يتحاسب على فعالو
نساو بلي قدما طالت لعمار
رايحين من هاد الدنيا وما دايين منها والو
كاين لي يبيع روحو بأبخس الاسعار
غير باش يجيب لقمة لعيالو
او كاين لي في حد ذاتو عار
ما همّو لا ربي لا الناس واش قالوا
وكاين لي صيفتو غدار
يلعب ببنات الناس كيف البالو
يروح ويخلي الطفلة عايشة فالنار
بعدما يطمعها بلي ناويها حلالو
وحنا كامل نتفرجو ونطلو مالغار
مكتفين وكل واحد لاتي بحوالو
فينا غير اللسان الهدار
وفي وقت الصح ..الدايم ربي جل جلالو
علاش ولينا هاكدا؟ علاش حالنا هاكدا صار ؟
علاش مانقعدوش معا رواحنا نتساءلوا ؟
بلاك واحد فينا يقدر يشعل لنوار
بالاك نولو في دين الاسلام نسالو..
بقلم خوجة سعاد رويبة

[محمد رضا علي]

كلام جميل ومعبر شكرا لك على هذه الكلامات وأنا أقول لك:

هذي هي الدنيا *** وهذو هوما أحوالها
نسيناها باللي فانيا *** وغرقنا في هواها
حتى يوم المنيا *** وتقول النفس يا حصرتها
لوكان تولي غير ثانيا *** وتسجد لخالقها
لكن الندامة ديمى التاليا *** يوم ما تفيد دمعتها

[مايا علاق]

وضعت يدك على الجرح
شكرا على القصيدة

[ملكة الاحسآس]

رووووووووووووعة بارك الله فيك واصليــــــــــــ

[دمعة حزين]

شكرا لكم يا إحوتي الكرام أسعدني مروركم