توبة من الزمن

[مايا علاق]

كنت غافلة يا زمان وطايحة في غرامك
ما علباليش بشرك وطيشت روحي بين يديك
كي يفكروني الناس في الموت نقوللهم نحبك
وما جبتش خبر كفاه قتلي نعميك
الحمد لله كي فقت لشرك
انت ما تسواش وما تستاهلش لي يفديك
بكري تبعتك وضرك كشفتك
ما فقتش بلي الدنيا فانية وقاعدة غير نتبع فيك
ما علباليش كفاه صدقت كذبك
والمومنين دايما يهدرولي عليك
كنت نكذبهم ونصدقك
نسيت الاخرة وقاعدة غير نخزر في عينيك
شحال اتخدعت وغرني كلامك
وكي فات الوقت قررت نخطيك
انا لي غلطت و خيرت نتبعك
على هذيك ما نقدرش بالكره نهديك
انا الغافلة لي كانت تحبك
كان قراري اني نكذب واش سمعت عليك
كانوا يقولولي يا الغافلة هذا كذاب وخاين يجي الوقت وفي القبر وحدك يخليك
انا بنيتي جيت وصارحتك
بكل لي راه يتهدر فيك
وانت قتلي نحبك
تبعيني وللجنة انا نديك
بعدتني على طريق الخير وفي الاخر قتلي كملي وحدك
يا سعدوا لي مامشاش في الطريق لي مسوها رجليك
انا صح غلطت وجا الوقت نسلك اني سمعتك
بصح يا ريت ما يزيد حتى واحد يخزر فيك
الدنيا فانية احذر يا المومن من الحاجة لي تغرك
تبانلك ساهلة وفي الاخر للهاوية هي تديك
:13::13::13::13::13::13::13::13::13::13::13::13::1 3::13::13::13::13::13::13::13::13::13::13:

[normal]

- كلمات نابعة من القلب و مؤثرة . مشكورة مايا .

[مايا علاق]

بارك الله فيك وسدد خطاك

[خواطر مكسورة]

لي عوده ان شاء الله

[مايا علاق]

عودي متى شئت اختي الغالية

[بيسان-ياسمين]

الله يبارك ويزيد اختي مايا ربي يكمل
:13::13::13:

[مايا علاق]

ان شاء الله شكرا على مرورك

[زمن الوصل]

من زمن الوصل ...اقول ...لكي اختي مايا علاق صدقا ...والقلب سواد فحم .نيرانه بالهوى تتقد...كتبت بحبر الدموع .في ليل بلا شموع اتمنى لكي النجاح حقا الاخ ☺زمن الوصل ☺

[زمن الوصل]

لم يعد للحب معنى .بعد ان كان احب اسمى .وانقى المعاني.لم يعد للود معنى. بعد ان كان الوصل يجمعنا ...اختفى ريعان الوداد. وتشتت كل المعاني . والكل بات من الم الفراق يعني...مقدمة من زمن الوصل ان شاء الله تعجبكم اخوتي الاسم زكرياء فيلالي ام البواقي 22سنة ...لدي محولات في الشعر الحر .الخاطرة وبعض الاطروحات ...رجاءا النقد وبكل شفافية لان الصدر رحب والحمدلله ...نشوفكم بخير الغد انشاء الله ..................................☺زمن الوصل ☺............................................ .....

[مايا علاق]

من زمن الوصل ...اقول ...لكي اختي مايا علاق صدقا ...والقلب سواد فحم .نيرانه بالهوى تتقد...كتبت بحبر الدموع .في ليل بلا شموع اتمنى لكي النجاح حقا الاخ ☺زمن الوصل ☺
شكرا لك كلماتك جميلة جدا
ان شاء الله ولك ايضا

[مايا علاق]

لم يعد للحب معنى .بعد ان كان احب اسمى .وانقى المعاني.لم يعد للود معنى. بعد ان كان الوصل يجمعنا ...اختفى ريعان الوداد. وتشتت كل المعاني . والكل بات من الم الفراق يعني...مقدمة من زمن الوصل ان شاء الله تعجبكم اخوتي الاسم زكرياء فيلالي ام البواقي 22سنة ...لدي محولات في الشعر الحر .الخاطرة وبعض الاطروحات ...رجاءا النقد وبكل شفافية لان الصدر رحب والحمدلله ...نشوفكم بخير الغد انشاء الله ..................................☺زمن الوصل ☺............................................ .....
ماشاء الله كلمات جميلة ورائعة تشرفنا بك اهلا بك بيننا