طريقة تحضير حريرة رمضان من مطبخي :

[أم خير الدين 46]

السلام عليكم ورحمة الله تعالى وبركاته

اليكم اليوم وصفة الحريرة الخاصة بناس الغرب...


http://www13.0zz0.com/2012/07/18/18/243453211.jpg (http://www.0zz0.com)

نبدأ على بركة الله :

المقادير:
- كمشة حمص
- 250 غرام لحم خروف اودجاج
- بصلتان كبيرتان
- 3 حبات طماطم
-2حبات جزر
-2حبات لفت
-2حبات قرعة
- 2 ملعقة زيت عادي
- 2 ملعقة كبيرة ملح
- ربع علبة طماطم
-6 ملاعق كبيرة طحين
-حزمة قسبر المنور

التوابل :
- سكنجبير
- الكروية
- نصف ملعقة صغيرة زعفران
- ملعقة صغيرة فلفل أسود
-فلفل احمر
- القرفة
-الحلبة
-نجمة تباع عندالعطار
http://www13.0zz0.com/2012/07/18/19/132773279.jpg (http://www.0zz0.com)

طريقة التحضير:


في القدر يوضع الحمص وقطع اللحم ويفرم البصل والطماطم
ويوضع الملح والتوابل المذكورة سابقا والزيت وحزمة القسبر مربوطة مع لتر ونصف من الماء ويطهى الكل مدة 40دقيقة...
يفضل ان يوضع الحمص في شاش لتتجنبي طحنه بعد نضجه
..

بعد النضج قومي بطحن محتوى القدر ..
ثم ضعيه حتى يغلي وحظري خليط مكون من:
في قليل من الماء تفرغ الطماطم المصبرة والتوابل المعروفة عندنا بالمشايخة..
_وهي مزيج من الزنجبيل وقليل من القرفة والكروية والفلفل الاسود حسب الرغبة
_ ويضاف إلى القدر مع التحريك
ومرة ثانية بعد غليان محتوى القدر
-اضيفي الخليط الثاني والمكون من

ربع لتر من الماء المذوب فيه كمية الطحين ...مع التحريك المستمر...
- نقوم بتهدئة النار تحت القدر ونتركها لمدة قصيرة فقط..
- نضيف مكعبات ماجي بقر ..لكي تعطي نكهة لذيذة
-و بعد اطفاء النار ضعي فيها حزمة المعدنوس للتعطير واعطائها النكهة..
و في الاخير نقدم الحريرة مع القليل من الليمون المعصور
http://www13.0zz0.com/2012/07/18/18/243453211.jpg (http://www.0zz0.com)

الحريرة تعتبر الضيف الشرف الغير مستغنى عنه في مائدة رمضان..

الطريقة وضعتها بحسب ماهو متفق عليه وبحسب مانقوم بتحضيرها في البيت:11::11:

[layam]

امممم يمي يمي ريحة لحريرة جابتني نجري
ما شاء الله تبارك الله

عجبتني الحريرة و عجبني السرفيس و عجبتني الوصفة :8:

بارك الله فيك أم خيرووو ،، تسلم إيديك
(عيد ميلاد سعيد لخيرو بطولة لعمر إن شاء الله :11:)

[layam]

آـه تفكرت و أنا نقول وين شفت هذا السرفيس من قبل :5: هههه هو مثل سرفيسنا تاع العام الماضي :8:
شكرا مرّة أخرى أم خيرووو :13:

[أم خير الدين 46]

امممم يمي يمي ريحة لحريرة جابتني نجري
ما شاء الله تبارك الله

عجبتني الحريرة و عجبني السرفيس و عجبتني الوصفة :8:

بارك الله فيك أم خيرووو ،، تسلم إيديك
(عيد ميلاد سعيد لخيرو بطولة لعمر إن شاء الله :11:)


الله اميين
و الله يسلمك والله لايحرمني من دعواااتك الطيبة حبيبتي ليام
شكرا لمرورك على موضوعي وهذا شرف لي ووسام على صدري :11::11:

[أم خير الدين 46]

آـه تفكرت و أنا نقول وين شفت هذا السرفيس من قبل :5: هههه هو مثل سرفيسنا تاع العام الماضي :8:
شكرا مرّة أخرى أم خيرووو :13:


ههههههههههههههههه بصحتك حنونتي
انا هذا وين وصلني و هذا وين كسبه و:8:
المهم حاجة جديدة على الطاولة
مشكووورةحبيبتي على المرور

[سوسن سامية]

أممممممممممممممممممم
تشهي
راكي جبتي الوصفة بالتدقيق
حنا عندنا صحاب الغرب راهم يديروها هاكة
ودروك راهم يزيدو فيها شوية شوربة
ولا روز غير شوية برك
تسلمي على الموضوع

[أم خير الدين 46]

أممممممممممممممممممم
تشهي
راكي جبتي الوصفة بالتدقيق
حنا عندنا صحاب الغرب راهم يديروها هاكة
ودروك راهم يزيدو فيها شوية شوربة
ولا روز غير شوية برك
تسلمي على الموضوع

الله يسلمك حبيبتي سوسن
حتى انا في بعض المرات نضيف لها شوية روز ولا تشيشة ..
المهم كل وحدةولها طريقة التحضير ولكن نشترك في ذوق واحد
حابة نعر ف انت من أي ولاية :5:

[salam08]

و عليكم السلام

ماشاء الله عليك يا أم خيروووو سبقتينااا كااامل ياك ماراكومش صايمين اليوماا:15:


تبدو طريقتك لذيذة و غنية //خاصة من ناحية التوابل ذكرتيهم كامل حتى الحلبة نسيتي برك الكمون:8:

ما اعجبني اكثر عدم طحنك للحمص لانني لا احب الشربات الخالية من الحمص غير البويون طبعاااا...بصح 250 غ ماشي بزاااف؟؟

تعلمنا معك طريقة جديدة لاننا هنااااا لا نطبخ الحريرة ...و بصراحة عمري ما تذوقتها بالاك نجربهاان شاء الله ...


شكرااا جزيلااااا يا سيدة بوحاامد تاعنا:13:

[سليم يلل]

أولا أنا نعشق الحريرة في رمضان وغير رمضان
وطبعا نقول كيما جماعة حمود " رمضان بلا حريرة ههههههه ماكانش منها"
كاين حاجة برك حنا نديرو تشيشة برك
وحاجة أخرى ما نبغيش حريرة اللحم , ندير قيرة إذا ما داروهاش بالجاج
والحاجة التالية هي أن اللفت يدير بنة سبيصيال وهبال فالحريرة وفالدار تبان الحريرة اللي فيها اللفت واللي بلا لفت وطبعا كي يكون وقت اللفت نشريه سبيصيال للحريرة وفي ماكلة واحداخرى ما عندي حاجة فيه
شكرا على التعريف بأهم طبق عند سكان الغرب
بارك الله فيك

[أم خير الدين 46]

و عليكم السلام

ماشاء الله عليك يا أم خيروووو سبقتينااا كااامل ياك ماراكومش صايمين اليوماا:15:


تبدو طريقتك لذيذة و غنية //خاصة من ناحية التوابل ذكرتيهم كامل حتى الحلبة نسيتي برك الكمون:8:

ما اعجبني اكثر عدم طحنك للحمص لانني لا احب الشربات الخالية من الحمص غير البويون طبعاااا...بصح 250 غ ماشي بزاااف؟؟

تعلمنا معك طريقة جديدة لاننا هنااااا لا نطبخ الحريرة ...و بصراحة عمري ما تذوقتها بالاك نجربهاان شاء الله ...


شكرااا جزيلااااا يا سيدة بوحاامد تاعنا:13:

تسلمي ليلوش على الرد الجميل واللي يحفزني أكثر
ان شاء الله تجربيها اومن الاحسن ذوقيها من عمل ايدي ان شاء الله
بالنسبة للتوابل احنا مانحضروهاش بالكمون وكل واحد و الذوق ديالو

تعرفي حطيت الوصفة بدون مراجعتها ..
يد في الكوزينة و يد على المنتدى
قاع مارانيش مركزة :2::2::2:

[أم خير الدين 46]

أولا أنا نعشق الحريرة في رمضان وغير رمضان
وطبعا نقول كيما جماعة حمود " رمضان بلا حريرة ههههههه ماكانش منها"
كاين حاجة برك حنا نديرو تشيشة برك
وحاجة أخرى ما نبغيش حريرة اللحم , ندير قيرة إذا ما داروهاش بالجاج
والحاجة التالية هي أن اللفت يدير بنة سبيصيال وهبال فالحريرة وفالدار تبان الحريرة اللي فيها اللفت واللي بلا لفت وطبعا كي يكون وقت اللفت نشريه سبيصيال للحريرة وفي ماكلة واحداخرى ما عندي حاجة فيه
شكرا على التعريف بأهم طبق عند سكان الغرب
بارك الله فيك

وفيك بارك الرحمان
معاك حق تقدر تستغنى على اللحم كيما ندير انا في بعض الاحيان نكتفي فقط بعلبة ماجي ..اللي تعطيها ذوق رائع
حتى انا نحب الحريرة بذوق اللفت ولكن رانا في الصيف ولا يوجدحاليا في السوق..

أخي سليم سررت جدا بردك ومرورك الكريم:11::11:

[نبيلة سميرة]

انه الطبق الرئيسي في رمضان ايه راهي بدات ريحة رمضان عندك :16::16:
يقال ان الحريرة بنينة بزاف وصح كي ذقتها كانت بزاف بنينة
شكرا لك على الموضوع وعلى الطبق
تقبلي تحياتي وودي

[Just thinking]

جمييل بارك الله فيك على الشرح
و الله ديروا مزية إذا كل نهار في رمضان تحطولنا شي وصفة ساهلة و خفيفة
تساعد بزاااااف بالخصوص الشروح المصورة :16:
شكرا و ربي يجازيك

[aminabil]

يعطيك الصحة أم خيرو على تقديمك كفية تحضي لحريرة.... أنا كنت نسمع بيها برك وخطرة ذقتها عند وحدة فاملية زوجي.....حوست على الطريقة كيفاه دارتها (لأنو مقدرتش نوصللها) ...واليوم جات حتى لعندي من أمهر طباخة :15:.....لكن هي دارتها كأنو سباقيتي صغير فالطول مي جات بنينة
حبيت نسقسيك ويلا نقدر نستغنى على النجمات والكروية ويلا ضرورية:10:
صح رمضانك حبيبتي ولكل العائلة:11:

[أم خير الدين 46]

انه الطبق الرئيسي في رمضان ايه راهي بدات ريحة رمضان عندك :16::16:
يقال ان الحريرة بنينة بزاف وصح كي ذقتها كانت بزاف بنينة
شكرا لك على الموضوع وعلى الطبق
تقبلي تحياتي وودي
مشكوووورة حبيبتي على المرور
ان شاء الله تتوفقي في تحضيرها

جمييل بارك الله فيك على الشرح
و الله ديروا مزية إذا كل نهار في رمضان تحطولنا شي وصفة ساهلة و خفيفة
تساعد بزاااااف بالخصوص الشروح المصورة :16:
شكرا و ربي يجازيك
وفيك بارك الرحمان
اهلا وسهلاب يك نورتي صفحتي

يعطيك الصحة أم خيرو على تقديمك كفية تحضي لحريرة.... أنا كنت نسمع بيها برك وخطرة ذقتها عند وحدة فاملية زوجي.....حوست على الطريقة كيفاه دارتها (لأنو مقدرتش نوصللها) ...واليوم جات حتى لعندي من أمهر طباخة :15:.....لكن هي دارتها كأنو سباقيتي صغير فالطول مي جات بنينة
حبيت نسقسيك ويلا نقدر نستغنى على النجمات والكروية ويلا ضرورية:10:
صح رمضانك حبيبتي ولكل العائلة:11:

الله يسلمك أختي امينة
والله غي حشمتوني :10::10:بردودكم المحفزة والمشجعة
رب يخليكم

نعم تقدري تستغني على النجمةوعلى الكروية
ولكن لا يمكنك الاستغناء على السكنجبير والقصبر لانهما روح الحريرة بلا بيهم تجي
الحريرة سامطة ..
موفقةان شاء الله في تجربتها واي سؤال راني في الخدمة
صح رمضانك وينعاد عليك بالصحة والعافية ..عقباااال العام الجاي ان شاء الله

[نسمة الجنة]

شحااال بنيينة بارك الله فيك وصحى فطوووركم

[أم خير الدين 46]

شحااال بنيينة بارك الله فيك وصحى فطوووركم

الله يبارك فيك اختي نسمة
صح رمضانك وكل عام وانت بالف خير

[نور الاشراق]

الله يبارك تبان بنينة يعطيك الصحة ام خير الدين

[أم خير الدين 46]

الله يبارك تبان بنينة يعطيك الصحة ام خير الدين

الله يسلمك اختي نورتي

[aminabil]

السلام عليكم ورحمة الله وبركاته نسيت نسقسيك على الطحين ويلا تقصدي بيه الفرينة
صح فطورك:7::7::7:

[أم خير الدين 46]

السلام عليكم ورحمة الله وبركاته نسيت نسقسيك على الطحين ويلا تقصدي بيه الفرينة
صح فطورك:7::7::7:

وعليكم السلام ورحمة الله تعالى وبركاته
يا اهلين ويا سهلين بالغالية

نعم الطحين هو الفرينة
اي سؤال وحد اخر راني هنا حبيبتي

[نور الاشراق]

لاحظت انو مافي ثوم ؟؟؟ انا نعملها بالثوم مارانيش عارفة بالثوم احسن ولا بلا ثوم لازم نجرب الحريرة ديالك

[أم خير الدين 46]

لاحظت انو مافي ثوم ؟؟؟ انا نعملها بالثوم مارانيش عارفة بالثوم احسن ولا بلا ثوم لازم نجرب الحريرة ديالك

حبيبتي الثوم اختياري ..
موفقة ان شاء الله

[nina usmiste]

باينا بنينة مشكورة

[أم خير الدين 46]

باينا بنينة مشكورة

الله يسلمك حنونتي بارك الله فيك

[أم زيد]

تسلم الأيادي أم خير الدين
حريرة تظهر شهية جدا
تسلم الأيادي
أنا أعمل شربة فريك كما هي تقاليد منطقتنا
لكن في يوم من الأيام الأخيرة من رمضان سوف أعملها إن شاء الله.
لكن يا أم خيرو
ربع علبة طماطم صغيرة أم ماذا؟؟ فهناك أحجام ثلاثة للعلب ...أرجو أن لا تكون الكبيرة.

[aminabil]

بارك الله فيك حبيبتي على التوضيح ....آسفة شقيتك معايا:10:
دمت معطاءة
تقبلي سلامي الحار

[أم خير الدين 46]

تسلم الأيادي أم خير الدين
حريرة تظهر شهية جدا
تسلم الأيادي
أنا أعمل شربة فريك كما هي تقاليد منطقتنا
لكن في يوم من الأيام الأخيرة من رمضان سوف أعملها إن شاء الله.
لكن يا أم خيرو
ربع علبة طماطم صغيرة أم ماذا؟؟ فهناك أحجام ثلاثة للعلب ...أرجو أن لا تكون الكبيرة.
الله يسلمك اختي
بالنسبة لمقدار الطماطم فيك تحطي ملعقتين كبيرة يعني حسب حجم القدر
وبالتوفيق ان شاء الله
بارك الله فيك حبيبتي على التوضيح ....آسفة شقيتك معايا:10:
دمت معطاءة
تقبلي سلامي الحار

الله يبارك فيك أختي امينة
تعبك راااحة كيما قالت المصرية :8::8::8:

[رحيل]

السلام عليكم و رحمة الله وبركاته

بارك الله فيك ام خير الدين على وصفة الحريرة..
جربتها يوم من قبل رمضان و اتبعت و صفتك و كان طعمها رائه حقا...

[أم خير الدين 46]

السلام عليكم و رحمة الله وبركاته

بارك الله فيك ام خير الدين على وصفة الحريرة..
جربتها يوم من قبل رمضان و اتبعت و صفتك و كان طعمها رائه حقا...

وعليكم السلام ورحمة الله تعالى وبركاته
الله يبارك في كاختي رحيل
الحمدلله انك نجحت في تجربتها
وهذاما يجعلني سعيدةجدا :8::8::8:
اللهم لك الحمد ولك الشكر يا رب

[Samia fr]

chahiya tayaba merci

[أم سمية]

تسلم يديك يا ام الخير ان شاء الله ازورك قريبااااا لاذوق اطباقك...

[أم خير الدين 46]

chahiya tayaba merci
الله يسلمك حبيبتي سامية بارك الله فيك
تسلم يديك يا ام الخير ان شاء الله ازورك قريبااااا لاذوق اطباقك...

الله يسلمك اختي ام سمية
و مرحبا بيك اختي في كل وقت :13::13::13:

[أم خير الدين 46]

...............................

[جود الكلمات]

السَّلامُ علَــــيْكُمُ


الله يْبَارك حريرة تهبَّل هههه تسلم الأيادي ، كي يأذن راني نجي نفطر عندك ههههه ندي طبسي لحريرة برك والحمد لله ، ربي يخليك يعطيك الصحة كما نقولو حنا ، وحنا مانديروش لحريرة في رمضان نديرو شربة فريك ، ولحريرة تشبه للبويون بصح الطريقة تختلف هههه شكرًا لكِ ومنكم نستفيد

أسْتَغْفِرُ الله وأتُوبُ اليْه

[جود الكلمات]

السَّلامُ علَــــيْكُمُ


طاطا شوفي هذي هههههه

http://4.bp.blogspot.com/-8WbDgj6oiCk/UD3rHxresGI/AAAAAAAAAIY/ZrElkAWrIbc/s1600/%D8%A7%D9%84%D8%AD%D8%A8-%D8%AF%D8%B9%D8%A7%D8%A1.jpg

وهذي ههه

http://files2.fatakat.com/2010/12/12921158123997.jpg

أسْتَغْفِرُ الله وأتُوبُ اليْه

[أم خير الدين 46]

السَّلامُ علَــــيْكُمُ


الله يْبَارك حريرة تهبَّل هههه تسلم الأيادي ، كي يأذن راني نجي نفطر عندك ههههه ندي طبسي لحريرة برك والحمد لله ، ربي يخليك يعطيك الصحة كما نقولو حنا ، وحنا مانديروش لحريرة في رمضان نديرو شربة فريك ، ولحريرة تشبه للبويون بصح الطريقة تختلف هههه شكرًا لكِ ومنكم نستفيد


شكرا على مرورك العطر الذي عطر صفحتي اميرتي

بالنسبة للحريرة هي ملكة المائدة بدون منااازع مانستغنوش عليها حتى في الايم العااادية ..

اما الشوربة فريك غير معروفة عندنا استثناء انا

نحضرها بزاااف يعني نوع الطابلة انتاعي والعايلة وضيوفي عجبتهم البنة


نتمنى انك تجربي حريرتي ورديلي الخبر

تحياتي القلبية
أسْتَغْفِرُ الله وأتُوبُ اليْه

السَّلامُ علَــــيْكُمُ


طاطا شوفي هذي هههههه

http://4.bp.blogspot.com/-8wbdgj6oick/ud3rhxresgi/aaaaaaaaaiy/zrelkawribc/s1600/%d8%a7%d9%84%d8%ad%d8%a8-%d8%af%d8%b9%d8%a7%d8%a1.jpg

وهذي ههه

http://files2.fatakat.com/2010/12/12921158123997.jpg

أسْتَغْفِرُ الله وأتُوبُ اليْه

نيشان والله غي ندعيلكم في صلاتي او بالاحرى في اي وقت نتفكركم فيه

رب يخليكم ليا ويديم محبتنا ويجمعنا على طاعته ورحاابه

نسال الله تعالى ان يجمعنا في الفردوس الاعلى مع الحبيب محمد عليه أفضل الصلاة وازكي سلاام ياارب

[جود الكلمات]

السَّلامُ علَــــيْكُمُ
اللهم آميـــــــن من فمك لربي يا طاطا بارك الله فيك ، ان شاء الله نجرب لحريرة تاعك باينة بلي تعجبنا وخاصة أخي الكبير علاء ، يحب الحاجات لخفاف وفيهم لي فيتامين اونبليس بنان ومايضروش هههههههه كما لحريرة تاع طاطا أم خير الدين





أسْتَغْفِرُ الله وأتُوبُ اليْه

[أم خير الدين 46]

السَّلامُ علَــــيْكُمُ
اللهم آميـــــــن من فمك لربي يا طاطا بارك الله فيك ، ان شاء الله نجرب لحريرة تاعك باينة بلي تعجبنا وخاصة أخي الكبير علاء ، يحب الحاجات لخفاف وفيهم لي فيتامين اونبليس بنان ومايضروش هههههههه كما لحريرة تاع طاطا أم خير الدين





أسْتَغْفِرُ الله وأتُوبُ اليْه

بالتوفيق ان شاء الله اميرتي نعرفك باللي شاطرة

[شاعرة المستقبل]

بصراحة انا جامي ضقت لحريرة
احنا ما نديروهاش كشما نهار نجربها وندوقها

[ام صابرين]

اممممممممممممممم يعطيك الصحة تهبل شهيتينا

[ام زين الدين]

محجوزة خالتي الحاجة

[جود الكلمات]

السَّلامُ علَــــيكُم

رفع ، مجربة وبنينة



أسْتَغْفِرُ الله وأتُوبُ اليْه

[ahmedabuzeid]

تسلم الايادى ويارب الى طريق الاحتراف (http://www.professionnale.com)

[narriman]

أممممم
يمي يمي
تسلم ايديك طاطا
حريرة و عليها الكلام
فنانة ماشاء الله