لله في خلقه شؤون...

[دمعة حزين]

لله في خلقه شؤون...
معجّب حال الدّنيا و معجّب حال هاد البشر
كاين لّي في قلبو الطيبة و كاين لّي قلبو قاسي كي لحجر
وجوه مسودة تخوّف و وجوه ضاوية كي لقمر
ناس تخاف ربّي و تحمدو و ناس ماتآمنش بيوم المحشر
و كاين ناس تحب الوطن و تخلصلو و ناس تعشق الغربة و السفر
كاين لّي يقنع بقطرة ماء و كاين لي مايقنعش يا لوكان يشرب لبحر
هذا عماه لبكا كي صابو الضّر و هاذاك صابو الشر و صبر
هذيك محجبة طاهرة و لوخرا تغوي الشباب بالضيق و الشعر
شاب يشوف الفتنة ما ترمشلو عين و شاب قبل ما يشوف غض البصر
كاين لّي آمن و اتقى و كاين لّي سخر و كفر
و كاين لّي حزن كي استشهد مجاهد وو لوخر كي مات مغنّي نتحر
قلب نقي طاهر و قلب من لحسد و الغدر انفجر
و كاين و كاين ما رانيش حابا برك نكمّل و نهدر
خلّيها على ربي سبحانو و هادا هو آخر سطر.....
دمعة حزين:14::14::14::14::14::14::14::14::14::14::14::1 4::14::14::14::14::14::14::14::14::14::14::14::14:

[محمد رضا علي]

هكذا هي هذ الدار *** مدرسة وعبر
يطلع ليل ويروح نهار *** والحياة تستمر
فاتوا ناس كثار *** مختلفين عقليتهم البشر
منهم من غواه المشرار *** ورماه وسط بحر
وآخرين عرفوا أن الأعمار *** والقلوب بين أيدي المقتدر
طاعوه ودعاوا بالإستغفار *** ويرحمنا يوم تفنا هذ لعمر
لأن آخرتها جنة أو نار *** وتم تكون دار المستقر
هكذا يا أختي لاح لي في الأبصار *** وأدعوا لرضا ربي يغفر

[دمعة حزين]

آمييييييييين يا ربي العالمين.... كلامك درر أخي الكريم ألف تحيّة تقدير و إحترام

[عبدو الزاهي]

كلمات روعة بارك الله فيك الاخت مستوى جيد
هيهات بين الفنان الذي يعطي الفن حقه و بين من يسمي نفسه فنان

[دمعة حزين]

شكرا على مرورك العطر... و كلماتك المشجعة...

[مايا علاق]

لا حول ولاقوة الا بالله فعلا هذا هو حالنا بارك الله فيك

[دمعة حزين]

شكرا على مرورك العطر