القلوب قساحوا...

[محمد داود]

واش جاك على البال ؟ باللهجة العامية الجزائرية
و الحديث قياس
القلوب قساحوا..
عمي محمد إنسان إذا مريت قدامه
تقطف من الحكمة اللي تطولك في العمر
و اذا جالسته, يفرغ لك راسك من التوسويس اللي دوخ راس كثير من الخلق.
كاين ديمن يقول: دمعة العين للقلب راحة..
و اللي يفمها البعض بأن الدمعة في عين الراجل و حتى المرأة..تنقص من قيمته في عينين الناس..
· أعوذ بالله من عين لا تدمع *
و من بعد كي يوصلك هم الزمان و يكتف لك يديك و ركايب.. تتيقن و تعرف بأن القلب اذا تعمر .... يقدر يقتل صاحبه بالوجاع اللي ما عنده حتى دواء..
غير اللي نصح بيه سيد الخلق محمد صلى الله عليه وسلم, العبد اللي جاه يشتكي و قال له: قلبي راه يوجع فيا.
نبهو سيد الخلق صلى الله و سلم, و بالمفهوم البسيط أديالنا : أن القلوب اذا جمدت .. وجعت.
و على هذيك نصحه صلى الله عليه و سلم و قال له: روح , أمسح بيدك على رأس يتيم.. سبحان الله العلي العظيم شوف كيفاش يداويك سيد الخلق الرحمة المهداة بالرحمة الموجودة على راس اليتيم كي تحن و تعطف عليه..
وتكتشف الحكمة بأن القلوب عندما تفرغ و تخلا من الرحمة ..توجع.
على ذيك ننصح روحي و ننصحكم, ما تخلوش قلوبكم يقساحوا حتى تخلاص منهم الرحمة.
لأن , اللي خلاصت منه الرحمة لا يرحم و يعيش باقي حياته, تعيس, و تالف.. حتى و لوكان كسب مال قارون.
و الحديث قياس

[دمعة حزين]

كلامك صواب يا خويا الله يبارك عليك

[مايا علاق]

صدقت فعلا بارك الله فيك وسدد خطاك موضوع مفيد ومهم وفي راي انه موضوع مناسب للاوضاع الحالية ( قساحت القلوب وراحت منها الرحمة) شكرا لك

[محمد داود]

كلامك صواب يا خويا الله يبارك عليك
يبارك فيك
و الصواب من الله
و الاستغفار من الانسان
شكرا
تقبلوا احترامي

[محمد داود]

صدقت فعلا بارك الله فيك وسدد خطاك موضوع مفيد ومهم وفي راي انه موضوع مناسب للاوضاع الحالية ( قساحت القلوب وراحت منها الرحمة) شكرا لك


الله يحنن القلوب
على كل حال هذا الأسلوب طريقة جديدة في كتابة الخاطرة باللغة العربية المبسطة..
ان شاء الله تعجبكم
تقبلوا احترامي

[سيدة الدفتر]

وقساحت القلوب لكن رحمة ربك واسعة والعبد دوما يرفع رأسهه للخالق للدلالة على طلب العون والرحمة

بوركت أخي

مدائن ود