يا جماعة الخير فهموني

[هدى16]

:14:
السلامعليكم ورحمة الله وبركاته
انا نقرا سنة ثانية علوم اقتصادية lmd في الفصل الاول بلعت ب 10 فاصل وهاد الفصل الاخير مابلعتش وخاصني 20 نقطة يعني كريدي ، لانو مافوتش 3 امتحانات بسبب ظروف
ودرك راهم يقولولي كون مانبلعش في الغاتغاباج نعاود العام ، ومانطلعش بالديون يعني en dette
هل صحيح كاينة منها
للعلم عندي 100 نقطة واللي يبلع يكتبولو 120 نقطة
قالولي بدلو كلش كون مانبلعش نعاود العام يعني مانطلعش للسنة الثالثة
فهموني والله راااااااااااااني خايفة بزاف كون مانبلعش ومانطلعش

[نسمات الربيع]

اختي على حسب ما اظن انك تطلعي بصح بالكريدي بشرط يكون غيابك مبرر,,,,,كل جامعة راه تبع في نظام مختلف ...... تمنياتي لكي بالتوفيق

[nina usmiste]

ربي يجيب الخير هدا واش نقول و التعليم هدا خلطو كامل جدو ليم بغوgغام غدوا يبدلوه هدي هيا ربي معاك

[walid89]

وعليكم السلام ورحمة الله وبركاته
كاينا منها هناك جامعات تعمل بهذه الطريقة
اتمنى لك التوفيق

[عبد المنتقم]

نظام ال l.m.d ليس ملك شخص او يتصرف فيه شخص معين
هو نظم له اسس و قوانين و مبادئ
من حقك الصعود الى الانتقال الى السنة لي بعدها يعني سنة ثالثة
و هو سنة الحصول على شهادة ليسانس باحد التخصصات الموجودة
و بما انو غيابك مبرر عليك باتخاذ الاجراءات المناسبة للوقوف
على اشباه المسييرين المتعنتين في جامعاتنا
ما دامك عندك التبرير ما تسالي حتى على شخص
و ليكن في علمك انو في حالةغيابك
يمكن ان تجتازي انمتحانات الراتراباج و يحسب لك
على اسسا امتحانك الدراسي العادي
و في حالة عدم تمكنك يجرى لك امتحان فردي من قبل
استاذ المادة بعد التشاور و التنسيق مع رئيس الفرع

اتمنى لك التوفيق و ربي يسهل امورك ان شاء الله اختاه
تقبلي تحياتي

[هدى16]

بارك الله فيكم
الحمد لله ليوم رحت للجامعة وبلعت العام وطلعت للسنة الثالثة
درك راني نخمم في التخصص
جزاكم الله عنا كل خير

[نسمات الربيع]

مبروك اختي عقبال الماستر ان شاء الله ,انا عن نفسي اخترت تخصص اقتصاد تطبيقي لان الاستاذ هو شجعني لاختاره