بورقى بشير
02-03-2008, 09:37 AM
يا الدنيا
يا الدنيا لكويتي قلبي كية،و شعلتي فيه نيران قوية و طيحتي دموعي بهطيلة
أنت يا الدنيا ضلمتيني كثير،حقي فيك نحيتيه،هنايا فيك مديتيه و مكتوبي فيك هديتيه.
علاش أنا بالذات،تنحي مني و تمدي لغيري،تفرحي غيري بحزاني،تهني غيري بعذابي و تضحكي غيري بدموعي.
بكيتيني يا الدنيا و أحزاني فيك طالت
و الشمس في سمايا غربت ما طلت
بكيتيني يا الدنيا و دموعي فيك طاحت
و النجوم في سمايا طفات ما بانت
بكيتيني يا الدنيا ما شفقتي عليا بعدتيني عن ناسي و أحبابي
دوك لحبهم قلبي و عشت معاهم الماضي
بكيتيني يا الدنيا ما حنتي عليا بعدتيني عن عشقي و غرامي
ديك لخانت و مشات عاهدت ما وفات
بكيتيني يا الدنيا ما خفتي عليا فرقتيني و نحيتيلي يمى الحنينة
ديك لربتني صغير توفات ما شفوها عينيا
بكيتيني يا الدنيا من الدفء حرمتيني و في البرد رقدتيني
بكيتيني يا الدنيا في الضلام مشيتيني و في الاحزان ديما عيشتيني
بكيتيني يا الدنيا بالماضي سجنتيني وبالذكريات عدمتيني
و فيك أدفنتيني....
بقلمي بورقى بشير
يا الدنيا لكويتي قلبي كية،و شعلتي فيه نيران قوية و طيحتي دموعي بهطيلة
أنت يا الدنيا ضلمتيني كثير،حقي فيك نحيتيه،هنايا فيك مديتيه و مكتوبي فيك هديتيه.
علاش أنا بالذات،تنحي مني و تمدي لغيري،تفرحي غيري بحزاني،تهني غيري بعذابي و تضحكي غيري بدموعي.
بكيتيني يا الدنيا و أحزاني فيك طالت
و الشمس في سمايا غربت ما طلت
بكيتيني يا الدنيا و دموعي فيك طاحت
و النجوم في سمايا طفات ما بانت
بكيتيني يا الدنيا ما شفقتي عليا بعدتيني عن ناسي و أحبابي
دوك لحبهم قلبي و عشت معاهم الماضي
بكيتيني يا الدنيا ما حنتي عليا بعدتيني عن عشقي و غرامي
ديك لخانت و مشات عاهدت ما وفات
بكيتيني يا الدنيا ما خفتي عليا فرقتيني و نحيتيلي يمى الحنينة
ديك لربتني صغير توفات ما شفوها عينيا
بكيتيني يا الدنيا من الدفء حرمتيني و في البرد رقدتيني
بكيتيني يا الدنيا في الضلام مشيتيني و في الاحزان ديما عيشتيني
بكيتيني يا الدنيا بالماضي سجنتيني وبالذكريات عدمتيني
و فيك أدفنتيني....
بقلمي بورقى بشير