شكشوكة مونجتو -زاليقو-من اعدادي

[شاعرة المستقبل]

مساء النور اصدقاء اليوم درت شكشوكة وحبيتكم تجربوها لانها جات مليحة
المقادير
1كلغ مونجتو -زاليقوا ولا لوبيا خضرا منعرف وش تسموها
3حبات بطاطا مقطعين مربعات صغار ومقليين
2حبات جزر مقطعين دوائر ومقليين
1كاس جلبانة مغلية فالماء
1صدر دجاج مقطع مربعات ومقلي
فلفل حار مقلي
3حبات طماطم
و2فصوص ثوم
ملح وفلفل اكحل
1ملعقة كبيرة مارغرين +زيت
طريقة التحضير

تقطعي المونجتو وتفوريها شويا 5 دقايق ومن بعد تنحيها وتقليها
http://im33.gulfup.com/YU59o.jpg
تقلي البطاطاومن بعد الجزر
http://im33.gulfup.com/IdQVH.jpg
وتقلي الدجاج
http://im33.gulfup.com/RIX1e.jpg
تزيديلو الطماطم وتخليها حتى اتطيب+ ملحوفلفل اسود
http://im33.gulfup.com/c96xP.jpg
ومن بعد حطي عليها المونجتو و والجزر والجلبانة
http://im33.gulfup.com/7R7Qv.jpg
وخليهم يغلو مع بعض شويا حتى تنشف ومن بعد زيديلها البطاطا
ورح اتجي روعة بالبزاف
جربوها وقولولي
وهي من الاطباق الي نديروها في رمضان

[جود الكلمات]

السَّلامُ علَــــيْكُمُ
انا مانحبش المونجتو ، بصح طريقة جدية الله يبارك ، سلمت يدااااك شابة ، بارك الله فيكِ ، بصحتك حنونة
أسْتَغْفِرُ الله وأتُوبُ اليْه

[ندى المطر]

اممممممممممم ..........سلمت يداك ريان ......الله بارك بيلي راكي مهنيا امك من شغل طياب والكوزينة....:1::1::1::1::1::1::1::1::1::1::1::1:: 1::1::1::1:

[شاعرة المستقبل]

ربي يخليكم ليا انا نحب المونجتو بزااااااااف

[جود الكلمات]

السَّلامُ علَــــيْكُمُ
ريَان تحبي المونجتو ؟

مالا نوجدلك أحلى ماكلة بالمونجتو ههههه ونبعتهالكم ، بصحتك





أسْتَغْفِرُ الله وأتُوبُ اليْه

[أم خير الدين 46]

يعطيك الصحة رياانو على الوصفة

بصح بحرتيها في الاساامي لاول مرة نسمع بيها

الحمد لله الصورة موجووودة

بارك الله فيك

[شاعرة المستقبل]

مرحبا بيك ختو راني نستنا طيبي مليح

طاطا ربي يعيشك وانتوما وش تسميوها هههههههههههههههه

والصورة النهائية ما خرجتش منعر ف وعلاه

[داليا شيح]

اممممممممممممممممممم
هايلة

بصح شكشوكة بالمونجو ؟؟ :5::5::5:
جامي سمعت بيهااا

بصح باينة هاايلة :16::16::16:

شكرا ريوونة

[شاعرة المستقبل]

عيشك ميمي جربيها ودوقي ماعادش تنسايها ههههههههه

[ضحكة خجل]

ممممممممممم
نمووووووووووووووت على الزاليقو

[ام زين الدين]

جديدة هذي عندي بصح انا نعطيك ديري هذي ماذامك تحبي الزاليقو نسميه زايليقو نتاع عيسى علاش عيسى هو الي يديرو لا علينا
شوفي اقلي الزاليقو مليح كيما الي في الصورة عندك نتاع شكشوكة ورابي بصلة والثوم وقطعي حبة فلفل حلو كيما نتاع الشكشوكة حبة طماطم شوية لحم مرحي شوية برك ولا جاج مقطع صغير مربعات والتوابل وقليهم مليح وارمي عليهم الزاليقو ومرقي بفنجال ماء وخلي يغلي شوية وطفي هايل بمعنى الكلمة جربيه ودعيلي انا وعيسى هههههههههههههههههههههههههههههههه

[ضحكة خجل]

ايه ندعيلك مي بالشاوية:
احم احم
آربا آشم يحفظ ايهاروا نم آتسقعمرذ وا تربيذ و اتهنيذ هاروا ناروا نم

[شاعرة المستقبل]

جديدة هذي عندي بصح انا نعطيك ديري هذي ماذامك تحبي الزاليقو نسميه زايليقو نتاع عيسى علاش عيسى هو الي يديرو لا علينا
شوفي اقلي الزاليقو مليح كيما الي في الصورة عندك نتاع شكشوكة ورابي بصلة والثوم وقطعي حبة فلفل حلو كيما نتاع الشكشوكة حبة طماطم شوية لحم مرحي شوية برك ولا جاج مقطع صغير مربعات والتوابل وقليهم مليح وارمي عليهم الزاليقو ومرقي بفنجال ماء وخلي يغلي شوية وطفي هايل بمعنى الكلمة جربيه ودعيلي انا وعيسى هههههههههههههههههههههههههههههههه

ربي يحفظك انتي وعيسى وانا رح نجربها لانو عايلتنا يموتو على المونجتو ههههه

[شاعرة المستقبل]

ايه ندعيلك مي بالشاوية:
احم احم
آربا آشم يحفظ ايهاروا نم آتسقعمرذ وا تربيذ و اتهنيذ هاروا ناروا نم

ربي يعيشك حنونة وربي يخليك ليا انا صح شاوية مي تربيت وكبرت في بلاصة وسمها بيطام ودركا رانا رايحين نولو لعين التوتة بلادنا

بعبارة اخرى نعرف غير كلمات خفااااااف بالشاوية
:10::14::14::14::14::14::14::10:

[narriman]

الله يبارك ريان فحلة
عجبتني الفكرة
سلمت يداك

[شاعرة المستقبل]

الله يسلمك حنونة شكرا لك