دروس اللغة العربية الثالثة ثانوي قسم لغات

[nour mosta]

ونبدأ بدرس أول في منهاج اللغة العربية

** لإعراب اللفظي ولأعراب التقديري **

[جود الكلمات]

السَّلامُ علَــــيكُم
موفقين باذن الله
أسْتَغْفِرُ الله وأتُوبُ اليْه

[صاحب الظل الجميل]

راني نشرح في الدرس انتبهو جيدا

[nour mosta]

وااااااااااه يا معلم هههههههههه

[صاحب الظل الجميل]

اهلا ركزي معيا مليح ...الهدف من هذا الدرس ماهو ؟؟؟ هناك هدفين


اول هدف هو التعرف على معنى الاعراب التقديري
ثاني هدف هو التعرف على اسباب تقدير الحركة


مفهووووم حتى الان ؟



لاحظي معايا المثال التالي

كيف ترقى رقيك الانبياء

المثال الثاني
لم يساووك في غلاك...

المثال الثالث:

يقضي القاضي على الجاني

نفهمك بادارجة باش تدخلك المعلومة مليح
ظرك نتسائلو كاين علمات في الكلمات لتحتها سطر ولالا؟ معناها ظاهرة ولا مقدرة ؟
انا نجاوب اكيد مقدرة مراهيش ظاهلرة

واش نعربو الكلمة الاولة يعني ترقى ؟ تعرب كلمة ترقى اكيد فعل مضارع مرفوع بصح الضمة هنا ظاهرة ولا مكانش مقدرة يعني؟


الجواب هو مقدرة ....على واش مقدرة ؟ مقدرة على الالف المقصورة علواش مقدرة ؟ على التعذر
ملاحظة التقدير على حروف العلة 3
على الواو والياء لثقل و الالف التعذر
ظرك نروحو لكللمة علا هل حركتها ظاهرة ام مقدرة؟ واش تعرب ؟

الجواب اكيد هو
تعرب كلمة علا في المثال الثاني اسما مجرور بـ من وعلامة جره الكسرة هنا الكسرة مقدرة ولا ظاهرة ؟


اكيد مقدرة بصح على واش مقدرة اعزائي؟


الجواب مقدرة على الالف الممدودة للتعذر دائما قلنا لتتقدر على الالف دائما للتعذر


صحا نروحو للمثال الثالث
واش نعربو القاضي وهنا الحركة في اخر الكلمة ظاهرة ولا مقدرة ؟

اكيد مقدرة اذن واش نعربو القاضي؟
تعرب يااعزائي فاعلا مرفوع بالضمة ولاكن الظمة هنا مقدرة علواش مقدرة نقولو مقدرة على الياء لمذا للثقل وانا قلتلكم الياء والواو داءما للثقل


الخلاصة
الاعراب التتقدير هو وجود حركة في التقدير مع وجود مانع يمنعها من ظهور ويشمل الاسماء والافعال في زوج

[جود الكلمات]

السَّلامُ علَــــيكُم
بارك الله فيــك ، درس مفهوووم ، اذا ممكن اريد التحضير لدرس المجاز العقلي والمرسل
أسْتَغْفِرُ الله وأتُوبُ اليْه

[صاحب الظل الجميل]

نعم يمكن درس المجاز بنوعيه ساهل جدا ماعليكم هو مراجعة الدروس بتسلسل احسن لاكن ان اردتو المجاز العقلي والمرسل ....اتفقو وقتاش تحبو نشرحلكم مافي مشكل

[جود الكلمات]

السَّلامُ علَــــيكُم
لا انا ادرس علوم تجريبية وليس لغات ، يعني أول درس لنا في البلاغة هو المجاز ، لكن ماعليش اليوم آخر يوم لي بالمنتدى ، بالتوفيق للجميع ......
أسْتَغْفِرُ الله وأتُوبُ اليْه

[nour mosta]

شكراااااااااا أسامة لدرس

[صاحب الظل الجميل]

ان شاء الله اختي انا تحت امركم

[nour mosta]

أسامة درسنا لقادم

لإعراب معتل أخرى

[صاحب الظل الجميل]

يكون ان شاء الله في الليل او غدا

[nour mosta]

خلي درسنا لقادم غدا

[صاحب الظل الجميل]

الدرس الثاني


في مجال البلاغة :

عنوان الدرس : التضـمـين

الهدف من هذا الدرس هو: 1/ نتعرفو على مفهوم التضمين
2/ نوظفو التضمين في كتاباتنا

ملاحضة - اشرح الدروس بالعامية الدارجة لكي يسهل على الطالب الفهم يعني اهل الاختصاص لا يلمونا على طريقة الشرح وشكرا

نشوفو المثال الاول واش يقول :

قال الشاعر :

تعودت قهر النفس طفلا وانه .......( لكل امرئ من الدهر ماتعودا)

وقال المتنبي:

.( لكل امرئ من الدهر ماتعودا ).....وعادة سيف الدولة الطعن في العدا

المثال الثاني :

قال ابو فراس :

سيذكرني قومي اذ جد جدهم....( وفي الليلة الظلماء يفتقد البدر)

وقال قبله عنترة :

سيذكرني قومي اذا الخيل اقبلت.....( وفي الليلة الظلماء يفتقد البدر)

نلاحظو ان الشاعر في البيت الاول سلف بيت نتاع المتنبي لونه بالاحمر ودخلو في القصيدة نتاعو يعني اخذ نصف بيت ودخلو مع كلامو واصبح شطر نتاعو وشطر نتاع المتنبي ..مفهوووووووم الان؟؟

المثال الثاني
ابو فراس اخذ شطر من بيت نتاع عنترة بن شداد وضمنه في كلامه

ملاحظة :علاه سماوه التضمين؟ لأنو ببساطة الشاعر يضمن او يسرق شطر من بيت خاطيه.....وهذا في البلاغة يسمى التضمين..

الخلاصة :

التضمين هو ان يضمن الشاعر شيئا من شعر غيره. يتحفو مليح كأنه له وهو نوع من المحسنات اللفظية.


الأفق الجميل (http://montada.echoroukonline.com/member.php?u=376479)
اخوكم حساني اسامة

[nour mosta]

بارك لله فيك أسامة

[sun]

مسابقة الدكتوراه (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه 2025/2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه (https://lmd.sahla-dz.com/)
محاضرات (https://lmd.sahla-dz.com/)
Remote Work (https://jobs.sahla-dz.com/)
Freelance (https://jobs.sahla-dz.com/)
بحث جاهز بالمنهجية العلمية (https://ba7thi.sahla-dz.com/)
بحث pdf word (https://ba7thi.sahla-dz.com/)