طرائف وحكاية .

[وائل (جمال)]

احبائي الشرقيين .
لا شك انكم ممرتم بالكثير من المواقف الطريفة في حياتكم الدراسية والعادية.
اردت لهذا الموضوع ان يكون محطة لمختلف الطرائف التي صادفتكم في يومياتكم .
فكل الرجاء ممن لا يزال يتذكر حادثة طريفة وقعت له اثناء الدراسة او في اي مجال آخر ان يسردها لنا ليتحفنا ويضحكنا جزاكم الله كل خير .

[منال لينا]

السلام عليكم شكرا لك اخ وائل على الاجتهاد
لقد سبق لي و ان طرحت مثل موضوعك لكن لم يهتم لامره احد
ربما احبابنا هنا حياتهم خالية من الطرائف و المواقف المضحكة لذلك لم يجدوا ما يدلون به
احكي لك موقف حصل مع اكثر من مرة و مع اشختص مختليفين
مرة كنت ذاهبة الى السوبر ماركت فوجت احدهداهن تسلم علي بحرارة و تقول لي كيف حالك
لم اراك منذ مدة و قالت لي لقد غيرتي طريقة لبسك انت اليوم تلبسين شرعي
قلت لها اختي انت مخطاة قالت لي الست تركية قلت لا انا عربية
قالت لي متاكدة قلت كيف و هل انسى اصلي
قالت لي اليست لديك اخت قلت لا
اخذت تحملق و تقول سبحان الله و كانك هي فاخذت اضحك و احمرت وجنتاي:10: :10:

و مرة اخرى التقيت ياباني ههههه لكن ما حسبنيش يابانية شبهني الواحدة جارته عربية
قالي كيف حالكم قلت الحمد لله كيف وجدتم البيت الجديد قلت مليح قال لي سعيد لرايتك قلت شكرا و قال لي زوجتي هناك
و بعدها سالتني صديقتي علاش ارحلتو قلت لا لم نرحل قلت لها ما حبيتش نحشموا درت روحي نعرفه :20: :20: غاضني المسكين نشوكيه

[وائل (جمال)]

السلام عليكم شكرا لك اخ وائل على الاجتهاد
لقد سبق لي و ان طرحت مثل موضوعك لكن لم يهتم لامره احد
ربما احبابنا هنا حياتهم خالية من الطرائف و المواقف المضحكة لذلك لم يجدوا ما يدلون به
احكي لك موقف حصل مع اكثر من مرة و مع اشختص مختليفين
مرة كنت ذاهبة الى السوبر ماركت فوجت احدهداهن تسلم علي بحرارة و تقول لي كيف حالك
لم اراك منذ مدة و قالت لي لقد غيرتي طريقة لبسك انت اليوم تلبسين شرعي
قلت لها اختي انت مخطاة قالت لي الست تركية قلت لا انا عربية
قالت لي متاكدة قلت كيف و هل انسى اصلي
قالت لي اليست لديك اخت قلت لا
اخذت تحملق و تقول سبحان الله و كانك هي فاخذت اضحك و احمرت وجنتاي:10: :10:

و مرة اخرى التقيت ياباني ههههه لكن ما حسبنيش يابانية شبهني الواحدة جارته عربية
قالي كيف حالكم قلت الحمد لله كيف وجدتم البيت الجديد قلت مليح قال لي سعيد لرايتك قلت شكرا و قال لي زوجتي هناك
و بعدها سالتني صديقتي علاش ارحلتو قلت لا لم نرحل قلت لها ما حبيتش نحشموا درت روحي نعرفه :20: :20: غاضني المسكين نشوكيه

ههههههههههههههههههههههههه
حكايتان ظريفتان ،صدقيني لم اعلم بأنك كتبت موضوعا يشبه هذا ،والا لكنت سأكتب فيه بعض المواقف ،اما عن الأعضاء فأحد الإحتمالين اما انهم ينسوا ،واما انهم لا يهتمو.
على كل ،شكرا لك على المرور منال ،لك اجمل التحية

[وائل (جمال)]

أذكر حكاية طريفة وقعت لي في رمظان هذه السنة .
دعتني خالتي الى الإفطار عندها ،وهي مدينة تبعد عن سكني بحوالي 40 كلم ،المهم لبيت الدعوة وذهبت ،فحان وقت صلاة العصر ،فقررت ان اذهب للمسجد للصلاة ،كانت بهامسجدا واحدا ،فصليت ولما سلم الإمام اتجهت مباشرة الى حيث الماء البارد فشربت كأسين حتى ارتويت ههههههه امام مرأى جميع المصلين ،الغريب انه لم يتكلم احد ولا كلمة ،وبعدها حمل المصحف وابدأت اقرأ ما تيسر ،فأحسست بنشاط غريب وبوردة رائعة في معدتي ،فعرفت ماذا فعلت ،فغضبت غضبا شديدا في بادئ الأمر ،لكن سرعان ما انفجرت من الضحك لاحقا .وصرت احكي هذه الحكاية لكل اصدقائي
تفسير هذه الفعل كما وصفته خالتي هو أني لأول مرة افطر خارج مدينتي هههههههه

[نسرينات الامل]

السنة الماضية في درس يتعلق بالابراج في مادة الفرنسية سأل زميل لي الاستاذة عن برجه فسألته عن تاريخ ميلاده جاوبها هو 3 افريل لاقاطعهم انا اسامة برجك برج الحمل رانا زايدين في نهار واحد
تدخلت الاستاذة :trs b1 nesrine mais quelle année
هنا قمة الاحراج قلتلها .........199 نسيت السنة
كيف اتصرف؟
شفت في صحبتي سقسيتها و المصيبة قاتلي وانا وين علبالي لمزيا شافت الاستاذة في دفتر النصوص و قاتلي 1996 مي لابروشان فوا عندك تنساي

[وائل (جمال)]

السنة الماضية في درس يتعلق بالابراج في مادة الفرنسية سأل زميل لي الاستاذة عن برجه فسألته عن تاريخ ميلاده جاوبها هو 3 افريل لاقاطعهم انا اسامة برجك برج الحمل رانا زايدين في نهار واحد
تدخلت الاستاذة :trs b1 nesrine mais quelle année
هنا قمة الاحراج قلتلها .........199 نسيت السنة
كيف اتصرف؟
شفت في صحبتي سقسيتها و المصيبة قاتلي وانا وين علبالي لمزيا شافت الاستاذة في دفتر النصوص و قاتلي 1996 مي لابروشان فوا عندك تنساي

ههههههههههههههههههههههه
جامي سمعت بلي كاين لينسى العام لزاد فيه
حفضك ربي
كون جيت من الأستاذة نخرجك من القسم هههههههههههههه

[نسرينات الامل]

ههههههههههههههههههههههه
جامي سمعت بلي كاين لينسى العام لزاد فيه
حفضك ربي
كون جيت من الأستاذة نخرجك من القسم هههههههههههههه

هههههههههههههه واش راح ندير الجوع و لعيا و الحصة كانت من 4.30-5.30 تخلطو لخيوط هههههههه

[منال لينا]

أذكر حكاية طريفة وقعت لي في رمظان هذه السنة .
دعتني خالتي الى الإفطار عندها ،وهي مدينة تبعد عن سكني بحوالي 40 كلم ،المهم لبيت الدعوة وذهبت ،فحان وقت صلاة العصر ،فقررت ان اذهب للمسجد للصلاة ،كانت بهامسجدا واحدا ،فصليت ولما سلم الإمام اتجهت مباشرة الى حيث الماء البارد فشربت كأسين حتى ارتويت ههههههه امام مرأى جميع المصلين ،الغريب انه لم يتكلم احد ولا كلمة ،وبعدها حمل المصحف وابدأت اقرأ ما تيسر ،فأحسست بنشاط غريب وبوردة رائعة في معدتي ،فعرفت ماذا فعلت ،فغضبت غضبا شديدا في بادئ الأمر ،لكن سرعان ما انفجرت من الضحك لاحقا .وصرت احكي هذه الحكاية لكل اصدقائي
تفسير هذه الفعل كما وصفته خالتي هو أني لأول مرة افطر خارج مدينتي هههههههه

يقال اذا واحد شرب في رمضان سقاوه الملائكة
بصحتك

[منال لينا]

السنة الماضية في درس يتعلق بالابراج في مادة الفرنسية سأل زميل لي الاستاذة عن برجه فسألته عن تاريخ ميلاده جاوبها هو 3 افريل لاقاطعهم انا اسامة برجك برج الحمل رانا زايدين في نهار واحد
تدخلت الاستاذة :trs b1 nesrine mais quelle année
هنا قمة الاحراج قلتلها .........199 نسيت السنة
كيف اتصرف؟
شفت في صحبتي سقسيتها و المصيبة قاتلي وانا وين علبالي لمزيا شافت الاستاذة في دفتر النصوص و قاتلي 1996 مي لابروشان فوا عندك تنساي

ههههه سجود انت راكي كارثة

[وائل (جمال)]

يقال اذا واحد شرب في رمضان سقاوه الملائكة
بصحتك

الله يسلمك

انا شربت حتى ارتويت
والله كأسين كاملين
وفقت بعد ربع ساعة

[منال لينا]

الله يسلمك

انا شربت حتى ارتويت
والله كأسين كاملين
وفقت بعد ربع ساعة

ربع ساعة راك طولت سقاوك ملائكة السماء و الارض
نفس الموقف حدث لاخي دخلنا سوبر ماركت و انا لااحب الماء الخلوك بالقاز
نحبوا ماء طبيعي و سالته هذا طبيعي ام لا فتح القرعة و شرب منها هههههه قالي ماء طبيعي و بعدها فاق انا ضحكت الى ان شبعت
و بعدها حملني المسؤولية

[وائل (جمال)]

ربع ساعة راك طولت سقاوك ملائكة السماء و الارض
نفس الموقف حدث لاخي دخلنا سوبر ماركت و انا لااحب الماء الخلوك بالقاز
نحبوا ماء طبيعي و سالته هذا طبيعي ام لا فتح القرعة و شرب منها هههههه قالي ماء طبيعي و بعدها فاق انا ضحكت الى ان شبعت
و بعدها حملني المسؤولية

طبعا سيحملك المسؤولية ههههههههههه فأنت من بادر بالسؤال سأل ههههه

[اماني أريس]

اضحك الله سن اخواني في فردوسه طرائف رائعة انتظرني اخي وائل النت عندي ضعيف جدا ساملا الصفحة بطرائفي هي كثيرة جدا

[وائل (جمال)]

اضحك الله سن اخواني في فردوسه طرائف رائعة انتظرني اخي وائل النت عندي ضعيف جدا ساملا الصفحة بطرائفي هي كثيرة جدا

هههههههه طيب املأيها لكن على مهل .........على مهل .

[منال لينا]

نزيدك هذه عن امي
مرة انقطعت الكهرباء و امي كانت تحمل الزلاميط و اخذت تبحث عن ورقة باش تشعلها لتبحث عن الدراهم اللي طاحوالها
وضعت يدها على الارض لقات ورقة شعلت فيها النار و لك المفاجاة كانوا العشرة الاف اللي طاحولها حسبتهم ورقة شعلت فيهم النار
بابا طلقها على عملتها السودة ههههههههه
بعيد الشر امزح فقط

[وائل (جمال)]

نزيدك هذه عن امي
مرة انقطعت الكهرباء و امي كانت تحمل الزلاميط و اخذت تبحث عن ورقة باش تشعلها لتبحث عن الدراهم اللي طاحوالها
وضعت يدها على الارض لقات ورقة شعلت فيها النار و لك المفاجاة كانوا العشرة الاف اللي طاحولها حسبتهم ورقة شعلت فيهم النار
بابا طلقها على عملتها السودة ههههههههه
بعيد الشر امزح فقط

ههههههههههههههههههههههههه
فكرتيني بحكاية
قالك واحد راحتلو ألف فرنك في الظلمة ،مالا شعل عشرين الف باش يلقى الألف .

[منال لينا]

تفكرت موقف حجث معي
مرة خرجت و بعدها جاءتني فكرة و هي
اتصلت على زوجة اخي و كلمتها بالفرنسية و الا كانت ستكتشف امري
كنت اكلمها من هاتف عمومي و قبل ما انهي الكلام خلاصو الدراهم و انقطعت المكالمة
انا بعدما تجولت رجعت الى البيت و نسيب ما قمت به
و بعد عودة اخي اخبرته بان الشركة التى وضع عندهم طلب عمل اتصلوا به لكن المكالمة انقطعت
و قالت له اضنهم علموا بانني لا افهم الماني تكلمت معي واحدة بالفرنسية
خرج مسرعا من البيت حتى يذهب اليهم
عاد الى البيت لانه تعذر عليه الذهاب
و بقيا يحللان المكالمة انا ساعتها لم انتبه لانني كما قلت خدمت الخدمة و انسيت
و بعدها جاءتني مطرقة على راسي و تذكرت
لكن احشمت كفاش انخبرهم
بقيت نخمم:5: :5: و نخمم :5: :5: :5:
يا ربي واش اندير الدار شعلت تحليلات و انظمت العائلة للنقاش و انا :5::5: :5:
بعدها لبس مرة اخرى و قال خلاص ضرك انروح ليهم
عندها حشمت على روحي :10: :10: :10:
و عيطت لها قلت لها واش صار
قالت لي اتصلت وحدة و سالت عن اخوك و اضنهم من الشركة :9: :9: يا خاه عليا
درت بلبلة في الدار
قلت لها قولي له مافي داعي يروح :10: انا المتصلة:10:
ضحكت و قالت لي هذا الشيئ خدايمك :20:
و بعدها انتهى الامر على خير

كلما نتفكر نحكي وحدة لان مصائبي كثيرة

[عبد المنتقم]

ههههههههههههههههههههه
ههههههههههههههههههههههههههههههههههههه
كلك شقاوة

متابع لطرائفكم الجميلة الى حين
بدرت واحدة بذهني

[عبد المنتقم]

رائع موضوعك يا وكال رمضان هههههههههه

[منال لينا]

مرة كان عند اختي عيد ميلاد و احترت ما اهديها
عندها وحد الحقيبة تجمع فيها العديد من الهدايا التى تلقتها
اخذت واحدة غلفتها كيما يلزم الحال
و لما جاءت عنقتها و تمنيت لها حياة سعيدة و اعطيتها الهدية
المسكينة طارت من الفرحة
و بعدما فتحتها :14: :14: :14:
المسكينة بدات تبكي :10: :10:
حشمت من روحي قلبت فرحتها الى دموع
قالت لي انت تتمسخري بيا و انا فرحت :9::9:
قلت لها المهم المشاركة و تذكرتك
خلاص نشيلك حلوة كابريس و ما تبكيش :15::15:
و بعدها خاصمتني :14: :14:
هي اغلى صديقة و اقرب واحدة لي و بكيتها المسكينة
اسفة حبيبتي

[عبد المنتقم]

هههههههههههههههههههه منال اضحك الله سنك
اعلم انها لن تزعل منك
لانو شخص مثلك بهذا الاسلوب يكون اعز صديق عادة
يقلك يلا شفت اثنين كيماالقط و الفار اعلم بلي
ما يقدروش يستغناو على بعضاهم
لا اضنها تزعف منك
طريف جدا الموقف يا مشاغبة

[منال لينا]

هههههههههههههههههههه منال اضحك الله سنك
اعلم انها لن تزعل منك
لانو شخص مثلك بهذا الاسلوب يكون اعز صديق عادة
يقلك يلا شفت اثنين كيماالقط و الفار اعلم بلي
ما يقدروش يستغناو على بعضاهم
لا اضنها تزعف منك
طريف جدا الموقف يا مشاغبة

اسير هي اختي قلت لكنها كالصديقة لاننا قراب من بعض
القصة قديمة شوية

[عبد المنتقم]

اسير هي اختي قلت لكنها كالصديقة لاننا قراب من بعض
القصة قديمة شوية

جيد اصلا لو لم تكن اختك لما فتحت علبتها الخاصة :8:

ربي يحفظكم لبض و يطول في عمركما يارب

[وائل (جمال)]

تفكرت موقف حجث معي
مرة خرجت و بعدها جاءتني فكرة و هي
اتصلت على زوجة اخي و كلمتها بالفرنسية و الا كانت ستكتشف امري
كنت اكلمها من هاتف عمومي و قبل ما انهي الكلام خلاصو الدراهم و انقطعت المكالمة
انا بعدما تجولت رجعت الى البيت و نسيب ما قمت به
و بعد عودة اخي اخبرته بان الشركة التى وضع عندهم طلب عمل اتصلوا به لكن المكالمة انقطعت
و قالت له اضنهم علموا بانني لا افهم الماني تكلمت معي واحدة بالفرنسية
خرج مسرعا من البيت حتى يذهب اليهم
عاد الى البيت لانه تعذر عليه الذهاب
و بقيا يحللان المكالمة انا ساعتها لم انتبه لانني كما قلت خدمت الخدمة و انسيت
و بعدها جاءتني مطرقة على راسي و تذكرت
لكن احشمت كفاش انخبرهم
بقيت نخمم:5: :5: و نخمم :5: :5: :5:
يا ربي واش اندير الدار شعلت تحليلات و انظمت العائلة للنقاش و انا :5::5: :5:
بعدها لبس مرة اخرى و قال خلاص ضرك انروح ليهم
عندها حشمت على روحي :10: :10: :10:
و عيطت لها قلت لها واش صار
قالت لي اتصلت وحدة و سالت عن اخوك و اضنهم من الشركة :9: :9: يا خاه عليا
درت بلبلة في الدار
قلت لها قولي له مافي داعي يروح :10: انا المتصلة:10:
ضحكت و قالت لي هذا الشيئ خدايمك :20:
و بعدها انتهى الامر على خير

كلما نتفكر نحكي وحدة لان مصائبي كثيرة

هههههههههههههههههههههههههههههههههههه
طبعا منال لينا المشاغبة والمشاكسة
ههههههههههه

[وائل (جمال)]

رائع موضوعك يا وكال رمضان هههههههههه

هههههههههههههههههههههههههههههههه
علاه انت جامي كيلت رمضان ههههههههه ،اول مرة تسرالي :2:

[وائل (جمال)]

مرة كان عند اختي عيد ميلاد و احترت ما اهديها
عندها وحد الحقيبة تجمع فيها العديد من الهدايا التى تلقتها
اخذت واحدة غلفتها كيما يلزم الحال
و لما جاءت عنقتها و تمنيت لها حياة سعيدة و اعطيتها الهدية
المسكينة طارت من الفرحة
و بعدما فتحتها :14: :14: :14:
المسكينة بدات تبكي :10: :10:
حشمت من روحي قلبت فرحتها الى دموع
قالت لي انت تتمسخري بيا و انا فرحت :9::9:
قلت لها المهم المشاركة و تذكرتك
خلاص نشيلك حلوة كابريس و ما تبكيش :15::15:
و بعدها خاصمتني :14: :14:
هي اغلى صديقة و اقرب واحدة لي و بكيتها المسكينة
اسفة حبيبتي

ماكان عليها ان تبكي ،المهم انك حضرت الحفلة ،والأكثر ان تدكرتها
خطأ ارتكبته في حقك ،وكان يجب ان تعتذر منك وليس انت من يعتذر
مشاااااااااااااااااااااااااااااااااااااااااااااغبة

[منال لينا]

حقا تفكرت هذه القصة المحزنة
اشتريت مرهم للجلد و اختي حبت تستعملو قلت لها مازالك صغيرة وجهك لا يحتاج
اخذت تبكي و اصرت نعطيها انا كنت نحط في وجهي و نخبيها و هي لم تكن تعرف شكلها
المهم مرة اصرت قلتها راكي متاكدة حابة تحطي من الكريمة قالت ايه لاحافظ على بشرتي
قلت لها اوكي الله يبارك توكلنا على الله اعطيتها الكريمة حطت في وجها و كلها فرح و سرور بعد دقيقة اخذت تنقز في الدار و تجري كالمهبولة

و تعيط يما يما وجهي راه يحرق
قلت لها مليح الحريق باش يحرق الحب اللي مازال ما خرجش
على كل حال غسلت وجهها و لكن الحرقان ماراحش وكنا ساعتها في الشتاء فتحت الشباك و قعدت للبرد باش تبرد الحريق و اصبح لونها احمر
كالطماطم سالتها امي ماهي الكريمة اللي اعطاتها لك منال
ورتهالها قالت لها يا وخذي هذه البورمادة انتاع الروماتيز و الفعوص
لما يوجعوها ركايبها تحطها باش تشربها الريح
من ساعتها مازادتش دارت بيا :20: :20:
مسكينة الله يحفضها اختي عذبتها بزاف :10: :10:

[عبد المنتقم]

ههههههههههههههههههههههههه
ههههههههههههههههههههههههه منال اضحك الله سنك
حرام عليك يا طفلة تديري باختك الصغيرة هاكا يا مشاغبة
حوجي اياك و التلاعب بالمراهيم و الادوية الكيماوية
خاصة على مستوى الوجه كون كاشما صرا لاختك
و ظهر كاش حبيبات على وجها تباتي في الحبس ههههههه
و لا برا في الجليد نيفك يحمار و ييبس هههههه

[منال لينا]

ههههههههههههههههههههههههه
ههههههههههههههههههههههههه منال اضحك الله سنك
حرام عليك يا طفلة تديري باختك الصغيرة هاكا يا مشاغبة
حوجي اياك و التلاعب بالمراهيم و الادوية الكيماوية
خاصة على مستوى الوجه كون كاشما صرا لاختك
و ظهر كاش حبيبات على وجها تباتي في الحبس ههههههه
و لا برا في الجليد نيفك يحمار و ييبس هههههه

ما حبتش تاخذ الراي اهمال اخذت درس مليح باش وجهها يكتسب مناعة من الروماتيز

[عبد المنتقم]

ما حبتش تاخذ الراي اهمال اخذت درس مليح باش وجهها يكتسب مناعة من الروماتيز

ههههههههه مشاغبة كلامك كله شقاوة بقدر ما هو حقيق و صائب هههههه

[وائل (جمال)]

مناااااااااااااااااااااااااااااااااال لينا
شغب لا ينتهي

[منال لينا]

اليوم نزيدلك وحدة
هذا جارنا كريم في الجزائر عمره 7 سنوات لما نروحوا زيارة الى الجزائر يزورنا باستمرار و هو يحبني كثيرا
مرة كانت عنده مزوانة هي مثل صدفة البحر
و يقال بانها تحفظ من العين ( الحافظ هو الله لانني لا اصدق هذا شيئ )
المهم جاء عندنا يحملها يريد بيعها انا قلت له لا شكرا عندي اختي صدقت الامر و طلبت يبعها لها لكن المبلغ لم يعجبه و قال لها هذه انتاعي
اندبرلك وحدة
اخذ يلف و جاءني و قدمها اي هدية بالرغم من انني لم اطلبها
و ذهب الى بيتهم في اليوم الموالي جاء الينا فقلت له يعطيك صحة كريم منذ ان اعطيتني المزوانة و انا اجد دراهم حيثما امشي اجدهم
الطفل خزر فيا و راح الدارهم
في اليوم الموالي سمعت صوت ينادي مناااااااااااال
خرجت الى الساحة لقيته من شرفة بيتهم ينادي
اسمعي رجعي لي المزوانة انتاعي
قلت لكنك اعطيتها لي هدية
قالي بعدما اعطيتها لك طاحوا لي خمسمية
قلت لكن لوكان نرجعها لك مانزيدش نلقى الدراهم
قالي انت راكي تلقاي و انا راني نودر فيهم
المهم خليته على ناره
جاء عندنا للدار قال لي اليوم ما نخرجش حتى ندي مزوانتي
قلت حرام عليك خلاص نعود نقسم معاك الدراهم اللي نلقاهم رفض رفضا قاطعا
اهمال قلت حبيت المزوانة اشريها انبيعها لك الطفل قريب هبل
لم شفته خرج من عقله قلت له هاك
اخذها و راح
ثاني يوم سالته كاش دراهم قال لي لالا:20: :8::8::8::8:

[نسرينات الامل]

اليوم نزيدلك وحدة
هذا جارنا كريم في الجزائر عمره 7 سنوات لما نروحوا زيارة الى الجزائر يزورنا باستمرار و هو يحبني كثيرا
مرة كانت عنده مزوانة هي مثل صدفة البحر
و يقال بانها تحفظ من العين ( الحافظ هو الله لانني لا اصدق هذا شيئ )
المهم جاء عندنا يحملها يريد بيعها انا قلت له لا شكرا عندي اختي صدقت الامر و طلبت يبعها لها لكن المبلغ لم يعجبه و قال لها هذه انتاعي
اندبرلك وحدة
اخذ يلف و جاءني و قدمها اي هدية بالرغم من انني لم اطلبها
و ذهب الى بيتهم في اليوم الموالي جاء الينا فقلت له يعطيك صحة كريم منذ ان اعطيتني المزوانة و انا اجد دراهم حيثما امشي اجدهم
الطفل خزر فيا و راح الدارهم
في اليوم الموالي سمعت صوت ينادي مناااااااااااال
خرجت الى الساحة لقيته من شرفة بيتهم ينادي
اسمعي رجعي لي المزوانة انتاعي
قلت لكنك اعطيتها لي هدية
قالي بعدما اعطيتها لك طاحوا لي خمسمية
قلت لكن لوكان نرجعها لك مانزيدش نلقى الدراهم
قالي انت راكي تلقاي و انا راني نودر فيهم
المهم خليته على ناره
جاء عندنا للدار قال لي اليوم ما نخرجش حتى ندي مزوانتي
قلت حرام عليك خلاص نعود نقسم معاك الدراهم اللي نلقاهم رفض رفضا قاطعا
اهمال قلت حبيت المزوانة اشريها انبيعها لك الطفل قريب هبل
لم شفته خرج من عقله قلت له هاك
اخذها و راح
ثاني يوم سالته كاش دراهم قال لي لالا:20: :8::8::8::8:

ههههههههه منال حتى الطفل الصغير لم يسلم منك

[وائل (جمال)]

اليوم نزيدلك وحدة
هذا جارنا كريم في الجزائر عمره 7 سنوات لما نروحوا زيارة الى الجزائر يزورنا باستمرار و هو يحبني كثيرا
مرة كانت عنده مزوانة هي مثل صدفة البحر
و يقال بانها تحفظ من العين ( الحافظ هو الله لانني لا اصدق هذا شيئ )
المهم جاء عندنا يحملها يريد بيعها انا قلت له لا شكرا عندي اختي صدقت الامر و طلبت يبعها لها لكن المبلغ لم يعجبه و قال لها هذه انتاعي
اندبرلك وحدة
اخذ يلف و جاءني و قدمها اي هدية بالرغم من انني لم اطلبها
و ذهب الى بيتهم في اليوم الموالي جاء الينا فقلت له يعطيك صحة كريم منذ ان اعطيتني المزوانة و انا اجد دراهم حيثما امشي اجدهم
الطفل خزر فيا و راح الدارهم
في اليوم الموالي سمعت صوت ينادي مناااااااااااال
خرجت الى الساحة لقيته من شرفة بيتهم ينادي
اسمعي رجعي لي المزوانة انتاعي
قلت لكنك اعطيتها لي هدية
قالي بعدما اعطيتها لك طاحوا لي خمسمية
قلت لكن لوكان نرجعها لك مانزيدش نلقى الدراهم
قالي انت راكي تلقاي و انا راني نودر فيهم
المهم خليته على ناره
جاء عندنا للدار قال لي اليوم ما نخرجش حتى ندي مزوانتي
قلت حرام عليك خلاص نعود نقسم معاك الدراهم اللي نلقاهم رفض رفضا قاطعا
اهمال قلت حبيت المزوانة اشريها انبيعها لك الطفل قريب هبل
لم شفته خرج من عقله قلت له هاك
اخذها و راح
ثاني يوم سالته كاش دراهم قال لي لالا:20: :8::8::8::8:

هههههههههههههههههههههههههههههههه
والله ضحكتيني صح يعطيك العافية

[منال لينا]

ههههههههه منال حتى الطفل الصغير لم يسلم منك

سجود ليكن في علمك اكثر مواقفي تكون مع الاطفال
احب استفزازهم و مع ذلك يحبوني و انا فعلا نحبهم لذلك انحب نستفزهم

[نسرينات الامل]

سجود ليكن في علمك اكثر مواقفي تكون مع الاطفال
احب استفزازهم و مع ذلك يحبوني و انا فعلا نحبهم لذلك انحب نستفزهم

ههههههه مالا عاقلين لوكان تستفزي الطرازانات اللي عندي تشوفي المواقف انتاع الصح هههه

[وائل (جمال)]

لدي حكاية
في احد الأيام كنا في الجامعة في مخبر اجهزة الإعلام الآلي انا وزملائي
وكان الأستاذ يشرح تارة وتارة اخرى يخرج عن الموضوع ويتحدث عن السير العفن لوزارة التعليم العالي والسلطة بأكملها ،وانه تسيير غبي و و و ،وهو يتابع الدرس على جهاز الكمبيوتر انقطعت الكهرباء ،فعم الهدوووووووووووووووء
وكل منا ينظر الى الآخر نظرة استغراب ،فقال الأستاذ "وتحيا الجزائيييييييييييييييييييييييييييييييييييييييييييي ييييييييييير

[منال لينا]

ههههههه مالا عاقلين لوكان تستفزي الطرازانات اللي عندي تشوفي المواقف انتاع الصح هههه

عاقلين كريم هذا جن مصور في شكل انسان
انقول واش دار
مرة جاء لدارنا و احنا عندنا جنان يدخلوا له القطط
اهمال جاء و جاب معاه صيادة و حط فيها صنارة و قطعة لحم دخل و لم انتبه له
خرجت لقيته صيد قطة مسكينة الصنارة لصقت لها في فمها
ابعثي لي الطرزانات انتاعك تشوفي الشغل المضبوط

[وائل (جمال)]

عاقلين كريم هذا جن مصور في شكل انسان
انقول واش دار
مرة جاء لدارنا و احنا عندنا جنان يدخلوا له القطط
اهمال جاء و جاب معاه صيادة و حط فيها صنارة و قطعة لحم دخل و لم انتبه له
خرجت لقيته صيد قطة مسكينة الصنارة لصقت لها في فمها
ابعثي لي الطرزانات انتاعك تشوفي الشغل المضبوط

ههههههههههههههههههههههههههههههههه
ادام الله روحك المرحة

[نسرينات الامل]

عاقلين كريم هذا جن مصور في شكل انسان
انقول واش دار
مرة جاء لدارنا و احنا عندنا جنان يدخلوا له القطط
اهمال جاء و جاب معاه صيادة و حط فيها صنارة و قطعة لحم دخل و لم انتبه له
خرجت لقيته صيد قطة مسكينة الصنارة لصقت لها في فمها
ابعثي لي الطرزانات انتاعك تشوفي الشغل المضبوط


ههههههههههه طرازاناتي اكبر واحد فيهم عمرو اربع سنوات و اصغرهم 9 اشهر تقدريلهم هههههه

[منال لينا]

لدي حكاية
في احد الأيام كنا في الجامعة في مخبر اجهزة الإعلام الآلي انا وزملائي
وكان الأستاذ يشرح تارة وتارة اخرى يخرج عن الموضوع ويتحدث عن السير العفن لوزارة التعليم العالي والسلطة بأكملها ،وانه تسيير غبي و و و ،وهو يتابع الدرس على جهاز الكمبيوتر انقطعت الكهرباء ،فعم الهدوووووووووووووووء
وكل منا ينظر الى الآخر نظرة استغراب ،فقال الأستاذ "وتحيا الجزائيييييييييييييييييييييييييييييييييييييييييييي ييييييييييير

هههههههه منافق

[منال لينا]

ههههههههههه طرازاناتي اكبر واحد فيهم عمرو اربع سنوات و اصغرهم 9 اشهر تقدريلهم هههههه

انا حسبتهم اكثر هاذوا والو سهلين
خصوصا انتاع تسعة شهور نوقفوا يمشي و نبعثه يقضي
خلعتيني هاذو الفلالس طرزنات ما يبانوا والو قدام اللي روضتهم انا

[وائل (جمال)]

انا حسبتهم اكثر هاذوا والو سهلين
خصوصا انتاع تسعة شهور نوقفوا يمشي و نبعثه يقضي
خلعتيني هاذو الفلالس طرزنات ما يبانوا والو قدام اللي روضتهم انا

احسن مروضة

[نسرينات الامل]

متعة الهروب من القسم ........
لم اعرف لذتها الا حينما جربتها
السنة الماضية كانت اول سنة لي في الثانوية التي ولجتها بفكر الطالبة المتفوقة
لم افكر يوما في الهروب
الى ان جاء ذلك اليوم دقت الساعة 11 انتهت الحصة خرج جميع تلاميذ الاقسام
لم يبقى سوى قسمنا و قسمين اخرين
اقترح زميل لي ان نهرب من القسم
ترددت في البداية لكن اقنعوني
هربنا ذلك اليوم و عدنا في المساء
تفاجأت لسنا في قائمة الغياب
اعجبتني الفكرة و اصبحت اقترح الهروب
في الساعات الاخيرة
لكن مرة عارضتنا تلميذة طبعا ان بقت
هي ستكون عاقبتنا وخيمة
تحاورت معها حاولت اقناعها
لم ترضى المسكينة ارادت ان تدرس هههههه
فماكان علي الا ان اقوم باخذ محفظتها و كل ادواتها
و اخرج من القسم
المسكينة ترجتني ان اعيد لها ادواتها
لكن محاولاتها باءت بالفشل
الى ان خرجت من باب الثانوية و هنا لا يمكنها الدخول مجددا
المسكينة حبت تقرا و احنا ماخليناهاش ههههه قلنالها الغاشي يتغدى و احنا نقراو مايصلحش هههههه

[وائل (جمال)]

متعة الهروب من القسم ........
لم اعرف لذتها الا حينما جربتها
السنة الماضية كانت اول سنة لي في الثانوية التي ولجتها بفكر الطالبة المتفوقة
لم افكر يوما في الهروب
الى ان جاء ذلك اليوم دقت الساعة 11 انتهت الحصة خرج جميع تلاميذ الاقسام
لم يبقى سوى قسمنا و قسمين اخرين
اقترح زميل لي ان نهرب من القسم
ترددت في البداية لكن اقنعوني
هربنا ذلك اليوم و عدنا في المساء
تفاجأت لسنا في قائمة الغياب
اعجبتني الفكرة و اصبحت اقترح الهروب
في الساعات الاخيرة
لكن مرة عارضتنا تلميذة طبعا ان بقت
هي ستكون عاقبتنا وخيمة
تحاورت معها حاولت اقناعها
لم ترضى المسكينة ارادت ان تدرس هههههه
فماكان علي الا ان اقوم باخذ محفظتها و كل ادواتها
و اخرج من القسم
المسكينة ترجتني ان اعيد لها ادواتها
لكن محاولاتها باءت بالفشل
الى ان خرجت من باب الثانوية و هنا لا يمكنها الدخول مجددا
المسكينة حبت تقرا و احنا ماخليناهاش ههههه قلنالها الغاشي يتغدى و احنا نقراو مايصلحش هههههه


لكان انت خرجت من الباب انا نقزت من الحيط
على خاطر الباب مسكر وممنوع يتفتح ههههههههه

[منال لينا]

متعة الهروب من القسم ........
لم اعرف لذتها الا حينما جربتها
السنة الماضية كانت اول سنة لي في الثانوية التي ولجتها بفكر الطالبة المتفوقة
لم افكر يوما في الهروب
الى ان جاء ذلك اليوم دقت الساعة 11 انتهت الحصة خرج جميع تلاميذ الاقسام
لم يبقى سوى قسمنا و قسمين اخرين
اقترح زميل لي ان نهرب من القسم
ترددت في البداية لكن اقنعوني
هربنا ذلك اليوم و عدنا في المساء
تفاجأت لسنا في قائمة الغياب
اعجبتني الفكرة و اصبحت اقترح الهروب
في الساعات الاخيرة
لكن مرة عارضتنا تلميذة طبعا ان بقت
هي ستكون عاقبتنا وخيمة
تحاورت معها حاولت اقناعها
لم ترضى المسكينة ارادت ان تدرس هههههه
فماكان علي الا ان اقوم باخذ محفظتها و كل ادواتها
و اخرج من القسم
المسكينة ترجتني ان اعيد لها ادواتها
لكن محاولاتها باءت بالفشل
الى ان خرجت من باب الثانوية و هنا لا يمكنها الدخول مجددا
المسكينة حبت تقرا و احنا ماخليناهاش ههههه قلنالها الغاشي يتغدى و احنا نقراو مايصلحش هههههه


:3: :3: :3:
انت راه لازمك تفوتي عندي للترويض

[نسرينات الامل]

لكان انت خرجت من الباب انا نقزت من الحيط
على خاطر الباب مسكر وممنوع يتفتح ههههههههه


هههههههههههه انا نقزت من الطاقة مانقدرش نقز عالحيط خويا كان معايا في ليسي واحد ضرك الحمد لله بدلت الليسي نقدر نقز مي نلقا روحي فالغابة ههههههه

[عبد المنتقم]

صحا عليكم يا مشاغبين و ما راكم دايرين
خاصة انت يا منال من العيار الثقيل
:2::2:

[نسرينات الامل]

:3: :3: :3:
انت راه لازمك تفوتي عندي للترويض

هههههههههههه لازم شوي مغامرات كي كنت عاقلة كانو اياماتي كامل متشابهين ضرك الحمد لله المصايب على اشكالها
استاذة الفرنسية انتاعنا تغيب بزاف قررت تعوض كل ساعة غياب بحصة فراغ و احنا عندنا ساعة وحدة فالاسبوع قررنا نهربو احنا خرجنا من الباب لقيناها في وجهنا هربنا طلعنا الليطاج انتاع ليترمينال خليناها دارت هبطنا نجريو و خرجنا استاذ الرياضيات حار مسكين قال محال يكونو هاذو قسم رياضي ههههه

[عبد المنتقم]

و انت يا سجود يلزملك عقوبة قاسية
طبعا تغسلي ماعن تع 5 اعراس كاملة
مع احتمال تصعيد العقوبة

[وائل (جمال)]

و انت يا سجود يلزملك عقوبة قاسية
طبعا تغسلي ماعن تع 5 اعراس كاملة
مع احتمال تصعيد العقوبة

هههههههههههههههههههه
قلنا واش من تهمة

[عبد المنتقم]

هههههههههههههههههههه
قلنا واش من تهمة

الهروب من الدراسة و تحريض وتهديد قاصر على الخروج من القسم

[نسرينات الامل]

و انت يا سجود يلزملك عقوبة قاسية
طبعا تغسلي ماعن تع 5 اعراس كاملة
مع احتمال تصعيد العقوبة


نقبل الاعدام مع عام اعمال الشاقة و مانقبلش هاذ العقوبة ههههههههه

[نسرينات الامل]

الهروب من الدراسة و تحريض وتهديد قاصر على الخروج من القسم


ههههههههههه ماقلتلهمش يحطو 12 فالتوقيت نروح بلا فطور توصل 11 لوكان مانكلش نطفا ههههههه

[وائل (جمال)]

منااااااااااااااااااااااااااااااااال
اين انت
هل من طرائف جديدة ؟؟

[منال لينا]

منااااااااااااااااااااااااااااااااال
اين انت
هل من طرائف جديدة ؟؟

في صدد الانجاز
كنكمل نحكيهالكم ههههه
لقد جف قلمي
عندي شيئ خرايب بصح ما نضنهمش طرائف

[وائل (جمال)]

في صدد الانجاز
كنكمل نحكيهالكم ههههه
لقد جف قلمي
عندي شيئ خرايب بصح ما نضنهمش طرائف


معليهش
كلشي من عندك ظريف جدا
جف قلمك ،اشتري قلما آخر

[منال لينا]

معليهش
كلشي من عندك ظريف جدا
جف قلمك ،اشتري قلما آخر

الدراهم خلاصوا
معلش نعود نكتب بقلم الرصاص لانه لا يجف
كنتفكر وحدة راني نولي
صفحة احتليتها غير انا

[نورسين]

مشكور اخي على الطرح بل بارك الله فيك
واش نحكي واش نخلي انا درت موصيبة كبيرة وهاذ الموصيبة كانت السبب في ترك مدرستي هههههههههههه شئ لا يتوقع ابداااااااااا
خطرا قلقني المدير بيسك مخدمتش مليح في ليزيقزاما بهدلني قدام الطلاب قالي موالفة تخدمي واليوم عميتيها ديت 8 على 20 :8::8: وانا بكل فخر كنت فرحانة فيها كان عندى 13 سنة غادتني عمري كي حشمني وسمعت التلاميذ يهدرو عليا تخبيت مووووووور واحد السيتيرنا تاع الما ودربتو بحجرة لراسسسسسس بيعوني لي شافوني هههههههه الله لا تربحهم والمدير حلف فيا من هذاك النهار قوتلهم والله منرجع لهداك لمسيد وليت نخاف نخرج نتلقا بيه يعطيني طريحة هذاك الوقت حشمت نحكيلهم لدارنا الحكاية مي دوكا عندي 21 سنة العام لي فات فرغت قلبي ماتو بالضحك عليا قالي بابا لوكان حكيتيهالي هذاك الوقت نزرقك ههههههههههههه :8::8::1::1::1::2::2:

[وائل (جمال)]

مشكور اخي على الطرح بل بارك الله فيك
واش نحكي واش نخلي انا درت موصيبة كبيرة وهاذ الموصيبة كانت السبب في ترك مدرستي هههههههههههه شئ لا يتوقع ابداااااااااا
خطرا قلقني المدير بيسك مخدمتش مليح في ليزيقزاما بهدلني قدام الطلاب قالي موالفة تخدمي واليوم عميتيها ديت 8 على 20 :8::8: وانا بكل فخر كنت فرحانة فيها كان عندى 13 سنة غادتني عمري كي حشمني وسمعت التلاميذ يهدرو عليا تخبيت مووووووور واحد السيتيرنا تاع الما ودربتو بحجرة لراسسسسسس بيعوني لي شافوني هههههههه الله لا تربحهم والمدير حلف فيا من هذاك النهار قوتلهم والله منرجع لهداك لمسيد وليت نخاف نخرج نتلقا بيه يعطيني طريحة هذاك الوقت حشمت نحكيلهم لدارنا الحكاية مي دوكا عندي 21 سنة العام لي فات فرغت قلبي ماتو بالضحك عليا قالي بابا لوكان حكيتيهالي هذاك الوقت نزرقك ههههههههههههه :8::8::1::1::1::2::2:

واه تضربي المدير كامل
هذي والله لكلوشارا مخدموهاش ههههههههه
مالا غير نبعد عليك خير هههههههههه

[نورسين]

واه تضربي المدير كامل
هذي والله لكلوشارا مخدموهاش ههههههههه
مالا غير نبعد عليك خير هههههههههه

كنت قبيحة شويا مي والله غير جابها لروحوووووو كان يخمم على مشاعري شويا جرحلي لي سونتيمووووو :8::8:

[عبد المنتقم]

هههههههههههههههههههههههههههه امولة
حوجي كنتي قبيحة و مشاغبة في صغرك خخخ
كيف تتجرئين على ضرب المدير الذي لا يتجرا حتى الاساتذة
مناقشته هههههههههههههههههههههههه
يا وحد السوسة هههههههههه

[وائل (جمال)]

هههههههههههههههههههههههههههه امولة
حوجي كنتي قبيحة و مشاغبة في صغرك خخخ
كيف تتجرئين على ضرب المدير الذي لا يتجرا حتى الاساتذة
مناقشته هههههههههههههههههههههههه
يا وحد السوسة هههههههههه


ههههههههههههههههه
اسير الحياة بعد على قد ما تقدر عليها
والا راح ........... هاك علابالك

[منال لينا]

راني نفخت في القلم و راه اخذ يكتب قليلا
تفكرت هذا الموقف
مرة كنا زيارة في الجزائر و جائت بنات الجيران للسهر عندنا و كان يومها الليل دامس الظلام
اخترن الجلوس في الحديقة الخلفية للبيت مع اختي
انا استاذنت منهن و ذهبت الى البيت عندها خطرت على بالي فكرة
(في الحقيقة هوايتي اخافة الاخرين )
اخذت ايزار لونه وردي فاتح
وضعته فوق جسمي و ذهبت اليهن في تلك الظلمة
انا ظهرت و بعدها اخفيت بسرعة
رحت نجري الى البيت و كان شيئ لم يحدث
ماهي الا دقيقة و سمعت الجماعة تركض
انتابتهن حالة من الذعر و الخوف
جئن يلهثن الى البيت استفسرت عن الامر
قلن لي لقد ظهر شبح طائر :5: :5:
انا اندهشت و دخلني الشك :19: :19:
طائر كيف طائر و انا كنت على رجلي ( هذا التسائل بيني و بين نفسي )
المهم عملت العملة و قريب صدقتها
قلتلهم متى و كيفاش شفتوه يطير
قالوا ظهر من خلف الصور و اختفى بسرعة
لكننا راينا فقط الجزء العلوي و لم نرى رجليه :19: :19:
ايوه رحت نخوفهم طحت انا في الشبكة :9: :9:
اخذت اسال و اسال
الى ان فهمت بانني لعبتها صح و الطريقة التى ظهرت و اختفيت بها لم تعطهم الفرصة ليتعرفوا على الشبح :20: :20:
خليتهم طول الليل و النهار يتكلموا على الشبح المزعوم و انا نضحك في قلبي :8: :8: :8: :8:

[نورسين]

هههههههههههههههههههههههههههه امولة
حوجي كنتي قبيحة و مشاغبة في صغرك خخخ
كيف تتجرئين على ضرب المدير الذي لا يتجرا حتى الاساتذة
مناقشته هههههههههههههههههههههههه
يا وحد السوسة هههههههههه


هههههههههههههههه اي وازا مدير يعني شوووو :3::3::3:
غلط يخلصص خخخخخخخخ شحال منحملوش :1::1::4::4:
خلاص دوكا برد قلبي من جيهتو مسكين لوكان نلقاه نطلب السماح :8: بيسك لي سونتيمو تاعي ميسمحوليش نكحل قلبي :10::10:

[وائل (جمال)]

راني نفخت في القلم و راه اخذ يكتب قليلا
تفكرت هذا الموقف
مرة كنا زيارة في الجزائر و جائت بنات الجيران للسهر عندنا و كان يومها الليل دامس الظلام
اخترن الجلوس في الحديقة الخلفية للبيت مع اختي
انا استاذنت منهن و ذهبت الى البيت عندها خطرت على بالي فكرة
(في الحقيقة هوايتي اخافة الاخرين )
اخذت ايزار لونه وردي فاتح
وضعته فوق جسمي و ذهبت اليهن في تلك الظلمة
انا ظهرت و بعدها اخفيت بسرعة
رحت نجري الى البيت و كان شيئ لم يحدث
ماهي الا دقيقة و سمعت الجماعة تركض
انتابتهن حالة من الذعر و الخوف
جئن يلهثن الى البيت استفسرت عن الامر
قلن لي لقد ظهر شبح طائر :5: :5:
انا اندهشت و دخلني الشك :19: :19:
طائر كيف طائر و انا كنت على رجلي ( هذا التسائل بيني و بين نفسي )
المهم عملت العملة و قريب صدقتها
قلتلهم متى و كيفاش شفتوه يطير
قالوا ظهر من خلف الصور و اختفى بسرعة
لكننا راينا فقط الجزء العلوي و لم نرى رجليه :19: :19:
ايوه رحت نخوفهم طحت انا في الشبكة :9: :9:
اخذت اسال و اسال
الى ان فهمت بانني لعبتها صح و الطريقة التى ظهرت و اختفيت بها لم تعطهم الفرصة ليتعرفوا على الشبح :20: :20:
خليتهم طول الليل و النهار يتكلموا على الشبح المزعوم و انا نضحك في قلبي :8: :8: :8: :8:

هههههههههههههههههههههههههههههههههههههههه
دكرتني بحادثة مشابه تماما عندما كنت اسكن في الإقامة الجامعية
ففي منتصف الليل ،كنت نائما وحدي في الغرفة ،سمعت طرقا على الباب ،فقمت وانا شبه نائم ،فلما فتحت الباب وجدت شبحا ممددا على الأرض وفي تلك اللحظة بالذات انطفأت مصابح الرواق هههههههههههههه
لكن كنت اعلم انه مزحة ،ومع ذلك صرخت وايقضت كل النائمين ..
هههههههه
شكرا لك منال

[منال لينا]

هههههههههههههههههههههههههههههههههههههههه
دكرتني بحادثة مشابه تماما عندما كنت اسكن في الإقامة الجامعية
ففي منتصف الليل ،كنت نائما وحدي في الغرفة ،سمعت طرقا على الباب ،فقمت وانا شبه نائم ،فلما فتحت الباب وجدت شبحا ممددا على الأرض وفي تلك اللحظة بالذات انطفأت مصابح الرواق هههههههههههههه
لكن كنت اعلم انه مزحة ،ومع ذلك صرخت وايقضت كل النائمين ..
هههههههه
شكرا لك منال

هههههه لوكان انا في مكانك نطيح
انا نخوف الاخرين لكنني خوافة كبيرة :20:

[وائل (جمال)]

هههههه لوكان انا في مكانك نطيح
انا نخوف الاخرين لكنني خوافة كبيرة :20:

احكيلنا اذا كان خوفك شخص ما
لأنه كما تدين تدان :20: هههههههه

[منال لينا]

احكيلنا اذا كان خوفك شخص ما
لأنه كما تدين تدان :20: هههههههه

على ما اذكر لم يخفني احد
لكنني اخفت الكثيرين
الله يغفرلي برك
مرة وحدة وصلت للمستشفى و حطولها السيروم
يا ربي سامحني

[وائل (جمال)]

على ما اذكر لم يخفني احد
لكنني اخفت الكثيرين
الله يغفرلي برك
مرة وحدة وصلت للمستشفى و حطولها السيروم
يا ربي سامحني
لكن باه يسامحك ربي لازم تسامحك لخلعتيها هههههه زدخلتيها لسبيطار

[منال لينا]

لكن باه يسامحك ربي لازم تسامحك لخلعتيها هههههه زدخلتيها لسبيطار

وين راح نلقاها باش تسامحني
المسكينة باتت طول الليل بالسيروم
و انصرعت اكثر من مرة
كلما تفطن و تشوفني تنصرع
يا ربي سامحني
و هي اكيد نتلقاو الفوق و نطلب منها السماح

[وائل (جمال)]

قالك وحد النهار كنت راكب مع خالي في السيارة 404 في 2002
وهو يمشي جاء طفل صغير في طريقنا ،وخرجت راسي من الباب، باه نقلو بعد على الطريق هههه قتلو طييييييييييييييييييييييط

[منال لينا]

قالك وحد النهار كنت راكب مع خالي في السيارة 404 في 2002
وهو يمشي جاء طفل صغير في طريقنا ،وخرجت راسي من الباب، باه نقلو بعد على الطريق هههه قتلو طييييييييييييييييييييييط

ههههههه
او لو كان كنت راكب فيلو واش تقول شرن شرن

[وائل (جمال)]

ههههههه
او لو كان كنت راكب فيلو واش تقول شرن شرن

ههههههههههههههههههههههههههههههههههههه
والله يا منال ضحكتيني صح ،ربي يهديك ..ههههههههه

[منال لينا]

هذه اختي نتقاسم نفس الغرفة
كنا نباتو نتبادل اطراف الحديث و بعدها لما ننعس اتكاسل للنهوظ و اطفاء الكهرباء
و هي لوكان نطلب منها تنوظ ترفض
مرة قلت لها اوقفي تشوفي راني نشوف حاجة فيك ماشي عادية
وقفت قلت لها امشي شوية مشات
قلت زيدي شوية مارانيش نشوف مليح
و في كل مرة نقول لفي تلف امشي تمشي الى ان وصلت
لزر الكهرباء
قلت لها خلاص مكاين والو تخيلت برك
و بما انك التم طفي الضوء في طريقك
طفاته و رجعت نامت لم تنتبه :20:
مرة اخرى رجعت عملتها فاقت لي :9:

[وائل (جمال)]

هذه اختي نتقاسم نفس الغرفة
كنا نباتو نتبادل اطراف الحديث و بعدها لما ننعس اتكاسل للنهوظ و اطفاء الكهرباء
و هي لوكان نطلب منها تنوظ ترفض
مرة قلت لها اوقفي تشوفي راني نشوف حاجة فيك ماشي عادية
وقفت قلت لها امشي شوية مشات
قلت زيدي شوية مارانيش نشوف مليح
و في كل مرة نقول لفي تلف امشي تمشي الى ان وصلت
لزر الكهرباء
قلت لها خلاص مكاين والو تخيلت برك
و بما انك التم طفي الضوء في طريقك
طفاته و رجعت نامت لم تنتبه :20:
مرة اخرى رجعت عملتها فاقت لي :9:

هههههههههههههههههههههه
لازم تبدلي الخطة في كل مرة
متبقايش ديما في خطة وحدة ،كسولة ههههههه

[منال لينا]

بدلت الخطة هههه

[وائل (جمال)]

بدلت الخطة هههه

وهي ...............؟؟؟؟؟؟:20::20::20::20:

[منال لينا]

وهي ...............؟؟؟؟؟؟:20::20::20::20:

نطفي الضوء قبل ما نروح نرقد :11:

[وائل (جمال)]

نطفي الضوء قبل ما نروح نرقد :11:

هههههههههههههههههههههههههههه
هذه اجمل قصة طريفة واجمل خطة بديلة هههههه

[منال لينا]

هههههههههههههههههههههههههههه
هذه اجمل قصة طريفة واجمل خطة بديلة هههههه

من اعتمد على غيره بات يدبر و يفكر
اختصر الطريق واعتمد على نفسك :16: :16:
صراحة كنت نخليها حتى تنسى و نعاود نطبق الخطة
مسكينة عندها ذاكرتها ضعيفة

[وائل (جمال)]

من اعتمد على غيره بات يدبر و يفكر
اختصر الطريق واعتمد على نفسك :16: :16:
صراحة كنت نخليها حتى تنسى و نعاود نطبق الخطة
مسكينة عندها ذاكرتها ضعيفة

ههههههههههههههههه
اذا كان عندها ذاكرة ضعيفة فأنت كسووولة :8::8::8::20::20:

[منال لينا]

ههههههههههههههههه
اذا كان عندها ذاكرة ضعيفة فأنت كسووولة :8::8::8::20::20:

ماشي كسولة لكن النوم سلطان و نعجز باش نتحرك الى غاية الضوء
و ان لم استغل ضعف ذاكرتها تطفر فيا و نضطر للنهوض الذي يرهقني
كثيرا و يطير النوم من عيني

[sun]

الدكتوراه (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
écoles doctorales (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat 2025/2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه (https://lmd.sahla-dz.com/)
محاضرات (https://lmd.sahla-dz.com/)
Remote Work (https://jobs.sahla-dz.com/)
Freelance (https://jobs.sahla-dz.com/)
بحث جاهز بالمنهجية العلمية (https://ba7thi.sahla-dz.com/)
بحث pdf word (https://ba7thi.sahla-dz.com/)