لمن يوجيدون الرياضيات ساعدوني ارجوكم ...

[شاعرة المستقبل]

اصدقاء عطاتلنا الاستاذة وضيفة وقاتلنا رح يجي الفرض مثلها فالاسئلة
وانا ما عرفتش نحل احد التمارين جربت جميع الطرق ما صلحتش قلت لربما تعرفو تحلوه وتساعدوني


هاهو التمرين



ليكن (p(x كثير الحدود للمتغير الحقيقي x
1.ادرس اشارة كثير الحدود : 4اكس مربع +9
2.حل في r المعادلة p(x)=0
3.حل في r المتراجحة0 <( p(x

[نسرينات الامل]

ساحاول حله
لي عودة ان شاء الله

[دائمة الذكر]

اضن ان وائل جمال العبقري سيحله:15:

[اماني أريس]

لي محاولة ريونة لا تخافي ساوافيك بالحل ان شاء الله

[دائمة الذكر]

لي محاولة ريونة لا تخافي ساوافيك بالحل ان شاء الله

وافيها قبل ان تنام

دوماج انا نعرف الكيمياء فقط:10:

[اماني أريس]

ريونة كثير الحدود موجب دوما لان 4xمربع زائد 9 مستحيل تنعدم عند قيمة معينة كما انها موجبة دائما

[وائل (جمال)]

اصدقاء عطاتلنا الاستاذة وضيفة وقاتلنا رح يجي الفرض مثلها فالاسئلة
وانا ما عرفتش نحل احد التمارين جربت جميع الطرق ما صلحتش قلت لربما تعرفو تحلوه وتساعدوني


هاهو التمرين



ليكن (p(x كثير الحدود للمتغير الحقيقي x
1.ادرس اشارة كثير الحدود : 4اكس مربع +9
2.حل في r المعادلة p(x)=0
3.حل في r المتراجحة0 <( p(x

1/ اذا كان xيتنمي الى المجال من ناقص ما لا نهاية الى 0 الدالة متاقصة واذا كان xينتمي الى المجال 0 الى + ما لا نهاية الدالة متزايدة
2/حل المعادلة x=جذر9على4يعني x=3/2
3/حل المتراجحة x>3/2

[اماني أريس]

يا وائل جمال واش راك تخلط كثير الحود راهو موجب على طووووووووووووووووووووووووول على طول كيما يقولوها لمصاروة

[اماني أريس]

مستحيل ينعدم وايضا هو موجب هذه محاولتي في انتظار محاولات اخرى وشكرا

[اماني أريس]

يعني المعادلة مستحيلة والمتراجحة مجموعة الحلول هي r

[شاعرة المستقبل]

1/ اذا كان xيتنمي الى المجال من ناقص ما لا نهاية الى 0 الدالة متاقصة واذا كان xينتمي الى المجال 0 الى + ما لا نهاية الدالة متزايدة
2/حل المعادلة x=جذر9على4يعني x=3/2
3/حل المتراجحة x>3/2

شكرا لك اخي مي انا كي استعملت هاد الطريقة خرجلي جذر ناقص 9على 4

وما نقدروش نجذرو السالب صافي مستحيلة الحل وهادا الي مهبلني انا وهي كي ولينا ليها وسالناها قالتلنا تتحل وساهلة :5:

[دائمة الذكر]

اين وائل جمال !!!!!!!!

لقد فر بجلده *_*

[اماني أريس]

جماعة نتعشى ونرجع ربما الحل الصحيح يكون عند احد الاخوة يفيدنا به وشكرا

[شاعرة المستقبل]

؟؟؟؟؟؟؟؟؟؟؟؟؟؟؟؟؟؟ رح نهبل الاستاذة مزعجة والوظيفة اكثر ازعاج والفرض يوم الخميس

[نسرينات الامل]

يا وائل جمال واش راك تخلط كثير الحود راهو موجب على طووووووووووووووووووووووووول على طول كيما يقولوها لمصاروة


لا اماني كثير الحدود قد يكون سالب او موجب

[شاعرة المستقبل]

انا حاولت نحلها بالمميز الفا مي خرجلي الفا يساوي جذر 65 وهذا ما يساعدنيش فالحل تبقى فيها جذور

[نسرينات الامل]

شكرا لك اخي مي انا كي استعملت هاد الطريقة خرجلي جذر ناقص 9على 4

وما نقدروش نجذرو السالب صافي مستحيلة الحل وهادا الي مهبلني انا وهي كي ولينا ليها وسالناها قالتلنا تتحل وساهلة :5:

ريان نقدرو نكتبو جذر ناقص x اذا كان x ينتمي الى المجال - ملا نهاية صفر

[وائل (جمال)]

لقيت الحل ريان
الحل في الأعداد المركبة
يعني حل السؤال الثاني x=3على 2ت
وباللغة نتاعكم
x=(3/2) i
2/حل المتراجحة
x>(3/2) i
هذه هو الحل واحد ما يبالطك

[نسرينات الامل]

حاولت حلها بالمميز دالتا خرجلي عدد سالب يعني انها لا تقبل حل في r

[وائل (جمال)]

يا وائل جمال واش راك تخلط كثير الحود راهو موجب على طووووووووووووووووووووووووول على طول كيما يقولوها لمصاروة

انا نخلط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
معليهش

[نسرينات الامل]

انا هاذي لقيتلها حل
4x²-9=0
مي اللي اعطاتهالكم الاستاذة دوختني

[وائل (جمال)]

لقيت الحل ريان
الحل في الأعداد المركبة
يعني حل السؤال الثاني x=3على 2ت
وباللغة نتاعكم
x=(3/2) i
2/حل المتراجحة
x>(3/2) i
هذه هو الحل واحد ما يبالطك

[نسرينات الامل]

ريان ننصحك بكتاب السلسلة البادسية في الرياضيات تلقاي فيه الدروس و التمارين مي لازم تكوني فاهمة مليح و لا دوخي معاه اسلوب المؤلف صعيب شوي و الحلول مختصرة بزاف

[بيلسان الجنان]

1 معرفتش نرسم جدول في المنتدى ههههه لكن لكن الدالة متزيدة بما انو يوجد تربيع من + مالا نهاية ل - مالانهاية

2 حل المعادلة p(x)
4x مربع + 9=0
4X مربع=-9
X مربع=جذر 9\4 = 3\2
3حل المتراجحة 0 <( p(x
0< 4X مربع +9
جذر 9\4 <X مربع

3\2<X

[عبد المنتقم]

اولا اشارة كثير الحدود (p(x دائ\ما موجبة
اي ان منحنى الدالة دائما متصاعد
ثانيا لما يكون p(x)=0 :
هاذي معادلة من الدرجة الثانية تحل بالمميز ( دالتا)
مي واقيل كي يكون مجهولان

قرينا بالعربية راني ناسي بزاف بففففف
و الله نسيت كي يحسبوه
واحد منكم يحاول يحسب بدالتا

[اماني أريس]

ما تقولوليش وائل جمال غضب كي قلتلو تخلط ههههههههههههههههههههههه روح اسيدي هاني انا لي نخلط ريونة والله كيما نقولك ديري الثقة في اختك اماني الحل تاعي هو الصحيح المعادلة مستحيلة والمتارجحة r

[اماني أريس]

ما نحتاجوش اصلا للمميز دالتا كثير الحدود باين واضح وضوح الشمس انه مووووووووووووووووووجب ومستحيل ينعدم

[وائل (جمال)]

علاااااااااااااااااااااااااه
يا جماعة الحل في الأعداد المركبة
هذا هو الحل 100%
لقيت الحل ريان
الحل في الأعداد المركبة
يعني حل السؤال الثاني اكس = 3 على 2 في العدد المركب ت
وباللغة نتاعكم
x=(3/2) i
2/حل المتراجحة
x>(3/2) i
هذه هو الحل واحد ما يبالطك

[نسرينات الامل]

اولا اشارة كثير الحدود (p(x دائ\ما موجبة
اي ان منحنى الدالة دائما متصاعد
ثانيا لما يكون p(x)=0 :
هاذي معادلة من الدرجة الثانية تحل بالمميز ( دالتا)
مي واقيل كي يكون مجهولان

قرينا بالعربية راني ناسي بزاف بففففف
و الله نسيت كي يحسبوه
واحد منكم يحاول يحسب بدالتا







حليتها بالمميز دالتا خرجلي عدد سالب يعني المعادلة لا تقبل حل في r
ذا هو قانون المميز دالتا
b²-4ac
عندنا المعاملات هاذو
a=4
b=0
c=9
احسب وشوف

[عبد المنتقم]

صح ما نحتاجوش مميز لانو المعادلة بمجهول واحد

الله غالب الواحد كبر و راه ينسى

[بيلسان الجنان]

اولا اشارة كثير الحدود (p(x دائ\ما موجبة
اي ان منحنى الدالة دائما متصاعد
ثانيا لما يكون p(x)=0 :
هاذي معادلة من الدرجة الثانية تحل بالمميز ( دالتا)
مي واقيل كي يكون مجهولان

قرينا بالعربية راني ناسي بزاف بففففف
و الله نسيت كي يحسبوه
واحد منكم يحاول يحسب بدالتا




لالا ماتحلش بدلتا حتى لو مجهول واحد نقدرو نستغنو على b لكن الطريقة متخرجش

[اماني أريس]

مش مسالة انو المعادلة بمجهول واحد ولكن المعادلة واضحة عدد طبيعي موجب مضروب في x مربع ومضاف الى عدد طبيعي موجب غير معدوم يعني بديهي تكون موجبة دائما ولا تنعدم

[عبد المنتقم]

قراية الهم هههههههههه
بدلو كلش الرموز هاذو يدوخوني
والفت السين و العين ههههه

[بيلسان الجنان]

علاااااااااااااااااااااااااه
يا جماعة الحل في الأعداد المركبة
هذا هو الحل 100%
لقيت الحل ريان
الحل في الأعداد المركبة
يعني حل السؤال الثاني اكس = 3 على 2 في العدد المركب ت
وباللغة نتاعكم
x=(3/2) i
2/حل المتراجحة
x>(3/2) i
هذه هو الحل واحد ما يبالطك

يا اخ جمال لا دخل للاعداد المركبة و بالاصل هذا الدرس يأخذوه فقط في اخر ثلاثي في البكالوريا مستحيل يعطولهم تمرين بيه الان

[عبد المنتقم]

مش مسالة انو المعادلة بمجهول واحد ولكن المعادلة واضحة عدد طبيعي موجب مضروب في x مربع ومضاف الى عدد طبيعي موجب غير معدوم يعني بديهي تكون موجبة دائما ولا تنعدم

نعم هذابخصوص اشارة ( p(x

لكن المشكل راه في كيفية حل0 =( p(x

مكاش منها عدد مربع نتحصلو على عدد سالب
الا اذا استعملنا القيمة المطلقة

[بيلسان الجنان]

ما تقوله امااااااااااااااااااااني صحيييييييييييح


عدد طبيعي موجب مضروب في x مربع ومضاف الى عدد طبيعي موجب غير معدوم =================== يعني الاشارة موجبة

[بيلسان الجنان]

نعم هذابخصوص اشارة ( p(x

لكن المشكل راه في كيفية حل0 =( p(x

مكاش منها عدد مربع نتحصلو على عدد سالب
الا اذا استعملنا القيمة المطلقة

والجذر وش يدير يا اسير :2::2::2::2::2:

[وائل (جمال)]

يا اخ جمال لا دخل للاعداد المركبة و بالاصل هذا الدرس يأخذوه فقط في اخر ثلاثي في البكالوريا مستحيل يعطولهم تمرين بيه الان

لا بيلسان لا حل آخر
اما هذا الحل الذي طرحته
او ان المعادلة لا حل لها
مستحيل ان نربع عدد ويعطينا عددا سالبا
الحل متأكد 100% انه في الأعداد المركبة وهو ما اقترحته
فالأعداد المركبة درستها في الأولى ثانوي وملخص الأعداد المركبة اننا اذا ربعنا العدد i يعطينا -1

[نسرينات الامل]

هاذ التمرين بلوكاني حاسة روحي ادبية لا تفقه شيئا في الرياضيات زعما راني شعبة رياضيات
الدرس مازال ماقريناهش رانا في اول درس عموميات على الدوال حاولت مع التمرين لكن دون فائدة

[عبد المنتقم]

والجذر وش يدير يا اسير :2::2::2::2::2:
ايه نسيتو والديه قاع هههههههههههه

يعني هاذيك هي بيلسان الحل لي حطيتيه انت

[عبد المنتقم]

هاذ التمرين بلوكاني حاسة روحي ادبية لا تفقه شيئا في الرياضيات زعما راني شعبة رياضيات
الدرس مازال ماقريناهش رانا في اول درس عموميات على الدوال حاولت مع التمرين لكن دون فائدة

روحي اغسلي ماعن ديالك هههههههههههه

[اماني أريس]

جمال في المقرر الدراسي تاع المعادلات من الدرجة الثانية في برنامج الباكالوريا ما ندخلوش خلاص الاعداد المركبة من بعد باه نخلو الاعداد المركبة بصح هاذي المعادلة بالات راهي تمويهية يعني ببساطة وفرضا انو الطالب ما انتبهش لكونها موجبة دائما ببرهان بديهي يحسب المميز يخرجلو اصغر من الصفر ومنه اشارة كثير الحدود من اشارة َa والتي هي 4 اي موجبة وبالتالي هو موجب دوما ومستحيل ينعدم اي لا توجد جذور وبالنسبة للمتراجهة اي عدد حقيقي يحققها

[نسرينات الامل]

لا بيلسان لا حل آخر
اما هذا الحل الذي طرحته
او ان المعادلة لا حل لها
مستحيل ان نربع عدد ويعطينا عددا سالبا
الحل متأكد 100% انه في الأعداد المركبة وهو ما اقترحته
فالأعداد المركبة درستها في الأولى ثانوي وملخص الأعداد المركبة اننا اذا ربعنا العدد i يعطينا -1

انا في نفس مستوى ريان الاعداد المركبة مازال ماقريناهمش
ممكن نقراوهم فالفصل الثاني

[بيلسان الجنان]

لا بيلسان لا حل آخر
اما هذا الحل الذي طرحته
او ان المعادلة لا حل لها
مستحيل ان نربع عدد ويعطينا عددا سالبا
الحل متأكد 100% انه في الأعداد المركبة وهو ما اقترحته
فالأعداد المركبة درستها في الأولى ثانوي وملخص الأعداد المركبة اننا اذا ربعنا العدد i يعطينا -1

صحيح حلك منطقي لانه مربع i يعطينا ناقص واحد في العدد السالب الذي تحصلنا عليه يعطينا نفس العدد موجب

لكن ما استغربه مستحيل تدخل الاعداد المركبة في هذه الدروس الان هذا يخلينا نفكروا في حل اخر

[نسرينات الامل]

روحي اغسلي ماعن ديالك هههههههههههه






هههههههه انا شعبة رياضيات لازم نعرف الحل يهمني معامل الرياضيات عندنا 7

[عبد المنتقم]

جمال في المقرر الدراسي تاع المعادلات من الدرجة الثانية في برنامج الباكالوريا ما ندخلوش خلاص الاعداد المركبة من بعد باه نخلو الاعداد المركبة بصح هاذي المعادلة بالات راهي تمويهية يعني ببساطة وفرضا انو الطالب ما انتبهش لكونها موجبة دائما ببرهان بديهي يحسب المميز يخرجلو اصغر من الصفر ومنه اشارة كثير الحدود من اشارة َa والتي هي 4 اي موجبة وبالتالي هو موجب دوما ومستحيل ينعدم اي لا توجد جذور وبالنسبة للمتراجهة اي عدد حقيقي يحققها

صح محقة يا اماني
و هي هكذا الرياضيات دائما
يجب على الطالب ان يعرف الافخاخ المووجودة في التمارين
و بالاكثار من التمارين يقدر يكون اكثر ذكاء في هذه الحيل
فعوض الملاحظة الجيدة و اعطاء تبرير سهل و واضع
يظطر الطالب الى استعمال طرق صعبة و طويلة يمكن تغلطو

[بيلسان الجنان]

ايه نسيتو والديه قاع هههههههههههه

يعني هاذيك هي بيلسان الحل لي حطيتيه انت

ههههههههههههههه

ربما لاني استغنيت على الناقص مع الجذر تماما مستحيل نجذروا عدد سالب

[عبد المنتقم]

هههههههه انا شعبة رياضيات لازم نعرف الحل يهمني معامل الرياضيات عندنا 7

يا ملا تبعي و سكتي سينو تخرجي من القسم هههههه

[وائل (جمال)]

اضن ان وائل جمال العبقري سيحله:15:

شكرا لك ام هديل
ثقتك تزيدني اصرارا

[Karim Ibn Karim]

السلام عليكم
انا اختصاصي رياضيات
ضرك نجابوك باذن الله

==
الاشارة
كثير الحدود هذا موجب تماما اي لا يمكن ان ينعدم او يكون سالب

مهما كان المتغير x

لماذا؟؟
لانك اذا حولت القيم الى الجانب الاخر يكون عندك نتيجة مستحيلة و هي xمربع = ـــ3/2

ثانيا
المعادلة
لا حل لها
لان كثير الحدود لا ينعدم ابدا

المتراجحة
تقبل الحلول مهما كان المتغير x

++
هذه هي الاجابة الصحيحة
بكل تاكيد

تحياتي
لشاعرة المستقبل
ربي يوفقك

[بيلسان الجنان]

او ربما يكون الحل في ان المعادلة لا حل لها و الله اعلم

[وائل (جمال)]

جمال في المقرر الدراسي تاع المعادلات من الدرجة الثانية في برنامج الباكالوريا ما ندخلوش خلاص الاعداد المركبة من بعد باه نخلو الاعداد المركبة بصح هاذي المعادلة بالات راهي تمويهية يعني ببساطة وفرضا انو الطالب ما انتبهش لكونها موجبة دائما ببرهان بديهي يحسب المميز يخرجلو اصغر من الصفر ومنه اشارة كثير الحدود من اشارة َa والتي هي 4 اي موجبة وبالتالي هو موجب دوما ومستحيل ينعدم اي لا توجد جذور وبالنسبة للمتراجهة اي عدد حقيقي يحققها

عندك الحق
وي
صح
اذا رسنما منحني الدالة نلقاوها متنعدمش ولا في قيمة ،وهي موجبة على طول المجال
لكن ريان قالت ان الأستاذة قالتلهم بلي تقبل حلول ،وهاهو البروبلام ،وبالتالي اذا قبلت حل لن يكون الى في الأعداد المركبة
اما كلمة راني نخرط متزيديش تعاوديها
لأني كنت نضن السؤال هو دراسة التغيرات

[اماني أريس]

ياك هاذي هي اجابتي يا اخي كريم ابن كريم وانا متاكدة منها

[عبد المنتقم]

السلام عليكم
انا اختصاصي رياضيات
ضرك نجابوك باذن الله

==
الاشارة
كثير الحدود هذا موجب تماما اي لا يمكن ان ينعدم او يكون سالب

مهما كان المتغير x

لماذا؟؟
لانك اذا حولت القيم الى الجانب الاخر يكون عندك نتيجة مستحيلة و هي xمربع = ـــ3/2

ثانيا
المعادلة
لا حل لها
لان كثير الحدود لا ينعدم ابدا

المتراجحة
تقبل الحلول مهما كان المتغير x

++
هذه هي الاجابة الصحيحة
بكل تاكيد

تحياتي
لشاعرة المستقبل
ربي يوفقك
و الله غير خممت هاكذا بلي ليس لها حل
لكن توسوست قلت بلاك راني نهترف
ارجو ان يؤكد باقي الاعضاء هذا الحل
ان راو فيه الصواب

[بيلسان الجنان]

نفس تخميني المتأخر :2: تبا

[اماني أريس]

عندك الحق
وي
صح
اذا رسنما منحني الدالة نلقاوها متنعدمش ولا في قيمة ،وهي موجبة على طول المجال
لكن ريان قالت ان الأستاذة قالتلهم بلي تقبل حلول ،وهاهو البروبلام ،وبالتالي اذا قبلت حل لن يكون الى في الأعداد المركبة
اما كلمة راني نخرط متزيديش تعاوديها
لأني كنت نضن السؤال هو دراسة التغيراتاضحك الله سنك صار وانا نقول واش بيه جمال ؟ راني نضحك معاك تعرف معنى نضحك خلاص يا سيدي كي غاضتك كلمة نخلط راني انا لي نخلط واعتذر


بالنسبة للمعادلة لا تقبل جذور انا هكذا درست وراني كنت علمية وكنت ممتازة في الرياضيات ثاني اذا خرجو دراسة من نوع اخر ما نعرف :5:

[نسرينات الامل]

الطرق اللي درتهم كامل تخرجلي المعادلة ليس لها حل
و بالتالي راح تكون موجبة لان a عدد موجب
الاستاذة انتاعك راهي تخلط قوليلها تروح تعاود تقرا

[وائل (جمال)]

اضحك الله سنك صار وانا نقول واش بيه جمال ؟ راني نضحك معاك تعرف معنى نضحك خلاص يا سيدي كي غاضتك كلمة نخلط راني انا لي نخلط واعتذر


بالنسبة للمعادلة لا تقبل جذور انا هكذا درست وراني كنت علمية وكنت ممتازة في الرياضيات ثاني اذا خرجو دراسة من نوع اخر ما نعرف :5:

حلك صحيح واغلب الظن هذا ما تريده استاذة ريان
ولكن الحل الذي اقترحته صحيح
لأن الأعداد المركبة كان من اجل حل هذا النوع من المعادلات
حسنا ارسلي حلك الى ريان في رسالة خاصة فهي قلقة جدا
واجرك على الله

[عبد المنتقم]

مذا لو اخطات الاستاذة في نقل التمرين على السبورة من كراسها او كتابها
او اخطات لالا مولاتي ريان في نقله ههههههههههه

[نسرينات الامل]

دالتا اقل من الصفر اذن المعادلة لا تقبل حل
الاشارة راح تكون هكذا
ax²+bx+c+ موجبة
ax²+bx+c- سالبة

[نسرينات الامل]

مذا لو اخطات الاستاذة في نقل التمرين على السبورة من كراسها او كتابها
او اخطات لالا مولاتي ريان في نقله ههههههههههه


صح انا بدلتها وحليتها لقيت عندها حلين متمايزين

[Karim Ibn Karim]

ياك هاذي هي اجابتي يا اخي كريم ابن كريم وانا متاكدة منها
ايييييييييه
راني معاك يا اماني

اجابتك صحيحة مائة بالمائة
الفرق بيني و بينك
انت عممت
و انا فصلت

==
شكرا جزيلا

المهم خاوتنا ان شاء الله ينجحو
و حنا في الخدمة

[دائمة الذكر]

ارجوا ان تضعي حل استاذتك يا شاعرة المستقبل

[Mourad ti]

اين سابعثه لك ؟

[شاعرة المستقبل]

السلام عليكم
انا اختصاصي رياضيات
ضرك نجابوك باذن الله

==
الاشارة
كثير الحدود هذا موجب تماما اي لا يمكن ان ينعدم او يكون سالب

مهما كان المتغير x

لماذا؟؟
لانك اذا حولت القيم الى الجانب الاخر يكون عندك نتيجة مستحيلة و هي xمربع = ـــ3/2

ثانيا
المعادلة
لا حل لها
لان كثير الحدود لا ينعدم ابدا

المتراجحة
تقبل الحلول مهما كان المتغير x

++
هذه هي الاجابة الصحيحة
بكل تاكيد

تحياتي
لشاعرة المستقبل
ربي يوفقك
انا تاني حليت هك بصح كيفاه وش ندير درك هي قالت عندها حل وعلى التمرينت 5 نقاط مستحيل نضحي بيها
انا مستواي في الرياضيات ممتاز بصح اليوم حسيت بالعجز المطلق:10:

[شاعرة المستقبل]

صح انا بدلتها وحليتها لقيت عندها حلين متمايزين

لا انا تاني كي درت ناتقص 8 ولات متطابقة شهيرة رقم 3 وعندها حلان بصح لالا هكا التمرين يعني +9

[شاعرة المستقبل]

الطرق اللي درتهم كامل تخرجلي المعادلة ليس لها حل
و بالتالي راح تكون موجبة لان a عدد موجب
الاستاذة انتاعك راهي تخلط قوليلها تروح تعاود تقرا

رايي من رايك بصح المصيبة راها عندها الماستر و+سنة اولى دكتوراه
صافي راهي دكتورة وما نقدرش نقلها راكي تخلطي ربي يهدينا حبت تهبلنا هذا مكان
كي تحلهولنا نحطلكم الحل



واغلب الضن ندير ليس لها حل
وتانيك الاعداد المركبة انا جامي سمعت بيهم معلومة جديدة


انا جامي خممت ندير لي كور او الدروس الخصوصية بصح رايحة نديرهم بسبب هاد الاستاذة الكارثة :17:

[اماني أريس]

واش ريونة مازال ما اقتنعتيش بواحد من الحلول ؟

[اماني أريس]

رايي من رايك بصح المصيبة راها عندها الماستر و+سنة اولى دكتوراه
صافي راهي دكتورة وما نقدرش نقلها راكي تخلطي ربي يهدينا حبت تهبلنا هذا مكان
كي تحلهولنا نحطلكم الحل



واغلب الضن ندير ليس لها حل
وتانيك الاعداد المركبة انا جامي سمعت بيهم معلومة جديدة


انا جامي خممت ندير لي كور او الدروس الخصوصية بصح رايحة نديرهم بسبب هاد الاستاذة الكارثة :17:انا نظن بلي دارتلكم سؤال تمويهي برك باه تشوف ذكاءكم المعادلة ليس لها حلول وكثير الحدود موجب والمتراجحة حلها هو مجموعة الاعداد الحقيقية

[شاعرة المستقبل]

واش ريونة مازال ما اقتنعتيش بواحد من الحلول ؟

انا حلي من حل الاستاذ كريم
واخي جمال قال الاعداد المركبة وانا ما نعرفهمش خلاص وجامي سمعت بيهم بالاك هي حبتنا نتعرفو على هاد المعلومة ربي يهديها
رح ندير الحل تاعي وهو ليس لها حل

[اماني أريس]

انا حلي من حل الاستاذ كريم
واخي جمال قال الاعداد المركبة وانا ما نعرفهمش خلاص وجامي سمعت بيهم بالاك هي حبتنا نتعرفو على هاد المعلومة ربي يهديها
رح ندير الحل تاعي وهو ليس لها حلزعمة يعني ما شفتيش الحل تاعي ؟ انا اول وحدة حليتهالك وقلتلك لا تقبل حلول ايه يا ريونة :5:

[شاعرة المستقبل]

زعمة يعني ما شفتيش الحل تاعي ؟ انا اول وحدة حليتهالك وقلتلك لا تقبل حلول ايه يا ريونة :5:

وانتي شكون يوصلك حليتيها من اول نظرة

الله يبارك عليك اختي انا زعما كبرت بالاستاذ هههههههه

خلاص انا رح اندير حل الاخت اماني :16:

[اماني أريس]

حسراه عليك يا ريونة هاذو بالنسبة للاعداد المركبة وبالنسب المثلثية ايضا وزيد من بعد الدوال والهندسة الفضائية راهم يوليو قاطو

[شاعرة المستقبل]

ماذا بيا بصح انا قررت نهار السبت هادا رايحة نبدا الدروس الخصوصية ديجا انا العام الجاي عندي باك مانيش مستعدة نضحي باي حرف ولا كلمة
وهي راها تقريلنا 3دروس فالحصة المهم تكمل المقرر وتترسم واحنا الي يهدر يطير فيك ماركار ولا الصبورة هههههههه

[هديل الجزائرية]

اختي ريان هذا حلي المتواضع وانا ادرس الاولى ثانوي

الحل :

ان إشارة كثير الحدود 4xمربع+9. هي موجبة > 0
لان 4>0
و xمربع>0
و9>0

ويمكن ايضا درستها بإنشاء جدول +مالا نهاية و- مالا نهاية. وسنجد ان الإشارة دائماً موجبة.


لا يوجد حل للمعادلة( p(x)=0


لان : &=bمربع-4ac

0مربع -4(4)9

وستكون النتيجة سالبة.

ولاكن لها حلول في مجموعات أخرى ...........


حل المتراجحة. :

0<(P(x

[&,-&+ ]€x

[شاعرة المستقبل]

اختي ريان هذا حلي المتواضع وانا ادرس الاولى ثانوي

الحل :

ان إشارة كثير الحدود 4xمربع+9. هي موجبة > 0
لان 4>0
و xمربع>0
و9>0

ويمكن ايضا درستها بإنشاء جدول +مالا نهاية و- مالا نهاية. وسنجد ان الإشارة دائماً موجبة.


لا يوجد حل للمعادلة( p(x)=0


لان : &=bمربع-4ac

0مربع -4(4)9

وستكون النتيجة سالبة.

ولاكن لها حلول في مجموعات أخرى ...........


حل المتراجحة. :

0<(p(x

[&,-&+ ]€x


حلك صحيح حبيبتي هديل وهو كحلي منذ البداية لكني لم ارتح لهذا التمرين لان استاذتي مجنونة بالرياضيات لحد بعيد:16::11::13:

[وائل (جمال)]

ياريان الحل كما قالت اماني اريس
سؤال تمويهي
الأعداد المركبة لم تدرسيها ،لهذا لا تعملي بها.
الحل الأول الدالة موجبة تماما
والثاني ليس لها حل والثالث حل المتراجحة هي كل الأعدادا الحقيقة تحقق المتراجحة

[هديل الجزائرية]

ياريان الحل كما قالت اماني اريس
سؤال تمويهي
الأعداد المركبة لم تدرسيها ،لهذا لا تعملي بها.
الحل الأول الدالة موجبة تماما
والثاني ليس لها حل والثالث حل المتراجحة هي كل الأعدادا الحقيقة تحقق المتراجحة

لكن عمو كيف تعطيهم الأستاذة تمرين ليس لهم خلفية عنه ؟؟؟؟؟؟

[وائل (جمال)]

لكن عمو كيف تعطيهم الأستاذة تمرين ليس لهم خلفية عنه ؟؟؟؟؟؟

اجل تمويه
بمعنى آخر
من يجيب على السؤال الأول ويدرك ان الدالة موجبة على كل الاعداد الحقيقية
يستطيع ان يجيب على السؤال الثاني والثالث من دون حساب
مادامت المعادلة موجبة تماما فهي لا تقبل حلول
ومادامت موجبة تماما فالمتراجحة تتحقق بكل الأعدادا الحقيقية
:11:

اما الأعداد المركبة فهي حل آخر اظن انكم لم تصل الى هذا المقرر بعد

[Karim Ibn Karim]

انا تاني حليت هك بصح كيفاه وش ندير درك هي قالت عندها حل وعلى التمرينت 5 نقاط مستحيل نضحي بيها
انا مستواي في الرياضيات ممتاز بصح اليوم حسيت بالعجز المطلق:10:

السلام عليكم صدقيني يا اختي هذا هو الحل الصحيح و لا حل غيره و عليك ان تعلمي ان بعض الاساتذة للاسف ...مستواهم ناقص و لديهم بعض الاخطاء انا مريت بهذا الموقف طحنا في استاذ ناقص في الفيزياء و الحمد لله كنت انا و بعض زملائي متمكنين جيدا لذلك لم نكن ضحية لاخطائه = = انا اقول لك و اؤكد هذا هو الجواب الصحيح لا اعداد مركبة و لا هم يحزنون == تحياتي اليك و نحن في الخدمة

[شاعرة المستقبل]

السلام عليكم صدقيني يا اختي هذا هو الحل الصحيح و لا حل غيره و عليك ان تعلمي ان بعض الاساتذة للاسف ...مستواهم ناقص و لديهم بعض الاخطاء انا مريت بهذا الموقف طحنا في استاذ ناقص في الفيزياء و الحمد لله كنت انا و بعض زملائي متمكنين جيدا لذلك لم نكن ضحية لاخطائه = = انا اقول لك و اؤكد هذا هو الجواب الصحيح لا اعداد مركبة و لا هم يحزنون == تحياتي اليك و نحن في الخدمة

بارك الله فيك استاذ
ربي يهدي استاذتنا اليوم درنا الفرض ومن بعد نحطلكم الاسئلة باه تشوفوها هي شويا مضحكة :8:

[Karim Ibn Karim]

على فكرة
انا طبيب بيطري
و لست استاذا

نحن في انتظار
االاسئلة
تحياتي

[selma tamazighethe]

عودي اكتبيلي شكل كثير الحدود
شكل كيما اكا ؟
4x² + 9 او x²/4 + 9 !!!!!!!!!!!!!

[شاعرة المستقبل]

4x² + 9

هدا هو

ودوكا خلاص راني حليتها ومديتهالها غالطة ولا صحيحة هههههههه

ربي يعيشك حبيبتي

[selma tamazighethe]

هههه اوكي مرة اخرى كي متفهميش حاجة قوليلي
اوكي

[شاعرة المستقبل]

اكيد حنونتي الغالية انا تاني راني في الخدمة في اي مادة

[شاعرة المستقبل]

هذه ورقة الاسئلة الخاصة بالوضيفة

http://im37.gulfup.com/9HZC1.jpg

http://im37.gulfup.com/du8W3.jpg

http://im37.gulfup.com/RuBLq.jpg

[selma tamazighethe]

mlihaa tchbah lfrd nt3na
merci

[شاعرة المستقبل]

العفو حنونتي الغالية شكرالك

[شاعرة المستقبل]

اتمنى من المشرفين حذف اخر رد

[INAS INAS]

جزاكي الله الف خير

[INAS INAS]

:4:شكرااااا
جزاكي الله الف خير

[شاعرة المستقبل]

وجزاك الله الجنة اختي

[sun]

مسابقة الدكتوراه (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه 2025/2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه (https://lmd.sahla-dz.com/)
محاضرات (https://lmd.sahla-dz.com/)
Remote Work (https://jobs.sahla-dz.com/)
Freelance (https://jobs.sahla-dz.com/)
بحث جاهز بالمنهجية العلمية (https://ba7thi.sahla-dz.com/)
بحث pdf word (https://ba7thi.sahla-dz.com/)