كسكس بالرمان...من تذوقه من قبل...؟؟؟ [الأرشيف]

رحيل

30-10-2013, 06:38 PM

السلام عليكم و رحمة الله وبركاته

http://im35.gulfup.com/isxGx.jpg (http://www.gulfup.com/?hdJbee)

اليوم اكتشفت اكلة لذيذة جدا لم اتذوقها من قبل الا و هي الكسكس بالرمان..
و الالذ منه ان تختمها بعصير رمان طبيعي و محضر منزليا...
فالحمد لله الذي اطعمنا و سقانا و رزقنا من غير حول منا ولا قوة و ادام نعمته علينا...
الطريقة سهلة جدا و هي حبات رمان مع كسكس مفور مرتين كما يحضره الجميع و يستحسن ان يكون متوسط الحرارة يعني لا ساخن و لا بارد...
بالنسبة للعصير كان ايضا رائعا و ساضعه طريقة تحضيره في موضوع مستقل ان شاء الله...

سليم يلل

30-10-2013, 06:46 PM

الله يبارك

الله يعطيك الصحة

أنا أحبه بالعنب أو بالدلاع يجي هبال ثاني

على خطاه حتى نلقاه

30-10-2013, 06:49 PM

صراحة اول مرة نسمع بيها هادي ومشكيتش نقدر ناكلوو

كيما قال الاخ سليم كليتو بالعنب روعة

على العموم بصحتكم

رحيل

30-10-2013, 07:00 PM

صراحة اول مرة نسمع بيها هادي ومشكيتش نقدر ناكلوو

كيما قال الاخ سليم كليتو بالعنب روعة

على العموم بصحتكم

اهلا اختي بسمة حنين...
انا أول ما حدثتني عنه شقيقة زوجي لم اهضم فكرتهاو لكن لما حضرته و طلبت مني التذوق اعجبني كثيرا و تداولت انا و امينة على الاكل في صحن واحد...
صدقيني هو لذيذ جدا جربيه و سترين...

رحيل

30-10-2013, 07:01 PM

الله يبارك

الله يعطيك الصحة

أنا أحبه بالعنب أو بالدلاع يجي هبال ثاني

بارك الله فيك...
جربه بالرمان و سترى...

على خطاه حتى نلقاه

30-10-2013, 07:05 PM

اهلا اختي بسمة حنين...
انا أول ما حدثتني عنه شقيقة زوجي لم اهضم فكرتهاو لكن لما حضرته و طلبت مني التذوق اعجبني كثيرا و تداولت انا و امينة على الاكل في صحن واحد...
صدقيني هو لذيذ جدا جربيه و سترين...

اوكي اختي ام امينة

بصحتكم واطعمكم الله طعام الجنة ان شاء الله

colla

30-10-2013, 07:26 PM

نعم تذوقتة مرات عدة ومن عدة سنوات

دائمة الذكر

30-10-2013, 08:36 PM

فعلا يا ام امينة الطعام بالرمان رووووووعة و لازم تكون الحبيبات بدون عظم

و نريدك حاجة رايح يكون الكسكس ااااااالذ و هذا بإضافة العسل الحر و ليس الشفاء

عبد المنتقم

30-10-2013, 11:23 PM

لذيذ جدا و الله
من بكري من صغري ناكل الكسكس بالرمان
و تارة وحد الضروف مرت علينا عائلية قاسية
اكلنا الكسكس بالسكر
و كذا الكسكس رائع بالدلاع و العنب
و الرائب طبعا اضافة الى اللبن

كنت امقت الكسكس بالمرقة تع الحليب بالحرور و الكوابة
ههههههههههههه

شكرا رحيل
سلمت يداك على نشر الفكرة
التي يم يجربها العديد اكيد

انا هي

31-10-2013, 09:28 AM

سميــآء

31-10-2013, 10:15 AM

لأول مرة ........

بصح شهيتينا

رايحة نتعشا بيه ليوما -ان شاء الله -

شكراا رحيـــــــــل

Karim Ibn Karim

31-10-2013, 10:41 AM

السلام عليكم

رائـــــــــــــع جـــــدا
و لذيذ جدا

انا دائما ااكله
لان منطقتنا مشهورة بانتاج الرمان

كما و جودة

خاصة في شهر رمضان
ما عندي ما نقول

شهيتينا و الله
و فكرتيني بالدار و انا بعيد على الدار
و هذا العام ما كليتش الرمان

شكرا الاخت
رحيل

==
تحياتي

الزمردة النادرة

31-10-2013, 11:16 AM

واله اول مرة نسمع بهادي الاكلة .ليتك كنت امامي حتى ترين علامات التعجب البادية على وجهي

استفسار بسيط الرمان تفوريه ثاني ولا تفوري الكسكس ومن بعد تحطي معاه الرمان ؟

نورسين

31-10-2013, 12:11 PM

مشكورة على الطرح
مي الرمان بطعام بعدا :3::3:
انا صراحة منحبوش ومنقدرش ناكلوووو
نحب الرمان وحدو او عصير الرمان طبعا :16:
حنا القبايل نفضلو الطعام بالخرشف :1:

على خطاه حتى نلقاه

31-10-2013, 12:14 PM

مشكورة على الطرح
مي الرمان بطعام بعدا :3::3:
انا صراحة منحبوش ومنقدرش ناكلوووو
نحب الرمان وحدو او عصير الرمان طبعا :16:
حنا القبايل نفضلو الطعام بالخرشف :1:

لحاجة لي نكرها الخرررشف :19::19::19::19:

نورسين

31-10-2013, 12:16 PM

لحاجة لي نكرها الخرررشف :19::19::19::19:

انا نموت عليه ياعيني كي يكون بطعام وتدهنيه يالزيت الزيتون الحر :10::10::1::1:

دائمة الذكر

31-10-2013, 12:20 PM

انا نموت عليه ياعيني كي يكون بطعام وتدهنيه يالزيت الزيتون الحر :10::10::1::1:

الطعام بزيت الزيتون :19::19:

مستحيييييييييل ناكلو:3:

انا نحب الطعام بالزبدة نتاع العرب:8:

دائمة الذكر

31-10-2013, 12:25 PM

جميل جدا رحيل ...
في بيتنا لما يكون موسم الرمّان هذا الطبق دائما في القائمة ...
طعام بالزبيب ...
طعام بالعنب ...
طعام بالدلاع ...
طعام بالجلبان ...
و الشي اللي ربما ما يجيش في بالك (طعام بمرق المشمش المجفف "هرماس") ...
.
.
.
.
.
.
.ذكرتيني في الايام الخوالي ...

ايييييه يا طاطا على الايام الخوالي :2:

الطعام مع الكوابة و المردود و العدس بلاش و البرزڤان و الطعام مع الفووووووووول و الرايب و يا عيني و يا ليلي:1::1:

و ضوك راكي قَ مع الكروفات و المارلون و الكبدة المشرملة
لوكان قَ فيهم البنة تْڤُول لحم الجران :9:

على خطاه حتى نلقاه

31-10-2013, 12:28 PM

على خطاه حتى نلقاه

31-10-2013, 12:29 PM

انا نموت عليه ياعيني كي يكون بطعام وتدهنيه يالزيت الزيتون الحر :10::10::1::1:

اواااااااااااااااااااااااااااااه مستحيل نااكلو بالزيت زيتووووووووووووون:3::3:

انا هي

31-10-2013, 12:30 PM

الطعام بزيت الزيتون :19::19:

مستحيييييييييل ناكلو:3:

انا نحب الطعام بالزبدة نتاع العرب:8:

.
.
.
.
في يوم من الايام كنت استغرب من الكسكس بزيت الزيتون ...
لكن مرة ذقته صراحة واو تحفة ماشي كيما تتخيلي ...
.
.
.

انا هي

31-10-2013, 12:39 PM

ايييييه يا طاطا على الايام الخوالي :2:

الطعام مع الكوابة و المردود و العدس بلاش و البرزڤان و الطعام مع الفووووووووول و الرايب و يا عيني و يا ليلي:1::1:

و ضوك راكي قَ مع الكروفات و المارلون و الكبدة المشرملة
لوكان قَ فيهم البنة تْڤُول لحم الجران :9:

.
.
.
.
نعم كما قال الشاعر :
.
.
شحال نبغي الكبدة طايب
و الشحم عليها ذايب ...
وك الطعام مع الرايب
غي سقّي لابغى حامي ...
و الطاجين تاع الدنجال
يا خويا هذا بشحال
الحبة كيما الولال
وجات كبيرة على فمي ...
.
.
.
اما الان راني في قول الشاعر (نفس الشاعرالاول) :
.
.
.
جابولي دجاجة حمرا
قالو ياكلها يبرا
كليتها و اقطعت الهدرا
و ق ادوها من قدامي
.
.
حصلتلي في القرجوما
وبلوكاتلي ليسطوما
و جات تجري ليّ الحوما
و انا متلف بكلامي
.
.
كرشي يبست كي الحجرا
و قلت راني في المقبرا
آ الدنيا والله دورة و دار
و انا كملوا ايامي :19:

.
.
.
.
.
احفظي القصيدة بلاك طيحنا في ليقزامان ...
.
.

دائمة الذكر

31-10-2013, 12:40 PM

يرحم باباك فهميني الكوابة والبرزقان وشنو هوماا :19::19::19::19:

الكوابة هي الموز بصح شوية سمينة

و البْرْزڤان فهو تارت بالكريمة و الشوكولاتة

طعمه لاااااااا يقاوم

اذا اكلتيه تقدري تقعدي اسبوع بدون اكل خطرش يَڤْهَمْ

نورسين

31-10-2013, 12:40 PM

.
.
.
.
في يوم من الايام كنت استغرب من الكسكس بزيت الزيتون ...
لكن مرة ذقته صراحة واو تحفة ماشي كيما تتخيلي ...
.
.
.

هاااااااااااااي الهدرة اختي هاجر
صراحة انا نموت عليه وبوغ موا لي ميحبش الزيت الزيتون ميعرفش ياكل
والاغلبية قاع يقولو منقدروش ناكلوه وهما جامي ذاقوه ذوقوووووو وشوفو البنة :1::1::8:

على خطاه حتى نلقاه

31-10-2013, 12:42 PM

الكوابة هي الموز بصح شوية سمينة

و البْرْزڤان فهو تارت بالكريمة و الشوكولاتة

طعمه لاااااااا يقاوم

اذا اكلتيه تقدري تقعدي اسبوع بدون اكل خطرش يَڤْهَمْ

بارك الله فيك على الشرح

على خطاه حتى نلقاه

31-10-2013, 12:43 PM

هاااااااااااااي الهدرة اختي هاجر
صراحة انا نموت عليه وبوغ موا لي ميحبش الزيت الزيتون ميعرفش ياكل
والاغلبية قاع يقولو منقدروش ناكلوه وهما جامي ذاقوه ذوقوووووو وشوفو البنة :1::1::8:

انا منعرفش ناكل :19::19::19::19::19::19:

انا هي

31-10-2013, 12:43 PM

الكوابة هي الموز بصح شوية سمينة

و البْرْزڤان فهو تارت بالكريمة و الشوكولاتة

طعمه لاااااااا يقاوم

اذا اكلتيه تقدري تقعدي اسبوع بدون اكل خطرش يَڤْهَمْ
.
.
.
.

واه عندها الحق يقهم على خاطر الكريمة اللي فيه ...
تخرجي عوجة :8:

على خطاه حتى نلقاه

31-10-2013, 12:45 PM

.
.
.
.

واه عندها الحق يقهم على خاطر الكريمة اللي فيه ...
تخرجي عوجة :8:

شوقتوني باش ناكلووووووووووووو :8::8::8:

نورسين

31-10-2013, 12:45 PM

انا منعرفش ناكل :19::19::19::19::19::19:

راكي تقولي متحبيتش زيت الزيتون
طبعا هذا يبقا رايك انتي وانا منقدرش ناكل بلا زيت الزيتون
وكذلك منقدرش ناكل الطعام مدهون بالزبدة ولا شئ اخررررررر :3::3::3:

على خطاه حتى نلقاه

31-10-2013, 12:47 PM

راكي تقولي متحبيتش زيت الزيتون
طبعا هذا يبقا رايك انتي وانا منقدرش ناكل بلا زيت الزيتون
وكذلك منقدرش ناكل الطعام مدهون بالزبدة ولا شئ اخررررررر :3::3::3:

كل واحد وذو ق ديالو :13:

مالا مرانناش توااااااااااام :8::8::8:

انا هي

31-10-2013, 12:47 PM

شوقتوني باش ناكلووووووووووووو :8::8::8:

.
.
.
.
.
الله غالب لافاني تاع آيرماس ماكاش في فرنسا ...
سينون نديره و تشوفيه ...
يلا هبطت لالجيغي و تفكغت غادي نديره و تشوفيه ...
.
.
.

نورسين

31-10-2013, 12:50 PM

الطعام بزيت الزيتون :19::19:

مستحيييييييييل ناكلو:3:

انا نحب الطعام بالزبدة نتاع العرب:8:

عيني ماشي زيت الزيتون تاع العرب خطرا دقتو مفيه حتا بنة بيسك يطرفيكوه يزيدولو الماء وتروحلو البنة
مي الزيت الزيتون الحر لي راني نهدر عليه تخدمو ماني :1::8:
طبيعي 100%100
وياعيني على الحلووووووة حطيه على الجرح يبرا تولي صحيحة en + يزين مليار

على خطاه حتى نلقاه

31-10-2013, 12:52 PM

.
.
.
.
.
الله غالب لافاني تاع آيرماس ماكاش في فرنسا ...
سينون نديره و تشوفيه ...
يلا هبطت لالجيغي و تفكغت غادي نديره و تشوفيه ...
.
.
.

ان شاء الله ختيتوو

اكديلي على تفكغت:19: ان شاء الله تتفكغي:8:

رحيل

31-10-2013, 01:24 PM

نورسين

31-10-2013, 01:27 PM

السلام عليكم

تركت الموضوع ب11 أو 12 رد رجعت لقيتو بـ 33 و عرفتها انو ام هديل و هاجر راهم ايدورو هنا...
لا باس مادام فيها كسكس بخرشف و الزيت زيتون فدردشتكن فيها منفعة...
و لي ما يحبش زيت زيتون غير ما يدورش هنا لاني لاحقا ان شاء الله ساتحفكم بالاطعمة التي نضيفه عليها و قد لا تتحمل قلوبكم ذلك...

:16::16::16::16::16::16::16::16:
نستعرف بيك ختي رحيل
واش نقولك على طعام بالقرنينة و طعام بالخضرا وطعام بالفول مدهون بالزيت الزيتون ولي نقولولها حنا ثفوروت وثامقفولت ممممممممممم

ثافوروت للي ميعرفهاش هيا عبارة عن طعام باخضرا
الخضرا قاع واش عندك ديريلها بطاطا طماطيش لفت بصل لوبيا خضرا كورجات وزرودية فوريهم كي يطيبو قطعيهم صغار ديريهم مع الطعام ودهنيهم بالزين الزيتون وقولولي على البنة :10::10:

رحيل

31-10-2013, 01:28 PM

السلام عليكم و رحمة الله وبركاته

نعم تذوقتة مرات عدة ومن عدة سنوات

ليتك قلت لنا رايك في مذاقه حتى تتكون فكرة لدى من لم يتذوقه من قبل...

فعلا يا ام امينة الطعام بالرمان رووووووعة و لازم تكون الحبيبات بدون عظم
و نريدك حاجة رايح يكون الكسكس ااااااالذ و هذا بإضافة العسل الحر و ليس الشفاء

حبيبات بدون عظم؟؟؟؟؟هذه لم افهمها جيدا هيل يمكن التخلص من الحبيبات بطريقة ما؟؟؟بخصوص العسل ساجربها ان شاء الله في المرة القادمة

لذيذ جدا و الله
من بكري من صغري ناكل الكسكس بالرمان
و تارة وحد الضروف مرت علينا عائلية قاسية
اكلنا الكسكس بالسكر
و كذا الكسكس رائع بالدلاع و العنب
و الرائب طبعا اضافة الى اللبن

كنت امقت الكسكس بالمرقة تع الحليب بالحرور و الكوابة
ههههههههههههه

شكرا رحيل
سلمت يداك على نشر الفكرة
التي يم يجربها العديد اكيد

بوركت اخي على مرورك اتمنى ان يتشجع الاخرين من خلال ردك و يتذوقوه ايضا

رحيل

31-10-2013, 01:34 PM

السلام عليكم

جميل جدا رحيل ...
في بيتنا لما يكون موسم الرمّان هذا الطبق دائما في القائمة ...
طعام بالزبيب ...
طعام بالعنب ...
طعام بالدلاع ...
طعام بالجلبان ...
و الشي اللي ربما ما يجيش في بالك (طعام بمرق المشمش المجفف "هرماس") ..
.ذكرتيني في الايام الخوالي ...

بعد ان تذوقت الكسكس بالرمان الفكرة لي رسخت في بالي هي انه اي فاكهة يمكن تناولها مع الكسكس....(أمزح طبعا) أقصد اي فاكهة بها كمية معتبرة من الماء...
صرت اتوقع اي شيء...ليتك تعطيننا وصفة الهرماس فمن يدري قد تعجبني ايضا و اضافها الى قائمة وصفات الكسكس...

لأول مرة ........

بصح شهيتينا

رايحة نتعشا بيه ليوما -ان شاء الله -

شكراا رحيـــــــــل

ان شاء الله بصحتكم و رديلي الخبر و رايك في طعمه...

السلام عليكم

رائـــــــــــــع جـــــدا
و لذيذ جدا

انا دائما ااكله
لان منطقتنا مشهورة بانتاج الرمان

كما و جودة

خاصة في شهر رمضان
ما عندي ما نقول

شهيتينا و الله
و فكرتيني بالدار و انا بعيد على الدار
و هذا العام ما كليتش الرمان

شكرا الاخت
رحيل

==
تحياتي

العفو اخي...
اتمنى لك عودة قريبة ان شاء الله الى البيت و نحن في فصل الرمان
لتتناول هذه الاكلة اللذيذة مع العائلة الكريمة...
شاكرة لك مرورك...

أم خير الدين 46

31-10-2013, 01:43 PM

احنا السفة نديروها بالزبيب فقط عمري ولا تذوقتها بالرومااان

راااهي تباان تشهي يعطيك الصحة رحيلو

مين الروماان رااه قااطع الطريق دروك رااح نجربها ا شاء الله

رحيل

31-10-2013, 01:43 PM

السلام عليكم

واله اول مرة نسمع بهادي الاكلة .ليتك كنت امامي حتى ترين علامات التعجب البادية على وجهي

استفسار بسيط الرمان تفوريه ثاني ولا تفوري الكسكس ومن بعد تحطي معاه الرمان ؟

يعني ردة فعلي كانت مشابهة لردة فعلك لما حدثتني عنه سلفتي و لكنها اسرعت و احضرت صحن كسكس و اضافت له الرمان دون تفويره و اصرت علي ان اتذوقه و بالفعل لم اتوقع ذلك الطعم رائع رائع رائع جربيه و سترين...
كيما يقولو في بعض المناطق "ايفاجي على القلب"

مشكورة على الطرح
مي الرمان بطعام بعدا :3::3:
انا صراحة منحبوش ومنقدرش ناكلوووو
نحب الرمان وحدو او عصير الرمان طبعا :16:
حنا القبايل نفضلو الطعام بالخرشف :1:

أظن ان القبايل هم من لديهم اكثر الوصفات المتعلقة بالكسكس و ينوعون في تحضير بشكل مميز جدا..و الخرشف من ظمنها و بالاخص "ثاغديوث"و لكن بالرمان ايضا لذيذ يعني احسبيه كي المسفوف و جربيه اولا و من بعد رديلي الخبر...

رحيل

31-10-2013, 01:45 PM

الطعام بزيت الزيتون :19::19:

مستحيييييييييل ناكلو:3:

انا نحب الطعام بالزبدة نتاع العرب:8:

السلام عليكم

هي قضية تعود فقط و لكن بزيت الزيتون صحي اكثر...

رحيل

31-10-2013, 01:46 PM

احنا السفة نديروها بالزبيب فقط عمري ولا تذوقتها بالرومااان

راااهي تباان تشهي يعطيك الصحة رحيلو

مين الروماان رااه قااطع الطريق دروك رااح نجربها ا شاء الله

السلام عليكم

اهلا بام خير الدين على سلامتك...
نعم هذا فصل الرمان و لنستغل الفرصة للاستفادة من فوائده الكثيرة...

رحيل

31-10-2013, 01:49 PM

:16::16::16::16::16::16::16::16:
نستعرف بيك ختي رحيل
واش نقولك على طعام بالقرنينة و طعام بالخضرا وطعام بالفول مدهون بالزيت الزيتون ولي نقولولها حنا ثفوروت وثامقفولت ممممممممممم

ثافوروت للي ميعرفهاش هيا عبارة عن طعام باخضرا
الخضرا قاع واش عندك ديريلها بطاطا طماطيش لفت بصل لوبيا خضرا كورجات وزرودية فوريهم كي يطيبو قطعيهم صغار ديريهم مع الطعام ودهنيهم بالزين الزيتون وقولولي على البنة :10::10:

نحن نقول لها ثاقفالت ...أظنني وضعت الوصفة هنا من قبل مع وصفات اخرى
ان شاء الله ساجمعها في موضوع واحد

amina 84

31-10-2013, 04:53 PM

Abdelbasset Kab

31-10-2013, 05:29 PM

نأكله هنا في موسم جني الرمان
أحيانا وليس دائما

colla

31-10-2013, 06:54 PM

ليتك قلت لنا رايك في مذاقه حتى تتكون فكرة لدى من لم يتذوقه من قبل...

طبعا الرمان افضل فاكهة عندي وطعمه مع الكسكس زاد من حلاوته

شكرا خالتو على التعقيب وبالمناسبة بقيتي انت من 06 لي ما جبتليش الرمان -_*

رحيل

31-10-2013, 07:57 PM

يا سلام ما هذا الجمال الرائع يا رحيل و الوصفة الشهية المميزة
أقول هذا ليس لأنني من عشاق الرمان و لكن لأني إشتقت لهذا النوع من الكسكسي الشهي
بالمناسبة ليس غريبا عني نحن نتناوله في تبسة كل موسم رمان كاين إلي يعيطلوا مسفوف الرمان و كاين إلي يعيطلوا كسكسي الداي بالرمان و بالمناسبة نعملولو زبيب و حلوة ترك ذوق بيستاش مزيتة و زبدة و عسل و ماء ورد و نعملوا طبقات يعني طبقة كسكي طبقة رمان و نزينوه في الأخير من فوق بالرمان و الفستق المهرمش و اللوز فيلي محمص و يقدم مع الرايب

السلام عليكم

اهلا بالغالية امينة..و جميل جدا ما اضفت من معلومات حول هذه الاكلة
تعلمين و انا تذوقه امس قلت لسلفتي اكيد مع اللبن او الرايب سيكون احلى و اتصلت بابو امينة و احضر اللبن و لكنه لم يعجبني به و اكتفيت بالكسكس و الرمان مع العصير طبعا
بارك الله فيك على المرور الجميل...

رحيل

31-10-2013, 07:59 PM

نأكله هنا في موسم جني الرمان
أحيانا وليس دائما

هنيئا مريئا اخي...
يعني نسبة لا باس بها من اهل المنتدى يعرفون هذه الاكلة...

رحيل

31-10-2013, 08:03 PM

طبعا الرمان افضل فاكهة عندي وطعمه مع الكسكس زاد من حلاوته

شكرا خالتو على التعقيب وبالمناسبة بقيتي انت من 06 لي ما جبتليش الرمان -_*

السلام عليكم

جميل...
هذه شجرة رمان من بستاننا خذ ما شئت و أشرك اهل المنتدى معك...
http://im38.gulfup.com/6StDF.jpg (http://www.gulfup.com/?Ze5oyw)

شاعرة المستقبل

31-10-2013, 08:09 PM

انا نعرف الكسكس بالزبيب فقط

رحيل

31-10-2013, 08:41 PM

هناك قرعاجيين أغرتهم شجرة الرمان و يريدون معرفة مكانها....
الصورة من بلدية برباشة بولاية بجاية...

رحيل

31-10-2013, 08:44 PM

انا نعرف الكسكس بالزبيب فقط

السلام عليكم

و ها انا عرفتك بالكسكس مع الرمان...
جربيه و انا انتظر ردك..

colla

01-11-2013, 09:04 AM

السلام عليكم

جميل...
هذه شجرة رمان من بستاننا خذ ما شئت و أشرك اهل المنتدى معك...
http://im38.gulfup.com/6stdf.jpg (http://www.gulfup.com/?ze5oyw)

شكرا خالتو على الهدية بالصح نحب كلش ليا:15:

بالمناسبة الشحرة (فرسيت مليح )

برباشة :16:

سميــآء

02-11-2013, 04:21 PM

بنين رحيل وزدت سقيتو بالحليب +البيض مغلي+ الرمآن ذوقو هآيل :11:

جود الكلمات

02-11-2013, 04:32 PM

السّـلامُ علَـيْـكُم

لالا جامي كليــتها ، مي ناكلو غير بالمرقة

أخي يحبو بالسككككككرررر عجييييب !!!!

أسْتغْفِرُ الله وأتُوبُ اليْـه

ذات النقاب

02-11-2013, 05:43 PM

السّلام عليكم ورحمة الله وبركاته

**

مدام بنين نجربوه إذن :11:

جزآك الله خيرا ،،

معتادين في البيت ناكلو بربوشة مع خضار مفورة وزيت زيتون

طبق راائع منشبعوش منو :16:

،،

البنات لي قالو مناكلوش الطعام بزيت زيتون

-> جربوه أولا ^^ ،، رائع

قطر.الندى

02-11-2013, 09:13 PM

السلام عليكم ورحمة الله وبركاته
أتعلمين أختي رحيل نحن في العائلة لم نسمع من قبل بمن يأكل الطعام بالرمان، وأنا نمووووت على الرمان ونموووووت كذلك على الطعام لكن فكرة أن أمزجهما معا لم أهضمها في البداية وبعد تشجيعاتك القوية التي وضعتها هنا استجمعت قوتي وحضرت هذا الطبق اليوم...
عندما بدأت آكل فيه.. الملعقة الأولى.. الثانية.. الثالثة...
شعرت بهزة أرضية حدثت في معدتي بقوة 8.5 فتوقفت عن الأكل لكن العجيب أن شقيقتاي أخذتا تأكلان منه بنهم شديد تعبيرا عن اعجابهن بذوقه ولذته.
شكرا على هذه المعلومة.

رحيل

06-11-2013, 01:03 PM

السلام عليكم

بنين رحيل وزدت سقيتو بالحليب +البيض مغلي+ الرمآن ذوقو هآيل :11:

بصحتكم اختي سمياء...يسعدني ان اعجبك...مي هاذي تاع البيض المغلي شوية غريبة..

السّـلامُ علَـيْـكُم

لالا جامي كليــتها ، مي ناكلو غير بالمرقة

أخي يحبو بالسككككككرررر عجييييب !!!!

أسْتغْفِرُ الله وأتُوبُ اليْـه
و عليكم السلام...
نعم الكسكس بالسكر و الرايب ما يتشبعش...
حربيه بالرمان قبل ان ينتهي موسمه و رديلي الخبر...

السّلام عليكم ورحمة الله وبركاته

**

مدام بنين نجربوه إذن :11:

جزآك الله خيرا ،،

معتادين في البيت ناكلو بربوشة مع خضار مفورة وزيت زيتون

طبق راائع منشبعوش منو :16:

،،

البنات لي قالو مناكلوش الطعام بزيت زيتون

-> جربوه أولا ^^ ،، رائع

و عليكم السلام و رحمة الله وبركاته

يعجبوني ناس الشرق لي يقولو بربوشة...و خاصة لي يحبوها بزيت الزيتون...
نحن بانتظار رايك في يا امل

السلام عليكم ورحمة الله وبركاته
أتعلمين أختي رحيل نحن في العائلة لم نسمع من قبل بمن يأكل الطعام بالرمان، وأنا نمووووت على الرمان ونموووووت كذلك على الطعام لكن فكرة أن أمزجهما معا لم أهضمها في البداية وبعد تشجيعاتك القوية التي وضعتها هنا استجمعت قوتي وحضرت هذا الطبق اليوم...
عندما بدأت آكل فيه.. الملعقة الأولى.. الثانية.. الثالثة...
شعرت بهزة أرضية حدثت في معدتي بقوة 8.5 فتوقفت عن الأكل لكن العجيب أن شقيقتاي أخذتا تأكلان منه بنهم شديد تعبيرا عن اعجابهن بذوقه ولذته.
شكرا على هذه المعلومة.

سلامتك و سلامة معدتك من الزلزال...يعني واحدة باثنتين اخواتك عجبهم و هذا دليل على طعمه الملكي....المرة القادمة غمضي عينيك و كليه....

basyouni

11-12-2013, 01:06 PM

ياترى كيف ذوقه

recette tiramisu (http://www.recetted.com/2013/07/recette-tiramisu-3.html)

ضحكة خجل

22-12-2013, 03:56 PM

الله يبارك

الله يعطيك الصحة

أنا أحبه بالعنب أو بالدلاع يجي هبال ثاني

مثلي تمام اخ سليم امووووت فيه يشبه المسفوف وبالشاوية ديرا نشربة مع اللبن ممممممممممممممممممم
شكرا حبيبتي

basyouni

27-12-2013, 11:20 AM

recette zayna

recette tiramisu (http://www.recetted.com/search/label/recette%20tiramisu)
recette tiramisu (http://www.recetted.com/2013/04/recette-tiramisu.html) , tiramisu (http://www.recetted.com/2013/04/recette-tiramisu.html) ; tiramisu rezept (http://www.recetted.com/2013/04/recette-tiramisu.html) ; tiramisu facile (http://www.recetted.com/2013/04/recette-tiramisu.html) ; tiramisu chocolat (http://www.recetted.com/2013/04/recette-tiramisu.html) ; original tiramisu (http://www.recetted.com/2013/04/recette-tiramisu.html) ; tiramisu mascarpone (http://www.recetted.com/2013/04/recette-tiramisu.html) ; tiramisu speculoos (http://www.recetted.com/2013/04/recette-tiramisu.html) ; recette tiramisu chocolat (http://www.recetted.com/2013/04/recette-tiramisu.html) ;
tiramisu ohne ei (http://www.recetted.com/2013/04/recette-tiramisu.html) ; tiramisu rezept (http://www.recetted.com/2013/04/recette-tiramisu.html) ; tiramisu torte (http://www.recetted.com/2013/04/recette-tiramisu.html) ; rezept tiramisu (http://www.recetted.com/2013/04/recette-tiramisu.html) ; tiramisu aux framboises (http://www.recetted.com/2013/04/recette-tiramisu.html) ; tiramisu recipe (http://www.recetted.com/2013/04/recette-tiramisu.html) ; tiramisu cake (http://www.recetted.com/2013/04/recette-tiramisu.html) ; how to make tiramisu (http://www.recetted.com/2013/04/recette-tiramisu.html) ; tiramisu au chocolat (http://www.recetted.com/2013/04/recette-tiramisu.html) ; recette du tiramisu (http://www.recetted.com/2013/04/recette-tiramisu.html) ; recette tiramisu (http://www.recetted.com/2013/04/recette-tiramisu.html) ; recette de tiramisu (http://www.recetted.com/2013/04/recette-tiramisu.html) ; tiramisu aux fraises (http://www.recetted.com/2013/04/recette-tiramisu.html) ; tiramisu chocolat (http://www.recetted.com/2013/04/recette-tiramisu.html) ; tiramisu framboise (http://www.recetted.com/2013/04/recette-tiramisu.html)

ام هالة

28-12-2013, 05:18 PM

شكرا لك الاخت رحيل على طرحك الجميل
فنحن نتناول هذا الكسكسي في بيتنا لما نكون في موسم الرمان
كما نتناوله بالعنب , والبطيخ ،والزبيب ، والفول ، والبطاطاالمفورة مع الفاصولياء الخضراء، او اللفت، والسكر ...وحتى مع البيض المقلي
اذكر اننا لما كنا صغارا وفي شهر رمضان كانت امي تعد لنا الكسكسي المتبقي من وجبة السحور مع البيض المقلي كوجبة للغذاء قبل العودة الى المدرسة:16:
هل تناولتيه من قبل؟

salam08

28-12-2013, 06:09 PM

و عليكم السلام و رحمة الله و بركاته

اممممممم يبدو كسكسك لذيذ رحيلووووو.....شهاااني مع لي مازال ما تعشيت ..
اعطيتيني فكرة جميلة ساجربها قبل ان ينفذ الرمان من السوووق ...

بووورك فيييك:16:

narriman

13-07-2014, 04:11 PM

ذقتو من قبل في بيت الجدة الكريمة
دوقو جنااااااااااااان
شكرا طاطاتي على الطرح الراائع
:13::13::13:

sun

06-12-2025, 04:20 PM

الدكتوراه (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
écoles doctorales (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat 2025/2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه (https://lmd.sahla-dz.com/)
محاضرات (https://lmd.sahla-dz.com/)
Remote Work (https://jobs.sahla-dz.com/)
Freelance (https://jobs.sahla-dz.com/)
بحث جاهز بالمنهجية العلمية (https://ba7thi.sahla-dz.com/)
بحث pdf word (https://ba7thi.sahla-dz.com/)