اتفائلي للخير

[الزمردة النادرة]

اتفا ئلي للخير

اتفائلي للخير يا لحنينة ***لا ادري فالقلب غبينة
لا نحب انشوفك احزينة***كونك اقوية وارزينة


اتفائلي للخير يا الوردة ***لا ادري فالقلب غدة
لا اتشفي فيك حاسدة ***اتفائلي للخير والبشير


امسحي دموعك مالعيون ****احفظي صحتك م المحون
ابني ساسك عالمتقون ***لايتلفك الريح والعصير

فكي الرباط من يديك ***فالمكان ثبتي رجليك
بيك يفرحو والديك ***يفرح صغير وكبير

اتفائلي للخير يا المسرارة ***ابتاسمي فاتحة كي النوارة
رانا فالدنيا زيارة ***كي الغني كي الفقير

ماتدري ليام شاتخبي ***ثيقي في روحك لاتتهربي
نرفد يديا نطلب ربي ***حياتك تتنور للخير

للشاعرة فايزة ميليكشي/اصدارها الثالث ديوان احكي لي يا تاريخ

[دائمة الذكر]

شكرًا غاليتي على النقل الجميل....

[ام زين الدين]

راقت لي حبيبتي

[إخلاص]

راق لي نقلك سلسبيلو
ما أجمل أن نتفاءل بالخير دوما
مودّتي

[الزمردة النادرة]

الشكر موصول لكن كونها اعجبتكن ياوردات بيتنا الازرق

[شاعرة المستقبل]

شكرا لك حبيبتي قصيدة من اروع ما يكون شكرا لاهتمامك لامري

[الزمردة النادرة]

الشكر لك يا ريان ماعنديش عشرة منك *-*

[شاعرة المستقبل]

ربي يخليك ليا حبوبتي ربي يحفظك ويبارك فيك ويفرحني بيك

[الزمردة النادرة]

امين ولك مادعوت وزيادة

[تنهيدة وجع]

رائعة حقا و فيها معاني جميلة
شكرا سلسبيل

[الزمردة النادرة]

الرائع مرورك العطر غاليتي ام ابي بكر

نهديلك اخر بيت لهاته القصيدة :نرفد يديا نطلب ربي ***حياتك تتنور للخير

قولي امين *-*

[تنهيدة وجع]

الرائع مرورك العطر غاليتي ام ابي بكر

نهديلك اخر بيت لهاته القصيدة :نرفد يديا نطلب ربي ***حياتك تتنور للخير

قولي امين *-*
يارب ينور حياتي و حياتك بذكر الله و حفظ القران و الذرية الصالحة .....اميييييين

[الزمردة النادرة]

يارب ينور حياتي و حياتك بذكر الله و حفظ القران و الذرية الصالحة .....اميييييين


بارك الله فيك يا طيبة :11:

[SIDI-MOH-ZANGA]

قصيدة جميلة للمتافئلين

بصح انا نظن التفائل هو القشة التى يتمسك بها الاغبياء

وكما قال الشاعر ماتتفائل ماولو طبع بصدرك وين جات جات
اوكما قالها بالفصحى مرة اخري
اخطو الى الامام وضع قدمك اينما تشاء ولا تبالى حتى وان فتحت امامك ابواب السعير

[SIDI-MOH-ZANGA]

نسيت الشاعر هدا الله يرحمه باسكو طاح في حقل الالغام و وخطى الى الامام

[الزمردة النادرة]

نسيت الشاعر هدا الله يرحمه باسكو طاح في حقل الالغام و وخطى الى الامام

لانه تبنى هذا الشعار ::11:

اخطو الى الامام وضع قدمك اينما تشاء ولا تبالى حتى وان فتحت امامك ابواب السعير

قم بما يجب عليك القيام به وتمسك بحبل الله وتفاءل ومهما كانت النتائج ارضى بها واعلم ان الله لن يضيع اجر من احسن عملا

شكرا لك على مرورك اخي زهير

[ابن الرافدين]

اشعار جميلة..احسنتم

فقط سؤال : شنومعنى (كي) اللي وردت في الابيات الشعرية مافهمتها؟:5:

[الزمردة النادرة]

اشعار جميلة..احسنتم

فقط سؤال : شنومعنى (كي) اللي وردت في الابيات الشعرية مافهمتها؟:5:

قالت رانا فالدنيا زيارة ..كي الغني كي الفقير بمعنى لا فرق بين غني وفقير

بارك الله فيكم .

[ابن الرافدين]

شكرااا .
بالتوفيق ان شاء الله