السفينه...للشاعر الشيخ السماتي

[smail.ahmed]

السفينه..للشيخ السماتي

ياخوتي راعو اترى كاش فاهم***وامدرّسْ علم النساء يعرف معناه
يعـــزم ليا راه شقفـــــي يتلطم***فــــي بحـر العشاق والمالو غطاه
بكري كنت اصغير لّسـه نتعلم***حاكم في شط البحــرواندور أمعاه
اللـــي دخلــــوراه خلاه امعدم***وبحــــر الظلمة كم من واحد فوْتاه
يا لاحقهـــم راك تعـــــيا وتندم***تعذرنـــــي وتقول راه الحق امعاه
كيتهــــم كـــي كية اللفعهْ بالسم***بعد ان يبرى جرحهم يردى مولاه
واحد غيــــر ايشق فيها متحزم***مستغلف مسكين غـــي رب عياه
بعد ان شافوني الرياس امدعم***قالوا عيب انرجعــــــوه على مثناه
كي طلعت لعـــلام محال انسلم***هـــــــــاذي حاجة خاصة لكبارالجاه
ذرك قدر صاحب القدرة واحكم***وادخلنا بحـــــــر الظلام وعاشرناه
ادخلتو نلقى خلايـــــق تتعاوم***واصحاب المحــــــنات قدافين امعاه
آخر راكب في سفينةيتنعم***متهـــــني لابــاس والخدمــــــان امعاه
وآخر راكب في افلوكة تتلطم***المقــــداف اقديــــم راشي ما سواه
وآخر فاتو خش من تالي ندَّمْ***خاف ايولي بيه ضحك الناس اوراه
وآخر رب يمنعو يخرج سالم***وآخر يغدى طول يبقــى غيرانزاه
اتلاقينا قاع في ذاك المجحم***واتقلب ريـــــح البحـــــــر عنا مقواه
الرايس قتلو ارجع راك اتندم***حــط اقلاعك رد شقف الناس أوراه
انطق ليا قالـــي لاش اتخمم***هــــاذ العمر اللي ابقـى واش ابغيناه
اذا كان اطويل عمرك لاتندم***واذا كــــان اقصيـــــــر ذا تجالوجاه
شهاني في سفرتي ربي عالم***لكنـــــي محتـــــــوم نمشي انا واياه
هاج علينا ريح موجو يتلطم***واتقطـــــع ذاك القــــــــلاع وطبقناه
ذرك طاح الليل عنا زادالهم***عــــدنا غربـة في البحر واستانسناه
اجميل الله جاب ماشينات افحم***صنعــــة ماريكــــان غاثـوناكيفاه
البابور اصحيح والرايس يفهم***نايض في صنع البحر عارف كيفاه
فحمو ما يزيه موجــــود امعرم***واشغالــــو بالفور منقولين امعاه
الدخلــــة راني ادخلتو متحتم***شوف الخرجة واش نعمل انا واياه
الرايس هـــــو القلب المتحيطم***والبابـــــــور افريستي وانامولاه
والبحر اللي داخلو عشق العارم***رب يلطـــف يا احبابـــي نترجاه
ثلث احروف انزيدهم للي يفهم***س وميم وتاء وخمــم واش اسماه
بالعربية حدث اللــــــي مايفهم***يا سامـــع لفظ السماتي جاب اغناه
المكتوبة في الراس والقلب امحيطم***قطعت بيه الجيـــدة لامن دواه
مولى الكلمة بيه خاويــــــة المحزم***قلبو طــــاح عليه مشعالو قداه
ماي 2014

[sun]

مسابقة الاساتذة (https://lmd.sahla-dz.com/concours-onec2026/)
شروط مسابقة الاساتذة (https://lmd.sahla-dz.com/concours-onec2026/)
التسجيل في مسابقة الاساتذة 2026/2025 (https://lmd.sahla-dz.com/concours-onec2026/)
"""ahrefs"" -jobs -resume" (https://jobs.sahla-dz.com/)
work (https://jobs.sahla-dz.com/)
freelance (https://jobs.sahla-dz.com/)
مدارس الدكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
مقاييس الدكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
مشاريع الدكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه (https://lmd.sahla-dz.com/)
محاضرات (https://lmd.sahla-dz.com/)
Remote Work (https://jobs.sahla-dz.com/)
Freelance (https://jobs.sahla-dz.com/)
بحث جاهز بالمنهجية العلمية (https://ba7thi.sahla-dz.com/)
بحث pdf word (https://ba7thi.sahla-dz.com/)