paris brest رووووووووووووووووعة ....

[انا هي]

السلام عليكم ....
.
.
.
http://montada.echoroukonline.com/attachment.php?attachmentid=11825&stc=1&d=1455827531


الباري براست جربتها مرة للامانة الصور قديمة يعني عندها قريب شهر ...
.
.
.
اولا عجينة الشو ..
.
.
المقادير :

20 سل ماء
5 سل حليب
100غ زبدة (على حرارة الغرفة)
4 صفار بيض
قرصة ملح
10غ سكر
150غ فرينة
حوالي 50غ لوز ايفيلي ...
.
.
.
طريقة التحضير:
.
.
في اناء على النار نضع (الماء _ الحليب_ الزبدة_السكر و الملح )
لما يغلي نبعده عن النار و نضيف الفرينة مرة واحدة و نخلط ... بالقشة اولا ثم بالملعقة الخشبية ...
اعيد وضعها على النار و اقوم بتجفيفها باستعمال ملعقة خشبية و اكيد بسرعة ...(2د _3د)
لما تجف ابعدها على النار و اضيف صفر البيض ... الاولى و نخلط باستعمال القشة الخافق اليدوي (فوي) ... البيضة الثانية و نخلط و هكذا حتى ننهي كمية البيض ...
نضعها في الكيس الحلواني ... ثم نشكل حلقة كبير ... داخلها حلقة اصغر ثم فوقهما حلقة ....
نمسحها بصفر البيض ثم نرش عليها اللوز ...
ندخلها لفرن مشغل مسبقا على درجة 200 لمدة 15 _20د (الوقت نسبي كل واحدة و الفرن الخاص بها) ... لا نفتح ابدا الفرن اثناء المدة المذكورة
لما تنضج اترك 2د او 3د ثم اخرجها و اغطيها بقماش ...
.
.
================
.
.
.
.
كريمة الموسلين باللوز المحلى crème mousseline au praline
هنا لازم نستعين بذراعي الايمن امون 84 لانها ادرى بهذه الامور انا البغاليني شريتوا و لا اعلم ماذا يسمى بالعربية رحت لقوقل قالي لوز محلى في انتظارها باش تكونفيرميلي ...
.
.
.
الجزء الاول : كريمة الباتيسيير بالبغاليني
المقادير:

2صفار البيض
50غ سكر
25 سل حليب
30غ فرينة
90 غ بغاليني (لوز محلى)
.
.
.
طريقة التحضير:

في اناء نضع البيض نضيف له السكر ثم نخلط لما يتداخل الخليط نضيف الفرينة ...
في اناء اخر على النار نضع الحليب لما يغلي نضع فيه البغاليني حتى يذوب ..
لما يذوب نضيف للخليط السابق و نخلط ...
نعيد وضعه على النار و نخلط دون توقف حوالي ثلاث دقائق ... حتى نتحصل على قوام كريمة ...
نصعه على ورق الطبخ (فيلم اليمونتاغ) و نوزعه عليه ثم نخطيه (الخطوة هذه لربح الوقت لانها يبرد في وقت قياسي ) ثم نضعه في الثلاجة ... الوقت الذي احضر فيه الجزء الثاني ...
.
.
.
____________
.
.
.
الجزء الثاني: كريمة الزبدة

المقادير:

125غ زبدة (على حرارة الغرفة)
2 صفار بيض و 2 كاملة
3 سل ماء
70غ سكر
.
.
.
طريقة التحضير:

.
.
في اناء على النار نضع الماء و السكر ... حتى تصل درجة الحرارة الى 121 درجة ...
في هذه الاثناء و في اناء اخر نضع حبات البيض و نخلط باستعمال خلاط كهربائي ..
لما تصل السيرو الى الدرجة المطلوبة اضيفه الى البيض بالتدريج مع استمرار الخلط ...
حتى نتحصل على قوام سائل نوعا ما و ابيض ...
ثم نضيف قطع الزبدة بالتدريج على ان لا يكون الفرق بين حرارة الخليط و حرارة الزبدة كبير (يعني تكون درجة الحرارة متقاربة و الا ضاعت الكريمة)
لان خليط البيض بحكم السيروا يكون سخون 121 د و المفروض الزبدة تكون على حرارة الغرفة فهذا الفرق يخلي الكريمة تخسر لذلك نخلط البيش و السيروا حتى نحس ان الحرارة بدات تنزل ...
لما ننتهي ندخلها للثلاجة دقيقة او دقيقتان ...
ثم اخرج الكريمة الاولة من الثلاجة و اضعها في اناء باستعمال ملعقة نخلطها ...
نضيف نصف الكريمة الثانية و نخلط جيدا .... ثم نضيف النصف المتبقى ...
ثم نضع الكريمة في الكيس حلواني ...
.
.
.
الاعداد:

نأخذ دائرة الشو التي حضرناها سابقا و نقسمها في الوسط ...
في الجزء السفلي نضع الكريمة ... و لتكوني كريمة عند وضع الكريمة (يعني كثري)
ثم نضع الجزء الثاني ...
نرش عليها سكر رطب للتزيين ...
و اضعها في الثلاجة (كل ما كانت باردة كلما كانت رائعة )
.
.
.
.
بيني و بيني من التعب هذا روحي ارقدي خليها سمانة في الثلاجة خخخخخخ
.
.
.
http://im70.gulfup.com/yirTJ5.jpg (http://www.gulfup.com/?6I5Yxu)
.
.
.
.
.
http://im70.gulfup.com/ggwdlR.jpg (http://www.gulfup.com/?87lnRI)
.
.
.
.
.
نصيحة اخدميها و زوجك خارج البيت خير من يخرجلك قلبك ...
و نهارها اشري الماكلة من برة الكوزينة تولي مقلووووووووبة ...
بصح تستاهل ذوقها رووووووووووووووووووعة ...
.
.
.
.
:13:
مباعد نرحع نسق الموضوع ...

[قطر.الندى]

أهلا بالغلا هجووووووورة
يسلموا يديك يا الفحلة... يا هيك يا بلا
أنا حبيتك تفهميني برك واش معنتها "القشة"
وكاين وحد الباساج يبانلي بلي راه كاين فيه بروبلام.. ما دابك عاودي راجعيه وفهميني واش حبيتي تقولي:

"ثم نضيف قطع الزبدة بالتدريج على ان يكون الفرق بين حرارة الخليط و حرارة الزبدة كبير (يعني تكون درجة الحرارة متقاربة و الا ضاعت الكريمة)"

هجوووورة كيفاش الفرق في درجة الحرارة "كبير".. ومنبعد تقلبيها غربة كي قلتي "يعني تكون درجة الحرارة متقاربة"...فهميني ما فهامتش:19:

قبلاتي ومعها هذه:13:

[العلم و الأخلاق]

بارك الله فيك

[انا هي]

أهلا بالغلا هجووووووورة
يسلموا يديك يا الفحلة... يا هيك يا بلا
أنا حبيتك تفهميني برك واش معنتها "القشة"
وكاين وحد الباساج يبانلي بلي راه كاين فيه بروبلام.. ما دابك عاودي راجعيه وفهميني واش حبيتي تقولي:

"ثم نضيف قطع الزبدة بالتدريج على ان يكون الفرق بين حرارة الخليط و حرارة الزبدة كبير (يعني تكون درجة الحرارة متقاربة و الا ضاعت الكريمة)"

هجوووورة كيفاش الفرق في درجة الحرارة "كبير".. ومنبعد تقلبيها غربة كي قلتي "يعني تكون درجة الحرارة متقاربة"...فهميني ما فهامتش:19:

قبلاتي ومعها هذه:13:

.
.
.
.
:2:
تبرادي دارها بي قوقل تراديكسيون خخخخ
القشة زعما هي fouet
:14:
.
.
.
.
عندك الصح نسيت "لا" سبحان الله قاع المعنى تقلب ...
تعرفي من كثرة الكتابة دخت بالاك راني سرطت نص الحروف ....
.
.
.
مرورك خلاني نفلايي ... :1:
.
.
.
:13:

[انا هي]

بارك الله فيك

.
.
.
.
و فيك بارك الله ...
اخت شاعرة لافونير ...
.
.
.
:13:

[أم زيد]

http://im70.gulfup.com/ggwdlR.jpg

الله يبارك تشهي

يعطيك الصحة

تسلم الأيادي

تعيشي و تخدميلنا غيرها.

[انا هي]

http://im70.gulfup.com/ggwdlr.jpg

الله يبارك تشهي

يعطيك الصحة

تسلم الأيادي

تعيشي و تخدميلنا غيرها.

.
.
.
.
.
.
يبارك فيكـ ...
الله يسلمكـ ....
ان شاء الله ....
تعرفي كل ما نزعف ندخل للكوزينة نفرغ زعافي مرة تصدق و مرااااااااات تضيع ...
المهم انا نرتاح خخخخ ...
.
.
.
اسعدني مرورك ....
.
.

[نورسين]

مممممممممممممم الله الله على دوك اليدين يعطيك الصحا

[انا هي]

مممممممممممممم الله الله على دوك اليدين يعطيك الصحا

.
.
.
.
.
.
الله يسلمك حبيبة ...
دوماش جيتي بعيدة عليّ ...
لوكان ذوقنك ...
.
.
.
ماعليه انا كليت في بلاصتك ... :20:

[شاعرة المستقبل]

ياي روعة تحفة يعطيك الصحة انا ما نجربهاش باينة صعيبة كي تجي عندنا ايمان ختي نوريهالها
هي تحب هاذ لفكاير

[على خطاه حتى نلقاه]

نقولك الصح شفتها طووووووووووووووووويلة هبطت نجري للصورة انا الوصفة الطويلة منشقاش نقراها باينة صعيبة ونرجعها وخداسيون فالكوزيناسيون

[حنين البلاد]

ووووووووووووووووووووواو رووووووووووووووووعة يا طاطا ميغسييييييييييييييييي

[دائمة الذكر]

يا خراااااااابي واش هاذ التعب تڤول راني نصنع في بورابح

من الأحسن نصع هذا و نريح
،






،







،







،







،






،





،





http://upload.4algeria.com/do.php?img=26791




يا خيتي هذي اديها لعائلة دولتشي حنا قَ تاع برزڤان

[@براءة]

تحية عسكرية مرابطة خضراء.....ماشاء الله رووووووعة تشهي يعطيك الصحة....بصح راهي تدي وقت بزااااف و ماظنيتش ابو العيال يجيبلي الاكل من برا‎:)‎

[دائمة الذكر]

تحية عسكرية مرابطة خضراء.....ماشاء الله رووووووعة تشهي يعطيك الصحة....بصح راهي تدي وقت بزااااف و ماظنيتش ابو العيال يجيبلي الاكل من برا‎:)‎

قوليلو يجيبلك جرة تعاونك :8:

[@براءة]

قوليلو يجيبلك جرة تعاونك :8:
يعطيك الربح ام هديل على النصيحة الوحشة هههه...بصح قوليلي واشنو هو البورابح ؟! هذي اكيييد من اكلات جدك رابح الله يرحمو ‏‎

:20:

[نسرينات الامل]

واااااااااااااااو رائعة يعطيك الصحة
ان شاء الله نجربها هاذيك هي نجيب معها نهار كامل مايقولوليش روحي تطبخي ولا ديري حاجة اخرى :1: :8:

[انا هي]

ياي روعة تحفة يعطيك الصحة انا ما نجربهاش باينة صعيبة كي تجي عندنا ايمان ختي نوريهالها
هي تحب هاذ لفكاير

.
.
.
.
في الحق هي ماشي صعيبة ...
فقط الكريمة معقدة قليلا .....
لكن النتيجة راح تنسيك التعب خاصة كي تخدميها للي يستاهل ...
و اكيد يؤبرني يستاهل ... راكي عارفة :20:
.
.
.
.

[انا هي]

نقولك الصح شفتها طووووووووووووووووويلة هبطت نجري للصورة انا الوصفة الطويلة منشقاش نقراها باينة صعيبة ونرجعها وخداسيون فالكوزيناسيون

.
.
.
.
من جيهة الوخداسيون فيها فيها ...
و كيما قلت هي ماشي صعيبة بزاف شوي تركيز و انت فريتيها ...
المهم شوي حركات يوغا تنفعك ...
.
.
.
.
.
و خليك ريلاكس يا ايكسيلانس ...
.
.
.

[انا هي]

ووووووووووووووووووووواو رووووووووووووووووعة يا طاطا ميغسييييييييييييييييي

.
.
.
.
.
مرورك الاروع حنونتي حنين ...
.
.
.
دوغيان ...
.
.
:13:

[انا هي]

يا خراااااااابي واش هاذ التعب تڤول راني نصنع في بورابح

من الأحسن نصع هذا و نريح

http://upload.4algeria.com/do.php?img=26791


يا خيتي هذي اديها لعائلة دولتشي حنا قَ تاع برزڤان

.
.
.
.
خخخخ لالا اصنعي شرماط خير ...
نتوما بزاف ليكم البرزقان حنا لي دولتشي بالباري براست و ماسويناش ...
.
.
.
.
باينة هديل هي اللي دارت المبسس ...
.
.
.
كتيعة ...
.
.

[انا هي]

تحية عسكرية مرابطة خضراء.....ماشاء الله رووووووعة تشهي يعطيك الصحة....بصح راهي تدي وقت بزااااف و ماظنيتش ابو العيال يجيبلي الاكل من برا‎:)‎

.
.
.
.
.
.
http://www.lakii.com/vb/smile/29_313.gif (http://www.lakii.com/vb/smiles/index.php)
وصلت التحية اختي الدقمية ... :8:
.
.
.
.
.
الله يسلمك ...
من جيهة تدي الوقت تدي ...
و من جيهة ابو العيال يحرن اسأليني انا .... :14:
المشكل اني كي نصنع القاطو الكويزينيار و تولي ما تبانش من المواعن خاصة و هوما حطي البيض في اناء و الحليب في اناء ...
.
.
.
.

[انا هي]

.. واشنو هو البورابح ؟!
:20:

.
.
.
.
فيها قولان انت باغية قول السمخشري ولا قول الفيروس عابادي ؟؟
.
.
.
.
.
:8:

[انا هي]

واااااااااااااااو رائعة يعطيك الصحة
ان شاء الله نجربها هاذيك هي نجيب معها نهار كامل مايقولوليش روحي تطبخي ولا ديري حاجة اخرى :1: :8:


.
.
.
.
.
الله يسلمك حبيبة ...
اني خايفة تشدي بيها يدك سيمانة خخخخخ ماشي نهار :8:
.
.
في انتظار التطبيق ...
.
.
.

[دائمة الذكر]

يعطيك الربح ام هديل على النصيحة الوحشة هههه...بصح قوليلي واشنو هو البورابح ؟! هذي اكيييد من اكلات جدك رابح الله يرحمو ‏‎

:20:

البورابح :5:

ڤوڤل و ما لقهاش :2:

ننتظر رأي السمخشري :15:

[ام زين الدين]

بصحتكم ياو الموضوع راهو طاير يا بنتي بصح كي تاكليها انت كليتها انا

[ام زين الدين]

لالالا يفريها هذا الفيروس عاباديانا راني حابسة

[amina 84]

أنا هي أنت تمكنتي من تحضير واحدة من ألذ و أطيب و أشهى المعجنات الفرنسية صنف حلويات و حسب الصورة نجحتي فيها بتقدير ممتاز جدا خاصة عجينة الشو تبدو كالتي تعرض للبيع في المحلات الكبيرة أو التي تقدم في الفنادق الفخمة
على كل الوصفة الأساسية التي أعلمها و لدي و هي التي يعتمدها أكثر الشيفات في العالم بالبيض الكامل و ليس بالصفار وحده
ثانيا يا حلوة البراليني اللوز هو عبارة عن لوز بقشره محمر في الفرن ثم يطحن جيدا في مطحنة كهربائية و هو ساخن مع نفس كمية اللوز سكر حتى يطلق اللوز الزيت تاعو و يذوب السكر بشكل جيد في اللوز كما يمكن إستعمال أي نوع آخر من المكسرات كالكوكاو مثلا أو الجوز أو الفستق الحلبي و في بلاد الشام يسمى هذا بزبدة المكسرات وحسب النوع تسمى مثلا زبدة فول سوداني زبدة فستق زبدة جوز ..................إلخ
برافو عليك كنتي شاف في سابق و بنجاخك في تطبيق هذه الحلوى صرتي سوبر شاف
بكل تواضع و صدق أبهرتيني جدا لذا أنا أهنؤك من أعماق قلبي

[جود الكلمات]

السَّلامُ علَــــيكُم
باسم الله ماشاء الله ، رووووعة تستحقين 20/20


عجبتني بزااف ، فن وديكور + تصوير ممتاز ماشاء الله


حفظك الرحمن




أسْتَغْفِرُ الله وأتُوبُ اليْه

[أوتار*]

أمممممممممممممممممممممممم
يعطيك الصحة كان حتى جيتي قريبة أنا نحب نذوق

[انا هي]

بصحتكم ياو الموضوع راهو طاير يا بنتي بصح كي تاكليها انت كليتها انا

.
.
.
.
على بالي يطير حنونة ...
و انا علاه درت الميلينيوم مع السمخشري و بهدلت روحي مع القشة ...
.
.
.
.
تقبشيني شو مزوقة ...
قولي بيك الدايت ما تلعبيهاش اموروز ...
.

.
.
.

[انا هي]

أنا هي أنت تمكنتي من تحضير واحدة من ألذ و أطيب و أشهى المعجنات الفرنسية صنف حلويات و حسب الصورة نجحتي فيها بتقدير ممتاز جدا خاصة عجينة الشو تبدو كالتي تعرض للبيع في المحلات الكبيرة أو التي تقدم في الفنادق الفخمة
على كل الوصفة الأساسية التي أعلمها و لدي و هي التي يعتمدها أكثر الشيفات في العالم بالبيض الكامل و ليس بالصفار وحده
ثانيا يا حلوة البراليني اللوز هو عبارة عن لوز بقشره محمر في الفرن ثم يطحن جيدا في مطحنة كهربائية و هو ساخن مع نفس كمية اللوز سكر حتى يطلق اللوز الزيت تاعو و يذوب السكر بشكل جيد في اللوز كما يمكن إستعمال أي نوع آخر من المكسرات كالكوكاو مثلا أو الجوز أو الفستق الحلبي و في بلاد الشام يسمى هذا بزبدة المكسرات وحسب النوع تسمى مثلا زبدة فول سوداني زبدة فستق زبدة جوز ..................إلخ
برافو عليك كنتي شاف في سابق و بنجاخك في تطبيق هذه الحلوى صرتي سوبر شاف
بكل تواضع و صدق أبهرتيني جدا لذا أنا أهنؤك من أعماق قلبي
.
.
.
.
.
ابتعدوا سوف اتشقلب امون هنا :8:
شهادتك وسام على صدري ...
بالنسبة للعجينة فانا جربت الطريقتين ... عجبتني تاع الصفار و الحليب لاني في الوصفة الاخرى اعتمدت الماء وحده ...
.
.
.
"سوبر شاف" ؟:10: ... ياحسراه ليزيبول توعي راحوا قاتلها سوبر شاف قولي شويفة بزاف عليّ .... :15:
.
.
.
شكرا جزيلا على المعلومات ...
لا حرمني الله منك حبيبة قلبي ...
.
.
.
"المحلات الكبرى و لا الفنادق" :5::5: هاذي لازملها تخمام ممكن يوما ما تكون مشروعي ...
.
.
واش نقولك امون ربي يعطيك ما تتمني ...
.
.

[انا هي]

السَّلامُ علَــــيكُم
باسم الله ماشاء الله ، رووووعة تستحقين 20/20


عجبتني بزااف ، فن وديكور + تصوير ممتاز ماشاء الله


حفظك الرحمن




أسْتَغْفِرُ الله وأتُوبُ اليْه

.
.
.
.
ربي يحفظك حنونة ...
ايه الكرم ده كلوا على الاقل 19 كاين لوزات محروقين ... :8: انت تجي عليك معلمة معاك الكل ناجح ...
بمناسبة النجاح ربي ينحجك و يفرحك ...
و اشوفك بش مهندسة أد الدنيا ..
.
.
.
التصوير راني نتعلم ...
.
.

[انا هي]

أمممممممممممممممممممممممم
يعطيك الصحة كان حتى جيتي قريبة أنا نحب نذوق

.
.
.
.
الله يسلمك حبيبة ...
هاذي مشكل النت نشوفوا و نسكتوا ... :14:
ربما في القريب العاجل يديرو الابسيون تاع نذوقوا كلشي وارد ...
انا ندير الذوقة بالدراهم خخخخخ
.
.
.
.
اسعدني مرورك اوتار ...
.
.

[إخلاص]

هجوووورة :10:
:10:
هذي كبيرة عليّ بالبوكو :8:
ماذا بيك كي نعرض روحي عندك ديريهالي :1:
مي خرجتلك تووب فنيونة
سلمت يداك يا غالية
بورابح للّي ما عرفاتوش هو نوع من الفرش مصنوع من الصـوف الله يرحمها خالتي كانت تخدمو :11:
بيزواتي :13:

[amina 84]

.
.
.
.
.
ابتعدوا سوف اتشقلب امون هنا :8:
شهادتك وسام على صدري ...
بالنسبة للعجينة فانا جربت الطريقتين ... عجبتني تاع الصفار و الحليب لاني في الوصفة الاخرى اعتمدت الماء وحده ...
.
.
.
"سوبر شاف" ؟:10: ... ياحسراه ليزيبول توعي راحوا قاتلها سوبر شاف قولي شويفة بزاف عليّ .... :15:
.
.
.
شكرا جزيلا على المعلومات ...
لا حرمني الله منك حبيبة قلبي ...
.
.
.
"المحلات الكبرى و لا الفنادق" :5::5: هاذي لازملها تخمام ممكن يوما ما تكون مشروعي ...
.
.
واش نقولك امون ربي يعطيك ما تتمني ...
.
.

من اليوم و رايح سأعتمد طريقتك إذن شكرا جزيلا

[لونجة بنت السلطان]

ما شاء الله باااين روووووعة بدووون مناقشة

يعطيك الصحة

[دائمة الذكر]

ما شاء الله باااين روووووعة بدووون مناقشة

يعطيك الصحة

http://im31.gulfup.com/ngiJ8.png


يكثر خير هاذ الخالوطة نتاع عُمْ عادم اللي خلاتنا نشوفوك:14::14:

[amina 84]

للرفع
كتشيعة هذا هو شو صفار البيض البريوشي
إللي عجبني و هلكتني بيه هاجر

توحشتك يا بنتي وينك طلي علينا

[ام زين الدين]

http://montada.echoroukonline.com/attachment.php?attachmentid=11825&stc=1&d=1455827531

[sun]

مسابقة الاساتذة (https://lmd.sahla-dz.com/concours-onec2026/)
شروط مسابقة الاساتذة (https://lmd.sahla-dz.com/concours-onec2026/)
التسجيل في مسابقة الاساتذة 2026/2025 (https://lmd.sahla-dz.com/concours-onec2026/)
"""ahrefs"" -jobs -resume" (https://jobs.sahla-dz.com/)
work (https://jobs.sahla-dz.com/)
freelance (https://jobs.sahla-dz.com/)
مدارس الدكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
مقاييس الدكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
مشاريع الدكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه (https://lmd.sahla-dz.com/)
محاضرات (https://lmd.sahla-dz.com/)
Remote Work (https://jobs.sahla-dz.com/)
Freelance (https://jobs.sahla-dz.com/)
بحث جاهز بالمنهجية العلمية (https://ba7thi.sahla-dz.com/)
بحث pdf word (https://ba7thi.sahla-dz.com/)