سْفْرَةْ لْجْدُودْ تْحَمَّرْ لْخْدُودْ

[إخلاص]

السّلام عليكم و رحمة الله و بركاته
جئتكم أحبّتي حبيباتي بفكرة قد تبدو للأغلبيّة مجنونة لا أدري إن كنتم ستوافقوني عليها و نجسّدها :10: أم أحذفها و يا دار ما دخلك شرّ :19:
فكرتي هي كالتالي:
أريدها مسابقة لسُفرة سلفيّة لا أقصد بها التّيار السّلفي و لكن سُفرة أجدادنا و جدّاتنا و سلفنا الصّالح
فكيف كانت سفرتهم عند الإفطار في يوم رمضان يا ترى؟ :11:
من لديها جدّة فلتسألها و من لديها قريبة طاعنة في السّن فلتستنجد بها :8: و تطبّقن ما سمعتنّ
شروط المسابقة:
أوّلا أن يكون الدّيكور تقليديّا مائة بالمائة أقصد به أن تكون الآنية و القلّة و الكوب من فخّار و ملاعق من حطب
و موضوعة على حسيرة على الأرض
دبروا راسكم وين تلقاوا هذه الأشياء :8:
ثانيّا أن تخترن نوعا واحدا من الأكل خال من اللّحوم بكلّ أنواعها يعني يكون الطّبق بسيط جدّا
ككسكس فقير :8:
أو خبز شعير و لبن
أو خبز شعير و زيت زيتون
لكنّ الإختيار
ثالثا يصوّر الطّبق و يكتب على الصّورة إسم منتدانا
أعلم أنّ الأمر ليس سهلا فقد تسمعن ما لا يرضيكنّ سواء من الزّوج أو الأب أو الأخ أو الإبن :14:
لذا عليكنّ بتمهيد الفكرة و أنّكنّ تنوين أن تعشن يوما كما عاشه سلفنا قصد التّجربة لا غير و تغتنمن الوقت الباقي في قراءة القرآن و التّسبيح
و إن رفضوا ديري حساباتك و وجدي لهم أكل خاص و لتعيشي بمفردك هذه التّجربة و لكن لن تكون رائعة إلاّ مع جماعة :3:
فما رأيكم؟ هل راقت لكم و لكنّ الفكرة فأجسّدها و تحقّقونها معي؟
أم أئدها و أدفنها و يُحذف الموضوع :14:
في إنتظار ردودكم و إقتراحاتكم و توجيهاتك :15:
و صحّ فطوركم و سحوركم

[على خطاه حتى نلقاه]

فكرة مليحة طاطا بصح مشكيتش يقبلوها انا اوفيسيال يقولولي لالا ههههههههههههههه

[إخلاص]

فكرة مليحة طاطا بصح مشكيتش يقبلوها انا اوفيسيال يقولولي لالا ههههههههههههههه

ههههههههههههه8
عارفة و لكن عيشيها بمفردك و صوريلها سفرة كما تتمنّينها أنت :8:

[إخلاص]

لا أدري لماذا تذكّرت رحيلوو عند كتابتي للموضوع؟ :11:

[شاعرة المستقبل]

ماعندناش مواعن قدُم
كيفاه ندير

[إخلاص]

ماعندناش مواعن قدُم
كيفاه ندير

روحي عند الّي يبيع الفخّار و سلفي من عندو إلى قبل :8:
أو اشتري بدريهماتك الّي جمعتيهم صحن و كوب و ملعقة :8:
تستهل المسابقة و لاّ لا :19:

[شاعرة المستقبل]

تستهل جداتو بصح وش نطيب تحير بصح نوعدك اني نحاول نشارك اذا نربح ؟

[دائمة الذكر]

فكرة جميلة جداتو..... لكن العنوان ماعجبنيش !!!!!

ربما لو اقترحتي عنوان..... سفرة زْمان

انا اكيد سأشارك يا ام صلاح الدين

يا ترى ماهي الجائزة ؟؟؟؟؟ قْرويشة مثلاً......

[narriman]

فكرة رااااااااااااااااااااااااااااااااااااائعة جداتو الغالية
ان شاء الله رايحين نحاولووووووو
لكن ماهي الجوائز؟؟؟هههههههههههه

[انا هي]

سفرة لجدود تحمّر الخدود ... (حاجة تحمّر الوجه يعني حاجة مليحة) ..
الفكرة كفكرة كيما يقولوا اوغيجينال مي لي فيسال تراديسيونال هاذي صعيبة بالبوكو ...
زوجي في الماكلة غير متكلف ابدا صاب كلا ما صابش سكت .. و يموت على خبز الشعير ...
اطرحي الفكرة و نشوفوا يلا ما شاركناش بالاطباق نشاركوا في الحدث ...
.
.
.
.
.
====
تفكرتي رحيل لانها هي الوحيد اللي كابابل تفوز اكلاتها تقليدية و اسلوبها بسيط غير متكلفة ...
و اونبلوس عندها اواني من العهد العثماني ...
.
.
.

[إخلاص]

تستهل جداتو بصح وش نطيب تحير بصح نوعدك اني نحاول نشارك اذا نربح ؟

لو عندك مواعن حديد ينفعوا أيضا :11:
ساهلة ماهرة
شريبة فقيرة
أو مرقة بطاطا
أو كسكس فقير
و إلاّ أعجني خبز شعير و حطّي رفقته زيت زيتون و لبينة :8:
أنتظر مشاركتك ريّوونة فكوني موجودة
المهم المشاركة و ليس الرّبح :13:

[انا هي]

:2:.
.
.
نحسب روحي في منتدى المشرفين راني صايمة تاع الصح ...
.
.
.
.

[إخلاص]

فكرة جميلة جداتو..... لكن العنوان ماعجبنيش !!!!!

ربما لو اقترحتي عنوان..... سفرة زْمان

انا اكيد سأشارك يا ام صلاح الدين

يا ترى ماهي الجائزة ؟؟؟؟؟ قْرويشة مثلاً......

غيّرت العنوان يا ستّي
شاركي و من بعد نشوفوا الجائزة
أكيييد تكون تقليديّة كمحتواها :8:
قريوشة راهي عصريّة ما تنفعش :3:

[إخلاص]

فكرة رااااااااااااااااااااااااااااااااااااائعة جداتو الغالية
ان شاء الله رايحين نحاولووووووو
لكن ماهي الجوائز؟؟؟هههههههههههه

مرورك هو الأروع ناريمانووووو
تُسعدني جدّا مشاركتك
شاركي من بعد نتفاهموا على الهديّة :8: آخ منكم آخ راكم ماتيرياليست :8:

[إخلاص]

سفرة لجدود تحمّر الخدود ... (حاجة تحمّر الوجه يعني حاجة مليحة) ..
الفكرة كفكرة كيما يقولوا اوغيجينال مي لي فيسال تراديسيونال هاذي صعيبة بالبوكو ...
زوجي في الماكلة غير متكلف ابدا صاب كلا ما صابش سكت .. و يموت على خبز الشعير ...
اطرحي الفكرة و نشوفوا يلا ما شاركناش بالاطباق نشاركوا في الحدث ...
.
.
.
.
.
====
تفكرتي رحيل لانها هي الوحيد اللي كابابل تفوز اكلاتها تقليدية و اسلوبها بسيط غير متكلفة ...
و اونبلوس عندها اواني من العهد العثماني ...
.
.
.

هجوورة الفكرة طُرحت مباشرة أعذرك إنّك صائمة :8:
لكنّك أفدتيني بعنوان رائع عجبني رغم صيامك :8:
تلقاي لافيسال عند جيرانك الّي يموتوا على التّقليدي اطلبي كاس من وحدة و طبسي فخّار من وحدة و هلمّ جرى
و لاّ ما لقيتيش سدّدي و قاربي باش تكون لافيسال مقبولة نوعا ما :11:
ربّي يحفظلك زوجك و يحفظك له و يكثّر منه فهو طفرة :19:
أكيييد لو تشارك رحيلو راح تربح :8:

[إخلاص]

:2:.
.
.
نحسب روحي في منتدى المشرفين راني صايمة تاع الصح ...
.
.
.
.


:8::8::8:
معذووورة هجّووورتي :8:

[ام زين الدين]

ما جدبني هو العنوان يا فهيمة ماشاء الله يا جداتي هذو هوما الافكار سلفيلي العنوان نعدل فيه لمسابقتنا نشارك بماعن امي بلاك ماش ما نلقى

[نسرينات الامل]

فكرة رائعة جداتو
بالتوفيق للمشاركات

[فتحي 2009]

السلام عليكم


كثرت المسابقات :8:

كي تحكيلي أمي علا بكري في رمضان كيفاش كان الفطور
المخير لي يدير فطور شربة (الشربة كانوا يخدموها في الديار عجينة ويقعدوا يدوروا فيها على غربال
حتى تصبح رقيقة ويخلاوها تنشف
وما بعد يطيبوها بالطماطم جحرة كيما يقولوا لا بهارات ولا معجون طماطم )
والعامة تشيشة لا يوجد طبق آخر
وأن وجد اللحم كان لحم القديد المالح(لحم مجفف مالح)
والخبز المطلوع والقهوة
والماء في القربة بالقطران
وكانت هنا ميزة تبادل الاطباق قبل الإفطار بين الجيران وتقريبا نفس الأطباق
ورايح نعاود نولي نحكيلكم على زمان لي سمعتوا




أخوكم فتحي

[إخلاص]

ما جدبني هو العنوان يا فهيمة ماشاء الله يا جداتي هذو هوما الافكار سلفيلي العنوان نعدل فيه لمسابقتنا نشارك بماعن امي بلاك ماش ما نلقى

تُسعدني مشاركتك يا أم زيزو
الحقي روحك :8:

[إخلاص]

فكرة رائعة جداتو
بالتوفيق للمشاركات

علاه نسرينوو أنت ما تشاركيش؟ :19:
نزعف عليك أتووونسيو. :3:

[إخلاص]

السلام عليكم
كثرت المسابقات :8:
كي تحكيلي أمي علا بكري في رمضان كيفاش كان الفطور
المخير لي يدير فطور شربة (الشربة كانوا يخدموها في الديار عجينة ويقعدوا يدوروا فيها على غربال
حتى تصبح رقيقة ويخلاوها تنشف
وما بعد يطيبوها بالطماطم جحرة كيما يقولوا لا بهارات ولا معجون طماطم )
والعامة تشيشة لا يوجد طبق آخر
وأن وجد اللحم كان لحم القديد المالح(لحم مجفف مالح)
والخبز المطلوع والقهوة
والماء في القربة بالقطران
وكانت هنا ميزة تبادل الاطباق قبل الإفطار بين الجيران وتقريبا نفس الأطباق
ورايح نعاود نولي نحكيلكم على زمان لي سمعتوا
أخوكم فتحي


و عليكم السّلام و رحمة الله و بركاته
الله يبارك و يزيد :8:
ماا شااء الله عليك يا فتحي ستفيدنا كثيييرا فلا تبخل علينا بما لديك
و اطلب من الزّوجة المصون أن تشارك معنا بإسمك
ما تقلّيش ما عندك حوايج بكري؟ من أوان من طين و لاّ حصبة و حصيرة و و و :19:
ما ذكرتَه أعلاه هو ما أنتظره من المشاركات :11:
عودتك تسعدني أكيد
صحّ فطورك و سحورك

[أم زيد]

فكرة رائعة

تسلميلنا يا أم الأفكار

و أكيد مشاركة.

[إخلاص]

فكرة رائعة

تسلميلنا يا أم الأفكار

و أكيد مشاركة.

و فيك بارك الله حبيبة قلبي
أنتظر مشاركتك على أحرّ من الجمر :11:
سلّمك الله من كلّ شرّ
مودّتي :13:

[إخلاص]

http://www.3roos.com/files/ups/2010/134638/31284823699.jpg


[CENTER]http://www.tamatart.com/wp-content/uploads/a3i.jpg

[نسرينات الامل]

علاه نسرينوو أنت ما تشاركيش؟ :19:
نزعف عليك أتووونسيو. :3:

:10::10::10:
كلو الا زعلك جداتو :13::13::13::13:
اكره المسابقات كما انني سأتغيب لفترة غير معلومة لهذا لن اشارك :9::9:

[إخلاص]

:10::10::10:
كلو الا زعلك جداتو :13::13::13::13:
اكره المسابقات كما انني سأتغيب لفترة غير معلومة لهذا لن اشارك :9::9:

تغيبين؟!!! :19:
الله أكبر:19:
إن شاء الله غير الخير :9:

[ام زين الدين]

https://lh4.googleusercontent.com/-gd1rg4Y2tYA/U7H5tmfsslI/AAAAAAAAGgE/8JZfqDx7E10/w346-h518/1532152_682444955123897_3116484164560443430_n.jpg

[salam08]

و عليكم السلام و رحمة الله و بركاته

فكرة طيبة جدااا جدااتووو ....لكن صعبة شوية ...شخصيااا لا نملك اواني تقليدية بصح ايلا لقيت رايحة نشارك اكيييد


العبرة في الصوم هي البساطة و الصبر على الجوع و العطش ......برك احنا بدلنااا القوانين في زمن العصرنة :19:

[نسرينات الامل]

تغيبين؟!!! :19:
الله أكبر:19:
إن شاء الله غير الخير :9:

خير جداتو
الغياب سيكون بسبب انقطاع النت لا غير :11::10::11:

[دائمة الذكر]

تعرفي جداتو .... مرة حكاولي ماما قاتلي
بكرررررررري كنا صغار و جا رمضان في فصل الشتاء

كنا كل يوم نفطرو الكسكس و معاه لاصوص نتاع المجاهدين( و هي عبارة عن بطاطا مقطعة و كورجات و بصل و حليب )

و قاتلي كي نفطرو تعجن جداتي الكسرة و تخليها حذا الشْميني تخمر خطرش مكاش الخمارة
و نرقدو و من بعد نوضو نتسحرو أطيب جداتي الكسرة سخونة و اللبن و التمر.......

[إخلاص]

تعرفي جداتو .... مرة حكاولي ماما قاتلي
بكرررررررري كنا صغار و جا رمضان في فصل الشتاء

كنا كل يوم نفطرو الكسكس و معاه لاصوص نتاع المجاهدين( و هي عبارة عن بطاطا مقطعة و كورجات و بصل و حليب )

و قاتلي كي نفطرو تعجن جداتي الكسرة و تخليها حذا الشْميني تخمر خطرش مكاش الخمارة
و نرقدو و من بعد نوضو نتسحرو أطيب جداتي الكسرة سخونة و اللبن و التمر.......

و كأنّك كنت تتحدّثين عن أمّي في ما يخصّ لعجين :11:
كانت أيّامهم رااائعة رغم بساطتها
بوركت يا أم العيال :11:

[جود الكلمات]

السَّلامُ علَــــيكُم
فكــــــرة مليحة ، بارك الله فيــكم
لكن من المستحيلات تقبــل

بالتوفيــــق للجميـــــع
شكرا جدة الأفكار ، أقصد أم الأفكار
أسْتَغْفِرُ الله وأتُوبُ اليْه

[إخلاص]

السَّلامُ علَــــيكُم
فكــــــرة مليحة ، بارك الله فيــكم
لكن من المستحيلات تقبــل

بالتوفيــــق للجميـــــع
شكرا جدة الأفكار ، أقصد أم الأفكار
أسْتَغْفِرُ الله وأتُوبُ اليْه


و عليكم السّلام و رحمة الله و بركاته جود
فشّلتيني!!! :14:

[رحيل]

لا أدري لماذا تذكّرت رحيلوو عند كتابتي للموضوع؟ :11:

,السلام عليكم
صح فطوركم و تقبل الله صيامكم
جدة ربي يذكرك بالخير تذكرتني لاني قديمة شوية في المطبخ و افضل التقليدي الاصلي على التقليدي المطور او العصري
حسنا انا لها ان شاء الله و ساشارك و بالتوفيق للجميع

[رحيل]

.
.
.
.
====
تفكرتي رحيل لانها هي الوحيد اللي كابابل تفوز اكلاتها تقليدية و اسلوبها بسيط غير متكلفة ...
و اونبلوس عندها اواني من العهد العثماني ...
.
.
.

السلام عليكم

آجاغ تذكرتني لكل الاسباب التي ذكرت الا حكاية الفوز فلا اظن فانت تعرفين تاريخي الحافل بالفشل :14:

[انا هي]

السلام عليكم

آجاغ تذكرتني لكل الاسباب التي ذكرت الا حكاية الفوز فلا اظن فانت تعرفين تاريخي الحافل بالفشل :14:

.
.
.
الزعاف علاش وجهك راح يترتق تيكت ايزي غايلو ...
هاذيك عيني و صابتك ...
راني نرقي يلا بغيتي تجي عندي ...
.
.
.
صح رمضانك و ما تزعفيش روحك ...

[رحيل]

.
.
.
الزعاف علاش وجهك راح يترتق تيكت ايزي غايلو ...
هاذيك عيني و صابتك ...
راني نرقي يلا بغيتي تجي عندي ...
.
.
.
صح رمضانك و ما تزعفيش روحك ...

لالا مانيش زعفانة تفكرت فقط حكاية المراتب الاخيرة
صح انا بيا عين و راني نجري على عمري فرنسا بعيدة لهذا سارقي نفسي بنفسي بوركت

[إخلاص]

,السلام عليكم
صح فطوركم و تقبل الله صيامكم
جدة ربي يذكرك بالخير تذكرتني لاني قديمة شوية في المطبخ و افضل التقليدي الاصلي على التقليدي المطور او العصري
حسنا انا لها ان شاء الله و ساشارك و بالتوفيق للجميع

و عليكم السّلام و رحمة الله و بركاته
الله يسلمك رحيلوو و أنت زادا
آمين و إيّاك
ليس فقط في المطبخ أراكِ تعشقين كلّ ما هو تقليدي :11:
هي فرصتك الذّهبيّة حتّى تعوّضين ما فاتك :15:
في شوق لإستلام مشاركتك
قبلاتي :13:

[فتحي 2009]

السلام عليكم

من الاواني المشهورة تسمى أواني الطلا،
والقنونة بالقطران لشرب الماء
من عادات الاطفال في شهر رمضان الدكانة والزقتير

أخوكم فتحي

[إخلاص]

السلام عليكم

من الاواني المشهورة تسمى أواني الطلا،
والقنونة بالقطران لشرب الماء
من عادات الاطفال في شهر رمضان الدكانة والزقتير

أخوكم فتحي




و عليكم السّلام و رحمة الله و بركاته مرحبا بك فتحي ممكن نعرف من أيّ منطقة أنت؟ :11:
لم أفهم معنى كلمة الزقتير؟
و الدّكانة عندنا هو مكان مرتفع ملصق بجدار البيت يجلس عليه
جمعتك مباركة

[فتحي 2009]

و عليكم السّلام و رحمة الله و بركاته مرحبا بك فتحي ممكن نعرف من أيّ منطقة أنت؟ :11:
لم أفهم معنى كلمة الزقتير؟
و الدّكانة عندنا هو مكان مرتفع ملصق بجدار البيت يجلس عليه
جمعتك مباركة


السلام عليكم

وبك اهـلا:13:
الواضح انك نسيت :2:
من الأغواط وقلتلك دهمينا تفطري عندنا

الدكانة كما ذكرت كان الاطفال يصنعونها في شهر رمضان من اجل الإفطار عليها
بعد فرشها والزقتير هو فطور الأطفال بحيث يجتمع اطفال الجيران على الدكانة كلٌ بفطوره
والمميز هو الاواني الصغيرة التي توضع فيها الاكلات وهذا ما يسمى زقتير

وهل تعرفين اواني الطلا والقنونة

صح فطوركم

أخوكم فتحي

[إخلاص]

السلام عليكم

وبك اهـلا:13:
الواضح انك نسيت :2:
من الأغواط وقلتلك دهمينا تفطري عندنا

الدكانة كما ذكرت كان الاطفال يصنعونها في شهر رمضان من اجل الإفطار عليها
بعد فرشها والزقتير هو فطور الأطفال بحيث يجتمع اطفال الجيران على الدكانة كلٌ بفطوره
والمميز هو الاواني الصغيرة التي توضع فيها الاكلات وهذا ما يسمى زقتير

وهل تعرفين اواني الطلا والقنونة

صح فطوركم

أخوكم فتحي









و عليكم السّلام و رحمة الله و بركاته فتحي
صحّ فطورك
العتب على النّسيان :10: خيار النّاس
الصّراحة إجتهدت باش نفهمهم و ما نعرف و لاّ فهمي كان صحيح
أواني الطّلا و القنونة
الطلا يكونوا أواني مطليين يعني مصبوغين :10:
و القنونة وقيل تصغير قنينة و هي قارورة :10:
ما رأيك؟ :8:

[شاعرة المستقبل]

وش درتو فيها جداتو انا عند وعدي وراني شاركت
خممي فالجائزة هههههه

[إخلاص]

وش درتو فيها جداتو انا عند وعدي وراني شاركت
خممي فالجائزة هههههه

صراحة ريّوونة فاجعتيني :8:
رائعة أنت :13:

[شاعرة المستقبل]

لوكان ما جيتش نحبك جداتو والله ما نشارك
مي في خاطرك نمد عينينا
تستاهلي

[نسرينات الامل]

بلاك نشارك :8:
قاتلي نانا كانو يفطرو بالتمر و اللبن و كسرة و مرات يديروا تاع الشعير

[SIDI-MOH-ZANGA]

الاكلة التقليدية الوحيدة لى رانى ناكلها كاشيات b12

[شاعرة المستقبل]

خويا لاه راك مريض؟؟؟؟؟؟؟؟؟؟

[SIDI-MOH-ZANGA]

نو مانيش مريض هههههههههههههه بصح تنعدم الشهية في رمضان

[انا هي]

القنونة عندنا هي اناء يكون مطلي بالقطران يستعمل لشرب الماء ..
يصنع من الحلفاء او الديس او الفخار ...
.
.
.
.
الشاهد يكون مطلي بالقطران ...
صح خويا فتحي ولا راني اور شو ....
.
.

[إخلاص]

لوكان ما جيتش نحبك جداتو والله ما نشارك
مي في خاطرك نمد عينينا
تستاهلي

عسّوولتي أنت يا ريّوونة حتّى أنا نحبّك حب كبيييير :11:
ربّي يحفظلك عينيك و يحفظك
قبلاتي :13:

[إخلاص]

بلاك نشارك :8:
قاتلي نانا كانو يفطرو بالتمر و اللبن و كسرة و مرات يديروا تاع الشعير



:14::14::14:
علاه بالاك؟ :14:
خلاص راهي سهلتها عليك نانّاك ربّي يحفظها طبقي واش قالت و حطّيه :11:
قبلاتي :13:

[إخلاص]

الاكلة التقليدية الوحيدة لى رانى ناكلها كاشيات b12

:19:
ربّي يفتحلك شهيّت يا مووح
:11:

[فتحي 2009]

و عليكم السّلام و رحمة الله و بركاته فتحي
صحّ فطورك
العتب على النّسيان :10: خيار النّاس
الصّراحة إجتهدت باش نفهمهم و ما نعرف و لاّ فهمي كان صحيح
أواني الطّلا و القنونة
الطلا يكونوا أواني مطليين يعني مصبوغين :10:
و القنونة وقيل تصغير قنينة و هي قارورة :10:
ما رأيك؟ :8:




السلام عليكم

ما رأي
إفـطري عندنا:8:
صح فطوركم

[فتحي 2009]

القنونة عندنا هي اناء يكون مطلي بالقطران يستعمل لشرب الماء ..
يصنع من الحلفاء او الديس او الفخار ...
.
.
.
.
الشاهد يكون مطلي بالقطران ...
صح خويا فتحي ولا راني اور شو ....
.
.




السلام عليكم

صح اختي أنا هـي :8:
صح فطوركم

[إخلاص]

السلام عليكم

ما رأي
إفـطري عندنا:8:
صح فطوركم








و عليكم السّلام و رحمة الله و بركاته
يا رييييت نقدر نجي نفطر عندكم ذاك يوم المنى :11:
ربّي يعطيك على حساب نيتك فتحي و يكتبلك أجر إطعام صائم
صحّ سحورك

[ام زين الدين]

وين وصلتووووووووو تنشغلت عليكن حبيباتي

https://lh5.googleusercontent.com/-T0ztnUH9RC0/U6pumNFiHJI/AAAAAAAAApo/KXDfZhCYIL8/w346-h475/10502520_721574291222815_5260930191351426316_n.jpg

[ام زين الدين]

و عليكم السّلام و رحمة الله و بركاته
يا رييييت نقدر نجي نفطر عندكم ذاك يوم المنى http://montada.echoroukonline.com/images/smilies/1%20%2811%29.gif
ربّي يعطيك على حساب نيتك فتحي و يكتبلك أجر إطعام صائم
صحّ سحورك

جداتي ما تفوتيش الفرصة راه طابخ محشي اليوم

[شاعرة المستقبل]

اااه وين وصلتو فيها

[إخلاص]

اااه وين وصلتو فيها

راهم حابسين حبّوووبتي
أنت الوحيدة المشاركة
خيبوا لي آمالي :14:

[شاعرة المستقبل]

جداتو انا خاطينة غير انا الي ما نخيبكش

اطلبي وانا نلبي

[narriman]

أووووووووووووو طاطا دموعك غالية
سأعمل جهدي لتصلك مشاركتي

[رحيل]

راهم حابسين حبّوووبتي
أنت الوحيدة المشاركة
خيبوا لي آمالي :14:

السلام عليكم
يشهد الله اني عملت سفرة الجدود و لكن نسيت شي مهم جدا و السفرة جات باهتة جدا لهذا قررت اعادتها غدا باذن الله
الا زعلك يا جدة

[إخلاص]

جداتو انا خاطينة غير انا الي ما نخيبكش

اطلبي وانا نلبي

الله يخلّيك ليلي ريّونتي :13:

[إخلاص]

أووووووووووووو طاطا دموعك غالية
سأعمل جهدي لتصلك مشاركتي

و أنا في إنتظارها :11::13:

[شاعرة المستقبل]

مساء الفل عليكم

[chocolat galaxy]

ربي يبارك فيك يا سيدة اخلاص
اسمحيلي ليس لديا أواني قديمة رغم اني اسكن في اقدم مدينة جزائرية
ربي يبارك فيك و يحفظك من كل سوء و يعطيك على حساب نيتك الزينة

[إخلاص]

السلام عليكم
يشهد الله اني عملت سفرة الجدود و لكن نسيت شي مهم جدا و السفرة جات باهتة جدا لهذا قررت اعادتها غدا باذن الله
الا زعلك يا جدة

و عليكم السّلام و رحمة الله و بركاته
يا درى واش نسيتِ؟! :19:
في إنتظارك رحولتي الغالية :13:

[إخلاص]

مساء الفل عليكم

مساء المسرّات رحيلووو كنت في باطمتك و خرجت :8:
نرجع لها كي يكون عندي وقت باش نركّز مليح في الأحداث :16:
بوثاتي :13:

[إخلاص]

ربي يبارك فيك يا سيدة اخلاص
اسمحيلي ليس لديا أواني قديمة رغم اني اسكن في اقدم مدينة جزائرية
ربي يبارك فيك و يحفظك من كل سوء و يعطيك على حساب نيتك الزينة

و فيك بارك الله حبوووبتي أسعدتني عودتك هذي غيبة :11:
آمييييين على دعواتك الغالية و لك بالمثل و زيادة
قبلاتي :13:

[شاعرة المستقبل]

مساء المسرّات رحيلووو كنت في باطمتك و خرجت :8:
نرجع لها كي يكون عندي وقت باش نركّز مليح في الأحداث :16:
بوثاتي :13:
:3::3::3:
ريونة :8:

[إخلاص]

:3::3::3:
ريونة :8:


ههههههههههههههه
سوووري ريّونتي خطأ مطبعي :8:
هاتيلي قلب لوزة :8:

[شاعرة المستقبل]

http://a7.idata.over-blog.com/530x398/2/42/48/75/API/2009-09/qlb-009_thumb.jpg

من عينيا

[رحيل]

ههههههههههههههه
سوووري ريّونتي خطأ مطبعي :8:
هاتيلي قلب لوزة :8:

لالا ماشي خطا مطبعي الحكاية اني دائما في بال الجدة و لي الشرف:15:

[شاعرة المستقبل]

هههههههههه شفتي حبيبتي رحيل

[إخلاص]

http://a7.idata.over-blog.com/530x398/2/42/48/75/api/2009-09/qlb-009_thumb.jpg

من عينيا

سلمت يداك غاليتي راح نتسحّر بيها :8:
أطعمك الله من طعام الجنّة حبوبتي :13:

[إخلاص]

لالا ماشي خطا مطبعي الحكاية اني دائما في بال الجدة و لي الشرف:15:

صدقتِ و الله فأنت على البال دوما حاضرة أم غائبة :13:

[رحيل]

صدقتِ و الله فأنت على البال دوما حاضرة أم غائبة :13:

امنت بالله اصدقك و ان لم تحلفي
اعزك الله و لا حرمنا من وجودك

[رحيل]

السلام عليكم و صح فطوركم

جدة لقد بعثت بمشاركتي ان شاء الله تعجبك و تعجب الاعضاء

[إخلاص]

السلام عليكم و صح فطوركم

جدة لقد بعثت بمشاركتي ان شاء الله تعجبك و تعجب الاعضاء

و عليكم السّلام و رحمة الله و بركاته
يااا فرحتي :1:
و ها هي مشاركة ثانية تصلني من الغالية رحيلوووو
هاااايلة :11:
وعدتِ فوفيتِ فبارك الله فيك

فهل من مشاركة ثالثة؟
في إنتظار الغالية أم زيد :11:

[دائمة الذكر]

ستصلك مشاركتي يا ست الكل.... الا زعلك يا حور العين

[فتحي 2009]

السلام عليكم


عندما يحل شهر رمضان المبارك في شهر الصيف :
كيف كان يتم تبريد الماء في شهر رمضان المبارك؟
كيف كان الإفطار يعني كيف كانت العائلة تحضر طريقة إفطارها في شهر رمضان المبارك ؟
الحنين للماضي جميل لأنه يمثل تلاحم أفراد الأسرة أكثر فأكثر


نتطلع لجديدكم

أخوكم فتحي

[إخلاص]

ستصلك مشاركتي يا ست الكل.... الا زعلك يا حور العين

في إنتظارها على نار حبّوبتي :11:

[إخلاص]

السلام عليكم


عندما يحل شهر رمضان المبارك في شهر الصيف :
كيف كان يتم تبريد الماء في شهر رمضان المبارك؟
كيف كان الإفطار يعني كيف كانت العائلة تحضر طريقة إفطارها في شهر رمضان المبارك ؟
الحنين للماضي جميل لأنه يمثل تلاحم أفراد الأسرة أكثر فأكثر


نتطلع لجديدكم

أخوكم فتحي


و عليكم السّلام و رحمة الله و بركاته
مرحبا بك فتحي إجابة على سؤال كان الماء يحضرونة عند الإفطار مباشرة من العين كما نسمّيها نحن و هي مياه جوفيّة تنبع من باطن الأرض باردة سبحانه و هناك من كانوا يضعون الماء في القربة و فيها يحتفظ الماء على برودته
أمّا إفطارهم في الصّيف كما كانت تحكي لي أمّي حفظها الله تشكشوكة أو بطاطس مقليّة و سلطات و أكيد شربة مرمز لازم تكون مع خبز الشّعير :11:
سؤالك محوّل إليك يا فتحي :11:

[فتحي 2009]

و عليكم السّلام و رحمة الله و بركاته
مرحبا بك فتحي إجابة على سؤال كان الماء يحضرونة عند الإفطار مباشرة من العين كما نسمّيها نحن و هي مياه جوفيّة تنبع من باطن الأرض باردة سبحانه و هناك من كانوا يضعون الماء في القربة و فيها يحتفظ الماء على برودته
أمّا إفطارهم في الصّيف كما كانت تحكي لي أمّي حفظها الله تشكشوكة أو بطاطس مقليّة و سلطات و أكيد شربة مرمز لازم تكون مع خبز الشّعير :11:
سؤالك محوّل إليك يا فتحي :11:


السلام عليكم

إذا لم يكن هناك عين ؟
كانوا البعض يصنعون الدلاء المخصصة للماء بحيث يتم وضع القطران فيها وتركه لمدة يوم

وبعض ذلك يغلفونها بالخيش (أكياس القمح القديمة) لتملأ بالماء ويبلل الغلاف من الخيش بالماء
وتوضع في مكان مظلل لمدة معينة يبرد الماء وهناك كما قلتي القربة

اما الشيء الذي يميز وقت الإفطار يكون في فناء كل منزل مع جميع افراد العائلة
وترى حول مائدة الافطار دلاء الماء ودلاء العصير الذي كان يصنع في المنازل
كما تلاحظ الأطباق التي تم تبادلها مع الجيران بحيث تعرف فطور الجيران

نتطلع لجديدكم معنا

اخوكم فتحي

[إخلاص]

السلام عليكم

إذا لم يكن هناك عين ؟
كانوا البعض يصنعون الدلاء المخصصة للماء بحيث يتم وضع القطران فيها وتركه لمدة يوم

وبعض ذلك يغلفونها بالخيش (أكياس القمح القديمة) لتملأ بالماء ويبلل الغلاف من الخيش بالماء
وتوضع في مكان مظلل لمدة معينة يبرد الماء وهناك كما قلتي القربة

اما الشيء الذي يميز وقت الإفطار يكون في فناء كل منزل مع جميع افراد العائلة
وترى حول مائدة الافطار دلاء الماء ودلاء العصير الذي كان يصنع في المنازل
كما تلاحظ الأطباق التي تم تبادلها مع الجيران بحيث تعرف فطور الجيران

نتطلع لجديدكم معنا

اخوكم فتحي








و عليكم السّلام و رحمة الله و بركاته
بوركت على هذه المعلومات يا فتحي
هنيئا لمن عاش مثل هكذا لحظات :11:
دمت وفيّا

[إخلاص]

و هااا هي مشاركة أم هديلو تصلني :1:
بالتّوفيق يا غالية
باين كنت مخبيّة تروسو لجدود :8:

[شاعرة المستقبل]

صحى فطوركم

[narriman]

الله يسلمك ريان و نتي زادة
جداتو ماتزعفيش راني في قيد البحث عن ماعن الماضي

[إخلاص]

صحى فطوركم

الله يسلمك ريّووونتي أنت زادا

[إخلاص]

الله يسلمك ريان و نتي زادة
جداتو ماتزعفيش راني في قيد البحث عن ماعن الماضي


إن شاء الله ما يطولش البحث :8:

[إخلاص]

السّلام عليكم و رحمة الله و بركاته
إعلان
أعلن للمشاركات في هذه المسابقة التّقليديّة أنّي سأضع موضوع التّصويت يوم غد بحول الله
و أشكرهنّ من كلّ قلبي على مساهماتهنّ رغم أنّني كنت أنتظر مشاركات كثيرة و لكن ،،،
فقد طغت العصرنة و ما عدنا نستطيع الإستغناء عنها
تقبّل الله منّا الصّيام و القيام

[شاعرة المستقبل]

ننتظر جداتو

[إخلاص]

ننتظر جداتو

إن شاء الله حبووبتي
فكريني إذا نسيت :8:

[شاعرة المستقبل]

حاااااااااااااضر بصح قوليلي مسموح الغش ولالا

[دائمة الذكر]

طاطا اختاري لجنة من المنتدى لتشرف على المسابقة و تكون من المتخلفين

لكن ام صلاح الدين ماهي الجوائز:5:

[إخلاص]

حاااااااااااااضر بصح قوليلي مسموح الغش ولالا

نو نو نو ممنوووع الغش أكيييييد و إلاّ ما يكونش للفوز بنّة :9:

[إخلاص]

طاطا اختاري لجنة من المنتدى لتشرف على المسابقة و تكون من المتخلفين

لكن ام صلاح الدين ماهي الجوائز:5:

لازم لجنة؟ :19:
أنا قلت أصوات الأعضاء تكفي ممممممم
باينة عندك إكسبيريونس في المسابقات :8:
من في رأيك يصلح؟ لا يوجد بيننا متخلّفين كثر :9:
لمّا أعطي النّتائج سأرفقها مباشرة بالهدايا إن شاء الله :11:

[دائمة الذكر]

لازم لجنة؟ :19:
أنا قلت أصوات الأعضاء تكفي ممممممم
باينة عندك إكسبيريونس في المسابقات :8:
من في رأيك يصلح؟ لا يوجد بيننا متخلّفين كثر :9:
لمّا أعطي النّتائج سأرفقها مباشرة بالهدايا إن شاء الله :11:

طاطا كاين الاستاذ حمبراوي و الاستاذ ابو اسامة و الاستاذ عبد الرحمن بوخاري

قمة التخلف :19::19:.... جماعة قَ نتاع كسرة و لبن :8:

[رحيل]

لازم لجنة؟ :19:
أنا قلت أصوات الأعضاء تكفي ممممممم
باينة عندك إكسبيريونس في المسابقات :8:
من في رأيك يصلح؟ لا يوجد بيننا متخلّفين كثر :9:
لمّا أعطي النّتائج سأرفقها مباشرة بالهدايا إن شاء الله :11:

السلام عليكم

جدة ان كنت من الفائزين ما نرضى بغير الاورو :8:

[دائمة الذكر]

السلام عليكم

جدة ان كنت من الفائزين ما نرضى بغير الاورو :8:

و انا لن ارضى الا بالشڤرولي :14::14:

[narriman]

بثبت لعيوووووووووووووونك جداتو

[narriman]

http://girls.bnat.cc/14/01/images_5h98.jpg (http://girls.bnat.cc/240642/)

[narriman]

يالتوفيق لكن

[رحيل]

و انا لن ارضى الا بالشڤرولي :14::14:

مازلت تشفاي عليها:8:
وقيلا عندك حق سفرة الجدود اصبحت مفقودة و لي تلقاها الشفرولي و قليل عليها

[دائمة الذكر]

مازلت تشفاي عليها:8:
وقيلا عندك حق سفرة الجدود اصبحت مفقودة و لي تلقاها الشفرولي و قليل عليها

تبقى الشڤرولي اجمل ذكرى في الشروق :14::14:

يوم الاستطلاع ستتاكدين ان أختك متخلفة من الطراز الرفيع

طاطا وقت المطبخ الى الامام....

[رحيل]

و انا لن ارضى الا بالشڤرولي :14::14:

تبقى الشڤرولي اجمل ذكرى في الشروق :14::14:

يوم الاستطلاع ستتاكدين ان أختك متخلفة من الطراز الرفيع

طاطا وقت المطبخ الى الامام....

صح كي كانت النية و الصفى
انا متاكدة بانك ستكونين نجمة المشاركات و الخسارة امام متخلفة مثلك شرف
انا ليس لدي طعام للفطور و الحر شدييييييييييييد و مع زعاف مسابقة الحلوى قد لا اطبخ اليوم:19:

[دائمة الذكر]

صح كي كانت النية و الصفى
انا متاكدة بانك ستكونين نجمة المشاركات و الخسارة امام متخلفة مثلك شرف
انا ليس لدي طعام للفطور و الحر شدييييييييييييد و مع زعاف مسابقة الحلوى قد لا اطبخ اليوم:19:

و ماذا سيأكل ابن عمك ؟؟؟؟

ردي بالك يشوف ابن عمك موضوع صابرينة :18:

[رحيل]

و ماذا سيأكل ابن عمك ؟؟؟؟

ردي بالك يشوف ابن عمك موضوع صابرينة :18:

سفرة الجدود تكفي تمر و لبن :8:
ابن عمي ما يشرطش و لكنه يزعف الا مالقاش مرق يعيني شربة او حساء او اي طبق فيه مرق:8:
يكثر خير الكوكوطة نصف ساعة و كلشي يوجد
سأذهب الان و نلتقي ان شاء الله بعد الفطور
صح فطورك

[إخلاص]

طاطا كاين الاستاذ حمبراوي و الاستاذ ابو اسامة و الاستاذ عبد الرحمن بوخاري

قمة التخلف :19::19:.... جماعة قَ نتاع كسرة و لبن :8:

اها الّي مسميين روحهم جماعة المتخلّفين:8:
حمبرامي فصّ ملح و ذاب
بقي الثّنائي أبو أسامة و عبد الرّحمن إذا قبِلا :8:

[إخلاص]

السلام عليكم

جدة ان كنت من الفائزين ما نرضى بغير الاورو :8:


و عليكم السّلام و رحمة الله و بركاته
على قول طبيبتي التّونسيّة مَا ثَمَّ حَتَّى مُشْكِلْ :8:
عندك كونت دوفيس؟ :5:

[إخلاص]

و انا لن ارضى الا بالشڤرولي :14::14:

ما زلتِ متفكرة؟! :19:
أنا قلت بريتي :8:

[إخلاص]

بثبت لعيوووووووووووووونك جداتو

تشكّرااات مشرفتنا العسّولة :13:

[إخلاص]

http://girls.bnat.cc/14/01/images_5h98.jpg (http://girls.bnat.cc/240642/)

آمييييييين :13:

[إخلاص]

يالتوفيق لكن

آمييييييييييين

[إخلاص]

مازلت تشفاي عليها:8:
وقيلا عندك حق سفرة الجدود اصبحت مفقودة و لي تلقاها الشفرولي و قليل عليها

صدقتِ رحيلوووو فهئه السّفرة تحفة نادرة لا تقدّر بثمن :11:

[رحيل]

و عليكم السّلام و رحمة الله و بركاته
على قول طبيبتي التّونسيّة مَا ثَمَّ حَتَّى مُشْكِلْ :8:
عندك كونت دوفيس؟ :5:

:5::5:
قصدك الدوفيز يلزملو كونت سبيسيال؟؟؟
ماكان حتى مشكل نبعثلك الكونت تاع جدي :8:

[رحيل]

صدقتِ رحيلوووو فهئه السّفرة تحفة نادرة لا تقدّر بثمن :11:

لا لا ممكن نقدروها بالاورو :8:

[narriman]

تشكّرااات مشرفتنا العسّولة :13:

العفووووووووو
و لو هذا أقل شيئ يمكنني فعله:10::10::10:

[جود الكلمات]

السَّلامُ علَــــيكُم

صحى فطوركم

أسْتَغْفِرُ الله وأتُوبُ اليْه

[إخلاص]

:5::5:
قصدك الدوفيز يلزملو كونت سبيسيال؟؟؟
ماكان حتى مشكل نبعثلك الكونت تاع جدي :8:

ههههههههههه
تفاهمنا :8:

لا لا ممكن نقدروها بالاورو :8:

نقدروها لما لا عشان عيونك :8:

[إخلاص]

السَّلامُ علَــــيكُم

صحى فطوركم

أسْتَغْفِرُ الله وأتُوبُ اليْه

الله يسلمك حبيبتي أنت زادا :13:

[narriman]

صح سحووووووووركم

[دائمة الذكر]

نحن في انتظار الاستطلاع يا ام صلاح الدين

[جود الكلمات]

السَّلامُ علَــــيكُم

سبحان الله ، الحمد لله ن لااله الا الله ، الله أكبر ، لا حول ولا قوة الا بالله العلي العظيم

أسْتَغْفِرُ الله وأتُوبُ اليْه

[narriman]

متى تضعين التصويت جداتو؟

[إخلاص]

نحن في انتظار الاستطلاع يا ام صلاح الدين

اليوم بإذن الواحد الأحد أضعه آسفة على التّأخير هدرت مع دارنا و فاتني الوقت :10:

متى تضعين التصويت جداتو؟
اليوم حبيبتي :10:

[narriman]

بالتوفيق للجميع
http://img.rjeem.com/imgcache/2013/01/57272.png

[sun]

مسابقة الاساتذة (https://lmd.sahla-dz.com/concours-onec2026/)
شروط مسابقة الاساتذة (https://lmd.sahla-dz.com/concours-onec2026/)
التسجيل في مسابقة الاساتذة 2026/2025 (https://lmd.sahla-dz.com/concours-onec2026/)
"""ahrefs"" -jobs -resume" (https://jobs.sahla-dz.com/)
work (https://jobs.sahla-dz.com/)
freelance (https://jobs.sahla-dz.com/)
الدكتوراه (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
écoles doctorales (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat 2025/2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه (https://lmd.sahla-dz.com/)
محاضرات (https://lmd.sahla-dz.com/)
Remote Work (https://jobs.sahla-dz.com/)
Freelance (https://jobs.sahla-dz.com/)
بحث جاهز بالمنهجية العلمية (https://ba7thi.sahla-dz.com/)
بحث pdf word (https://ba7thi.sahla-dz.com/)