سكاتش دروج الباطيما -الحلقة الثالثة -

[شاعرة المستقبل]

السلام علييكم

احبابي اليوم حبيت نشارككم سكاتش من انشائي راه يدور في مخي قلت نديروا متسلسل على شكل 15 حلقة للايام المتبقية في رمضان
المهم القصة تحكي على دروج البطيما
الحلقة -3-
http://im88.gulfup.com/KgrdJK.jpg
هذي الباطيما فيها 6 طوابق يعني 12 مسكن
وبالتالي 12 عائلة كل عائلة من ولاية معناتها عندنا 12 ولاية
وكل العائلات تاع عسكر يعني الباطيما تاع عسكر ومع عائلاتهم


على بركة الله نبداو


الطاوس (القسنطينية): صباح الخير عيشوش معليكش ؟؟
عيشوش العاصمية: في رحمة ربي سوال عليك
الطاوس: والله ماني لباس من التلاتة وانا نايضة ماجانيش النوم خلاص
عيشوش : كون شربتي اتاي يقولو الي يشرب لاتاي فالليل يجيه النوم
الطاوس : تتمصخري بيا انت درك التاي يرقد
عيشوش : سبحان الله جيت ندير لخير ولا عليا ختي حنا هكا يديروا عندنا
الطاوس : خلاص خلاص ما قلت والو ليوم نشرب قهوة ذقيلة وهكاك يجيني النوم
.. ايه نسقسيك بوعلام وليدك معليهش ؟؟
عيشوش : ايه يا بوعلام مسكين .. من نهار خرجت الريزيلتا تاع الباك مراهش قدقد
راني خايفة عليه
طاوس: هذا من لعام لي فات وهو صافا با الناس قريب تعقب لباك هذ العام
عيشوش: سكتي برك راني معولة نديه لبلحمر نديرلو رقية راني شفتو فالشروق
طاوس : وتامني نتي بهذاك بلحمر ؟؟ يا ختي انا لالا
عيشوش : وعلاه ما نامنش بيه يخي يقرا في كلام ربي .. وكون ماجاش مليح مايجبوهش حتان للشروق
طاوس: ياختي انا من سمعتوا يقول نرقي فالدم هرب قلبي منو
عيشوش : ماتدري لكون صح
جا طالع الدراجي وليد الصامتة البريكية
صباح الخير الحاجة وشراكي لباس
عيشوش الحمد لله او ليدي سوال عليك
الدراجي : والله قا في نعمة من عندربي
ونتي خاتي الطاوس راكي لباس؟
الطاوس لباس الحمد لله وانت معليكش؟
الدراجي : ا في رحمة
امالا راكم لباس .. والصحة لباس .. هيا امالا تبقاو على خير
عيشوش : استنا يا وليدي نعطيك تشريلي الخبز؟؟
الداجي : اا زعما كنت طالع نتقدى ايا معليهش هاتي نجيبلك
عيشوش : ربي يحفظك يا وليدي نشالله تجيب الباك وتولي طبيب
الدراجي : هههههههه ايه ياالحاجة نشالله نجيب الباك هذيك هي الدنيا وما فيها
راح يشريلها الخبز ..
طاوس : شفتي الله يبارك عاقل ومتربي تقول ماهو بن الصامتة ..صامتة وصامطة ..
عيشوش : عندك الحق بصح حتى الصامتة قلبها ابيض تحب ترمي الهدرة برك .
جات هابطة حنان بنت فريدة العنابية
حنان : اهلا وشراكم راكم مجمعين كي لعسل ربي يدومها هكااا
طاوس : حفظك ربي يا بنتي وين بيها ؟؟ههه
عيشوش : يحلي يامك يا بنيتي كيما قالت الطاوس وين رايحة في هاذ لقايلة
حنان : والله يا خالتي عيشوش يا الخدمة هاذي ..ماخلاتليش خلاص رني رايحة دركا راهم عيطولي عندنا رينيون ايرجون
عيشوش : روحي يا بنتي روحي ربي يفتحها في وجهك .
حنان : يفتحلي لخير خالتو ماشي قرعة 9ازههههههههه
وراحت حنان للخدمة
عيشوش : والله يا هاذ الطفيلة تشفني خانها السعد قاعدة غير تكبر
الطاوس: وهي شايفة روحها ناقسة زين وعلاه ما تحجبتش وعدلت روحها كي لبنات ؟ ما تشفك ما والو
عيشوش : صح صح بصح التربية تسخف والخدمة
الطاوس : كون جات على الخدامة والشهرية راهم الذر هاذو كامل ازوجو درك عادت الخدامة تطير.
طلت لويزة من فوق : هواري .. هواري .. ماشفتوش البز هاذا وين راه
الطاوس : لالا ما شفناهش غير قولي صباح الخير
لويزة : صح سمحولي .. كي راكم غايا ؟ والله هاذا البز رح يهبلني ساعة ما جا ما جابلخبز ...


يتبع غدا

1 عائلة الصامتة من بريكة
2عائلة تاسعديت تيزي وزو
3عائلة سبولة بسكرة
4 عائلة لويزة وهران
5 عائلة فريدة عنابة
6 عائلة الطاوس قسنطينة
7عائلة نوة تيسمسيلت
8 عائلة نعيمة سطيف
9 عائلة نونا ميلة
10 عائلة نوال جيجل
11 عائلة عيشوش العاصمة
12 عائلة فايزة خنشلة .
انتظرونا غدا بعدد جديد

[شاعرة المستقبل]

لمن فاتته الحلقات الولة تجدونها هنا

الحلقة الاولى
http://montada.echoroukonline.com/showthread.php?t=272080
الحلقة الثانية
http://montada.echoroukonline.com/showthread.php?t=272165

[غايتي رضا الرحمن]

السلام عليكم
والله روووعة يا ريونة
راكي دايما متألقة ومتميزة
الله يبارك عليك نعطيك 20/20
في انتظار الاعداد القادمة
ان كنا احياء باذن الرحمان.

[-أم ريان-]

.................................................. ............................................
تشكري ريون

[شاعرة المستقبل]

السلام عليكم
والله روووعة يا ريونة
راكي دايما متألقة ومتميزة
الله يبارك عليك نعطيك 20/20
في انتظار الاعداد القادمة
ان كنا احياء باذن الرحمان.


حبيبتي فاتي
ربي يخليك ليا
وهذا من روعة ذوقك
ان شاءله تعجبك البقية:14::14::14::14::14:

[شاعرة المستقبل]

.................................................. ............................................
تشكري ريون
:8::8:
العفو مامون

[راسمي والقمر باسمي]

ماشاء الله ياريان يوم بعد يوم راكي تبدعي
والله فوووووووووووووووور في المتابعة
انا لم اعطيك النتيجة للحلقات 1و 2 و3
اليوم نتيجتك 100/100

[شاعرة المستقبل]

اه يا نينو يا لعسل تعيشي تعيشي حشمتيني

[أَنْفَاسُ الإِيمَانْ]

والله ياريان قتلتيني بالضحك
سيرتو كي وصلت عند الوهرانية
تفكرت روحي كي نهدر مع افراح في التيليفون تقعد غير تضحك كي نقولها كيراكي غايا ؟ ^^

مبدعة بأفكارك ويبدو انك عارفة لعقلية الساكنين بالباطيمات ^^

جميل بحق
اسجل متابعتي

ممم
لم اكن اعرف ان قِ موجودة في اللهجة الجزائرية :10:مع انو كنت نشوف الأخوات هنا يستعملوها بصح كنت حاسبتها غِ زعاقا ^^

سؤال :
بريكة وين جاية ؟ :10::10:

[شاعرة المستقبل]

والله ياريان قتلتيني بالضحك
سيرتو كي وصلت عند الوهرانية:8::8::8::8:
تفكرت روحي كي نهدر مع افراح في التيليفون تقعد غير تضحك كي نقولها كيراكي غايا ؟ ^^
شا انقلك يا ختي
الا
والا لا راني غايا

مبدعة بأفكارك ويبدو انك عارفة لعقلية الساكنين بالباطيمات ^^
جامي سكنت في باطيمة دارنا 4 فاساد ربع جهات فيهم تاقات هههههه

جميل بحق
اسجل متابعتي
وانا اسجل قفزة من الفرح بمجيئك
ممم
لم اكن اعرف ان قِ موجودة في اللهجة الجزائرية :10:مع انو كنت نشوف الأخوات هنا يستعملوها بصح كنت حاسبتها غِ زعاقا ^^
:19::19: حبيبتي كاينة القَ كثر من الغَ هههههه:20:

سؤال :
بريكة وين جاية ؟ :10::10:


يا سكر بريكة في ولاية باتنة تبعد عنها ب80كلم
وتبعد عن منطقة سكني ب8كلم
انا ما نحكيش بالقا نحكي بالغا بصح كي عادو قراب لينا ولهجتهم باهية بزااااااااف :20::8: قلت نديرهم يمثلو باتنة

صافي انتي وهرانية؟؟
خيار الناس متشرفين

[أَنْفَاسُ الإِيمَانْ]

رسليلي جيها ، هاكا نولو ثلاثة ثلاثة ^^
اللهم بارك ...

،،
بريكة : في الحقيقة اول مرة نسمع بيها ، قولي للصامتة متشرفين ^^

،،
لالا انا مشي من وهران ..لكن هناك الكثير من الكلمات المتشابهة بيننا وبينهم

بارك الله فيك اختي ريان وفي كل الباتنيين
واصلي تميّزك

[شاعرة المستقبل]

رسليلي جيها ، هاكا نولو ثلاثة ثلاثة ^^
اللهم بارك ...

،،
بريكة : في الحقيقة اول مرة نسمع بيها ، قولي للصامتة متشرفين ^^

،،
لالا انا مشي من وهران ..لكن هناك الكثير من الكلمات المتشابهة بيننا وبينهم

بارك الله فيك اختي ريان وفي كل الباتنيين
واصلي تميّزك
حاضر درك نبعثهالك عبر الايميل ههههههه
الصامتة 9اتلك مرحبا 9ربي تشربي قهيوة
ولقدا راه وجد كان تتقداي ههههههههه

الله يعزك حبيبتي والله متشرفة بك وبمرورك وبمعرفتك

[شاعرة المستقبل]

........................

[@براءة]

فكرة مليحة ريونة...للاسف ماقدرتش نقراها الكلمات تظر عندي حروف مبعثرة!!

[شاعرة المستقبل]

؟؟؟؟؟؟؟؟؟؟؟؟؟؟؟؟؟؟؟؟ كيف هذا طاطا
هي نص مكتوب

[شاعرة المستقبل]

عدد المشاهدين قليل اليوم

[سليم يلل]

الـ ق يهدروا بيها ناس الجلفة بزاااف

وعلاه هذي مشهور بزاف هذي القصيدة

من الجلفة للأقواط القنم تتمشى
والراعي مسكين قبناتو النعجة

[شاعرة المستقبل]

الـ ق يهدروا بيها ناس الجلفة بزاااف

وعلاه هذي مشهور بزاف هذي القصيدة

من الجلفة للأقواط القنم تتمشى
والراعي مسكين قبناتو النعجة

:8::8::8::8::8::8::8::8::8:

عجبك السيناريو تع ليوم ولا لا

[حنين البلاد]

ما شاء الله ريان روعه الله يبارك

[+إيمان+]

السلام عليكم و رحمة الله تعالى و بركاته
ههههههههههههههههههههه يعطيك الصحة ريونة تسلمي غاليتي روووعة
و درك ندير كيفهم و نشرب فنجان قهوة تقيلو و احد تاي بلاك يجيني النوم هاد اليلة هههههه
واصلي ريونة برااافووو


نفس الملاحظة تاع أختي أنفاس الايمان مكنتش علابالي بلي يهدرو بال "ق"
مع اني مالفة نشوف طاطا أم هديل تقول "ق الخير " و لكن ظننت أنها تمزح
موضوع مسلي و مضحك و مثقف
شكراااا

[شاعرة المستقبل]

ما شاء الله ريان روعه الله يبارك
ربي يبارك فيك
روعة انتي يا روعتي:15:

[شاعرة المستقبل]

السلام عليكم و رحمة الله تعالى و بركاته
ههههههههههههههههههههه يعطيك الصحة ريونة تسلمي غاليتي روووعة
و درك ندير كيفهم و نشرب فنجان قهوة تقيلو و احد تاي بلاك يجيني النوم هاد اليلة هههههه
واصلي ريونة برااافووو


نفس الملاحظة تاع أختي أنفاس الايمان مكنتش علابالي بلي يهدرو بال "ق"
مع اني مالفة نشوف طاطا أم هديل تقول "ق الخير " و لكن ظننت أنها تمزح
موضوع مسلي و مضحك و مثقف
شكراااا



يا ايماني من قبيل وانا نستنا فيك هههههههه اشربي كوكا كولا خير ههه
والله مرورك يشجعني ويفرحني بزاف
الحمد لله طلعتيلي المورال :8::13:

اما القَ كاينة بزاااااااااااااااااااااف لا
مثلا غرايف = قرايق
غُلام = قُلام
غرداية : قرداية
مغرف وغرفية : مقرف قرفية قدا قدوى


الي يفهم كلمت بقداقد نعطيه حاجة

[narriman]

أممممممممم ريان
سيناريو اليوم هاايل بالبزااف عجبني فوووووور
انا في المتابعة

[+إيمان+]

يا ايماني من قبيل وانا نستنا فيك هههههههه اشربي كوكا كولا خير ههه
والله مرورك يشجعني ويفرحني بزاف
الحمد لله طلعتيلي المورال :8::13:

اما القَ كاينة بزاااااااااااااااااااااف لا
مثلا غرايف = قرايق
غُلام = قُلام
غرداية : قرداية
مغرف وغرفية : مقرف قرفية قدا قدوى


الي يفهم كلمت بقداقد نعطيه حاجة
ربي يديم فرحك و سعادتك ريونة
في رايك نزيد معاهم كوكاكولا ؟ :5: ايه ماش مشكل و لكن غدوة وجدي روحك من الصباح تجي طلي عليا في السبيطار الكبير هههه
شكرا على الرصيد اللغوي تسلمي :13:

[محمد فارس9]

سيناريو هايل:16::16:

[شاعرة المستقبل]

أممممممممم ريان
سيناريو اليوم هاايل بالبزااف عجبني فوووووور
انا في المتابعة
تعيشي حبيبتي فرحتيني

[شاعرة المستقبل]

ربي يديم فرحك و سعادتك ريونة
في رايك نزيد معاهم كوكاكولا ؟ :5: ايه ماش مشكل و لكن غدوة وجدي روحك من الصباح تجي طلي عليا في السبيطار الكبير هههه
شكرا على الرصيد اللغوي تسلمي :13:
ا نخاف من السبيطار
ما تشربيش امالا هههههه:18::18:

[شاعرة المستقبل]

سيناريو هايل:16::16:
:15::15::15::15::15: شكرا

[فتاة من نور]

ههههههههههههه هاااااااااااااااااااااااايلة ليوم قريتها وعجبتني
في المتابعة حبيبتي

[نسرينات الامل]

:8: :8: :8: وااااااااااااااااصلي سنفورة في المتابعة
ههههههههههههه راكي قاريا علم النسا هههههه

[شاعرة المستقبل]

ههههههههههههه هاااااااااااااااااااااااايلة ليوم قريتها وعجبتني
في المتابعة حبيبتي
من روعة ذوقك حبيبتي:8:

[شاعرة المستقبل]

:8: :8: :8: وااااااااااااااااصلي سنفورة في المتابعة
ههههههههههههه راكي قاريا علم النسا هههههه


ا سبيسياليتي تاعي هاذ الشي مع اني منيش هدارة هههه وجامي سكنت في باطيما
للاسف خيالي واسع:8:

[الوهج 2]

مشاء الله بحق انت مبدعة ومتعددة المواهب

اتمنى لك دومآ التوفيق

وكم اسعدني هذا الموضوع فائق الروعة :13:

[شاعرة المستقبل]

علاه فهمت اللهجة تاعنا اخي ؟؟

الحمد لله كي عجبك

[abir22]

روووعة متشكرة
بانتظار ابداع اكثر في الحلقة الرابعة

[شاعرة المستقبل]

تعيشي حبيبتي
لقد وضعت الحلقة الرابعة

[a.soso]

كملي هكدا ريونة أنا نعطيك 100/100

[شاعرة المستقبل]

تعيشي صارة فرحتيني بزاااااااااااااف

[nihal rami]

روعه ابدااااااااااااااااااااااااااااااااااااااااااااااا اااااااااااااااع

[شاعرة المستقبل]

تعيشي حبيبتي

[sun]

مسابقة الاساتذة (https://lmd.sahla-dz.com/concours-onec2026/)
شروط مسابقة الاساتذة (https://lmd.sahla-dz.com/concours-onec2026/)
التسجيل في مسابقة الاساتذة 2026/2025 (https://lmd.sahla-dz.com/concours-onec2026/)
"""ahrefs"" -jobs -resume" (https://jobs.sahla-dz.com/)
work (https://jobs.sahla-dz.com/)
freelance (https://jobs.sahla-dz.com/)
مسابقة الدكتوراه (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه 2025/2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
مدارس الدكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
مقاييس الدكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
مشاريع الدكتوراه 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
الدكتوراه (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
écoles doctorales (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat 2025/2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat 2026 (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
doctorat (https://lmd.sahla-dz.com/%d9%83%d9%84-%d9%85%d8%a7-%d9%8a%d8%ae%d8%b5-%d9%85%d8%b3%d8%a7%d8%a8%d9%82%d8%a9-%d8%a7%d9%84%d8%af%d9%83%d8%aa%d9%88%d8%b1%d8%a7%d 9%87-%d9%84%d8%b3%d9%86%d8%a9-2026-2025/)
دكتوراه (https://lmd.sahla-dz.com/)
محاضرات (https://lmd.sahla-dz.com/)
Remote Work (https://jobs.sahla-dz.com/)
Freelance (https://jobs.sahla-dz.com/)
بحث جاهز بالمنهجية العلمية (https://ba7thi.sahla-dz.com/)
بحث pdf word (https://ba7thi.sahla-dz.com/)