كيف تسمون هاته الحشرة؟؟؟؟؟

[دائمة الذكر]

http://upload.wikimedia.org/wikipedia/commons/e/e3/Mantis-greece-alonisos-0a.jpg

اشحال نخاف منها.... كتشيعة :14::14::14:

[المشرف العام]

سيدي عيسى ....اتذكر البنات في الصغر يمسكونها و يسألونها أين ستتزوج فلانه فتجيب هي حسب اختيار الجهة ..كان هذا في الصغر :11:

[أبو اسامة]

هذي الحاج لخضر
ولما نمسكو ...نسأله منين بلادك فيشير إلى الشرق أي ..مكة ....وهذا ما كنا نعتقده

[سَـــرَابْ]

نسموها عندنا لالا عودة ^^

[منال لينا]

سمعتهم مرة يقولون لها جدة ام سليمان
و عندنا نسميها Grashüpfer

[إشراق2]

سيدي عيسى ....اتذكر البنات في الصغر يمسكونها و يسألونها أين ستتزوج فلانه فتجيب هي حسب اختيار الجهة ..كان هذا في الصغر :11:

عندنا ثاني :8:

[إشراق2]

نسموها في سكيكدة
جدة حدة
وفي قسنطينة سمعتهم يقولو
نانا قيدة

[warda22]

نسموها في سكيكدة
جدة حدة
وفي قسنطينة سمعتهم يقولو
نانا قيدة

حنا في سطيف ثاني نقولولها ننة قيدة
ونسالها عن مكان الغريب

[ام زين الدين]

حنا نسموها جدة الحاجة امي تخاف منها لحد يغمى عليها لما تراها حتى في الصور هههههههههههههههههههه
انا بالوراثة نخافها بصح موش بزاف

[amina 84]

http://upload.wikimedia.org/wikipedia/commons/e/e3/mantis-greece-alonisos-0a.jpg

اشحال نخاف منها.... كتشيعة :14::14::14:

زعمة زعمة راح نجرب واش كتب المشرف العام و شراق

يا سيدي عيسى

***
و لا يا الحاج لخضر

***

و لا يا جده حده

***
و لا يا نانا قيده

***
و لا يا جده أم سليمان

***

و لا يا لاله العوده

نحبك تطري و لا تجري و لا تنطي إللي عجبك ديريه و ين راح نزوج إلاااااا وين أم هديل خرجي عليها الليله خلي في فمها و إلاااااا وين م الزين طلي عليها غدوة في البورمه تاع غداها و لا وين إشراق حطي على رقبتها و لا دغدغيلي بنتها في بطنها خليها تعطيها كوتبي يسكتها و إلااااا وين عمو حطي على كتفوا و إلااااااا وين المشرف العام دخلي في خشموا ههههههههه و أنا أخطي جرتي إلا إذا حبيتي تخرجيلي روحي

[أَنْفَاسُ الإِيمَانْ]

الاسماء راهي غير بلالة وسيدي والحاجة ونانا
في ولايتي كاين مَّا عيشة :8: ولالة عودة
الصراحة مانعرفش نفرق بيناتهم
تكون لالة عودة بالاك مادامت خرير قريبة مني ^^

[شاعرة المستقبل]

على ما اظ يسموها بو بشير حتى نسقسي ماما ونتأكد

[الزمردة النادرة]

على ما اظ يسموها بو بشير حتى نسقسي ماما ونتأكد

:3: حنا عندنا بوبشير ويكون لونو اصفر هو مثل النحلة فقط اكبر منها بقليل
اما على الحشرة لي حطتها ام هديل حنا نسموها جدة مسلمة :11:

[جود الكلمات]

السَّلامُ علَــــيكُم
نانا قيدة


أسْتَغْفِرُ الله وأتُوبُ اليْه