محمد سعيد ريال
28-05-2015, 08:08 PM
عِيشْ تَسْمَعْ**/كاملة
عِيشْ تَسْمَعْ و تْشُوفْ بْعِينَكْ العَجَايَبْ *** في ذَالزَّمَانْ المَقْلُوبْ رَاسُو على اْعْقَابُو
دَنْيَا مَقْلُوبَة و مْعَمْرَة غْرَايَّبْ *** مَنْ اهْوَالْهَا وَ مْصَايَبْهَا صْغَارْ شَابُو
مَا بْقاتْ لا نِيَة و لاَ صْدِيقْ صَاحَبْ *** رَاهْ يَنْدَمْ مَنْ دَارْ الامَانْ في اصْحَابُو
الصَّدِيقْ في ذَالزَّمَانْ على الصَّدِيقْ يَكْذَبْ*** وْإذَا مَا فِيكْشْ النّْفَعْ يَلْغِيكْ مَنْ حْسَابُو
لا مُرُوئَة قَعْدَتْ و لا رْفَاقْ تَعْجَبْ*** الرِّجَالْ الصُّلَاحْ تَرْكُهَا وْ هَرْبُو
إذَا دَرْتْ النِّيَة يعْطوكْ على الرّكَايَبْ*** يْطىَيْحُوكْ وَ يْقُولُو جَايَحْ وَاشْ جَابُو
إذَا صَحْبُو حَد عِينْهُمْ في وَاشْ يَكْسَبْ*** وَ يَنْفْرُو مْنَ الفَقِيرْ الفَارْغَا جْيَابُو
أنْتَبَهْ يا رَاسِي ذَالوَقْتْ رَاهْ صَاعْبْ *** يا وِيحْ مَنْ لاَ قْرا لَلْعاقْبَة حْسَابُو
الصَّدْقْ و الأمَانْ في ذَالزَّمَانْ غَابَو***
*عْرُوبِي*
أنْتَبَهْ يا رَاسِي ذالوَقْتْ رَاهْ صْعِيبْ*** وَ البْلاَء يَهْطَلْ كِي المَطَرْ دُونْ سْحَايَبْ
لاَ صاحَبْ وَافِي لاَ مَنْ تْقُولْ حْبِيبْ*** في سَاعَتْ الذيقْ تَبْقَا بْلا صَاحَبْ
يْقُولُو فِيكْ كْلامْ يَجْرَحْ كُلُو عِيبْ *** و يْقَطْعُوكْ بَلْسُونْهُمْ وَ انْتَ غَايَبْ
احْذَرْ بَالَكْ يا غْشِيمْ رَاهْ وَقْتْ مْصَايَبْ ***
*مَطْلَعْ*
هَذَا وَقْتْ مْصَايَبْ وَ النِّفَاقْ وَ كْذُوبْ *** كُلْ وَاحَدْ يَحْفَرْ لْخُوهْ كَافْ رِيبَة
مَن تْضَنُو صَافي تْصِيبُو مْعَمَرْ عْيُوبْ *** وَيضْحَكْ عْلِيكْ إذا كُنْتْ في مْصِيبَة
كُونْ حَاذَقْ وَاعِي الحَذرْ رَاهْ مَطْلُوبْ ***اشْحَالْ من وَاحَدْ طأحْ اسْبَابُو السِّيبَة
*بِيتْ*
رَدْ بَالَكْ رَاهُمْ ذَالنَّاسْ كِي الثَّعَالَبْ *** االعَبْدْ يَزحَفْ حَيَّة و السَّمْ في انِيَابُو
إذا ضْحَكْلَكْ عَنْدُو مَقصُودْ فيهْ رَاغَبْ *** و إذَا قْضَا مَنَّكْ اصْلاَحُو يَسَدْ بَابُو
أانْتَبَهْ يَا رَاسِي ذَالْوَقْتْ رَاهْ صَاعَبْ*** يَا وِيحْ مَنْ لا يَقْرَا لَلْعَاقْبَا حْسَابُو
الصَّدْقْ وَ الأمَانْ في الزَّمَانْ غَابُو***
*عرُوبِي*
كُونْ وَاعِي هَذَا ذَالزَّمَانْ ما فيهْ حْبِيبْ *** لاَ صَاحَبْ تَلْقَاهْ في ذِيقْ المَصَايَبْ
الغَدْرَة و الغُشْ عَنْدَهُمْ مَا فِيهَا عِيبْ *** ما تْصِيبْ مَنْهُمْ شَهْمْ ايْدِيرْ الواجَبْ
غِيرْ الوَاشِي في الكَلاَمْ يَدِّي وَ ايْجِيبْ *** وَ يَحْلَفْ اليَمِنْ و هُوَ كَاذَبْ
مَنْ خَالَطْهُمْ يُصَادَفْ الشَّقَاء و المَتَاعَبْ ***
*مَطْلَعْ*
االبْلَاء في خُلْطَتْهُمْ و الوَزَارْ و الذُنُوبْ *** كُلْ يُومْ ايْجِيكْ بْفَتْنَة بْغِيرْ سَبَة
اللِّي كَانْ عْلِهُمْ يَظْحَى عْلِيكْ مَحْسُوبْ *** كُونْ ذِيبْ اقْبَلْ ما يَاكْلُوكْ الذّْيُوبَا
إذَا تْبَسَمْلَكْ عَنْدُو في القَصْدْ ملعُوبْ *** خُوذْ حَذْرَكْ مَنُو عَنْدُو الغَدَرْ لَعْبَة
*بِيتْ*
لْسَانُو يَطْلَقْ في النَارْ و المْشَاهَبْ *** مَا تْرَكْ وَاحَدْ إلاَّ في قْفَاهْ غَتْبُو
ما سْلَكْ مَنُو الصَّغِيرْ وَ لاَ الكْبِيرْ شَايَبْ *** شُوفْ وَجْهُو يُورِيلَكْ مَا اخْفَا في قَلْبُو
أنْتَبَهْ يا رَاسِي ذَالوَقْتْ رَاهْ صَاعَبْ *** يا وِيحْ من لا يقْرا لَلْعَاقْبَة حْسَابُو
الصَّدْقْ و الأمَانْ في ذالزّْمَانْ غَابُو ***
*عروبي*
على وَجْهُو ظَاهَرْ القُبْحْ وَكلْ عْيُوبْ *** وَ يْقَطّعْ في الأشْرَفْ بَالبُهْتْ وْ يَغْتَبْ
وُجُوهْ البَلَاء شْمَايَتْ ما تَخْجَلْ ما تْتُوبْ *** أجْتَانَبْ يا فْطِينْ خُلْطَتْهُمْ و اهْرَبْ
يَنْهَشْ في عَرْضْ النَاسْ كِي المَكْلُوب *** يَجْرِي وَرَاء البْلاَء ما ايْمَلْ و لاَ يتْعَبْ
وَيْقُولْ العِيبْ في اسْيَادُو وَيَشْتَمْ و يْسَبْ ***
*مَطْلَعْ*
في اسْيَادُو يَتْكَلَّمْ الدَّانِي المَغْلُوبْ *** مَا اخْجَلْ من عِيبُو ما خَافْ من العْقُوبَة
البَاخَسْ الوَاطِي الذَّلْ لاَبْسُو ثُوبْ *** بْهيم نَاطَقْ عُمْرُو ما شاَفْ ما تْرَبَّى
ايْقَلْقَكْ وَلُو كَانْ عَنْكْ صَبْرْ أيُّوبْ *** بْعِيرْ شَافْ الغِيرُو و انْسَا لِيهْ حَدْبَة
· *بِيتْ*
انْسَا عْيُوبُو وَ بْقَا في عْيُوبْنَا يْعَاتَبْ*** والنَّمِيمَة دَارْهَا قُوتُو و مَاء شْرَابُو
وَهُوَ عَايَشْ حْيَاتْ بْهِيمَتْ الزّْرَايَبْ*** من البُغْضْ انْعْمَات عْيُونُو ومَاتْ قَلْبُو
أنْتَبَهْ يا رَاسِي ذالوَقْتْ رَاهْ صأعَبْ *** يَا ويحْ من لاً يقْرَا لَلْعَقْبَة حْسَابُو
الصَّدْقْ والأمانْ في ذالزَّمأنْ غَابُو ***
*عروبي*
أطْلَبْتَكْ يا خَالْقِي وَ انْتَ المَوجِيبْ *** كُلْ من طَلْبَكْ نَالْ ما تْخِيَّبْ طَالَبْ
قُوِّنَا و اسْتَرْنَا يا سَتَّارْ العِيبْ *** و اغْفَرْ لَلْمُومْنِينْ يَوْمْ انْ تَتْحَاسَبْ
أقِنَا شَرْ البَلاَء و فَرَّجْ على الكَئيبْ *** يا سْنِيدْ المَضْيُومْ من جَاء لَكْ هَارَبْ
وَ اكْشَفْ قُومْ النِّفَاقْ و مَنْ هُو كَاذَبْ ***
*مطْلَعْ*
جِيتَكْ يا رَبِّي بْجَاهْ النَّبِي المَحْبُوبْ *** يا مْيَسَّرْ الأمُورْ سَهَّلْ لِي الصّعِبَة
بِجَاهْ كُلْ أهْلْ الله الصَالْحِينْ ولَكْتُوبْ *** لاَ اتْخِيَّبْنِي يا المُولَى في كُلْ طَلبَة
شَافِينِي كِمَا ا شْفِيـتْ من ألضَّرْ أيّوبْ*** ونَجِيتْ إبْرَاهِيمْ من صْهُودْهَا اللَّهِيبَة
*بيت*
غِيثْنَا وانْصَرْنَا يا غُوثْ كُلْ هَارَبْ*** من هُمُومْ الدَّنْيَا و الهُولْ في عْقَابُو
يا من لاَ ظَرَّكْ عَاصِي ما اغَنَاكْ تَايَبْ*** لُوْ عْصَاوْ عْبَادَكْ جَمْلَة أوْ تَابُو
أنْتَبَهْ يا رَاسِي رَاهْ الوَقْتْ صَاعًبْ*** يا وِيحْ من لا يَقْرَا لَلْعَاقْبَة حْسَابُو
الصَّدْقْ و الأمَانْ في ذَالزّمَانْ غَابُو ***
*عروبي*
الحَمْدُ لله السَامِيعْ المُوجِيبْ *** ادْعِيتُو وَ اسْتَجَابْلِي وَ اوْفَا طَلْبِي
رَزَقْنِي لَذَّةْ الحَيَاةْ زَهْوْ وَفرْحْ عْجِيبْ *** وَ اعْطَانِي من كُلْ فَايْدَة نَلْتْ نْصِيبِي
وَاللٍّي يَطْلَبْ خَالْقِي مُوحَالْ إيخِيبْ *** خْزَايْنُو مَفْتُوحِينْ لِمَنْ حَبْ إيْعَبِي
دُوَّمْهَا نِعْمَة اسْئَلْتَكْ يا رَبِّي ***
*مطلع*
اللهُمَّ دوَّمْهَا نِعْمَة يَا التُوَّبْ *** يا من هُو دَارِي بِكُلْ ما خْفِيتْ رَاقَبْ
بِجَاهْ طَهَ وَبِجَاهْ أهْلُو انْصَارْ وَاصْحَابْ*** أحْفَادْ وَ الأزوَجْ وَ بِجأه كُلْ تَايَبْ
بِجَاهُمْ نَتْوَسَّلْ و اللِّي طَلَبْتْ مُوجَابْ *** سَمِيعْ مُوجِيب قَرِيبْ مُوعْطِي لِك طَالَبْ
*بيت*
وَفًقْنا يا مُولَيْ وَ هُوَّنْ كُلْ صَا عَبْ *** المُؤمِنينْ كَافَّة كُلْهَا ايْنالْ طَلْبُو
دَرْتْ تَكْلِي و رْجَايَا فيكْ يا الرَّاقَبْ *** كُونْ للَّضّرْ الخَفِي في الحْشَا طْبِيبُو
أنا في عَارْ المُصْطَفَى جِيتْ لِيكْ هَارَبْ *** أجْعَلْنِي من اللِّي ايْجِيبْ في اليُمْنَة كْتَابُو
اخْتَمْتْهَا بَالنِّيَة و رَبِي شْهِيدْ رَاقَبْ *** ما اغْتَبْتْ ما نَعْبَا بَاللِّي طْغَاوْ كَلْبُو
غِيرْ أرَّخْتْ وَ كْتَبْتْ ما رِيتْ من غْرايَبْ*** في ذَالزَّمَانْ المَكْشُوفْ الظَاهْرَا عْيُوبُو
من هُولْ ما شَفْنَاهْ القَلْبْ رَاهْ طَايَبْ *** ما قْدَرْنَا لَبْرَازُو صَاعْبَة حْرُوبُو
أنْقَلْبَتْ الأيَة و تْرَجْلُو الذّوَرَبْ *** كِي افْرَغْ المِدانْ من الرٍّجَالْ هَرْبُو
السّْبَعْ صَارْ اليُومْ ايْخَافْ من الأرَانَبْ *** والعُقُولْ من هُولْ الصَّدْمَة عيَاوْ تَعْبُو
اللِّي كَانْ البَا رَح مرْكُوبْ رَاه رَاكَبْ *** كِي سَابْ المِد انْ سَبْقُو القُرُود رَكْبو
اتْخَلْطَت الأُمُورْ ما بْقَاشْ شِئ مْصَاوَبْ *** و اصْبَحْ مُولْ العِيبْ يَتْبَاها بْعِيبُو
أسْمِي في الأبَجَدْ بَالدِّقَة مْرَتّبْ *** عْدَادْ مِيتِينْ ضِيفْلُو عَشْرَة على حْسَابٌو
و الثّلاثِينْ بَعْدْ الوَاحَدْ جَاء مْصَاوَبْ *** وَفِّي لْمُحَمّدْ يا ذالكَرِيمْ طَلْبُو
وَ السَّلاَمْ على الأدَبَاء أهْلْ المَوَاهَب *** بَالمَسْكْ و العَنْبَرْ لَشْيَاخْنَا نْهيبُو
أنْتَبَهْ يا رَاسٍي رَاهْ الوَقْتْ صَاعَبْ*** يا وِيحْ من لا يَقْرَا لَلْعَاقْبَة حْسَابُو
الصَّدْقْ وَ الأمَانْ في ذَالزَّمَانْ غَابُو***
تمت بعون الله وقوته
محمد ريال .
عِيشْ تَسْمَعْ و تْشُوفْ بْعِينَكْ العَجَايَبْ *** في ذَالزَّمَانْ المَقْلُوبْ رَاسُو على اْعْقَابُو
دَنْيَا مَقْلُوبَة و مْعَمْرَة غْرَايَّبْ *** مَنْ اهْوَالْهَا وَ مْصَايَبْهَا صْغَارْ شَابُو
مَا بْقاتْ لا نِيَة و لاَ صْدِيقْ صَاحَبْ *** رَاهْ يَنْدَمْ مَنْ دَارْ الامَانْ في اصْحَابُو
الصَّدِيقْ في ذَالزَّمَانْ على الصَّدِيقْ يَكْذَبْ*** وْإذَا مَا فِيكْشْ النّْفَعْ يَلْغِيكْ مَنْ حْسَابُو
لا مُرُوئَة قَعْدَتْ و لا رْفَاقْ تَعْجَبْ*** الرِّجَالْ الصُّلَاحْ تَرْكُهَا وْ هَرْبُو
إذَا دَرْتْ النِّيَة يعْطوكْ على الرّكَايَبْ*** يْطىَيْحُوكْ وَ يْقُولُو جَايَحْ وَاشْ جَابُو
إذَا صَحْبُو حَد عِينْهُمْ في وَاشْ يَكْسَبْ*** وَ يَنْفْرُو مْنَ الفَقِيرْ الفَارْغَا جْيَابُو
أنْتَبَهْ يا رَاسِي ذَالوَقْتْ رَاهْ صَاعْبْ *** يا وِيحْ مَنْ لاَ قْرا لَلْعاقْبَة حْسَابُو
الصَّدْقْ و الأمَانْ في ذَالزَّمَانْ غَابَو***
*عْرُوبِي*
أنْتَبَهْ يا رَاسِي ذالوَقْتْ رَاهْ صْعِيبْ*** وَ البْلاَء يَهْطَلْ كِي المَطَرْ دُونْ سْحَايَبْ
لاَ صاحَبْ وَافِي لاَ مَنْ تْقُولْ حْبِيبْ*** في سَاعَتْ الذيقْ تَبْقَا بْلا صَاحَبْ
يْقُولُو فِيكْ كْلامْ يَجْرَحْ كُلُو عِيبْ *** و يْقَطْعُوكْ بَلْسُونْهُمْ وَ انْتَ غَايَبْ
احْذَرْ بَالَكْ يا غْشِيمْ رَاهْ وَقْتْ مْصَايَبْ ***
*مَطْلَعْ*
هَذَا وَقْتْ مْصَايَبْ وَ النِّفَاقْ وَ كْذُوبْ *** كُلْ وَاحَدْ يَحْفَرْ لْخُوهْ كَافْ رِيبَة
مَن تْضَنُو صَافي تْصِيبُو مْعَمَرْ عْيُوبْ *** وَيضْحَكْ عْلِيكْ إذا كُنْتْ في مْصِيبَة
كُونْ حَاذَقْ وَاعِي الحَذرْ رَاهْ مَطْلُوبْ ***اشْحَالْ من وَاحَدْ طأحْ اسْبَابُو السِّيبَة
*بِيتْ*
رَدْ بَالَكْ رَاهُمْ ذَالنَّاسْ كِي الثَّعَالَبْ *** االعَبْدْ يَزحَفْ حَيَّة و السَّمْ في انِيَابُو
إذا ضْحَكْلَكْ عَنْدُو مَقصُودْ فيهْ رَاغَبْ *** و إذَا قْضَا مَنَّكْ اصْلاَحُو يَسَدْ بَابُو
أانْتَبَهْ يَا رَاسِي ذَالْوَقْتْ رَاهْ صَاعَبْ*** يَا وِيحْ مَنْ لا يَقْرَا لَلْعَاقْبَا حْسَابُو
الصَّدْقْ وَ الأمَانْ في الزَّمَانْ غَابُو***
*عرُوبِي*
كُونْ وَاعِي هَذَا ذَالزَّمَانْ ما فيهْ حْبِيبْ *** لاَ صَاحَبْ تَلْقَاهْ في ذِيقْ المَصَايَبْ
الغَدْرَة و الغُشْ عَنْدَهُمْ مَا فِيهَا عِيبْ *** ما تْصِيبْ مَنْهُمْ شَهْمْ ايْدِيرْ الواجَبْ
غِيرْ الوَاشِي في الكَلاَمْ يَدِّي وَ ايْجِيبْ *** وَ يَحْلَفْ اليَمِنْ و هُوَ كَاذَبْ
مَنْ خَالَطْهُمْ يُصَادَفْ الشَّقَاء و المَتَاعَبْ ***
*مَطْلَعْ*
االبْلَاء في خُلْطَتْهُمْ و الوَزَارْ و الذُنُوبْ *** كُلْ يُومْ ايْجِيكْ بْفَتْنَة بْغِيرْ سَبَة
اللِّي كَانْ عْلِهُمْ يَظْحَى عْلِيكْ مَحْسُوبْ *** كُونْ ذِيبْ اقْبَلْ ما يَاكْلُوكْ الذّْيُوبَا
إذَا تْبَسَمْلَكْ عَنْدُو في القَصْدْ ملعُوبْ *** خُوذْ حَذْرَكْ مَنُو عَنْدُو الغَدَرْ لَعْبَة
*بِيتْ*
لْسَانُو يَطْلَقْ في النَارْ و المْشَاهَبْ *** مَا تْرَكْ وَاحَدْ إلاَّ في قْفَاهْ غَتْبُو
ما سْلَكْ مَنُو الصَّغِيرْ وَ لاَ الكْبِيرْ شَايَبْ *** شُوفْ وَجْهُو يُورِيلَكْ مَا اخْفَا في قَلْبُو
أنْتَبَهْ يا رَاسِي ذَالوَقْتْ رَاهْ صَاعَبْ *** يا وِيحْ من لا يقْرا لَلْعَاقْبَة حْسَابُو
الصَّدْقْ و الأمَانْ في ذالزّْمَانْ غَابُو ***
*عروبي*
على وَجْهُو ظَاهَرْ القُبْحْ وَكلْ عْيُوبْ *** وَ يْقَطّعْ في الأشْرَفْ بَالبُهْتْ وْ يَغْتَبْ
وُجُوهْ البَلَاء شْمَايَتْ ما تَخْجَلْ ما تْتُوبْ *** أجْتَانَبْ يا فْطِينْ خُلْطَتْهُمْ و اهْرَبْ
يَنْهَشْ في عَرْضْ النَاسْ كِي المَكْلُوب *** يَجْرِي وَرَاء البْلاَء ما ايْمَلْ و لاَ يتْعَبْ
وَيْقُولْ العِيبْ في اسْيَادُو وَيَشْتَمْ و يْسَبْ ***
*مَطْلَعْ*
في اسْيَادُو يَتْكَلَّمْ الدَّانِي المَغْلُوبْ *** مَا اخْجَلْ من عِيبُو ما خَافْ من العْقُوبَة
البَاخَسْ الوَاطِي الذَّلْ لاَبْسُو ثُوبْ *** بْهيم نَاطَقْ عُمْرُو ما شاَفْ ما تْرَبَّى
ايْقَلْقَكْ وَلُو كَانْ عَنْكْ صَبْرْ أيُّوبْ *** بْعِيرْ شَافْ الغِيرُو و انْسَا لِيهْ حَدْبَة
· *بِيتْ*
انْسَا عْيُوبُو وَ بْقَا في عْيُوبْنَا يْعَاتَبْ*** والنَّمِيمَة دَارْهَا قُوتُو و مَاء شْرَابُو
وَهُوَ عَايَشْ حْيَاتْ بْهِيمَتْ الزّْرَايَبْ*** من البُغْضْ انْعْمَات عْيُونُو ومَاتْ قَلْبُو
أنْتَبَهْ يا رَاسِي ذالوَقْتْ رَاهْ صأعَبْ *** يَا ويحْ من لاً يقْرَا لَلْعَقْبَة حْسَابُو
الصَّدْقْ والأمانْ في ذالزَّمأنْ غَابُو ***
*عروبي*
أطْلَبْتَكْ يا خَالْقِي وَ انْتَ المَوجِيبْ *** كُلْ من طَلْبَكْ نَالْ ما تْخِيَّبْ طَالَبْ
قُوِّنَا و اسْتَرْنَا يا سَتَّارْ العِيبْ *** و اغْفَرْ لَلْمُومْنِينْ يَوْمْ انْ تَتْحَاسَبْ
أقِنَا شَرْ البَلاَء و فَرَّجْ على الكَئيبْ *** يا سْنِيدْ المَضْيُومْ من جَاء لَكْ هَارَبْ
وَ اكْشَفْ قُومْ النِّفَاقْ و مَنْ هُو كَاذَبْ ***
*مطْلَعْ*
جِيتَكْ يا رَبِّي بْجَاهْ النَّبِي المَحْبُوبْ *** يا مْيَسَّرْ الأمُورْ سَهَّلْ لِي الصّعِبَة
بِجَاهْ كُلْ أهْلْ الله الصَالْحِينْ ولَكْتُوبْ *** لاَ اتْخِيَّبْنِي يا المُولَى في كُلْ طَلبَة
شَافِينِي كِمَا ا شْفِيـتْ من ألضَّرْ أيّوبْ*** ونَجِيتْ إبْرَاهِيمْ من صْهُودْهَا اللَّهِيبَة
*بيت*
غِيثْنَا وانْصَرْنَا يا غُوثْ كُلْ هَارَبْ*** من هُمُومْ الدَّنْيَا و الهُولْ في عْقَابُو
يا من لاَ ظَرَّكْ عَاصِي ما اغَنَاكْ تَايَبْ*** لُوْ عْصَاوْ عْبَادَكْ جَمْلَة أوْ تَابُو
أنْتَبَهْ يا رَاسِي رَاهْ الوَقْتْ صَاعًبْ*** يا وِيحْ من لا يَقْرَا لَلْعَاقْبَة حْسَابُو
الصَّدْقْ و الأمَانْ في ذَالزّمَانْ غَابُو ***
*عروبي*
الحَمْدُ لله السَامِيعْ المُوجِيبْ *** ادْعِيتُو وَ اسْتَجَابْلِي وَ اوْفَا طَلْبِي
رَزَقْنِي لَذَّةْ الحَيَاةْ زَهْوْ وَفرْحْ عْجِيبْ *** وَ اعْطَانِي من كُلْ فَايْدَة نَلْتْ نْصِيبِي
وَاللٍّي يَطْلَبْ خَالْقِي مُوحَالْ إيخِيبْ *** خْزَايْنُو مَفْتُوحِينْ لِمَنْ حَبْ إيْعَبِي
دُوَّمْهَا نِعْمَة اسْئَلْتَكْ يا رَبِّي ***
*مطلع*
اللهُمَّ دوَّمْهَا نِعْمَة يَا التُوَّبْ *** يا من هُو دَارِي بِكُلْ ما خْفِيتْ رَاقَبْ
بِجَاهْ طَهَ وَبِجَاهْ أهْلُو انْصَارْ وَاصْحَابْ*** أحْفَادْ وَ الأزوَجْ وَ بِجأه كُلْ تَايَبْ
بِجَاهُمْ نَتْوَسَّلْ و اللِّي طَلَبْتْ مُوجَابْ *** سَمِيعْ مُوجِيب قَرِيبْ مُوعْطِي لِك طَالَبْ
*بيت*
وَفًقْنا يا مُولَيْ وَ هُوَّنْ كُلْ صَا عَبْ *** المُؤمِنينْ كَافَّة كُلْهَا ايْنالْ طَلْبُو
دَرْتْ تَكْلِي و رْجَايَا فيكْ يا الرَّاقَبْ *** كُونْ للَّضّرْ الخَفِي في الحْشَا طْبِيبُو
أنا في عَارْ المُصْطَفَى جِيتْ لِيكْ هَارَبْ *** أجْعَلْنِي من اللِّي ايْجِيبْ في اليُمْنَة كْتَابُو
اخْتَمْتْهَا بَالنِّيَة و رَبِي شْهِيدْ رَاقَبْ *** ما اغْتَبْتْ ما نَعْبَا بَاللِّي طْغَاوْ كَلْبُو
غِيرْ أرَّخْتْ وَ كْتَبْتْ ما رِيتْ من غْرايَبْ*** في ذَالزَّمَانْ المَكْشُوفْ الظَاهْرَا عْيُوبُو
من هُولْ ما شَفْنَاهْ القَلْبْ رَاهْ طَايَبْ *** ما قْدَرْنَا لَبْرَازُو صَاعْبَة حْرُوبُو
أنْقَلْبَتْ الأيَة و تْرَجْلُو الذّوَرَبْ *** كِي افْرَغْ المِدانْ من الرٍّجَالْ هَرْبُو
السّْبَعْ صَارْ اليُومْ ايْخَافْ من الأرَانَبْ *** والعُقُولْ من هُولْ الصَّدْمَة عيَاوْ تَعْبُو
اللِّي كَانْ البَا رَح مرْكُوبْ رَاه رَاكَبْ *** كِي سَابْ المِد انْ سَبْقُو القُرُود رَكْبو
اتْخَلْطَت الأُمُورْ ما بْقَاشْ شِئ مْصَاوَبْ *** و اصْبَحْ مُولْ العِيبْ يَتْبَاها بْعِيبُو
أسْمِي في الأبَجَدْ بَالدِّقَة مْرَتّبْ *** عْدَادْ مِيتِينْ ضِيفْلُو عَشْرَة على حْسَابٌو
و الثّلاثِينْ بَعْدْ الوَاحَدْ جَاء مْصَاوَبْ *** وَفِّي لْمُحَمّدْ يا ذالكَرِيمْ طَلْبُو
وَ السَّلاَمْ على الأدَبَاء أهْلْ المَوَاهَب *** بَالمَسْكْ و العَنْبَرْ لَشْيَاخْنَا نْهيبُو
أنْتَبَهْ يا رَاسٍي رَاهْ الوَقْتْ صَاعَبْ*** يا وِيحْ من لا يَقْرَا لَلْعَاقْبَة حْسَابُو
الصَّدْقْ وَ الأمَانْ في ذَالزَّمَانْ غَابُو***
تمت بعون الله وقوته
محمد ريال .