المساعد الشخصي الرقمي

مشاهدة النسخة كاملة : فكره لرمضان ما رأيكم فيها.................

amina 84
31-05-2015, 01:36 PM
بسم الله الرحمن الرحيم
و الصلاة و السلام على أشرف المرسلين و آله و صحبه و من تبعهم بإحسان إلى يوم الدين

السلام عليكم و رحمة الله تعالى و بركاته يا آل البيت الأزرق الجميل

في الحقيقه خطرتلي فكره لرمضان و ستكون تحديدا إذا حازت و نالت إعجابكم في قسم في رحاب رمضان
بدايه الفكره كانت قعده في بيتي إداري طبعا ما راحش نجيكم لدياركم هههههه ...
و لكن لماذا قعده في بيت إداري لأن عددهم محدود و يمكن إصطيادهم ههه و إستضافتهم كلهم في رمضان على مدار التسع و عشرين يوم و لكن حبيت نوسع الفكره و ما نحقر حتى واحد إلى قعده في بيت شروقي طبعا هذا يشمل الشروقيات أيضا حتى نتمكن من إستضافات أكثر و من ولايات مختلفه و يمكن إشراك في الإستضافه الواحده أكثر من شخص من نفس الولايه و سأتحاور معكم و معكن عن العادات الإيمانيه بالدرجه الأولى في الشهر الفضيل و أعرج أيضا عن الكوزينه و شهوات البطون هههه و ليلة الليالي أو عروس الليالي الرمضانيه ليلة السابع و العشرين راح تكون قعده تبسيه أكثر من رائعه و سوبر سووووووووووووووووووووووبر خياليه و دسمه جدا جداااااااااااااااااااااااااااااااااااااااااااااااا و لاااااااااااااا في الأحلاااااااااااام و في يلل مع الزوج المميز و الأكثر من رائع سليم يلل و زوجه بما أن رمضان هذا هو الأول لهما مع بعض كزوج و زوجه حبيت نحتفي بيهم على طريقتي
إن شاء الله تعجبكم الفكره و تعاونوني على تجسيدها و تحقيقها خاصة أني ما نعرفش الإنتماءات الولائيه لكثير من الأشخاص هنا لذا أحتاج مساعدتكم و قبلها دعمكم و إقتراحاتكم إذا عندكم
(خطرلي البارحه في جوله على ضوء القمر بين شجرتي الرمان و الزعرور و راحت معي حتى لسرير نومي محدثتكم كتابيا خياليه فوق العاده عند ترتيب أفكارها و التجهيز لمفاجأه ما هههههههه)
و شكرا جزيلا بحجم قلبي و قلوبكم
دائمة الذكر
31-05-2015, 01:40 PM
لي عودة يا امونة.... صديقاتي عندي و رانا دايرين لمة تحححححفة ... خصيتي قَ انت و الكتشايع... راني درتلهم مقروط و طمينة و مسمن... حديثنا اليوم عن الشهر الفضيل ... اللهم بلغنا رمضان ....
ام زين الدين
31-05-2015, 01:43 PM
http://montada.echoroukonline.com/chorouk-style/images/rc.png الذين يشاهدون محتوى الموضوع الآن : 4 ( الأعضاء 2 والزوار 2) ‏ام زين الدين (http://montada.echoroukonline.com/member.php?u=82779), ‏دائمة الذكر (http://montada.echoroukonline.com/member.php?u=101700)
بسم الله اذا فهمتي فهميني قلت نتصور خير ما نخرج فارغة
ام زين الدين
31-05-2015, 01:45 PM
لي عودة يا امونة.... صديقاتي عندي و رانا دايرين لمة تحححححفة ... خصيتي قَ انت و الكتشايع... راني درتلهم مقروط و طمينة و مسمن... حديثنا اليوم عن الشهر الفضيل ... اللهم بلغنا رمضان ....

http://vision.ae/uploads/article_images/culture_images/freej-characters-pose-2.jpg

سلمي عليهم
إشراق2
31-05-2015, 01:47 PM
عجبتني الفكرة امينتي
اللهم بلغنا رمضان لا فاقدين ولا مفقودين
ام زين الدين
31-05-2015, 01:47 PM
اذا ما فيهاش الدراهم غير ما دوريش بيا
amina 84
31-05-2015, 01:52 PM
عجبتني الفكرة امينتي
اللهم بلغنا رمضان لا فاقدين ولا مفقودين
هههههههههههههههههه فهميها لبنت عمك إللي أحبطتني بردها و أنا إللي ديما نشجع فيها و نطلعلها في المورال كي يهبط
amina 84
31-05-2015, 01:55 PM
لي عودة يا امونة.... صديقاتي عندي و رانا دايرين لمة تحححححفة ... خصيتي قَ انت و الكتشايع... راني درتلهم مقروط و طمينة و مسمن... حديثنا اليوم عن الشهر الفضيل ... اللهم بلغنا رمضان ....
شفتي الله غالب تمنيت نخرج عليكم من الميكرو ههههههه سكر و العسل راهو عال العال في قعدتك ديري بالك تمرضي و لا تخربي ريجيمك
ام زين الدين
31-05-2015, 02:00 PM
فهميها لبنت عمك إللي أحبطتني بردها

وينو الهبوط هذا كلو من الزعرور والرمان ما تنسايناش كي يطيبو وبلاكي لادياري ما تكثريش الفكرة زوينة واصيلي واذا عشنا هذاك الوقت ندعموك حبيببة
إشراق2
31-05-2015, 02:00 PM
هههههههههههههههههه فهميها لبنت عمك إللي أحبطتني بردها و أنا إللي ديما نشجع فيها و نطلعلها في المورال كي يهبط



هههههههه ما زال ما شربتش القهوة
بنت عمي الفكرة تقول عندنا 29 يوم في رمضان بإذن الله كل يوم رايحين نستضيفو شروقي أو شروقية يحكي لنا عن العادات والتقاليد الرمضانية في منطقته يعني ينقل لنا جو رمضان من جميع الجوانب العادات الدينية والروحية والمطبخية وليلة 27من رمضان ستكون بإذن الله تبسية مع أمينة أرقام
وسيكون لكل من العروسين سليم يلل وزوجته نصيب خاص في هذه الصفحة بما انه أول رمضان لهما في عش الزوجية ربي يهنيهم

يعني بالمختصر ماكانش دراهم كتشيعة :8:
تأمل عقل
31-05-2015, 02:03 PM
الفكرة فعالة جسديها معك كيف يمكن لنا (لي)المساهمة حتى يكون شهر رمضان تربصا مغلقا مفيدا جدا له طابع وطني متعدد الخدمات
لاتتأخري في تحدثد المهام والأهداف والوسائل
شكرا لك
هنا يكمن الفرق بين خيال الإبداع وخيال الوهم ،خيال الصحة والسلام الفكرية وخيال المرض والمهرب
انا هي
31-05-2015, 02:13 PM
.
.
.
فكرة جميلة امون ...
فقط عندي اقتراح ...
.
.
.
.
.
.
.
نولي انا المبعوث الرسمي تاعكـ ...
و يعرضوني قاع و نقرعجلكـ عليهم ...
بشرط النصفية عند دودي و 27 عندكـ ...
ليلة الشكـ عند ام عزيزوا باش تربطلي الحنة ...
و نعيّد عند اماني راهي واعدتني بالبقلاوة ...
.
.
.
amina 84
31-05-2015, 02:19 PM
الفكرة فعالة جسديها معك كيف يمكن لنا (لي)المساهمة حتى يكون شهر رمضان تربصا مغلقا مفيدا جدا له طابع وطني متعدد الخدمات
لاتتأخري في تحدثد المهام والأهداف والوسائل
شكرا لك
هنا يكمن الفرق بين خيال الإبداع وخيال الوهم ،خيال الصحة والسلام الفكرية وخيال المرض والمهرب

كلام كبير أوي
شكرا جزيلا
رمضان هو بالدرجه الأولى للعباده و لازم نستفيدوا من بعضنا قدر الإمكان في هذا المجال و حتى الترويح عن أنفسنا في ذات الإيطار و إحتساب ذالك عند الله من باب إدخال السرور و البهجه على القلوب المسلمه و نحن نذكرها و نتذكر في حضرتها الله
@براءة
31-05-2015, 02:23 PM
فكرة مليحة امون
في المتابعة
amina 84
31-05-2015, 02:23 PM
.
.
.
فكرة جميلة امون ...
فقط عندي اقتراح ...
.
.
.
.
.
.
.
نولي انا المبعوث الرسمي تاعكـ ...
و يعرضوني قاع و نقرعجلكـ عليهم ...
بشرط النصفية عند دودي و 27 عندكـ ...
ليلة الشكـ عند ام عزيزوا باش تربطلي الحنة ...
و نعيّد عند اماني راهي واعدتني بالبقلاوة ...
.
.
.


أهلا و سهلا يشرفني و شروطك على راسي من فوق يا هجورة المهم جيبيلي قسمتي من بقلاوة أماني
amina 84
08-06-2015, 09:22 AM
فكرة مليحة امون
في المتابعة

إنتي إللي أكثر من مليحه و روعه مؤسف ما نقدرش نردلك خلعتك ليا تعيشي و نعيش في ها المنتدى و نردلك بوكس حلو أوي أوي هههههه
أم زيد
08-06-2015, 04:18 PM
موضوع مميّز

يبشرك بالخير يا أمينة

خبر زواج سليم أفرحني جدا جدا جدا

يا أم هديل دلّيني على المواضيع إذا كنت قرعجت على العرس
amina 84
09-06-2015, 02:36 PM
موضوع مميّز

يبشرك بالخير يا أمينة

خبر زواج سليم أفرحني جدا جدا جدا

يا أم هديل دلّيني على المواضيع إذا كنت قرعجت على العرس


و يبشرك يا أم الزيد المهم إنك تكوني موجوده في رمضان
و أم هديل ما قرعجتش على زواج خونا سليم اللهم إلا نشر صوره لعروسين في أحد المساجد التركيه على أساس أن سليم و عروسه عسلوا هناك