كسّر محمد وليد السلطان الزجاج وشاف الدنيا محلاها

[اماني أريس]

http://montada.echoroukonline.com/showthread.php?t=306453
مساء الخير عليكم وصحا فطوركم
نكملو في هاد الليلة حكايتنا مع محمد وليد السلطان كي تلاقى بالعجوزة الستوتة لي حبت تخرجو للناس بعد ما طلبت منو يهز لعظم تاع اللحم ويضرب بيه سقف القبة تاع الزجاج ، قام وليد السلطان رمى العظم للسقف تكسر الزجاج ، قام وليد السلطان واحتار قالتلو ، ضك عندك واش دير حط الكرسي واطلع فوقو وشوف منين تكسر الزجاج وردّ عليا
قام وليد السطان حط الكرسي لي كان قاعد عليه وطلع فوقو وطل من لبلاصة لي تكسر فيها الزجاج شاف الدنيا وكان أول مرة يشوفها خاطر باباه السلطان حالف ما يخرجوش برّا وما يشوفوهش غير الناس العلماء

[اماني أريس]

طلع وليد السلطان فوق الكرسي وشاف الدنيا وكان فصل الربيع والناس خرجت تتنزه والدنيا خضرا والورود والازهار والاغنام ترعى والدنيا زي الجنة تاه وليد السلطان حتى نبهاتو العجوز الستوتة قالتلو شفت انت تحسب باباك راهو يحبك وهو ساجنك طول هادو لسنين ؟ ايا نزل وليد السلطان وقالها ضك نخرج ما نزيد حتى دقيقة

هي قالتلو استنى يا وليدي حتى نهرب كون يفيقلي باباك بلّي انا لي حرضتك باه تخرج يقطعلي راسي

ايا هربت الستوتة ، أما وليد السلطان راح قاللهم خرجولي الفرس تاعي باه نخرج برّا

[حلباوي محفوظ]

جميل شكرا أختى الكريمة