دولمة بطاطا مع أكواب دجاج

[@براءة]

للاكواب صدر دجاج رحيتو مع ملح و فلفل اسود و ثوم و نصف قرن فلفل حار و بقدونس و بيضة و شوي شحمة دجاج حتى ما يجيش ناشف و جبت أكواب كبيرة تاع حليب غرفية كما نسموها و حطيت فيها كمية من اللحم و حطيت صبعي في الزيت حتى ما يلصقش و مشيتها على كامل الاطراف و حطيتها فارت في كسكاس مدة 15 دقيقة و جبتهم و هوما في الغرفية حشيتهم جبن طري و فوقو طبقة من لحم مفروم متبل بملح و فلفل اسود و ثوم مرحي و رجعتها للكسكاس فارت مدة 10 دقائق اخرى حتى طاب اللحم المفروم ممكن تقدموها كما هك لكن انا حبيت نعطيها لون جميل خرجتها من الاكواب و درتها في زيت سخون حمرتها شوي و قدمتها
اما بالنسبة للدولمة
حضرت صوص ابيض دجاج تبلتو ملح و فلفل اسود و ثوم مرحي و بصلة مرحية و بقدونس مقطع رقيق وزيتون أخضر و زيت و راس حانوت و شوي كمون و ورقة رند و قليتهم مليح و من جهة اخرى حفرت البطاطا تاعي من الافضل نختار حبات صغار و حشيتهم لحم مفروم متبل بملح و فلفل اسود و ثوم مرحي و بقدونس مقطع رقيق و نصف قرن فلفل حار مقطع رقيق و حشيت البطاطا تاعي و قليتها في الزيت حتى تحمرت و اخذت لون جميل و تقريبا طابت نصفيها و نحطها في الصوص و نخليها تكمل طياب و نقدمها مع رشة بقدونس و ممكن نرجعها للفرن حتى تنشف الطبقة الي فوق و تتحمر اكثر او نقدمها مباشرة
http://i.imgur.com/JWjLAnq.png (http://imgur.com/JWjLAnq)

http://i.imgur.com/DhCQGQM.png (http://imgur.com/DhCQGQM)

http://i.imgur.com/KLWSTuP.png (http://imgur.com/KLWSTuP)

http://i.imgur.com/CEyQRgv.png (http://imgur.com/CEyQRgv)

http://i.imgur.com/TSM4pjS.png (http://imgur.com/TSM4pjS)

http://i.imgur.com/CbO0urL.png (http://imgur.com/CbO0urL)

http://i.imgur.com/bBtYTDs.png (http://imgur.com/bBtYTDs)


للامانة الوصفة منقولة
بارك الله في صاحبتها

[ام زين الدين]

الله يبارك تسلمي حبيبتي

[amina 84]

فكرة رائعة و جميلة جدا و لكن لو كان شكلتي اللحم في قالب الكب كيك أكيد راح تعطي شكل جمالي فارق
جاء في المقادير شحمة الدجاج وين جت هاذي الشحمة عمري مالقيت في الدجاج شحم ديما نديرولوا يا شحمة الدوارة يا شحمة الكلوى حسب الوصفة و ساعات نديرو شوية زبدة و شوية كريم فريش

[غايتي رضا الرحمن]

السلامُ عليكم

تسلم الأيادي يا رائعة
اعجبتني فكرة الأكواب، رائعة جدا جدا جدا ماشاء الله
***
بالنسبة لدولمة البطاطا نحن ايضا نطبخها لكن نخليها تطيب مباشرة في المرق {يعني مانحمروهاش في الزيت }

بوركتِ يا غالية :13:

[محبة الشهادة]

باين عليها شهية
بأذن الله أجربها

مشكورة أختي براءة على الوصفة

[@براءة]

الله يبارك تسلمي حبيبتي

الله يبارك فيك و يسلمك حبوبتي :13::13:

الله لا يحرمني من طلاتك الجميلة

[@براءة]

فكرة رائعة و جميلة جدا و لكن لو كان شكلتي اللحم في قالب الكب كيك أكيد راح تعطي شكل جمالي فارق
جاء في المقادير شحمة الدجاج وين جت هاذي الشحمة عمري مالقيت في الدجاج شحم ديما نديرولوا يا شحمة الدوارة يا شحمة الكلوى حسب الوصفة و ساعات نديرو شوية زبدة و شوية كريم فريش

هذي فكرة للي ماعندهمش قوالب امون :8:

اوااااه يا امون الجاج نتاعكم عامل ريجيم امالا :19:
شوفي كيتنظفي الجاجة راح تلقاي طرف شحمة داخل الجلد لي يجي في البطن

[@براءة]

السلامُ عليكم

تسلم الأيادي يا رائعة
اعجبتني فكرة الأكواب، رائعة جدا جدا جدا ماشاء الله
***
بالنسبة لدولمة البطاطا نحن ايضا نطبخها لكن نخليها تطيب مباشرة في المرق {يعني مانحمروهاش في الزيت }

بوركتِ يا غالية :13:


الله يسلمك يا أروع فطوم ربي يحفظك :13::13:

[@براءة]

باين عليها شهية
بأذن الله أجربها

مشكورة أختي براءة على الوصفة

العفو اخيتي امل اسعدني مرورك الحلو جربيه وردي علينا :13:

[جود الكلمات]

السَّلامُ علَــــيكُم

فكرة هايلة الله يبارك ، يعطيك الصحة اعجبتني
جعلها الله في ميزان الحسنات


أسْتَغْفِرُ الله وأتُوبُ اليْه

[@براءة]

الله يسلمك امورتي ربي يحفظك
منورة