سميرة براهيمي
31-10-2015, 11:17 AM
يا سامع لخبار ما ترحي سنِّيك
راهي الوذن تصغار كي تشهد عينيك
ولا شفت الخَسَّار قولو راني ليك
خلي الفار يصفار و في اشْهر يهنيك
من عازم لحقاد لا بد ايْعريك
طامع في لِيَّام تهمل و اتْخليك
لا تشطح للعيب و لا تعوّق للذيب
خلي ربي اقريب و هو الّي يحميك
يا درباك الليل لا تستنى زغريت
زغرودة الليل تخوف العفريت
خلي الفجر يطل و احكم الكبريت
و ارميها للظل و شوف اشحال ابقيت
اتعمر في الراس و اتقول راني افتيت
او زالق العار في قرعة الزيت
راك تقتل الخير كل ما اتقول انْويت
او راك تحرق في ايْديك كل ما اتقول اقْويت
ايلا اكتب المكتوب او شفتك اتربيت
راني انقول اذنوب لحقاتك للبيت
و قاسي كيما الناس الي لبستهم و كفيت
و استنّى السّباط يرجعلك ايلا حْفيت
ياك انت الي هويت تتسلى بالنار
اتهنى بالفار الي خلاك اسويت
برحمة الوالدين قولولي آمين
لَشفتوا لكلام صافي كيف ابغيت
متسلسل معدول متوازن معقول
كافي للتبليع او راضي بما اقضيت
راهي الوذن تصغار كي تشهد عينيك
ولا شفت الخَسَّار قولو راني ليك
خلي الفار يصفار و في اشْهر يهنيك
من عازم لحقاد لا بد ايْعريك
طامع في لِيَّام تهمل و اتْخليك
لا تشطح للعيب و لا تعوّق للذيب
خلي ربي اقريب و هو الّي يحميك
يا درباك الليل لا تستنى زغريت
زغرودة الليل تخوف العفريت
خلي الفجر يطل و احكم الكبريت
و ارميها للظل و شوف اشحال ابقيت
اتعمر في الراس و اتقول راني افتيت
او زالق العار في قرعة الزيت
راك تقتل الخير كل ما اتقول انْويت
او راك تحرق في ايْديك كل ما اتقول اقْويت
ايلا اكتب المكتوب او شفتك اتربيت
راني انقول اذنوب لحقاتك للبيت
و قاسي كيما الناس الي لبستهم و كفيت
و استنّى السّباط يرجعلك ايلا حْفيت
ياك انت الي هويت تتسلى بالنار
اتهنى بالفار الي خلاك اسويت
برحمة الوالدين قولولي آمين
لَشفتوا لكلام صافي كيف ابغيت
متسلسل معدول متوازن معقول
كافي للتبليع او راضي بما اقضيت