يا طفلة هبلتيني

[chawki dz]

السلام عليكم هذه المحاولة بقلمي chawki dz .




يا طفلة هبلتيني كيفاش عنك نصبر
لشلالقي لوحتيني و ليت انبات البر
منك شيان حالي و انت سباب الضر
قدام لقصى و دّوني كشفتي عني السر



يا طفلة واش ندعيك *** نقرص و لا انخليك
الشواف يتفل بيك *** انفسد لك ذالعمر
يعيا و زينك يروح *** لا ريحة منك اتفوح
اللون والو ممسوح *** و ما يبقالك اصغر
تبقاي ديمة مبخوسة *** نعت البصلة المرفوسة
يقباح لونك مهسوسة *** الغاشي منك ينفر
تنتن لك ذيك الريحة *** ما تبقى جهة صحيحة
يشيان لونك اقبيحة *** و يعواج لك الظهر
يذوبو لك ذوك لخدود *** يولو لك قاع اجلود
و لا حال يبقى مقدود *** النيف يطوال البر
تذهب لك قاع الشوفة *** لا عين تبقى معروفة
و امزرقة نعت الجيفة *** لكلاب منك تنتر
قلتي روح ما تستاهل*** قلتي امشي يا جاهل
يجيك ذالنشد العاجل *** زهدي ما نتكبر
تعياي بفعلك ندمانة *** هاذيك نفسك مليانة
منفوخة شبه الرمانة *** و ياسر من اتغر
يشيان لك ذالخيال *** يصفار لونك يذبال
اكحل مشوط مشعال *** مدكوك في القبر
مازال و اطول المدة *** و اتتفكرني يا سعدة
و يجوا أيام الشدة *** و الفخار ما يتجبر
حال مابقى عن حالو *** لولين عندهم ما قالو
في ليام مهما طالو *** يجي انهار وتعثر
انقول ربي يهديك *** شوفي الحالك يلهيك
هاذي ادعاوي تاتيك *** ما باقي في لعمر



أرجوا أن تنال رضاكم :7:

[chawki dz]

قالك لمن تقرا زابورك يا داود***لافاهم لكلامنا و عجبوه امعانيه
مولاها من الآن مايزيد يعاود***و يقطع خبرو هاذ المنتدى خاطيه
لامن يعرف ذوق الهاذو لقصايد***و لا من فاهم قولنا و يفسر فيه
يسل خيوطو قاع يبعد و يحايد***يا مضنوني الملحون راحو اماليه
كاين بعض اخرين اتخبش واتعاند***وحاشا بعض اخرين القلب اتفاجيه

و السلام ختام

[عامر السمعوني]

انظر للنسبة المشاهدة كثير من يقرأ اشعارك

قصيدة رائعة واصل

[محمد سعيد ريال]

جميل جيدا واصل .اعلم ان الفشل هو عدو الانسان

[new-tech]

أنا عجبني العنوان صراحة :2::2::2:

لا أهوى إطلاقا هذا النوع من الشعر :15:

لكن فيه من يستمتع به أكيد

بالتوفيق أخي :16::7::7:

[chawki dz]

شكرا على المرور مارسسسسسسسسسسسسسسسسسسسسسسسسسسسسسسسسسسي

[BON]

:5:ليس لدي ما اقوله سوى انك تمتلك خيالا واسعا له افق ابعد مما كتبت :14:

[خوني مبروك]

اخي عفوا ولاكن ليس هناك انسجام والتساق في القصيدة واضن انه يجب عليك التطور اكثر