يا مريم...

[chawki dz]

يا مريم... في حبك ماني نادم***** يا شهلة ردي ذالقلب اديتيه
اهجر ذالفريسة خلاني هايم ***** كملتي ع العقل زدتي لحقتيه
****:13:****

غرامك يا ليعتي مافيه انسلم ***** عاشرني بحلاتو ما قادر نخطيه
طاعت لك جوارحي يا مريم ***** عقارك صعيب ماني حاكم فيه
****:13:****

حالي راه شيان دايس و انخمم ***** و ظهر عني بان ما نقدر نخفيه
و اكشفتي عني السر ربي يعلم ***** خايف م العديان جملة تسمع بيه
****:13:****

ياودادة سايسي حبك راه اسقم ***** كلمة منك طيبة قليبي تحييه
من عزك يا ريمتي القلب اتحطم***** واطرحتي فيه وحدك واسكنتيه
****:13:****

أحليتي في خاطري بلا ما نعلم ***** ما دقدقتي باب قلبي ماشاورتيه
اصباحك اربيع كي فل الموسم ***** بزهارو و ورود مشمومو كاسيه
****:13:****

المضحك دقول جوهر فالمبسم ***** بنعمان امحاوطو أحمر ضاويه
ذاك القد معاونو ضيق المحزم ***** تفاحو معصور للخاوي شاهيه
****:13:****

بثرونو مطلوق على الفلقة سلم***** والضامي كي حالتي لازم يرويه
ترياقك يا عارمي يشفي ذالهم ***** قدامك مجروح لازملك تبريه
****:13:****

لعلا من شوفتك نبرا يا عارم***** في لحظة يازينة المبسم تشفيه
و يا عياية حالتي راها تهشم***** و نوح حبيبك للحجر راه امبكيه
****:13:****

باقي لي تفكير في ذاك المرسم ***** نتفكر ما فات و ياما درنا فيه
يا لوكان تعود ليام و اتسقم ***** و نزهى نا و ياك و الهم انفاجيه



تمت بقلمي chawki dz يوم 13-06-2003

[chawki dz]

قالك لمن تقرا زابورك يا داود***لافاهم لكلامنا و عجبوه امعانيه
مولاها من الآن مايزيد يعاود***و يقطع خبرو هاذ المنتدى خاطيه
لامن يعرف ذوق الهاذو لقصايد***و لا من فاهم قولنا و يفسر فيه
يسل خيوطو قاع يبعد و يحايد***يا مضنوني الملحون راحو اماليه
كاين بعض اخرين اتخبش واتعاند***وحاشا بعض اخرين القلب اتفاجيه

و السلام ختام