chawki dz
25-06-2016, 10:35 PM
ياخوتي جاني رمضان***أومنو راني حيران
هم الشمة و الدخان***قولو لي كيفاش اندير
لازم لي نصبح راقد***مانصحى ما نكلم واحد
هذا هو الحل الواجد***ما عنديشي واش ندير
أنايا راجل متقلق***و اللي يخلط فيا نلسق
عندي الخاطر ضيق***واللي جا فالراس يصير
شوفولي أول نهار***تلقاني مرمضن عالجار
شد أوليداتك لصغار***دوخني الهراج اكثير
ياودي راك مرمضن***انعل الشيطان اتفطن
جاوبني جاري متيقن***فصيامي العاقل يحير
يعطوني أهلي القفة***للمرشي نمشي نتفافى
نمليها كامل ما تكفى***الغنمي و لحم البعير
ياخوتي راني ملهوف***عالدوارة و بوزلوف
زيد الرايب والمسفوف***كينشوفهم لعقل يطير
نشهى كاللي تتوحم***كل حاجة ليها نتقدم
نستاهل أنا نتفيهم***ما ننهيشي ع التبذير
كي نلحق ليهم نشنف***خلوني نطلع نطرف
نلقاه فطوري بالخف***وخلوني من اتمسخير
تبدا ذالمخلوقة تناول***و انايا عليها نطاول
انشم الريحة نساول***مع الكيكوطة و التصفير
تلقاني قيس المغرب***للمايدة نمسح وانقرب
فاولادي انكش ونضرب***ع الشمة طايح فالبير
نمرطها ونعود نضاور***المعدة وحروق الجاير
شوفولي كانش صراير***طبخولي منهم عصير
مانطيقش نولي نتكى***ما نقدر يعطيني هكة
نفتح من سروالي تكة***تولي كرشي بندير
جيبولي كانش قهوة***ماتكونش ياسر حلوة
انهاري كامل نتلوى***نشرب فنجالي و نسير
الناس تمشي للجامع***وانا للدومين انسارع
نقعد نتربع فالشارع***حتى الوقت التسحير
الناس اتصلي و اتقوم***كلها بوقتو ملزوم
و نايا باقي مهموم***في بالي مازلت صغير
و ابقينا فهاذ السيرة***مافقتش لعمار قصيرة
ياخوتي راني فحيرة***صيامي فات اتمسخير
كيما حالي ناس اكثار***شياب وشبان اصغار
ضيعوا فرصة لعمار***عمري ما فيه التأخير
ياربي عن فعلي نادم***و هجري ألذنبي عازم
امفرط في جنبك هايم***طامع فالتوبة و الخير
راني في بابك سوال***في عز سيد لرسال
ثبتني عند السؤال***بحضور منكر و نكير
ربي تقبل دوعانا***في ليلة القدر معانا
نح الغبنة و الهانة***و فرج عن كل فقير
ربي فاجي ذ الغمة***زيدلهم احسان وهمة
اللهم انصر ذ الأمة***و افتحهم بيبان الخير
تمت بقلمي chawki dz
http://forum.galbdz.com/styles/default/xenforo/clear.pnghttp://forum.galbdz.com/styles/default/xenforo/smilies/sleep.pnghttp://forum.galbdz.com/styles/default/xenforo/clear.png
هم الشمة و الدخان***قولو لي كيفاش اندير
لازم لي نصبح راقد***مانصحى ما نكلم واحد
هذا هو الحل الواجد***ما عنديشي واش ندير
أنايا راجل متقلق***و اللي يخلط فيا نلسق
عندي الخاطر ضيق***واللي جا فالراس يصير
شوفولي أول نهار***تلقاني مرمضن عالجار
شد أوليداتك لصغار***دوخني الهراج اكثير
ياودي راك مرمضن***انعل الشيطان اتفطن
جاوبني جاري متيقن***فصيامي العاقل يحير
يعطوني أهلي القفة***للمرشي نمشي نتفافى
نمليها كامل ما تكفى***الغنمي و لحم البعير
ياخوتي راني ملهوف***عالدوارة و بوزلوف
زيد الرايب والمسفوف***كينشوفهم لعقل يطير
نشهى كاللي تتوحم***كل حاجة ليها نتقدم
نستاهل أنا نتفيهم***ما ننهيشي ع التبذير
كي نلحق ليهم نشنف***خلوني نطلع نطرف
نلقاه فطوري بالخف***وخلوني من اتمسخير
تبدا ذالمخلوقة تناول***و انايا عليها نطاول
انشم الريحة نساول***مع الكيكوطة و التصفير
تلقاني قيس المغرب***للمايدة نمسح وانقرب
فاولادي انكش ونضرب***ع الشمة طايح فالبير
نمرطها ونعود نضاور***المعدة وحروق الجاير
شوفولي كانش صراير***طبخولي منهم عصير
مانطيقش نولي نتكى***ما نقدر يعطيني هكة
نفتح من سروالي تكة***تولي كرشي بندير
جيبولي كانش قهوة***ماتكونش ياسر حلوة
انهاري كامل نتلوى***نشرب فنجالي و نسير
الناس تمشي للجامع***وانا للدومين انسارع
نقعد نتربع فالشارع***حتى الوقت التسحير
الناس اتصلي و اتقوم***كلها بوقتو ملزوم
و نايا باقي مهموم***في بالي مازلت صغير
و ابقينا فهاذ السيرة***مافقتش لعمار قصيرة
ياخوتي راني فحيرة***صيامي فات اتمسخير
كيما حالي ناس اكثار***شياب وشبان اصغار
ضيعوا فرصة لعمار***عمري ما فيه التأخير
ياربي عن فعلي نادم***و هجري ألذنبي عازم
امفرط في جنبك هايم***طامع فالتوبة و الخير
راني في بابك سوال***في عز سيد لرسال
ثبتني عند السؤال***بحضور منكر و نكير
ربي تقبل دوعانا***في ليلة القدر معانا
نح الغبنة و الهانة***و فرج عن كل فقير
ربي فاجي ذ الغمة***زيدلهم احسان وهمة
اللهم انصر ذ الأمة***و افتحهم بيبان الخير
تمت بقلمي chawki dz
http://forum.galbdz.com/styles/default/xenforo/clear.pnghttp://forum.galbdz.com/styles/default/xenforo/smilies/sleep.pnghttp://forum.galbdz.com/styles/default/xenforo/clear.png