جواز ضرب الزوجات للازواج ( شريعة سلال)

[أبو اسامة]

https://i2.wp.com/www.tariqnews.com/wp-content/uploads/2016/11/%D8%B3%D9%84%D8%A7%D9%84-1-364x245.jpg




https://www.youtube.com/watch?v=vkZ7rSq4Tdo

[أبوهبة]

السلام عليكم

...كل لواحد يدير الحملة كما يحلوا له ولكن كل واحد يدخل قبره وحده،حاسبين الجزائر غير شطيح و رديح .

[عبد المالك سعيد]

سلال مجرد فكاهي وضع من أجل الهاء الشعب عن أمور أهم وأخطر تحاك في الظلام فسلال لا يعرف موضع قدمه من رأسه ولكن السلطة الحاكمة ترى فيه الكلب الوفي لمصالحها وبالتالى مازال في الواجهة

[amina 84]

هههههههههههههههههههههههه عمو سلال نظن هو تعطيه لالاه فريدة في المخبط
على العموم أنا نفضل نعطيه القفة يروح يقضي باش نعمر الفريجيدار و أنا قالتهاش يمة ربي يرحمها نتحزم للميناج لأنو رمضان على الأبواب و حتى غطاوات الشتاء ما تغسلوش فواش مديني للفوط

[أبو اسامة]

هههههههههههههههههههههههه عمو سلال نظن هو تعطيه لالاه فريدة في المخبط
على العموم أنا نفضل نعطيه القفة يروح يقضي باش نعمر الفريجيدار و أنا قالتهاش يمة ربي يرحمها نتحزم للميناج لأنو رمضان على الأبواب و حتى غطاوات الشتاء ما تغسلوش فواش مديني للفوط

هههههههههههه
بعد هدنة عشرين سنة ..طلبت مني أم أسامة نعطيها طريحة صبحة الفوط ( زكارة في سلال)

[فتحي 2009]

السلام عليكم

أمر مضحك ..وشر البلية ما يضحك

أخوكم فتحي

[amina 84]

هههههههههههه
بعد هدنة عشرين سنة ..طلبت مني أم أسامة نعطيها طريحة صبحة الفوط ( زكارة في سلال)


هههههههههههههههههههههههه ما تخرقش الهدنة عمو و روح إشريلها أكثر حاجة تحبها تطيبها و تلم كل العيلة

[وائل (جمال)]

الراجل قالها مازحا ،لكن بعضهم اخذها على انها تصريح او تعليمة او فتوى ..
قالهم مانموتوش قبا ما نبنيو دولتنا ههههههههه وكأن الموت بيدو

[amina 84]

[quote=وائل (جمال);218لراجل قالها مازحا ،لكن بعضهم اخذها على انها تصريح او تعليمة او فتوى ..
قالهم مانموتوش قبا ما نبنيو دولتنا ههههههههه وكأن الموت بيدو[/quote]

بعض الهزل جد شخصيا ما شكيتوش يمزح بالعكس راو يخرج واش في قلبوا و يعبر بلفظه عن ثقافته و ما يعتقد
من قلبي تمنيت ربي يصرعوا بموتة فجأة تصيبه دون ترتيب مسبق أو تحصيل حاصل بعد مرض

[وائل (جمال)]

بعض الهزل جد شخصيا ما شكيتوش يمزح بالعكس راو يخرج واش في قلبوا و يعبر بلفظه عن ثقافته و ما يعتقد
من قلبي تمنيت ربي يصرعوا بموتة فجأة تصيبه دون ترتيب مسبق أو تحصيل حاصل بعد مرض

وليتي واعرة ولا واش ؟؟ ههههههه
خير ان شاء الله ،حتى دعوتك باينة من الاعماق

[ام زين الدين]

واش فيها مرة في فال خلي النساء يبردو قلوبهم شوية ويبقى يومها عيد ويصبح عالمي ويسمى عيد الضرب ههههن كتشيعة

[amina 84]

وليتي واعرة ولا واش ؟؟ ههههههه
خير ان شاء الله ،حتى دعوتك باينة من الاعماق

الحياة تجارب يا أخي وائل منها ما يقسي و يجفي القلب و منها ما يعلم
و عندك الحق دعوتي عليه كانت من قلب قلبي لأنو هذا الإنسان عندوا سوابق في الإستخفاف بالدين و الذات الإلهية و الشعب

[amina 84]

واش فيها مرة في فال خلي النساء يبردو قلوبهم شوية ويبقى يومها عيد ويصبح عالمي ويسمى عيد الضرب ههههن كتشيعة


ههههههههههههههههههههههههههههه من جدك نوال الجزائري يتضرب شوفي غير هزي لعصا و قربيلوا و تشوفي
هذا إذا ما خزرش فيك خزرة عوجة متوحشة الطيحلك العصا من يدك

[aziz87]

بروفيتو اضحكو مع سلال قبل ما يروح.
سلال هذا حبة ما تتعاودش. :8::8:

[amina 84]

للأسف ما يضحكنيش يوجعني في قلبي

[حر الجزائر]

واش فيها مرة في فال خلي النساء يبردو قلوبهم شوية ويبقى يومها عيد ويصبح عالمي ويسمى عيد الضرب ههههن كتشيعة

أو تكلمي..ما تخليهاش في قلبك

[ام زين الدين]

أو تكلمي..ما تخليهاش في قلبك



ههههههههه اني خايفة هو الي يضربني باش نروح نصوت زوجي اداري ويحب النظام صوت يا ربي فارغة ربي يستر

[amina 84]

ههههههههه اني خايفة هو الي يضربني باش نروح نصوت زوجي اداري ويحب النظام صوت يا ربي فارغة ربي يستر


ههههههههههههههههههههههههههه جاتلوا نيلة و ستين سبعين خيبة نقولك غدوة أصبحي راقدة و تمارضي شوية للثمنية تاع لعشية و غير يجيبلك سيرة الفوط أشعلي فيه و لا خلي يروح ينتخب في بلاصتك كان حاب و يتحمل المسؤولية غدوة بدالك ثاني و لا يبقى حلو قالهاش المصري و يقبل بمبدأ الديمقراطية و الحرية الشخصية طالما أنها لا تجاوز حدود المعقول و الشرع

[عبد المالك سعيد]

سلال إنسان شعبوي ينسى نفسه كثيرا فكلامه لا يعبر تماما على مكانته كوزير أول في الجمهورية ورئيس الجهاز التنفيذي كان من الأجدر على سلال إلتزام الصمت أو حديث ينفع ويعالج به الأزمات
ولكن ماذا تنتظر من إنسان لا يعرف حس وحجم المسؤولية الملقاة على عاتقه لو عرف معناها لما إستطاع ان يغمض له جفن ولعرف ووزن كل كلمة تخرج من فاهه القذر -أكرمكم الله - فعش يا سلال وأبدع مادامت الجمهورية والشعب نائما والتليكوموند مازال فيها لي بيل -والفاهم يفهم- مجرد رأي شخصى

[** رشاد كريم **]

http://www.elwehda.com/content/uploads/2017/04/12/647aa048ba.jpg

( الكتابة بالأحمر أصلية وليست لي ، أقول هذا ، لأنّ فيها كثيرا من الأخطاء اللغـوية ) !