chawki dz
25-10-2017, 07:38 PM
حتى حديثك بانلي سامط مسـوس *** وَلَّى هـامج عاد ما فيهش بنة
شكيتو في داخلك باطل مدسـوس *** من نظرة عينيك نـا ما نتهنى
واه كلامك عـاد بمعاني معكوس *** تبدلتي وعلاه ما فيكش ضنة؟
حـدو ما بينـاتنـا روس الجـامـوس *** فرّاقين آحباب حالو عن مثنى
ما نطاطي راسي للّي هو مقيوس *** يـا لـو كان يبان لي هوا جنـة
و آسمعتي لحديثهم طيب مرفوس *** وآنتِ بهلولة ما فهمتي معنى
هذا رايك يا ختي زهرك منحـوس *** عييت نفهّم فيك درتيلي محنة
آحكمتي عني كيلي نا محبــوس *** ولّى داير بايڤة من بري نجنى
في لـول كنت نجمة في فــانوس *** و نغمة تصوتك في وذني رنة
آكشفتي روحك كي دق الناقوس *** ماضنيت الحب في لحظة يفنى
آهجرتي وطني و علامي منكوس *** و ڤليبك ميت ما يعرف فطنة
ما نطمعش آنا في ثياب الملبوس *** و البالي نرميـه عنـو نستغـنى
شكيتو في داخلك باطل مدسـوس *** من نظرة عينيك نـا ما نتهنى
واه كلامك عـاد بمعاني معكوس *** تبدلتي وعلاه ما فيكش ضنة؟
حـدو ما بينـاتنـا روس الجـامـوس *** فرّاقين آحباب حالو عن مثنى
ما نطاطي راسي للّي هو مقيوس *** يـا لـو كان يبان لي هوا جنـة
و آسمعتي لحديثهم طيب مرفوس *** وآنتِ بهلولة ما فهمتي معنى
هذا رايك يا ختي زهرك منحـوس *** عييت نفهّم فيك درتيلي محنة
آحكمتي عني كيلي نا محبــوس *** ولّى داير بايڤة من بري نجنى
في لـول كنت نجمة في فــانوس *** و نغمة تصوتك في وذني رنة
آكشفتي روحك كي دق الناقوس *** ماضنيت الحب في لحظة يفنى
آهجرتي وطني و علامي منكوس *** و ڤليبك ميت ما يعرف فطنة
ما نطمعش آنا في ثياب الملبوس *** و البالي نرميـه عنـو نستغـنى