محمد سعيد ريال
21-04-2018, 01:18 PM
ثَارَتْ لَشْوَاقْ
ثَارَت الَأشْوَاقْ ***---*** هَاجْ وَجْدِي وْ كْثْرَ تَقْلاَقِي
وَ اعْقِيلِي شَاقْ ***---*** لِمَنْ مَالَكْ فَكْرِي لَلْقَاهْ شُوْقُه
دَمْعِي دَفَّاقْ ***---*** وَدْقْ سَايَلْ حَامَلْ اسْوَاقِي
احْرَقْ لَحْدَاقْ ***---*** حَرْ صَهْدُه طَاحْ عَلَى الخَدْ حَرّْقُه
قْلْبِي مَا طَاقْ ***---*** لَلصّبَرْ مَنْ حَرْ هُولْ حْرَاقِي
رَانِي طُوَّاقْ ***---*** يَدْرَا يُوفَى مَرْغُوبِي وَ نَرْمْقُه
لِيعَةْ لَفْرَاقْ ***---*** وْ لِيعَةْ البِينْ اكْوَاتْ اسْفَاقِي
كَيْ لاَ يُوطَاقْ ***---*** الهَوَى صُوَّبْ لَدْلِيلِي امْزَارْقُه
مَا لَذْ امْذَاقْ ***---*** لاَ طْعَامْ لَذْ افْقَدْتْ مْذَاقِي
إلاَّ التَّلاَقْ ***---*** ايْلَمْ بِينْ المَعْشُوقْ وْ بِينْ عَاشْقُه
الجَسْمْ ارْقَاقْ ***---*** وَ لاَ جْبَرْتْ لْهَذَا الدَّاء رَاقِي
وَ لاَ تَرْيَاقْ ***---*** لاَ طْبِيبْ قَالُوا لِي ظَهْرُوا احْقَايْقُه
غِيثْ المُشْتَاقْ ***---*** يَا بَدِيعْ الحُسْنْ المُرْتَاقِي
يُومْ التَّلاَقْ ***---*** كُنْ مْعَ مَدَّاحَكْ لاَ اتْفَارْقُه
(مطلع)
مَدّاحَكْ لاَ تْفَارْقُه ***---*** انْخَافْ مِنَ المْفَارْقَة
لِيلَةْ السُّؤَالْ وَفْقُه ***---*** لَلْإجَابَة الصَّادْقَة
كُونْ لِيهْ قْرِيبْ رَافْقُه ***---*** الرُّوحْ تْكُونْ وَاثْقَة
الجْوَابْ صْحِيحْ يَنْطَقُه ***---*** بَالفَصَاحَة الطَّالْقَة
فَكُّه مَنْ ضِيقْ خَانْقُه ***---*** وَسَّعْلُو كُلْ ضَايْقَة
مَنْ طِيبْ الجَنَانْ عَبْقُه ***---*** وَ مَنْ رِيحَتْهَا العَابْقَة
(بيت)
لِأنَكْ عَتّاقْ ***---*** وَ شَافِيعْ العَاصِي وَ الشَّاقِي
كُونْ لِيَا وَاقْ ***---*** احْجَابْ سَاتَرْ بَدْنِي عَلَى النَارْ دَرْقُه
يَا كَوْكَبْ لَشْرَاقْ ***---*** انْتَ احْجَابِي كَالدَّرْعْ الوَاقِي كُنْ لِي تَرْيَاقْ ***---*** يَا مَنْ اصْطَفَاهْ وْ عَزُّه رَقَّاهْ خَالْقُه
يَا طَيَّبْ لَخْلاَقْ ***---*** يَا المُخْتَارْ احْبِيبْ البَاقِي
سَرَّحْ لُوثَاقْ ***---*** يَا اللّي مِنَ المُحَالْ ايْرَدْ عَاشْقُه
يَا زَهْوْ العُشَّاقْ ***---*** بْجَاهْ فَضْلَكْ نَتَّحْشَرْ تَاقِي
وَ جَمْلَةْ لَرْفَاقْ ***---*** وْ اهْلِي مَعَ جِرَانِي و مَنْ صَدّْقُوا الحِيْ الخَلاَّقْ ***---*** اعْطَاكْ هِيبَة وَ السَّرْ الرَّاقِي
فَاقْ الأفَاقْ ***---*** بَدِيعْ حَسْنُه مَنْ نُورْ الله خَالْقُه
ضِيَاء لَرْمَاقْ ***---*** بِهْ اضْوَاتْ كُلْ الأفَاقِي
اللِّي حُسْنُه فَاقْ ***---***عَلَى المْحَاسَنْ رَبِّي عَلاَّهْ فَوْقُه
غِيثْ المُشْتَاقْ ***---*** يَا بْدِيعْ الحُسْنْ المُرْتَاقِي
يُومِ التَّلاَقْ ***---*** كُنْ مَعَ مَدَّاحَكْ لاَ تْفَارْقُه
(مطلع) المُولَى رَقَّاهْ فَوْقُه ***---*** لاَ حَدْ القِيمْتُه ارْتَقَا
حَسَّنْ خَلْقه وْ رُوْنَقُه ***---*** مَنْ نُورُه دَايَمْ البَقَاء
قْبَلْ أدَمْ كَانْ خَالْقُه ***---*** بْأُ لُافْ القُورُونْ سَبْقَة
فَكْرِي لَلْقَاهْ شَوْقُه ***---*** وَ انْرَاعِي سَاعَةْ اللّْقَا
لُو لِي جَنَحَانْ نَلْحَقُه ***---*** تَطْفَا نَارِي الحَارْقَا
نَمْشِي مَعَ مَنْ شَرْقُوا ***---*** نَرْوَى مْنَ الحُوضْ نَنْسَقَا
رَكْبُوا لَرْفَاقْ ***---*** قَاصْدِينْ احْمَدْ نُورْ ارْمَاقِي
وَ انَا المُشْتَاقْ ***---*** اخْذَاوْ عَقْلِي مْعَاهُمْ وَ امْشَاوْ شَرْقُوا
بْقِيتْ فِي حْرَاقْ ***---*** نَارْ القُنْطَة لَهْبَتْ فِي اسْفاقي
حَالِي مَضْيَاقْ ***---*** البِينْ حُوَّطْ وَ اغْزَى فَكْري وْ طُوْقُه
اْسْهَرْتْ اغْسَاقْ ***---*** النُّومْ حَارَمْ عَنْ جَفْنْ ارْمَاقِي
وْ نَارْ الاشْوَاقْ ***---*** سَهْمْ قَاطَعْ مَكَّنْ ذَالقَلْبْ خَرّْقُه
لَلصّْبَرْ مَا طَاقْ ***---*** دِيمَا امْهُوَّلْ وَ امْحِيَّرْ بَاقِي
مِنَ الأرَقْ ***---*** وَ الضَّنَى خُفْتْ عَلَى عُمْرِي ايْزَهَّقُوا
صُرْتْ يَا عُشَّاقْ ***---*** مِنَ الصّْدُودْ حَامَلْ فُوقْ اطْوَاقِي
وَ الشُّوقْ الحَرَّاقْ ***---*** لَاحْ جَفْنِي فِي بَحْرْ غْمِيقْ غَرْقُه
ذُوَقْلِي اذْوَاقْ ***---*** مَنْ امْرَارْ البِعَادْ اسْوَاقِي
طَعْمُه مَا رَاقْ ***---*** مُرْ حَنْظَلْ مَغَّصْ بَدْنِي وْ مَزْقُه
غِيثْ المُشْتَاقْ ***---*** يَا بْدِيعْ الحُسْنْ المُرْتَا قِي
يَوْمِ التَّلاَقْ ***---*** كُنْ مَعَ مَدَّاحَكْ لاَ تْفَارْقُه
(مطلع) سَهْمُه فِي القَلْبْ رَاشْقُه ***---*** وْ اطْعَنِّي ابْلاَ امْشَافْقَة
نَهْوَاهْ وَ نْمُوتْ عَاشْقُه ***---*** وَ النِّيَة فِيهْ صَادْقَة
لُو صَبْتْ نَبْقَا امْرَافْقُه ***---*** انْكَمَّلْ مْنَ العُمْرْ مَا بْقَى
انْقُولْ أحْلاَمِي تَحَقَّاقُه ***---*** نَحَمْدُه دَايَمْ البْقَاء
كُلْ مَنْ ادْعَا الله يَرْزَقُه ***---*** مَنْ خِرَاتُه الدَّافْقَة
بَابُه مَا هُوشْ غَالْقُه ***---*** لْمَنْ هُو شَاقِي وْ مَنْ اتَّقَى
(بيت)
رَبِّي رَزَّاقْ ***---*** يَقْضِي وَ ايْقَسَّمْ لَرْزَاقِي
خِيرُه دَفَّاقْ ***---*** ايْجُودْ بِهْ عَلَى عِبَادُه ايْدَفْقُه
اعْطَايَةْ الخَلَّاقْ ***---*** مَا امنَعْهَا وْ لاَ احْجَبْهَا وَاقِي
مَا عَاقْهَا عَاقْ ***---*** بْلاَ حْسَابْ ايْكَافِي مَنْ رَادْ يَرْزَقُه
رَبِّ الفَلَقْ ***---*** عَلِيهْ تَكْلِي مَا انْشُوفْ خْفَاقِي
وَ لاَ تَشْوَاقْ ***---*** كُلْ مَا تْمَنِّيتُه فِي الحْيَاةْ نَلْحَقُه
تَمْ يَا عُشَّاقْ ***---*** اقَصِيدْ انَظَمْتُه مَنْ تَلْبَاقِي
بَمْعَانِي ارْقَاقْ ***---*** وْ رِيحَةْ المَسْكْ وْ رِيحَةْ الطِيبْ عَبْقُو
لَذِيذْ المَذَاقْ ***---*** اهْدِيتُه لْرَاكبُ البُرَاقِي
لَغْنَى نُعْتَاقْ ***---*** يُومْ وُقُوفْ المَخْلُوقْ أمَامْ خَالْقُه
انْسِيمُه عَبَّاقْ ***---*** أسْمِي يَدْرِيوَهْ عُشَّاقِي
لِمَنْ هُو ذُوَّاقْ ***---*** فِي حُرُوفْ الأبَجَدْ رَانِي امْوَثْقُه
بَعدْ الاتِّفَاقْ ***---*** عَدْ نَصْفْ التَّاء ايْجِيكْ البَاقِي
دَقَّقْ تَدْقَاقْ ***---*** بَعْدْ عَشْرَة الألِيفْ وَ اللَّامْ يَلْحَقُوا
انْحَبْ التَّنْمَاقْ ***---*** مَدْحْ سِيدْ الأمَّة تَنْمَاقِي
بْإذْنْ الخَلاَّقْ ***---*** كُلْ مَنْ صَلَّى عْلِيهْ رَبِّي يْوَفْقُه
غِيثْ المُشْتَاقْ ***---*** يَا بَدِيعْ الحُسْنْ المُرْتَاقِي
يَوْمِ التَّلاَقْ ***---*** كُنْ مْعَ مَدَّاحَكْ لاَ تْفَرْقُه
تمت بعون الله و بفَضله.
محمد ريَّال.
ثَارَت الَأشْوَاقْ ***---*** هَاجْ وَجْدِي وْ كْثْرَ تَقْلاَقِي
وَ اعْقِيلِي شَاقْ ***---*** لِمَنْ مَالَكْ فَكْرِي لَلْقَاهْ شُوْقُه
دَمْعِي دَفَّاقْ ***---*** وَدْقْ سَايَلْ حَامَلْ اسْوَاقِي
احْرَقْ لَحْدَاقْ ***---*** حَرْ صَهْدُه طَاحْ عَلَى الخَدْ حَرّْقُه
قْلْبِي مَا طَاقْ ***---*** لَلصّبَرْ مَنْ حَرْ هُولْ حْرَاقِي
رَانِي طُوَّاقْ ***---*** يَدْرَا يُوفَى مَرْغُوبِي وَ نَرْمْقُه
لِيعَةْ لَفْرَاقْ ***---*** وْ لِيعَةْ البِينْ اكْوَاتْ اسْفَاقِي
كَيْ لاَ يُوطَاقْ ***---*** الهَوَى صُوَّبْ لَدْلِيلِي امْزَارْقُه
مَا لَذْ امْذَاقْ ***---*** لاَ طْعَامْ لَذْ افْقَدْتْ مْذَاقِي
إلاَّ التَّلاَقْ ***---*** ايْلَمْ بِينْ المَعْشُوقْ وْ بِينْ عَاشْقُه
الجَسْمْ ارْقَاقْ ***---*** وَ لاَ جْبَرْتْ لْهَذَا الدَّاء رَاقِي
وَ لاَ تَرْيَاقْ ***---*** لاَ طْبِيبْ قَالُوا لِي ظَهْرُوا احْقَايْقُه
غِيثْ المُشْتَاقْ ***---*** يَا بَدِيعْ الحُسْنْ المُرْتَاقِي
يُومْ التَّلاَقْ ***---*** كُنْ مْعَ مَدَّاحَكْ لاَ اتْفَارْقُه
(مطلع)
مَدّاحَكْ لاَ تْفَارْقُه ***---*** انْخَافْ مِنَ المْفَارْقَة
لِيلَةْ السُّؤَالْ وَفْقُه ***---*** لَلْإجَابَة الصَّادْقَة
كُونْ لِيهْ قْرِيبْ رَافْقُه ***---*** الرُّوحْ تْكُونْ وَاثْقَة
الجْوَابْ صْحِيحْ يَنْطَقُه ***---*** بَالفَصَاحَة الطَّالْقَة
فَكُّه مَنْ ضِيقْ خَانْقُه ***---*** وَسَّعْلُو كُلْ ضَايْقَة
مَنْ طِيبْ الجَنَانْ عَبْقُه ***---*** وَ مَنْ رِيحَتْهَا العَابْقَة
(بيت)
لِأنَكْ عَتّاقْ ***---*** وَ شَافِيعْ العَاصِي وَ الشَّاقِي
كُونْ لِيَا وَاقْ ***---*** احْجَابْ سَاتَرْ بَدْنِي عَلَى النَارْ دَرْقُه
يَا كَوْكَبْ لَشْرَاقْ ***---*** انْتَ احْجَابِي كَالدَّرْعْ الوَاقِي كُنْ لِي تَرْيَاقْ ***---*** يَا مَنْ اصْطَفَاهْ وْ عَزُّه رَقَّاهْ خَالْقُه
يَا طَيَّبْ لَخْلاَقْ ***---*** يَا المُخْتَارْ احْبِيبْ البَاقِي
سَرَّحْ لُوثَاقْ ***---*** يَا اللّي مِنَ المُحَالْ ايْرَدْ عَاشْقُه
يَا زَهْوْ العُشَّاقْ ***---*** بْجَاهْ فَضْلَكْ نَتَّحْشَرْ تَاقِي
وَ جَمْلَةْ لَرْفَاقْ ***---*** وْ اهْلِي مَعَ جِرَانِي و مَنْ صَدّْقُوا الحِيْ الخَلاَّقْ ***---*** اعْطَاكْ هِيبَة وَ السَّرْ الرَّاقِي
فَاقْ الأفَاقْ ***---*** بَدِيعْ حَسْنُه مَنْ نُورْ الله خَالْقُه
ضِيَاء لَرْمَاقْ ***---*** بِهْ اضْوَاتْ كُلْ الأفَاقِي
اللِّي حُسْنُه فَاقْ ***---***عَلَى المْحَاسَنْ رَبِّي عَلاَّهْ فَوْقُه
غِيثْ المُشْتَاقْ ***---*** يَا بْدِيعْ الحُسْنْ المُرْتَاقِي
يُومِ التَّلاَقْ ***---*** كُنْ مَعَ مَدَّاحَكْ لاَ تْفَارْقُه
(مطلع) المُولَى رَقَّاهْ فَوْقُه ***---*** لاَ حَدْ القِيمْتُه ارْتَقَا
حَسَّنْ خَلْقه وْ رُوْنَقُه ***---*** مَنْ نُورُه دَايَمْ البَقَاء
قْبَلْ أدَمْ كَانْ خَالْقُه ***---*** بْأُ لُافْ القُورُونْ سَبْقَة
فَكْرِي لَلْقَاهْ شَوْقُه ***---*** وَ انْرَاعِي سَاعَةْ اللّْقَا
لُو لِي جَنَحَانْ نَلْحَقُه ***---*** تَطْفَا نَارِي الحَارْقَا
نَمْشِي مَعَ مَنْ شَرْقُوا ***---*** نَرْوَى مْنَ الحُوضْ نَنْسَقَا
رَكْبُوا لَرْفَاقْ ***---*** قَاصْدِينْ احْمَدْ نُورْ ارْمَاقِي
وَ انَا المُشْتَاقْ ***---*** اخْذَاوْ عَقْلِي مْعَاهُمْ وَ امْشَاوْ شَرْقُوا
بْقِيتْ فِي حْرَاقْ ***---*** نَارْ القُنْطَة لَهْبَتْ فِي اسْفاقي
حَالِي مَضْيَاقْ ***---*** البِينْ حُوَّطْ وَ اغْزَى فَكْري وْ طُوْقُه
اْسْهَرْتْ اغْسَاقْ ***---*** النُّومْ حَارَمْ عَنْ جَفْنْ ارْمَاقِي
وْ نَارْ الاشْوَاقْ ***---*** سَهْمْ قَاطَعْ مَكَّنْ ذَالقَلْبْ خَرّْقُه
لَلصّْبَرْ مَا طَاقْ ***---*** دِيمَا امْهُوَّلْ وَ امْحِيَّرْ بَاقِي
مِنَ الأرَقْ ***---*** وَ الضَّنَى خُفْتْ عَلَى عُمْرِي ايْزَهَّقُوا
صُرْتْ يَا عُشَّاقْ ***---*** مِنَ الصّْدُودْ حَامَلْ فُوقْ اطْوَاقِي
وَ الشُّوقْ الحَرَّاقْ ***---*** لَاحْ جَفْنِي فِي بَحْرْ غْمِيقْ غَرْقُه
ذُوَقْلِي اذْوَاقْ ***---*** مَنْ امْرَارْ البِعَادْ اسْوَاقِي
طَعْمُه مَا رَاقْ ***---*** مُرْ حَنْظَلْ مَغَّصْ بَدْنِي وْ مَزْقُه
غِيثْ المُشْتَاقْ ***---*** يَا بْدِيعْ الحُسْنْ المُرْتَا قِي
يَوْمِ التَّلاَقْ ***---*** كُنْ مَعَ مَدَّاحَكْ لاَ تْفَارْقُه
(مطلع) سَهْمُه فِي القَلْبْ رَاشْقُه ***---*** وْ اطْعَنِّي ابْلاَ امْشَافْقَة
نَهْوَاهْ وَ نْمُوتْ عَاشْقُه ***---*** وَ النِّيَة فِيهْ صَادْقَة
لُو صَبْتْ نَبْقَا امْرَافْقُه ***---*** انْكَمَّلْ مْنَ العُمْرْ مَا بْقَى
انْقُولْ أحْلاَمِي تَحَقَّاقُه ***---*** نَحَمْدُه دَايَمْ البْقَاء
كُلْ مَنْ ادْعَا الله يَرْزَقُه ***---*** مَنْ خِرَاتُه الدَّافْقَة
بَابُه مَا هُوشْ غَالْقُه ***---*** لْمَنْ هُو شَاقِي وْ مَنْ اتَّقَى
(بيت)
رَبِّي رَزَّاقْ ***---*** يَقْضِي وَ ايْقَسَّمْ لَرْزَاقِي
خِيرُه دَفَّاقْ ***---*** ايْجُودْ بِهْ عَلَى عِبَادُه ايْدَفْقُه
اعْطَايَةْ الخَلَّاقْ ***---*** مَا امنَعْهَا وْ لاَ احْجَبْهَا وَاقِي
مَا عَاقْهَا عَاقْ ***---*** بْلاَ حْسَابْ ايْكَافِي مَنْ رَادْ يَرْزَقُه
رَبِّ الفَلَقْ ***---*** عَلِيهْ تَكْلِي مَا انْشُوفْ خْفَاقِي
وَ لاَ تَشْوَاقْ ***---*** كُلْ مَا تْمَنِّيتُه فِي الحْيَاةْ نَلْحَقُه
تَمْ يَا عُشَّاقْ ***---*** اقَصِيدْ انَظَمْتُه مَنْ تَلْبَاقِي
بَمْعَانِي ارْقَاقْ ***---*** وْ رِيحَةْ المَسْكْ وْ رِيحَةْ الطِيبْ عَبْقُو
لَذِيذْ المَذَاقْ ***---*** اهْدِيتُه لْرَاكبُ البُرَاقِي
لَغْنَى نُعْتَاقْ ***---*** يُومْ وُقُوفْ المَخْلُوقْ أمَامْ خَالْقُه
انْسِيمُه عَبَّاقْ ***---*** أسْمِي يَدْرِيوَهْ عُشَّاقِي
لِمَنْ هُو ذُوَّاقْ ***---*** فِي حُرُوفْ الأبَجَدْ رَانِي امْوَثْقُه
بَعدْ الاتِّفَاقْ ***---*** عَدْ نَصْفْ التَّاء ايْجِيكْ البَاقِي
دَقَّقْ تَدْقَاقْ ***---*** بَعْدْ عَشْرَة الألِيفْ وَ اللَّامْ يَلْحَقُوا
انْحَبْ التَّنْمَاقْ ***---*** مَدْحْ سِيدْ الأمَّة تَنْمَاقِي
بْإذْنْ الخَلاَّقْ ***---*** كُلْ مَنْ صَلَّى عْلِيهْ رَبِّي يْوَفْقُه
غِيثْ المُشْتَاقْ ***---*** يَا بَدِيعْ الحُسْنْ المُرْتَاقِي
يَوْمِ التَّلاَقْ ***---*** كُنْ مْعَ مَدَّاحَكْ لاَ تْفَرْقُه
تمت بعون الله و بفَضله.
محمد ريَّال.