أول مرة أصوم رمضان...؟؟

[Ayate.dz]

السلام عليكم ورحمة الله وبركاته

أولا رمضان مبارك للجميع
ثانيا:
بما أننا في هذا الشهر العظيم وددت أن أجعل هذا المتصفح لجميع الشروقيين لكي يحكوا لنا عن أول مرة يصوموا فيها رمضان ..يعني
شحال كان في عمرك؟ كيفاش حسيت؟ واش دارولك فالدار ؟ ..المهم الشي اللي حبيتو ..


ونسأل الله أن يتقبل منا ومنكم أجمعين..

[أبوهبة]

السلام عليكم

...أول مرة صمت فيها رمضان في لإبتدائي كانت في السنة السادسة أنداك ولكن لم أصمه كاملا بل يوم واحد فقط ههههه.

[Mavi gül]

اول مرة صمتو كان ف عمري 6 سنوات وقتها
دارو لمة واستدعاو جيران وانا تحطيت ف قصعة وترشيت بسكر وحلوى ربي يقبل منا ومنكم صيام ويرحم الاحبة

[Ayate.dz]

السلام عليكم ورحمة الله
صح فطوركم

:7::7: شكرررررا لتثبيت الموضوع :7::7:

[Ayate.dz]

السلام عليكم

...أول مرة صمت فيها رمضان في لإبتدائي كانت في السنة السادسة أنداك ولكن لم أصمه كاملا بل يوم واحد فقط ههههه.

وعليكم السلام أخي أبو هبة
آه يا وحد المكراش نهار واحد برك 😱 😨 ..أمزح..
بارك الله فيك ..وشكرا للمشاركة.

تحياتي../

[أَنْفَاسُ الإِيمَانْ]

قد يكون غريبا أنني لا أتذكر ذلك اليوم

أغلب الظن أنني كنت في الثالثة ابتدائي، وليس في عادتنا أن نبدي احتفاء خاصا بمن يصوم لأول مرة كما هو الحال لدى البعض.. فقط ربما أننا كنا نكتسب روح المنافسة والعد مع أصدقائنا في الشارع أو المدرسة.. فنصوم اليوم التالي لنحرز رقما جديدا في الأيام التي صمناها ..

[Ayate.dz]

اول مرة صمتو كان ف عمري 6 سنوات وقتها
دارو لمة واستدعاو جيران وانا تحطيت ف قصعة وترشيت بسكر وحلوى ربي يقبل منا ومنكم صيام ويرحم الاحبة

السلام عليكم ورحمة الله
آمييييين ..تقبل الله.
ماشاء الله باينة عليك شاطرة..عجبتني اللمة ماتنسايهاش كامل بارك الله فيك وفي عايلتك.

تحياتي../

[Ayate.dz]

قد يكون غريبا أنني لا أتذكر ذلك اليوم

أغلب الظن أنني كنت في الثالثة ابتدائي، وليس في عادتنا أن نبدي احتفاء خاصا بمن يصوم لأول مرة كما هو الحال لدى البعض.. فقط ربما أننا كنا نكتسب روح المنافسة والعد مع أصدقائنا في الشارع أو المدرسة.. فنصوم اليوم التالي لنحرز رقما جديدا في الأيام التي صمناها ..


السلام عليكم ورحمة الله وبركاته
أنت ثاني ماشفيتيش مليح كيما أختي نهار مرة وأنا نسقسي فيها وهي تقولي وانا وين علابالي..
احنا ثاني ما نحتفلوش وكنا نتنافسو الإخوة مع بعض حتى نلقاو ارواحنا صمناه كامل.
شكرا على المشاركة

تحياتي../

[Mavi gül]

اللمة هي الصح ربي يلم شمل كل مفترق عن اهله يا رب ويرحم لي توفاو ..

هي عادة للاناث كل وحدة وش يعملولها بصح الماكلة يجمعو عليها جوارين مع اناشيد احتفائية ولباس تقليدي وحنة نفس الشي للطفل

[أبوهبة]

[QUOTE=Ayate.dz;2219594]وعليكم السلام أخي أبو هبة
آه يا وحد المكراش نهار واحد برك 😱 😨 ..أمزح..
بارك الله فيك ..وشكرا للمشاركة.

تحياتي../[/QUOTE

هههه الحقيقة في تلك المرحلة كنا نلعب كثيرا و الجري مع الاصدقاء و العطش كان قتلنا نصوموا غير نصف نهار فقط الله غالب :8::8::8::8::8:.

[الطيب]

لا أكاد اتذكرا يوما بعينه على أنه أول ترجبتي الرماضنية...حيث لم يكن يعطى للحدث اهمية كبرى وتتم العملية بالتنافس مع الاخوة وابناء العم والجيران...بعيدا عن جو الاسرة.

[Ayate.dz]

لا أكاد اتذكرا يوما بعينه على أنه أول ترجبتي الرماضنية...حيث لم يكن يعطى للحدث اهمية كبرى وتتم العملية بالتنافس مع الاخوة وابناء العم والجيران...بعيدا عن جو الاسرة.

السلام عليكم ورحمة الله
شكرا أخي على المشاركة ..
آآآ يعني فقدت الذاكرة 😱 ..
رانا كامل كيفكيف ما حتافلوش بينا.:1:

تحياتي../

[Ayate.dz]

السلام عليكم ورحمة الله وبركاته

راني شفت مشاركاتكم ..ودركا دالتي ..
ماتتقلقوش مني 😰😰
راني رايحة نهدر شوية :20::20::20:


أنا أول مرة صمت كان في عمري 5 سنين قبل ما ندخل نقرا بالصح نشفا عليه بزاف ..
هذاك النهار كان مغيم وكان في شهر نوفمبر هذاك النهار رقدت فالنهار مع أنو ماكانتش نرقد ..إيه نشفا باللي بابا ماصامش معانا لأنو كان يخدم فالدزاير ..
بعد العصر كنت نلعب مع خويا الصغير كنت نطلع على الصور نتاع جيرانا كنت مشاغبة😜 حتى لقيت عمي جا وعيطلي خافت بزاف لاخاطرش هو واعر ياجدك ..المهم رحت لعندو نرجف
بالصح ما قالي والو سقساني إذا صح راني صايمة قالي نخرج لساني باش يتأكد ههه ..ومن بعد لقيتو خرج صحن طمينة من السيارة وعطاهولي ما أمنتش عقلي كيفاه ماضربني ما وبخني:1::1: يا فرحتي جامي صرات.
وهذاك العام صمت 6 أيام ..لأنو ماما ماكانتش تخليني نصوم.:3:

تحياتي../

[Mavi gül]

هههههه عمك هايل
فكرتيني ف عمي ميحبش النسا والبنات ونهار طول يتالب فينا
ههههههه

[Ayate.dz]

هههههه عمك هايل
فكرتيني ف عمي ميحبش النسا والبنات ونهار طول يتالب فينا
ههههههه

هو ما يسكنش معانا ..مي كي كنا صغار كنا نلعبو فالحارة وغير نحسو بالرعد نتاع الطونوبيل نتاعو الدبانة ما تزغدش احنا وولاد عمامي واحد ما يقعد ..حتى أنو اعطينالو آسم من وحد المسلسل.

تحياتي../

[Mavi gül]

تحسب عمي ههههه ربي يحفظكم خيتي
صح فطوركم

[watny]

ربنا يقويك ويعافيك

[Ayate.dz]

ربنا يقويك ويعافيك

السلام عليكم ورحمة الله وبركاته
صح فطورك..
آمين.. شكرا جزيلا..

[Ayate.dz]

وين راكم .. واقيلا ما شفيتوش ..:2::2::2::2:

صح فطوركم ..

[دائمة الذكر]

عندي زهايمر ، الصراحة لا اتذكر اول يوم ، لكن اتذكر اني كنت في الابتدائي ،،،، الذي أتذكره جيدا اني صمت الشهر كله رغم الحرارة ،،،،

[Ayate.dz]

عندي زهايمر ، الصراحة لا اتذكر اول يوم ، لكن اتذكر اني كنت في الابتدائي ،،،، الذي أتذكره جيدا اني صمت الشهر كله رغم الحرارة ،،،،

السلام عليكم ورحمة الله
الله يحفظك يا حبيبتي .. ما شاء الله عليك ..

تحياتي../