المبتغي
26-10-2008, 02:40 PM
ليا باغي تنال الحكمة تحرك من مكانك
ليا كان باغي تتعلم شوف ليك حكيم
لي تشوفه غينك صونو على لسانك
فازوا فدنيا لي حفظوا الميم
لا تامن كل ما تسمعو وذانك
لا تجالس جايح من يمشي بنميم
لا تصاحب من يطمع لك في جيابك
لا تصاحب ملي ماهوشي رحيم
لا تامن فالعبد تحكيلو سرارك
لي فضحت ليه سرك ترجع ليه خديم
لا تشتكي بهمومك للغير صون عارك
يعايرك بهمومك كي يولي خصيم
ويلا غرست شي زهرة رعيها قبالك
ويلا رحلت عليها يكلها البهيم
شد في ربي وخدم صلي وقاتك
يا لغاقل سمع ليا وكون فهيم
يلا كنت غاني نوصيك لا يغويك مالك
دير حسابك فدنيا مراكش مقيم
بلاك من الحقرة و ظلم رد بالك
النفس تطغى و تدي مولاها لجحيم
لي تصدقه من مالك هذاك ما بقالك
مد حق السايل تهلى فاليتيم
شحال فاتو في ذدنيا من مثالك
نهار شدوا لرحال ما داو سنتيم
ويلا كنت فقير هذاك ربي ما كتب لك
قول نحمد ربي لي مجيتش سقيم
عس روحك مدين وصفي حسابك
كالي رزق الناس عاش ديما ذميم
ما دوم الصحة تحرك في شبابك
الكبر كي يجي وقته ما يفيد فيه حكيم
ما دوم الصحوة متن سقف دارك
لا يغرك الحال في وقت النسيم
ليا قصدك ضيف الله أفتح ليه بابك
ضيف ربي قوته يجيه مالكريم
لي غلط في حقك قدملو طعامك
ميل الروى للظالم يردو عديم
طيع والديك بعد الله و تهلى فجارك
و كون صبار حتى يتفجى الغيم
هذ الوصاية يا غافل خليتها لك
وليا كان باغي تتعلم شوف ليك حكيم
ليا كان باغي تتعلم شوف ليك حكيم
لي تشوفه غينك صونو على لسانك
فازوا فدنيا لي حفظوا الميم
لا تامن كل ما تسمعو وذانك
لا تجالس جايح من يمشي بنميم
لا تصاحب من يطمع لك في جيابك
لا تصاحب ملي ماهوشي رحيم
لا تامن فالعبد تحكيلو سرارك
لي فضحت ليه سرك ترجع ليه خديم
لا تشتكي بهمومك للغير صون عارك
يعايرك بهمومك كي يولي خصيم
ويلا غرست شي زهرة رعيها قبالك
ويلا رحلت عليها يكلها البهيم
شد في ربي وخدم صلي وقاتك
يا لغاقل سمع ليا وكون فهيم
يلا كنت غاني نوصيك لا يغويك مالك
دير حسابك فدنيا مراكش مقيم
بلاك من الحقرة و ظلم رد بالك
النفس تطغى و تدي مولاها لجحيم
لي تصدقه من مالك هذاك ما بقالك
مد حق السايل تهلى فاليتيم
شحال فاتو في ذدنيا من مثالك
نهار شدوا لرحال ما داو سنتيم
ويلا كنت فقير هذاك ربي ما كتب لك
قول نحمد ربي لي مجيتش سقيم
عس روحك مدين وصفي حسابك
كالي رزق الناس عاش ديما ذميم
ما دوم الصحة تحرك في شبابك
الكبر كي يجي وقته ما يفيد فيه حكيم
ما دوم الصحوة متن سقف دارك
لا يغرك الحال في وقت النسيم
ليا قصدك ضيف الله أفتح ليه بابك
ضيف ربي قوته يجيه مالكريم
لي غلط في حقك قدملو طعامك
ميل الروى للظالم يردو عديم
طيع والديك بعد الله و تهلى فجارك
و كون صبار حتى يتفجى الغيم
هذ الوصاية يا غافل خليتها لك
وليا كان باغي تتعلم شوف ليك حكيم