تـقــ الله ــــوى
13-03-2009, 09:45 PM
كاين وحد النهار سلطان عندو بنتو ماحبتش تهدر حتى مع واحد ملا جابلها الناس باه يهدروها ماقدروش يهدروها ملا قال السلطان للسكان
, لي يقدر ينطقها يديها يتزوج بيها ,جاو الاغنياء باه يهدروها ماقدروش ’جاو لي يبكيو باه يبكيوها ماقدروش ,جاو لي يضحكو باه يضحكوها ماقدروش يضحكوها ,ملا سمع واحد راعي بالغنم بالأمر قال لازم نروح ونجرب بلاك نهدرها ,ملا راح لسلطان وقالو نجرب بلاك نهدرها ’قالو السلطان كون تهدرها تديها ,قال الراعي لسلطان اعطيني شمعة و طفي الضوء وخليني انا وهي في بيت وحدنا,عطاه السلطان شمعة ودخلو للبيت هو وياها وقفل عليهم الباب,قعد الراعي عكس البنت الضهر عند الضهر, ماحبش يتكلم مع البنت خلاص, وشعل الشمعة وبدا يتكلم مع الشمعة, قالها يا الشمعة نحكيلك حكاية ,قالها وحد النهار كاين ثلاثة صحاب واحد فيهم نجار ,والثاني خياط والثالث سباغ,قاعدين يمشيو في غابة طاح عليهم الليل قالو نباتو في الغابة والصباح نمشيو,قالهم النجار نرقدو بالزوج و واحد يحرس ,ملا رقد الخياط والسباغ وقعد النجار يحرس ,ملا كي قاعد يحرس قال انا قاعد قاعد نحكم شجرة و ننقشها دميا, ملا حكم شجرة ونقشها ردها دميا,شويا هك ناض الخياط ورقد النجار,لقى الدميا منقوشة قال انا قاعد قاعد نصنع لي الدميا لباس , ملا خدملها لباس ولبسهولها,ناض السباغ وراح الخياط يرقد مع النجار ,بقا السباغ قاعد يحرس ,شاف الدميا قال انا قاعد قاعد نصبغ هادي الدميا وصبغها , ومن بعد فطنو في ثلاثة(هادي الحكاية قاعد يحكي فيها لشمعة الطفلة قاعدا تسمع برك), ملا كي شافو الدميا قال النجار انا لي نقشتها انا لي نديها,و قال الخياط انا لي صنعتلها اللباس انا لي نديها, وقال السباغ انا لي سبغتها انا لي نديها ,ملا راحو عند القاضي حكاولو القصة , ومن بعد شاف مع الشمعة وقالها ومن بعد هزها ومشا ثم طفا الشمعة وجاء خارج لحقتو الطفلة وقاتلو شكون لي داها(على الدميا)قالها انا لي هدرتك وانا لي نديك.
, لي يقدر ينطقها يديها يتزوج بيها ,جاو الاغنياء باه يهدروها ماقدروش ’جاو لي يبكيو باه يبكيوها ماقدروش ,جاو لي يضحكو باه يضحكوها ماقدروش يضحكوها ,ملا سمع واحد راعي بالغنم بالأمر قال لازم نروح ونجرب بلاك نهدرها ,ملا راح لسلطان وقالو نجرب بلاك نهدرها ’قالو السلطان كون تهدرها تديها ,قال الراعي لسلطان اعطيني شمعة و طفي الضوء وخليني انا وهي في بيت وحدنا,عطاه السلطان شمعة ودخلو للبيت هو وياها وقفل عليهم الباب,قعد الراعي عكس البنت الضهر عند الضهر, ماحبش يتكلم مع البنت خلاص, وشعل الشمعة وبدا يتكلم مع الشمعة, قالها يا الشمعة نحكيلك حكاية ,قالها وحد النهار كاين ثلاثة صحاب واحد فيهم نجار ,والثاني خياط والثالث سباغ,قاعدين يمشيو في غابة طاح عليهم الليل قالو نباتو في الغابة والصباح نمشيو,قالهم النجار نرقدو بالزوج و واحد يحرس ,ملا رقد الخياط والسباغ وقعد النجار يحرس ,ملا كي قاعد يحرس قال انا قاعد قاعد نحكم شجرة و ننقشها دميا, ملا حكم شجرة ونقشها ردها دميا,شويا هك ناض الخياط ورقد النجار,لقى الدميا منقوشة قال انا قاعد قاعد نصنع لي الدميا لباس , ملا خدملها لباس ولبسهولها,ناض السباغ وراح الخياط يرقد مع النجار ,بقا السباغ قاعد يحرس ,شاف الدميا قال انا قاعد قاعد نصبغ هادي الدميا وصبغها , ومن بعد فطنو في ثلاثة(هادي الحكاية قاعد يحكي فيها لشمعة الطفلة قاعدا تسمع برك), ملا كي شافو الدميا قال النجار انا لي نقشتها انا لي نديها,و قال الخياط انا لي صنعتلها اللباس انا لي نديها, وقال السباغ انا لي سبغتها انا لي نديها ,ملا راحو عند القاضي حكاولو القصة , ومن بعد شاف مع الشمعة وقالها ومن بعد هزها ومشا ثم طفا الشمعة وجاء خارج لحقتو الطفلة وقاتلو شكون لي داها(على الدميا)قالها انا لي هدرتك وانا لي نديك.