الرجاء من الجميع المشاركة وابداء الراي....عــــــــــاجل

[3afaf]

السلام عليكم اخوتي اخواتي الكرام
هذا موضوع قديم لي طرحته في احد المنتديات
واليوم حبيت اني نعيد طرحو في هذا المنتدى لانه موضوع كبير ومهم جدا على الاقل بنظري وانشاء الله يكون كاين كاش واحد فيكم يوافقني الراي...
انا ترددت كثير قبل ما نطرح الموضوع لانني راني متاكدة بلي راح يلقى معارضة من البعض ويقول عليا بلي انا واحدة حابسة بالعامية نتاعنا وراهو عصري سابقني بلبزاف.....بصح ماعليش ياك يقولو( الساكت عن الحق شيطان اخرس)
راني طولت عليكم المهم الموضوع هو الصحوبية بين الشباب والبنات او الولد والبنت
وكاين بزاف الي راهم دايرنها موضة العصر والي ماعندهاش حنونها والي ماعندوش حنونتو يقولو عليهم صحابهم متخلفين ويقولولهم العصر طور http://www.4algeria.com/ib/images/smilies/confused1.gifhttp://www.4algeria.com/ib/images/smilies/confused1.gif كيفاش ماعندكشhttp://www.4algeria.com/ib/images/smilies/confused1.gifhttp://www.4algeria.com/ib/images/smilies/confused1.gif..
وهنا هو المشكل الكبير رانا نقلدوا الغرب في كلشي وهذا التقليد اعمى بلبزاف وحقيقة رانا ندو في قشروهم ومخليين اللب...
وشبابنا اليوم انساو بلي احنا مسلمين والاسلام حرم الخلوة بين الشباب والبنات وراحين تقولولي رحتي بعيد... بصح انا نعرف كي البنت دير صاحبها الشئ الاول لي يقولولها وين نتلاقاو وعلابالي رايحين تقولو قعدة بريئة بصح يقولو مااجتمع اثنان الا ثالثهما الشيطان...
وانا هذا الموضوع يهمني كثير لذلك حضرت لكثير من المقابلات والحصص الدينة في هذا الموضوع وكلهم حرمو ا هذا الشئ ...والبعض منهم اعتبرو الخلوة قد تكون ايضا في الهاتف وحقيقة سمعنا قصص مخزية بهذا الشان ...
وبلا هذا الشئ كاين شباب وبنات طول الليل وهوما يهدرو في التيليفون ويتكلمو الا في التفاهات ....http://www.4algeria.com/ib/images/smilies/mad.gifhttp://www.4algeria.com/ib/images/smilies/mad.gifواذا قولتولهم قومو الليل مثلا يتسبب بالف سبة وعذر اما اذا رن تيليفونو في اي وقت تلقاه ناض طاير... والمشكل ايضا في شبابنا اليوم كاين منهم الي راهو داير صحبتو بصح راهو مقتنع الف اقتناع بلي مايديهاش (يتزوج بيها) وحتى هيا وعلابالها بصح كي تقوللهم يقولك هدا c'est un passe temps لانو احنا اغلب شبابنا عندهم نظرة سيئة لهذا الموضوع واكيد تبقى في الاخيرعندوmentalité algerienne وايضا بالنسبة الى الاخت ادا سمع بيها دايرة واحد يبدا يشعل ويبدا كيما هداك الثور الهايج...وهنا يبان بلي هدا الشئ ماشي نورمال...
ماعناتو يقبلها لبنات الناس ومايقبلهاش لاختو وهدا شئ خطير جداااااااااااا وتعرف بلي في نفسيتهم وفي عقلهم مراهومش مقتنعين بواش راهم يديرو...وفي الاخير الشاب يبقى شاب وماتطفر وتروح غير في الطفلة على ديك نصيحتي للبنات ونقولهم خليكم من هدا الشئ قعدي معززة مكرمة حتى يجيلك مكتوبك واكيد ربي راح يعطيك الي تتمنايه انشاء الله...
ومن فضلكم كل واحد الي يقرا الموضوع يشاركنا برايو ........وفي الاخير هذا مجرد راي

[نيروز128]

بارك الله فيك عزيزتي على الموضوع القيم والطرح المتميز وأريد أن أضيف شيئا هو أن حالات الزواج التي نتجت عن علاقة قبل الزواج في الغالب ان لم تفشل تكون الثقة فيها معدومة بين الطرفين.
تقبلي مروري عزيزتي

[إخلاص]

وشبابنا اليوم انساو بلي احنا مسلمين والاسلام حرّم الخلوة بين الشباب والبنات وراحين تقولولي رحتي بعيد...

بالعكس غاليتي هذا بيت القصيد
لو فهِم الجميع لما حرّم ديننا الخلوة لما آلت حالتنا إلى هذه الأوضاع المزرية
يعجبك الحال الشّاب يخرج مع البنات و يجوّز وقته
و عند تفكيره في الزّواج يقل لوالدته شوفيلي بنت فاملية
يا إلهي علاه البنات إلّي عرفهم ما كانوش بنات فاميلية قبل أن يغريهنّ؟؟؟؟
لن يستقيم حالنا إن لم نعد إلى تعاليم ديننا
و إن كان تمسّكنا به يتّهموننا بالتّخلّف
فأنا معتزّة بكذا تخلّف
و قل لن يصيبنا إلاّ ما كتب الله لنا
لو وحدة خرجت مع ألف شاب راح تتعنّس طول عمرها و لا تتزوّج
و من إتّقت ربّها قد يفرّج الله عليها من حيث لا تحتسب
بورك لنا جمال طرحك غاليتي

[said78]

السلام عليكم ورحمة الله وبركاته
طاب يومكم واسعد الله صباحكم بكل خير
بداية اشكر الاخت الفاضلة على طرحها لهذا الموضوع الذي اراه كما يراه غيري مهما جدا وان كرر مرات ومرات فهو يستحق منا ان نبذل فيه النصح والارشاد والموعظة والتذكير لعل يكون منا من هو صادق مخلص نصحه لوجه الله الكريم فيقع كلامه في قلب مسلم او مسلمة غرته الدنيا وزخرفها وحاد عن الطريق المستقيم كما انني اعلم يقينا ان لكل كلام اذن فاسال الله الكريم ان يجعل لكلامي آذانا صاغية فالحق والحق اقول ان التذكرة لا تنفع الا المؤمنين و لا يتذكرها الا من كان له قلب او القى السمع وهو شهيد
وقبل ان اتكلم في صلب الموضوع اردت ان اعقب على قول صاحب الموضوع:
راني متاكدة بلي راح يلقى معارضة من البعض ويقول عليا بلي انا واحدة حابسة بالعامية نتاعنا وراهو عصري سابقني بلبزاف.....بصح ماعليش ياك يقولو( الساكت عن الحق شيطان اخرس)
ان المؤمن لا يبالي بمن يتكلم بغير الحق والواجب ان يعرض عن الجاهلين وما اكثرهم في زماننا لان حقيقة الجهل هي جهل الدين ومن اراد الله به خيرا فقهه في الدين كما اخبرنا الصادق المصدوق الذي لا ينطق عن الهوى وان كان الساكت عن الحق شيطان اخرص فالمتكلم بالباطل شيطان متكلم وقد سماهم الحق تبارك وتعالى بشياطين الانس ان هذه العلاقات التي نراها منتشرة في مجتمعاتنا انتشار النار في الهشيم سببها الحقيقي البعد عن الله عز وجل فمن نسي الله ولم يذكره عاقبه الله بان يتركه لهواه والشيطان ويكله الى نفسه تلك النفس التي ان لم تكن لوامة فهي امارة بالسوء فتراه يختلي بامراة لا تختلف عنه كثيرا لانها اعرضت عن الله بعلم او بغير علم وظنت انها ستظفر بزوج ينقلها من حياة الى اخرى تعتقدها حياة طيبة غير انها جهلت- وكم في الجهل من ضرر - وليتها علمت بان الزواج من الرزق وهو مكتوب في السماء وان الله يحرم عبده الرزق بالذنب يصيبه فكيف بمن يعصي الله ويصر على ذنبه ان الله عز وجل صور فاحشة الزنا تصويرا بليغا جدا لا يفهمه الا من كان على الحق فقال سبحانه وتعالى :
ولا تقربوا الزنا انه كان فاحشة وساء سبيلا
فمجرد القرب منه يكفي لان يحق على صاحبه غضب الرحمن والنهي عن الاقتراب من الشيء ابلغ بكثير وادق من التحريم في حد ذاته لان الله يعلم ان للفاحشة مقدمات فاعتبرها من الفاحشة وبين بان للزنا طريق من سلكه وقع في الفاحشة وبئس العاقبة وصدق من قال نظرة فابتسامة فموعد فلقاء فخطيئة -والله المستعان- فيا من انت على هذا الطريق السيء تب الى الله من قبل ان ياتي يوم لا تنفعك توبة ولا اوبة فالموت تاتي بغتة ووعد الله حق فلا تغرنكم الحياة الدنيا ولا يغرنكم بالله الغرور اسال الله الكريم ان يهدي كل مسلم ضال وان يرينا الحق حقا ويرزقنا اتباعه والباطل باطلا ويرزقنا اجتنابه وان يحسن عاقبتنا في الامور كلها ويختم لنا بخيروان يجعل خير اعمالنا خواتمها وخير ايامنا يوم نلقاه
انا جد اسف على الاطالة والاطناب فحقا الموضوع ذو شجون وليتني اوفيه حقه فاستسمحكم عذرا ويبقى رايي مجرد راي
تقبلوا مروري

[أحلام 86]

بارك الله فيك على الموضوع الهام و الهام جدا.....
"الحلال بين و الحرام بين و بينهما مشتبهات فاجتنبوها......."
و العبرة لمن يعتبر.
تقبلي مروري

[الحجاج الثاني]

.... انا احمل القدر الاكبر من المسؤولية للمرأة ..... نعم هي من حطت من قدرها لدرجة اصبحت ترتضي لنفسها ان تكون ملهاة في يد مرضى القلوب
... نصيحة الى كل البنات .... الاغلبية الساحقة من الذين اعرفهم وتحدثت اليهم في هذا الموضوع مجمعون على عدم احترام عشيقاتهم ...ويجن جنونهم لو سمعوا ان شخصا نظر فقط الى اخواتهم ..... فاتقي الله في نفسك اختاه .... وفي اهلك فالعار لايرحم

[الهنوف]

بارك الله فيكي اختااااه و كثر من امثالك و ربي يهدي جميع المسلمين

[Silver Diamond]

معاك حق اختاه اكثر الله من امثالك ....

[3afaf]

http://www.21za.com/pic/thankyou005_files/40.gif
لكل من ابدا رايه في الموضوع
وايضا شكرا على الردود الاكثر من رائعة لكـــــــم
بـــــــــارك الله فيكــــــم
انشاء الله نكونوا قدمنا نصيحة ولو بسيطة...