اتوحشت الريف و اخيال الزهرة ع مهيدي

[nth]

اتوحشت الريف و اخيال الزهرة و اتفكرت اجماعتي و لي نبقيه
اتوحشت احباب قابو ذا المرة و انساو احبيبهم كي سمحو فيه
خلاوه مهموم تايه في عثرة محروق بلا نار و الجرح مفنيه
اتوحشت اخللتي و احديث الزهرة و اتفكرت وليدها كانت تبقيه
ياك مقلش ما خطاتهش النعرة و يلا جاع وليدها من فمي تعطيه
حبك يا توفيق خلالي عبرة في قلبي ساكنة كي تفنى تفنيه
في صبحت لخميس من شاو البكرة مسيته بالخير و الموت ملاقيه
و اتحثلت بخلعتي راكب للظهرة مقصودي للمسافر حرت عليه
راحت الزهرة راحت الناقة الحمرة و اقديتي لدايمة بوليدك ربه
تهلي في عاهدك ذيك المرة ياك احلفتي بالعزيزة حبك لا تنسيه
سيد الشيخ مول القبة الخضرة و اهلالك فالعلالي نجمة تضويه
مول البرهان حاضر للنعرة تتهلى فالقايمة و وليدي تحضيه
يوم الحد درتها في ذيك الحفرة و اتحسست ترابها بدموعي نسقيه
يا تراب وصايتي يوم الزرة تتهلى في سالف الزهرة بلاك تنديه
كل مريرة ساهلة ليها وعرة و الدنيا علمها عند الله يحصيه
الموت الخالية ليها صكرة ما تعلمش خصيمها حتى تديه
راني في عذاب لعلى نبرى و انهاتي بخيالها ماني لاقيه
يا موتت لحباب معتاك بمكرة تدي قي لعزيز و الدوني تهديه
يا موتت لحباب كي جيتي قدرة خليتيني فالفانية عقلي خاطيه

و للقصيدة بقية

[nth]

إن كان هذا المنتدى للشعر الملحون و العارفين به فليردوا و ينتقدوا و خاصة مشرفه لتعم الفائدة و نستفيد منكم أم أنكم لا تقرؤون المشاركات الجديدة إلا بعد أيام و أسابيع

[ضوء القمر]

في انتظار البقية لأنك شوقتنا لاكمال القصيدة.
بوركت على ما كتبت .
اعذرني على ملاحظتي الساذجة ولكني لاحظت غياب حرف الغاء كليا فهل هذا راجع الى لهجتك؟
ولكني قرأت قصيدتك على حسب مفهومي فمثلا
اتوحشت الريف و اخيال الزهرة و اتفكرت اجماعتي و لي نبغيه
اتوحشت احباب غابو ذا المرة و انساو احبيبهم كي سمحو فيه
لا أدري ان كان هذا قصدك ام لا ولكني لا اعرف معنى آخر للكلمتين.

[nth]

أخي العزيز أنا من مدينة البيض فخور و معتز بلهجتي التي غاؤها قاف
و فهمك صحيح أخي العزيز فقابو هي غابو
شكرا على مرورك الكريم أخي العزيز

[nth]

يا موتت لحباب لياه الحقرة ليلة زوج ايام عشي هدمتيه
بعد العز اضحيت طامع في خزرة و انساسي في ساعة لي نلحق بيه
عاهدتك بالوفى ذاك لي يصرى و انتتمم عاهدك و بدمي نفديه
اولادك و اميمتك و لي كانت حرة كبدتها حارقة و الميتوم تربيه
الحمد لله بلي كان صرى ياك المكتوبة فارضة لا من تخطيه
يا موتت لحباب تتهلي فالزهرة و التوفيق صغير لياه اتبكيه
الشيب عزيز و تجيبه قمرة و يتالب صاحبه و التالف يخطيه
المانع خالقي قدر ذا القدرة و اداهم في جواره بين ايديه
صبري صبرين و نكمد ذا الحصرة و انسيسع خاطري بالقول انفاجيه
راح وليدي و راحت لي كانت سترة لعيوبي كاتمة و السر تقطيه
و للقصيدة جزء أخير