بكاء .................... الكلمات

[Moha le sage]

بعثتلي صديقة ... قالتلي وش بيك حزين وكرهان قلتلها :


كي تحسي بلي الدنيا ... معطتكش واش تستاهلي.... تكرهي ..
كي تشوفي بالي الناس الي تحبيهم يروحو ... و اللي تكرهيهم يبقاو ... تكرهي
كي تشوفي بالي الدنيا .. حجر ... ونتي كيان .. وتلتزمي الصمت .. ماه ما يقلوش حساسة... تكرهي .
كي تحسي بالي الوقت اللي راح .. راحت بنتو معاها ... و اللي راهو جاي مفيهش حلاوة .. تكرهي
كي تديري صحاب.. وتلقايهم عدية .. كي تفتحي قلبك للناس وتلقايها ما تستاهلش ... تكرهي
كي تشوفي بلي صغيرة ... وتحسي بلي شفتي في دنيتك لكثير.. تكرهي
كي يعكسك اعز صديق. . و يخونك اقرب حبيب.. تكرهي
كي تحسي بالي مهما درتي.. و مهما فعلتي .. متاثريش على جبروت العالم ..تكرهي
كي تحسي بلي راكي تجدفي عكس التيار.. و المحيط عميق .. و الجزيرة سراب بعيد ..تكرهي
كي تحسي بالي العمر .. لحضة وداع ... تكرهي
كي تعرفي باللي الذراري يحوسو على المتعة... و البنات على المال ... تكرهي
كي تحسي بالي ماتنتميش لهاذ العالم.. بانك غريبة.. بانك ضيفة .. ملقاتش الي ياويها في يوم بارد وممطر...تكرهي
كي تحسي بالي الصداقة هي اجمل كذبة... و ان الحب هو احلى اسطورة تكرهي
كي تحسي انو قدرك انك تعيشي تعيسة ... تكرهي
كي توالفي صحاب و احباب في منتديات .. وتطفي جهازك وتخرجي للبر .. تلقاي روحك غريبة ... تكرهي
كي تضوقي السكر و تلقايه مر .. و الاذواق كلها علقم ... تكرهي
كي تعرفي بالي اللي يقرى في هاذو الكلمات ... مهوش صديق ولكن عابر مواضيع تكرهي..
كي تحسي بان قلبك يميل لانسان .. حقير.. و ان الرذالة هي شيمة العصر .. تكرهي
كي تحسي ان قلبك وردة ... و كي تهديها لانسان في عوض ما حفضها في كاس ماء .. يعفسها .. تكرهي


http://www.alhayrh.com/galry/albums/userpics/c-751.jpg


محمــــــــــــــد

[أحلام 86]

السلام عليكم ورحمة الله و بركاته
كونك عاقل يا اخ Moha le sage الحياة فيها اشياء كثيرة تستاهل ...فيها اصحاب حقيقيين وفيها ناس تحب بصدق ...و العالم هذا عالمك لازم تقبل بيه كما هو ....و لا اظن انه يوجد على وجه الارض انسان يملك كل شيئ (المال و السعادة والراحة و.....و.......)هذه هي الحياة .....لازم تقاوم اشياء كثيرة باه تقدر تعيش.
نتمنالك حظ أوفر ان شاء الله
bye1bye1bye1
تقبل مروري

[اسماعيل007]

نتمنالك حظ أوفر ان شاء الله

[Moha le sage]

السلام عليكم ورحمة الله و بركاته
كونك عاقل يا اخ moha le sage الحياة فيها اشياء كثيرة تستاهل ...فيها اصحاب حقيقيين وفيها ناس تحب بصدق ...و العالم هذا عالمك لازم تقبل بيه كما هو ....و لا اظن انه يوجد على وجه الارض انسان يملك كل شيئ (المال و السعادة والراحة و.....و.......)هذه هي الحياة .....لازم تقاوم اشياء كثيرة باه تقدر تعيش.
نتمنالك حظ أوفر ان شاء الله
bye1bye1bye1
تقبل مروري



يجو لحضات في حياتك تكرهي فيهم كلش بعدما يخونك صديق ولا يتركك حبيب ولا تحسي بلي مكانش لي يفهمك ... كي يتعمر قلبك تفرغيه ..

باقيها حياتنا كامل مقاومة ضد الصعاب والوقت اللي تبدل

يعطيك الصحة احلام وكثر خيرك على كلماتك الجميلة

[نور الاخرة]

السلام عليكم
اخي محمد اعطي حبك لله تعش مرتاح والباقي لا تفكر فيه
ناس بكري يقولوا اللي حبني مابنالي قصر واللي كرهني ماحفرلي قبر
اتمنى لك كل التوفيق وتفاؤل خيرا تجده
تقبل مروري

[LA BRUNETTE]

كي تكون غايا و تقرا موضوع كيما هاك ماشي غي تكره
يا خويا علاش تقتط و تقنطنا معاك
حتى حاجة ما تستاهل

[إخلاص]

كي تشوفي بالي الدنيا .. حجر ... ونتي كيان .. وتلتزمي الصمت .. ماه ما يقلوش حساسة... تكرهي .

هذي صعيبة نتاع الصّح
تعرف أنا واش نكره
كي نلقى روحي عايشة بنيتي و لّي معايا يمشوا بالحيلة و لغدر نكره
و كي يجري عمري و نبقى حابسة نكره
قاستني كلماتك موح
ربّي يسعدك دنيا و آخرة
شكرا لك

[سماح كمال]

اخي محمد لا داعي لتضخيم الامور كل ما ذكرته وارد وكان عليك فقط توقعه ,ردتك فعلك تجاه كل ما ذكرة عوض ان تكون سلبيه وتكره وتنطوي كان بوسعك التحدي وجعلها اجابيه مهما خانني صديق لا افقد الامل وابحث عن غيره مثلا ومهما قوبلت بالسيئه لا اتغير واظل انا الخيير والمتفائل الذي يسعى الى ان لا تهزه الصدمات ولا تغير الرياح كيانا هو بناه.
اتمنى ان اجدك في تفائل في كتاباتك القادمه تقبل كل احترامي وارجو ان كلامي لا يحمل القسوة.