|
رد: أمثال جدتي .....رحمها الله
السلام عليكم و رحمة الله تعالى و بركاته
1- حدثني على لي نحب و لو كان بالكذب 2- طولت البال تهدم الجبال 3- كاين لي يصبر و كاين لي يجبر و كاين لي يوصل للقبر 4- قالتلهم الموت المليح نشمو و الفايح نعيا و نلمو 5- إلي ما عندو البنات . ما لقاوه واين مات . 6- لي جابت الطفلة في بكرتها جابت خادم لركبتها 7- يا دهر ما يأمنك حد أيام الفرح و الزهو راحو . إلي يكره من بعد ما حب الله يكسر من جناحو |
رد: أمثال جدتي .....رحمها الله
امثال في الصميم
حفظها الله و اطال عمرها في انتظار المزيد مشكورة |
رد: أمثال جدتي .....رحمها الله
السلام عليكم و رحمة الله تعالى و بركاته
جدتي متوفية يا أخي ربي يرحمها و يوسع عليها هي و كل موتى المسلمين . |
رد: أمثال جدتي .....رحمها الله
رحمها الله وتغمدها فسيح جنانه كلمات متميزة بوركت
|
رد: أمثال جدتي .....رحمها الله
اقتباس:
أسأل الله العظيم رب العرش العظيم ان يتغمدها بواسع رحمته و يسكنها فسيح جنانه مع النبيين و الشهداء و الصديقين وحسن اولئك رفيقا تحيتي لك |
رد: أمثال جدتي .....رحمها الله
1- سلم عليا خويا بن ما . و ما سلمش عليا من قلبو . قالي اسمحيلي لالا بنت ما بنات الناس غلبو
2- ما درتي فيا يا الكنة راهو فيك يسنى |
رد: أمثال جدتي .....رحمها الله
اقتباس:
اللهم آمييين شكرا أخي |
رد: أمثال جدتي .....رحمها الله
1 - جاز مجازي تكسر عكازي
2 - كي تتفاهم العجوزة و الكنة يدخل ابليس للجنة 3 - ما بقى في الواد غير حجاروا 4 - هو مديه الواد و هو يقول محلى البرودة 5 - لي باعك بالفول بيعو بقشورو 6 - أنا نحفرلو في قبر أمو و هو هاربلي بالفاس 7 - خوك خوك و لا يغرك صاحبك |
رد: أمثال جدتي .....رحمها الله
- لي راح و خلاك يجي النهار و يتمناك
-إن شاء الله يجعلني مرسى الناس كامل ليا ترسى |
رد: أمثال جدتي .....رحمها الله
- الضيف ما يتشرط و مول الدار ما يفرط
- لي يعرف عزو الكلام ما يهزو |
| الساعة الآن 03:04 PM. |
Powered by vBulletin
قوانين المنتدى