|
رد: طلب كيفية المقروض
السلام عليكم
. . . . اخيتي رحيل انا قلت بالنسبة لي جربته و ما صدقليش لكن لا انكر ان هناك مقروط يطيب في الكوشة يجي شباب انا مثلك ذقت مرة عند جارتي مقروط الكوشة والله ما تشبعي مازال ذوقه في فمي و بما انهم يقولو عاند لا تحسد هرعت الى الكوزينة و صنعت مقروط الكوشة :1: مازال ذوقه في فمي لاني لا ادري مقروط الارض ولا من المريخ :19::19: فصرالي هاك :10: و شبعت هاك :18: و ضيافي صرالهم هاك :17: |
رد: طلب كيفية المقروض
و عليكم اسللام و رحمة الله وبركاته ان شاء الله ينجحلك المرة القادمة...هكذا تتعلمي.... و لكن لما تجربي وصفة جديدة ديري كمية صغيرة ليك و لابن عمك على قول ام هديل... هكذا الا ما نجحتش ما تتفضحيش مع ضيافك... |
رد: طلب كيفية المقروض
السلام عليكم و رحمة الله و بركاته...
يسعدني ان اشارككم في هذا الموضوع و ان ارد على الاخ سليم فبالنسبة لي احسن مقروظ هو مقروظ الكوشة الذي نعمله عندنا في قسنطينة فهو رائع حقا و سلطان السينية ، و بالنسبة للقياس فهو 3 كيلات سميد متوسط الحجم و كيلة سمن ذائب نخلطوهم مع بعض ثم نزيدو نحطوا شوية جلجلانية في الدقيق و نضيف الملح حسب كمية الدقيق و نبلوه بشوية ماء زهر و شوية ماء دافيء حتى يتلم العجين ، نعجنوه مرة او 2 فقط ثم نعمل حربوش نفتحوه و نحطو فيه الغرس و نغلقو الحربوش و نعدلوه مليح ثم نطبعوه بالطابع و نقصوه و نطيبوه في الكوشة ، نضع الحبات متلاصقة كما قالت رحيل كي لا يحترق . عند التقديم نشهروه في عسل ساخن فيه ماء الزهر او ماء ورد و نقطروه في الكسكاس ثم نحطوه في صحن التقديم ، و نذرذرو عليه من فوق جلجلان محمص او كاوكاو مرحي. ممكن نعملوه ايضا في المعمول ، نعمل قطعة من العجين في يدي نبسطها ثم نحط في وسطها كعبارة صغيرة من الغرس و نلمها ، نحصل على كعبارة نحطها في المعمول ثم نخرجها ، نحصل على شكل جميل ، عند التقديم نشهروه ثم نذرذرو عليه جلجلان محمص او كاوكاو مرحي. بالنسبة للغرس و هو عجين التمر نخدموه مليح و نحيوا منو الزوائد مثل قطع النوى ، كما يمكن ان نرحيه ثم نخلطوا معاه شوية قرفة مرحية ، شوية طيب(قرنفل) مرحي و شوية ماء زهر ونعجنوه بشوية زيت و نخلطوه مليح و نعملو منو خيوط طوال. لي عودة لاضع الصور فانا مستعجلة الان ، ان وجدت صور قديمة اضعهاو الا فانني انتظر حتى نعمله للعيد و اضعها. جربوه و لن تندموا. |
رد: طلب كيفية المقروض
جميل جدااااا ..اعجبني طريقة صنع المقروظ القسنطيني ...و العين تموشنتي يبدو ان مقروظنا يختلف عن تاعكم علما انني احب المقروظ المقلي لان تاع الكوشة له ذوق مختلف يشبه احيانا للمثقبة خاصة انه مصنوع بالتمر(الغرس) بالنسبة لي المقلي و المخدوم باللوز او الكاوكاو لا غنى لنا عنه في العيد .. |
| الساعة الآن 09:09 PM. |
Powered by vBulletin
قوانين المنتدى