|
قلت:.....
يا فاعل الخير، وعد تلقـــاه ......يوم لحساب بالعين تشوفو ويا فاعل الشر بلاك تنساه ......بلسان لحياة تقرا حروفـــو الشر بالشر، شر مثنـــــاه ......والخير بالخير تترص صفوفو بقلمي |
رد: قلت:.....
والايمان بالله نور يعلاه ....يوم القيامة بيه تعرفو
لا جاه ولامال يدوم لمولاه....غير الصّحة بالدعا يرفع كفوفو وهاذ العوم ماني موالفاه....غير التّيار يجبدني مجدافو نطلب من الله العالي في سماه....يرفع شان كاتب حروفو |
رد: قلت:.....
العاقل يشكر الي خلقو او رباه.......او عمرو ما يطغى با كتافو
في الخير و الضيق يحمد الله......يحذر من الشيطان و ازعافو يرضى بالمكتوب ما يقول و اعلاه......من غير الله ما كان شي اخافو هذا هو المومن قولو لي و ين راه.....من اهل الجنة باينة اوصافو ما شي كل من يسب يماه او باباه.......و بدراهم الحرام على الكعبة طافو اعوذ بالله من المنافق ما كلاه.......ما نحب عشرتو و لا معروفو يا رب قلبي مريض و انت دواه......النبي حبيبنا عز من شافو بقلمي |
رد: قلت:.....
ياسامع القول ،هاذالنّظم محلاه....وفي بحور الشّعر أجمعت صدافو
كلام الخير على الخير زكّاه..........وقلامنا في الحقّ صارت سيوفو ياغافل اسمع النّصح وعلاه..........سلّمت للشّيطان وقبلت بأعرافو لحلال بيّن ولحرام مكواه.............بلاك يهفّك بهفوفو هذا قولي،وعندي طلبة لمول الجاه......يغفرلي ومن الكوثر نغرف مغرافو وفي الجنّة نلقى لحباب وآآآآآآآه...........ونقطف من كل ثمرة قطوفو |
رد: قلت:.....
و انا نقول عبد الوهاب وراه ..و هو في الشعر مكسر راسو احتجتوا في موضوع الأه ..و حوست عليه ما لقيتو ازرب لينا و جيب معاه ..أبو لبانة اللي توحشتو |
رد: قلت:.....
ويا حاسد الناس ما تترجاه؟!...قسَّام لرزاق لازم تخافو يعطيك مالخير ما تتمناه...حالك الصعيب يصير لخلافو والقناعة كنز مغطي بغطاه...الفرح تذوقو بكل صنافو بالكرم والجود تتقرب لله...يا سعد البيت يضيق بضيافو |
رد: قلت:.....
ياسلااااااااااااااااااااااام
|
رد: قلت:.....
أبدعتم يا فطاااحل:11: واصلوااا و أمتعونا بوركتم و لا هنتم |
رد: قلت:.....
واللي فات قديموتاه ..... عايش وحداني بلا وليفو
والحارث في غيرارضه مغباه .... حسب حساب ومنو شاطلوصرفو ولمكسي بكسا الناس ماعراه .... . ولوكان يلفوه بحريرهم وصوفو والداق على ببان الغيريامخسرمسعاه ..... من غيرالله يندل ويطيح نيفو وكل طيريلغابلغاه...... لعذب منو في القلب يرفرف هتافو احرص على الموت وجري وراه ..... تصيب مال قارون بصح عندك تسرف اسرافو |
رد: قلت:.....
ذكرني بقول مأثور للشيخ المجدوب
يا زاارع الخير حبة يا زراع الشر ياسر مولا الخير ينبا ومولا الشر خاسر |
رد: قلت:.....
اقتباس:
السلام عليكم... أنا عمبالي نتا راح تشعر، دخلت نجري...:8: |
رد: قلت:.....
السّلام عليكم ورحمة الله وبركاته
شكرا لردودكم المشجّعة ، أسعدتني كلماتكم لكن كم أتوق لرأي أستاذنا الفاضل عبد الوهاب طيباني |
رد: قلت:.....
الكيّس اللّي دان نفسه ولجم هواه.....وتحرّى عن اللّقمة قبل ماتوصل جوفو
والمومن يلومها عقب اللّيل وظلاه ................ويقطع طول الرّجا وتسويفو مايعلم الغيب غير الله ................كون في طاعتو واستنّى تصريفو وصل الدّم .....ومن ولاه ..........قبل ماتتوسّد الثرى واتّتلحّف بلحافو ياقاري ذالقصيد طيباني بداه......وخلاّنا بين مفعول وفاعل وتصريفو ينظر من تحت لاعلاه............ويتبسّم على زين لكلام وتحريفو ياسيدي ولخضر واتاه .........غير لمحة نبقاوا ولاّ ننصرفوا ؟؟؟؟؟ واذا حاب معلّقات في الدزاّير وهواه......في صدر الشّروق نكتبو وأكنافو |
رد: قلت:.....
الرجل في هذي الدين تاه.....واحد ما يذكر اليوم معروفو خافوا من عدلوا قالوا شاه.....الف كذبة لصقوها باوصافو سجنوه عذبوه قطعولو الشفاه ......غاروا منو كسرولوا اكتافوا انصاف رجال حساد جحاد الله.....اتشبهوا بالنسوان او راحو يخطفو وقفوا على المنبر مال او جاه.....لو كان الحق كاين عليه ما يوقفو الدنيا هكذا ديما انقول و اعلاه.....كلام الصواب نكرولو حروفو.... |
رد: قلت:.....
قدام الناس تاقي مولاه...و سواد قلبو ربي اللي شافو طبيب تتعافى المرضى بـ دواه...والأمراض الكل ساكنة جوافو مكَّار حقَّار والكل يخشاه ...وإذا طاح الليل يخاف من طيافو المبدعين أعلاه حاولت عبثا أن أجاريكم ولكنكم رفعتم الريتم كثيرا فصعبتم المأمورية كتوضيح فقط: الأبيات الثلاثة منفصلة عن بعضها أي انها تعبر عن ثلاث حالات مختلفة |
رد: قلت:.....
المومن الحقّ دينه جمر بلظاه .....صابر عليه ولوكان يقطّعوا أطرافو
ما يقول ياربّي (متى)و(علاه)......محتسب ومتيقّن في تصريفو هو مايبان في النّهار وضياه .......وفي الصّلاة الأولى صفوفو قانع برزقو ،خبز وماه ...............ويقول :ياربّي لك الحمد ،ويتصدّق بحريّفو واذا طاح اللّيل والنّوم جفاه.......يتقلّب ويناجيه يشّملو بلطفو هومالومكان يغشاه ..............ومايجري ورا الّدنيا ،والحسد مايعّرفو يقوم اللّيل ولا حد يراه ..........والنّعيم عايش على طرايفو عزيز النّفس تحسبو شاه......مايسأل حدّ الحافو يتبع الّدين الصّحيح وفحواه....مايتشدّق بالقرآن ويتغلّف بغلافو اذا قال الرّسول صلّى عليه .....واتّبع النّصح بلا تصوافو ودعا لله وقال:هذا دين وسط وتاه....من يتعصّب فيه ويطرّفوا يوم الحشر نور وراه ..........والمجرم يتّعجّب فوصايفو يقول:هذا ماكنت نرضى نمشي معاه.....كان فقير،معدوم النّاس تعطفو اليوم صار يبان بعلاه ....والكلّ من نورو تستعطفو فرحان بما أتاه الله ......واذا لكتب اتّطايرت بأيمانو صحفو والنّدم قتل مولاه .....يقول :يارتني كنت بجنبو ولاّ خلفو |
رد: قلت:.....
دنيا يعشقها شيطان.....و العاقل المومن فيها غريب دنيا تحكمها ماريكان......و المسلم متهوم بالترهيب محكمة قضاتها نسوان.......الله لا يدي ليها حبيب ما نيش نحكي كان يا مكان.......الشر لبعيد صار قريب الحرب حرب اديان و ايمان......ماكاين لا تغريب و لا تعريب حرب ضد مبادئ الفرقان.....ضد العدل نار او تخريب يا ناس انا ضحية طغيان....ماني متنبي و لا مجذوب قلبي يتنفس من الظلم نيران.....كل شي صار ماشي بالمقلوب |
رد: قلت:.....
اقتباس:
بوركت أخي وهاب غبريني ... فقط بعد اذنك ،ننتظر أن تجمع باقي المقاطع وتضمّ الى القافية الشعرية ان صحّ التعبير ومن ثمّ نبدأ في قافية جديدة تكون بدايتها مقطعك هذا .....فقط نحن بانتظار شاعرنا ومرشدنا الشّاعر عبد الوهاب طيباني .... نقطة نظام:أرى اليأس يتوشّح كتاباتك ...أرجوك القليل من الأمل ليدوّن على صفحات التّاريخ تحيّة للجميع . |
رد: قلت:.....
دنيا فوضى و النظام وين راه.......الشعر تخلطت علي حروفو لو كان في الفصيح انا باباه.....بصح في الملحون ماكان ما تشوفو لكلام فعل او فاعل بناه.....و البنة في الملح الي تضيفو احفظو من الفصيح معناه.....و اطلبو من العالم معروفو انا مريت هنا كاش ما نلقاه......راس مشومر يحتاج مصروفو... :7: |
رد: قلت:.....
تهت وانا ندور نبحث عن الخير ومغلاه ........قلت لخويانهديه ونورو في قلبو يشوفو
ضويت شمعة وعليتها في سماه ......وقلت يالقانط من روح الله ماانت عبدو ماتعرفو ؟؟ هو الله العالي مايبان بهاه .......وسرو في عقلك وعايش بلطافو زرعت خصن خضر وطال محلاه ....وقلت في علاه يبان صفصافو جا خويا برجلو داس عليه .........وسار بلا سبيل من بعيد تسمع تأفافو قلت يالله نروح بلاه ........قلبي مهموم وحزين وزادلو خويا سيافو |
| الساعة الآن 08:24 AM. |
Powered by vBulletin
قوانين المنتدى